Iragarkia

252. ALDIZKARIA - 2025eko abenduaren 19a

1. NAFARROAKO FORU KOMUNITATEA

1.7. BESTELAKOAK

1088E/2025 EBAZPENA, urriaren 2koa, Ingurumeneko zuzendari nagusiak emana, zeinaren bidez onesten baita etxeko beirazko ontziak biltzeko Lankidetzarako Esparru Hitzarmena sinatzea Beirazko Ontziak Birziklatzeko Sozietate Ekologikoarekin (aurrerantzean, ECOVIDRIO), Nafarroako Foru Komunitatearen lurralde eremuan.

Beirazko Ontziak Birziklatzeko Sozietate Ekologikoa (aurrerantzean "ECOVIDRIO") ontzien eta haien hondakinen ekoizlearen erantzukizun hedatuko sistema kolektibo (EEHSK) bat da, Hondakinak eta Lurzoru Kutsatuak arautu eta Ekonomia Zirkularra bultzatzeko 2022ko apirilaren 8ko 7/2022 Legeak eta ontziei eta ontzi hondakinei buruzko abenduaren 27ko 1055/2022 Errege Dekretuak xedatutakoari jarraikiz. Madrilgo Autonomia Erkidegoak baimena eman dio, han baitu egoitza soziala, Espainiako lurralde osoan aritzeko, etxeko beirazko ontzien eta ontzi hondakinen ekoizlearen erantzukizun hedatuko sistema kolektibo gisa (EEHSK).

Aipatutako Errege Dekretuaren 33. artikuluari jarraikiz, ekoizlearen erantzukizun hedatuko sistema kolektiboek hitzarmenak lotuko dituzte administrazio publikoekin, beren produktuetatik eratorritako hondakinen kudeaketa finantzatzeko eta, hala badagokio, antolatzeko. Hitzarmen horiek herritarrak informatzeko eta sentsibilizatzeko kanpainen antolaketa ere arautuko dute. Administrazio publikoek gauzatuko dituzte kanpaina horiek –eta sistemei dagokie haiek finantzatzea, hitzarmenean ezarritako kopurua eta zenbatekoak aintzat hartuz–, salbu eta hitzarmenak esplizituki uzten badu sistemaren esku kanpaina horiek egiteko erantzukizuna.

Ekonomia Zirkularreko eta Berrikuntzako Zerbitzuko Hondakinen Atalak hitzarmen hori sinatzea proposatzen du.

Nafarroako Foru Komunitateko Administrazioari eta Foru Sektore Instituzionalari buruzko martxoaren 11ko 11/2019 Foru Legearen 88. artikuluak xedatzen duenez, oinarrizko legediarekin bat, hitzarmenak dira ondorio juridikoak dituzten akordioak, helburu komun bat lortzeko adosten dituztenak administrazio publikoek, haiei lotutako edo haien menpeko erakunde publikoek eta zuzenbide publikoko entitateek edo unibertsitate publikoek, elkarren artean edo zuzenbide pribatuko subjektuekin.

Antzera, Sektore Publikoaren Araubide Juridikoaren urriaren 1eko 40/2015 Legearen 48.1 artikuluak ezartzen duenez, "Administrazio publikoek, haien organismo publikoek eta haiei lotutako edo haien mendeko zuzenbide publikoko erakundeek, beren eskumenen esparruan, hitzarmenak izenpetzen ahalko dituzte zuzenbide publikoko subjektuekin, eskumenaren titulartasuna lagatzen dela ulertzeko biderik eman gabe".

Horrenbestez, Nafarroako Foru Komunitateko Administrazioak proposatzen den hau bezalako hitzarmen bat izenpetu dezake ECOVIDRIOrekin, oinarrizko legeriak eta foru legeriak horretarako ahalmena ematen baitiote. Hitzarmenaren edukiak atxikitzen ditu Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 89. artikulua eta Sektore Publikoaren Araubide Juridikoari buruzko urriaren 1eko 40/2015 Legearen 49. artikulua.

Haren tramitazioan, aipatutako foru legearen 90. artikuluan xedatutakoa bete beharko da, eta beraz, egitura organikoen arabera ebazpena emateko ahalmena duten pertsonen ebazpen baten bidez onartu beharko da.

Idazkaritza Nagusi Teknikoak jakinarazi du proposatutako hitzarmenak ez dakarrela Nafarroarentzako ordain ekonomikorik.

Adierazitakoarekin bat, eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidan eskudantziak erabiliz,

EBAZTEN DUT:

1. Nafarroako Foru Komunitatearen eta ECOVIDRIOren artean beirazko ontzien inguruan lotutako Lankidetzarako Esparru Hitzarmenaren sinadura onartzea.

2. Sinatu ondoren, hitzarmena inskribatzea Nafarroako Foru Komunitateko Hitzarmenen eta Akordioen Erregistroan.

3. Ebazpen hau helaraztea Nafarroako Gobernuko Landa Garapeneko eta Ingurumeneko Departamentuko Hondakinen Atalari.

4. Ebazpen hau jakinaraztea Ecovidrio-ri.

5. Ebazpen honek ez du administrazio bidea agortzen eta beronen aurka gora jotzeko errekurtsoa jartzen ahal da, Landa Garapeneko eta Ingurumeneko kontseilariari zuzendua, jakinarazi eta biharamunetik, hilabeteko epean. Administrazio publikoek administrazioarekiko auzi errekurtsoa jartzen ahal dute jurisdikzio ordena eskudunari zuzendua, ebazpen hau jakinarazi eta biharamunetik hasita, bi hilabeteko epean, galarazi gabe Nafarroako Gobernuaren aurrean aldez aurretiko errekerimendua egiteko aukera, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan finkaturiko modu eta epeetan.

Iruñean, 2025eko urriaren 2an.–Ingurumeneko zuzendari nagusia, Ana Bretaña de la Torre.

NAFARROAKO FORU KOMUNITATEAREN ETA ETXEAN ERABILTZEN DIREN BEIRAZKO ONTZIEN EEHSK ZERBITZUEN ARTEAN SINATUTAKO LANKIDETZARAKO ESPARRU HITZARMENA

Iruñean, 2025eko urriaren 13an.

BILDU DIRA

I. Alde batetik, Ana Bretaña de la Torre andrea (nortasun agiri nazionala: ---------). Nafarroako Foru Komunitatearen (aurrerantzean, "Foru Komunitatea") izenean eta ordezkari gisa, Ingurumeneko zuzendari nagusia izanik bera. Haren esku-hartzea oinarritzen da Azaroaren 15eko 255/2023 Foru Dekretuan, haren bidez ezarri baitzen Landa Garapeneko eta Ingurumeneko Departamentuaren egitura organikoa.

II. Beste aldetik, José Manuel Núñez-Lagos Bau jauna, nortasun agiri nazionala: ---------; helbide profesionala: Estébanez Calderón, 3-5, 4. solairua, 28020 Madril.

Beirazko Ontziak Birziklatzeko Sozietate Ekologikoaren (aurrerantzean, "ECOVIDRIO") izenean eta haren ordezkari gisa parte hartzen du. Elkarte hori irabazi asmorik gabekoa da, Elkarteen Erregistro Nazionalean 160.493 zenbakiarekin inskribatuta dago, identifikazio fiskaleko G-81312001 zenbakiarekin, eta helbidea du Estébanez Calderón kalea 3-5, 4. solairua, 28020 Madril.

ECOVIDRIOk Madrilgo notario Álvaro Lucini Mateoren aurrean 2012ko otsailaren 3an emandako ordezkaritza ahalmenaren arabera ari da, 201 protokoloko zenbakiarekin.

Aurrerantzean, "Alderdiak".

Parte-hartzaileek, dagokien ordezkaritzaren baitan, agiri hau emateko gaitasun juridiko aski aitortzen diote elkarri eta, horretarako,

ADIERAZTEN DUTE

I. EEHS direlako sistemak beirazko ontzien ekoizlearen erantzukizun hedatuko sistemak dira (EEHS). Horiek arautzen dira Hondakinak eta Lurzoru Kutsatuak arautu eta Ekonomia Zirkularra bultzatzeko 2022ko apirilaren 8ko 7/2022 Legean (aurrerantzean, "Hondakinen Legea") eta Ontziei eta ontzi hondakinei buruzko abenduaren 27ko 1055/2022 Errege Dekretuan (aurrerantzean, "Ontzien Errege Dekretua").

II. EEHSen misioa zera da, modu efikaz eta efizientean, eta administrazio publikoekin lankidetza estuan, Hondakinen Legeak beirazko ontzien hondakinak kudeatzeari dagokionez EEHSei atxikitako enpresei ezartzen dizkien betebeharrak betetzea, ekonomia zirkularraren eta garapen iraunkorraren printzipioetan laguntzeko asmoz.

III. EEHSak Administrazio publikoaren aliatu estrategikoak dira, Espainian beirazko ontziak birziklatzeko helburuak betetzeko, eta eredu efiziente, jasangarri eta garden baten alde jokatzen dute, inplikatutako eragile guztien erantzukizun partekatuan oinarrituta eta gizarteari zerbitzua emateko bokazioak gidatuta.

IV. EEHSek Madrilgo Autonomia Erkidegoaren baimena dute, egoitza soziala han baitute, Espainiako lurralde osoan jarduteko, Hondakinen Legearen 50.2 artikuluan eta Ontzien Erregelamenduaren 20. artikuluan aurreikusitakoarekin bat etorriz. Atxikirik doaz dagozkien baimenak, I. eranskin gisa.

V. Hondakinein Legearen 44.1 artikuluak eta Ontzien Errege Dekretuaren 21.1.c) artikuluak ezartzen dute ekoizlearen erantzukizun hedatuko sistema kolektiboek (aurrerantzean, EEHSK) hitzarmenak eginen dituztela ontzien hondakinen kudeaketa finantzatzeko eta, hala badagokio, antolatzeko, administrazio publikoek hondakinen kudeaketaren antolaketan esku hartzen dutenean. Ontziei buruzko Errege Dekretuaren 33.2.a) artikuluaren arabera, toki entitateek kudeatutako hondakinak ukitzen dituzten hitzarmenak, ahal dela, autonomia erkidegoetako/komunitateetako agintari eskudunen bidez lotuko dira, eta haiek bermatuko dute toki erakundeen parte hartzea horien negoziazioan eta ondorengo jarraipenean.

VI. Hitzarmen horiek, Sektore Publikoaren Araubide Juridikoaren urriaren 1eko 40/2015 Legearen 47. artikuluaren 2.c) apartatuaren babesean, lege horretan xedatutakoaren arabera arautuko dira eta, horrenbestez, aintzat hartuko dira aldeek negoziazioan eta formalizazioan dituzten askatasun, berdintasun eta parekotasun printzipioak, eta ezabatuko dira sektore publikoko kontratuei dagozkien prestazio guztiak.

VII. Ontziei buruzko Errege Dekretuaren 29. artikuluak etxeko ontzi hondakinak bereizita biltzeko, birziklatzeko eta balorizatzeko gutxieneko helburuak ezartzen ditu. Ekoizleek EEH sistemen bidez erdietsi behar dituzte helburu horiek.

VIII. Autonomia Erkidegoak eta EEHS sinatzaileek uste dute beirazko ontzien hondakinak ongi kudeatzeko ezinbestekoa dela kalitatezko birziklapena ezartzea, izan ere, ukaezina baita horri lotzen zaizkion ingurumen arloko onurak: klima aldaketaren aurkako lana, baliabide naturalen gehiegizko ustiapena minimizatzea eta biodibertsitatea babestea.

Horrenbestez, bi aldeek adostu dute lankidetza hitzarmen hau sinatzea (aurrerantzean "Hitzarmena"), honako klausula hauek gobernatuko dutena:

KLAUSULAK

1.–Xedea eta lurralde eremua.

Hitzarmen honen xedea da Nafarroako Foru Komunitatearen, hitzarmenari atxikitako toki entitateen eta EEHSen eskubideak eta betebeharrak arautzea, Hondakinen Legean eta Ontzien Errege Dekretuan xedatutakoari dagokionez, Nafarroako Foru Komunitateko lurralde eremuan sortutako beirazko ontzien hondakinak prebenitzea, berreskuratzea eta birziklatzea sustatzeko.

Hain zuzen ere, hitzarmen honen helburuak hauek dira:

(i) Beirazko ontzien hondakinak birziklatzeko eta bereizita biltzeko Ontzien Errege Dekretuaren 10. eta 29. artikuluetan aurreikusten diren helburuak lortzen direla bermatzeko beharrezko konpromisoak ezartzea.

(ii) Beirazko ontziek ingurumenean duten inpaktuaren prebentzioa eta murrizketa sustatzea, bai eta horien hondakinen kudeaketa ere, Ontzien Errege Dekretuaren 6., 7. eta 9. artikuluetan aurreikusitako bizi-ziklo osoan zehar.

(iii) Dagokion arautegia ezartzea, Nafarroako Foru Komunitateko toki entitateak atxiki daitezen Foru Komunitateak eta beirazko ontzien EEHSKek sinatutako hitzarmenari.

(iv) Bereizita biltzen diren beirazko ontzien hondakinek bete behar dituzten kalitate eskakizunetarako zehaztapen teknikoak ezartzea, 3. eranskinean aurreikusitakoaren arabera.

v) EEHSen jardun eremuko beirazko ontzien hondakinak kudeatzearen kostu efizientea eta beharrezkoa zehaztea (aurrerantzean, "Kostu efizientea eta beharrezkoa") eta, hala badagokio, EEHSek Autonomia Erkidegoari edo toki erakundeei, kasuan kasu, finantzatuko dizkieten kopuruak zehaztea, 2. eranskinean aurreikusitakoaren arabera.

Kostu efizientea eta beharrezkoa kalkulatzeko metodologiak kontuan hartuko ditu "hondakinak kudeatzeko zerbitzuak emateak ekonomia, gizarte eta ingurumen arloetan kostua/efizientzia erlazio ona izan ditzan beharrezkoak diren kostuak", Ontzien Errege Dekretuaren 23.4 artikuluan aurreikusitakoaren arabera.

(vi) Beirazko ontzien hondakinak bereizita biltzeko edukiontzien instalazioa sustatzea, 2. eranskinean eta 4. eranskinean aurreikusitakoaren arabera.

(vii) Informazio eta sentsibilizazio kanpainak sustatzea eta arautzea, honako hauetan aurreikusitakoaren arabera: (i) 2. eranskina, eta (ii) EEHS sinatzaileen komunikazio arduratsuko politikak eta komunikazioan baliatu beharreko funtsak kudeatzeko politikak. Eranskin horretan zehaztutakoarekin bat etorriz, frakzio anitzeko informazio eta sentsibilizazio kanpainen finantzaketa eginen da beira frakzioaren proportzionaltasun irizpide objektiboen arabera (versus beste frakzio batzuk), ekintza horien irismenean.

viii) HOJAKA (Hotelak, Jatetxeak, Kafetegiak) kanaleko establezimenduetan beirazko ontzien hondakinen bilketa bereizia sustatzea, 6. eranskinean aurreikusitakoaren arabera.

ix. Arauak jartzea partekatzen den informazioa zorrotza izan dadin, Nafarroako Foru Komunitatearen, hitzarmenari atxikitako toki entitateen, EEHSKen eta beirazko ontzien hondakinen kudeaketan inplikatuta daudelako hitzarmen honen jarduera eremuan sartzen diren gainerako eragileen artean.

x) Oro har, behar diren lankidetza eta jarraipen mekanismoak ezartzea bermatu ahal izateko, hitzarmen honen xedeari dagokionez, Hondakinen Legea, Ontzien Errege Dekretua eta aplikatu beharreko gainerako arauak betetzen direla, modu efikaz, efiziente eta jasangarrian.

Hitzarmen honen arabera EEHSek hartutako konpromisoak, Hondakinei buruzko Legean, Ontzien Errege Dekretuan eta aplikatu beharreko gainerako araudian eskatutakotik harago doazenean, neurri berean hartuko dituzte beren gain ekoizlearen erantzukizun hedatuko sistemek, beren jardun eremuan sartzen badituzte beirazko ontziak.

2.–Toki erakundeak atxikitzea hitzarmen honi.

(i) Hitzarmen honi beren borondatez atxikitzea erabakitzen duten toki entitateek beren erabakia jakinarazi beharko diote Foru Komunitateari, modu frogagarrian, eta erantsitako atxikitze akordioa sinatu beharko dute.(5. eranskina). Hitzarmen honi atxikitzeak hitzarmenaren edukia osorik onartzea ekarriko du.

(ii) Toki erakundeak hitzarmena sinatu eta hiru (3) hilabeteko epean atxiki beharko dira hitzarmenera. Toki erakunde bat aipatutako epean hitzarmenari ez atxikitzeak aukera emanen die hitzarmena sinatu duten EEHSei Kostu Efiziente eta Beharrezkoa ordaintzeari uzteko ("EEHSak ez du antolatzen, soilik finantzatzen du"), edo Hitzarmen honetan jasotzen den bezala, beirazko ontzien hondakinak bereizita biltzeari uzteko ("EEHSak antolatzen du"). Toki erakundeak atxikitzen badira aipatutako hiru (3) hilabeteko epea igaro ondoren, ez dute inola ere ahalmenik izanen EEHS sinatzaileei eskatzeko Kostu Efiziente eta Beharrezkoa ordaintzeko atzeraeraginez; atxikipenak formalizatzen den egunetik aurrera soilik izanen ditu ondorioak.

(iii) Toki erakundeen atxikipena bi modutan gauzatzen ahalko da: "EEHSak antolatzen du" edo "EEHSak ez du antolatzen, soilik finantzatzen du".

a) "EEHSak antolatzen du".

Udalerriak izendatutako EEHSa arduratuko da bere jardun eremuko beirazko ontzien hondakinak (BOH) bereizita biltzeaz, bai eta biltegiratzeko barrutira garraiatzeaz ere, modu efikaz, efiziente eta jasangarrian. Era berean, EEHS horrek bere gain hartuko du beirazko ontzien hondakinak bereizita biltzeko bere jardun eremuko bide publikoan jarri dituen edukiontziak garbitu, mantendu eta konpontzeko lanak. Apartatu honetan sartzen da, halaber, bilketa egin ondoren bide publikoan eroritako beirazko hondakin puskak garbitzea.

Zerbitzua emateko baldintzak, toki erakundea esparru hitzarmenari atxikitzen zaionean "EEHSak antolatzen du" modalitatearen arabera, 4. eranskinean daude zehaztuta.

b) "EEHSak ez du antolatzen, soilik finantzatzen du".

Toki erakundea arduratuko da bere jardun eremuan sartutako beirazko ontzien hondakinak bereizita biltzeaz, bai eta dagokien biltegira garraiatzeaz ere. Era berean, toki erakundeak bere gain hartuko du beirazko ontzien hondakinak bereizita biltzeko bere jardun eremuko bide publikoan jarri diren edukiontziak garbitu, mantendu eta konpontzeko lanak.

Kasu horretan, EEHSek Kostu Efiziente eta Beharrezkoa ordainduko diote toki erakundeari.

13. eranskinean adierazten da zer biltegiratze barrutian utzi behar dituen tokiko erakundeak beirazko ontzien hondakinak.

Biltegiratzeko barruti horiek aldatzen ahalko dira hitzarmenaren indarraldian, bilketa zerbitzuen ardura duen EEHSak kudeatzaileak kontratatzeko deialdietan zehazten ahalko dituen prozeduren ondorioz. Kasu horretan, toki erakundeari ordaindu beharreko Kostu Efiziente eta Beharrezkoa doituko da, 2. eranskinean aurreikusitakoa betez. Toki erakundeek kudeatutako instalazioetan kokatutako biltegiratze barruti baten erabilera bertan behera uzten bada, EEHSek finantzatuko dituzte ondorengo bestelako erabileretarako garbitzeko eta egokitzeko kostuak. EEHSek zuzkitu beharreko finantzaketa ezartzeko, kontuan hartuko da erabilera bakarreko beirazko etxeko ontzien sektoreko merkatu kuotaren ehunekoa (%), aurreko urte naturaleko abenduaren 31ko Produktu Ekoizleen Erregistroarekin bat etorriz.

Beira biltzeko eremuek edo biltegiek 3. eranskinean zehaztutako eskakizun teknikoak bete beharko dituzte.

Beira biltzeko eremuek edo biltegiek 3. eranskinean zehaztutako eskakizun teknikoak bete beharko dituzte.

(iv) Atxikitzeko akordioak, gutxienez, erantsitako ereduan 5. eranskin gisa jasotako edukia jaso beharko du.

v) Tokiko erakundeak, behar bezala justifikatutako arrazoi batengatik, bilketa zerbitzuaren ardura duen EEHSari eskatzen badio hitzarmen honekin lotzen duen modalitatea aldatzeko, honela jokatuko da:

a) "EEHSak antolatzen du" modalitatetik "EEHSak antolatu ez, soilik finantzatzen du" modalitatera aldatzea.

(i) Toki entitateak idatziz jakinaraziko die bilketaren ardura duen EEHSari, gainerako EEHS sinatzaileei eta Foru Komunitateari zein izan den modalitate aldaketa eragin duen arrazoia.

(ii) Bilketaren ardura duen EEHSak tokiko erakundeari jakinaraziko dio, hilabeteko (1) epean, eskaera horrek inpaktu adierazgarririk duen edo ez duen, toki erakundearen lurralde eremuan, EEHSaren jardun eremuan, ezarritako beira ontzien bilketa bereizia egiten duten kudeatzaileen eta EEHS horren beraren artean sinatutako kontratuetan. Inpaktu adierazgarritzat hartzen da murrizketa bat gertatzea toki erakundeen kopuruan, esparru hitzarmen honi "EEHSak antolatzen du" modalitateari atxikitako hasierako udalerrietako biztanleen ehuneko hogei (% 20) baino gehiagokoa bada.

Modalitatea aldatzeko eskaerak ez badu eragin nabarmenik EEHSen eta bilketa egiten duten kudeatzaileen artean sinatutako kontratuetan, EEHSak toki erakundearekin adostuko du zein datatik aurrera hartuko duen bere gain toki erakundeak bere lurralde eremuko beirazko ontzien hondakinak biltzeko ardura.

Aitzitik, modalitatea aldatzeko eskaerak eragin nabarmena badu EEHSKen eta bilketa egiten duten kudeatzaileen artean sinatutako kontratuetan, tokiko erakundeak eta EEHSak erabakiko dituzte beirazko ontzien hondakinen bilketa hori eskualdatzeko arrazoizko epea eta balizko baldintzak, hirugarrenei kalterik ez eragiteko, eta horren berri emanen diote Foru Komunitateari.

(iii) Toki erakundeak beharrezko neurriak hartuko ditu EEHSen jardun eremuan ezarritako beirazko ontzien hondakinak bereizita biltzeko erabakia bilketaren ardura duen EEHSarekin adosten duen datatik aurrera aplika dadin.

Tokiko erakundeak EEHS arduradunari eta EEHS sinatzaileei jakinaraziko die konpromiso hori hartu dutela hilabeteko (1) epean. Toki erakundeak epe horretan jakinarazpen hori egiten ez badu, ulertuko da uko egiten diola EEHS sinatzaileen jardun eremuan dauden beirazko ontzien hondakinak bereizita biltzeko asmoari.

(iv) EEHS sinatzaileen jardun eremuan dauden beirazko ontzien hondakinak bereizita biltzeko ardura bere gain hartu aurretik, tokiko erakundeak hitzarmen honi atxikitzeko akordio berri bat sinatuko du, eta "EEHSak ez du antolatzen, soilik finantzatzen du" modalitatera aldatu dela adieraziko du.

EEHS sinatzaileen jardun eremuan dauden beirazko ontzien hondakinak bereizita biltzeko ardura toki erakundeak benetan bere gain hartzen duen egunetik bakarrik ordaindu beharko diote EEHSek toki erakundeari Kostu Efiziente eta Beharrezkoa, eta hortik deskontatuko da EEHSak ezarri dituen edukiontzien amortizazioaren kostua, toki erakundearen lurralde eremuan biltzeko data horretara arte (betiere edukiontzi horiek tokiko erakundearen lurralde eremuan beirazko ontzien hondakinak bereizita biltzeko erabiltzeko asmoa badago).

Modalitatea aldatzean, tokiko erakundeak erabakitzen badu beirazko ontzien hondakinak bereizita biltzeko edukiontzi mota aldatzea, EEHSek beren gain hartuko dute ordezkatutako edukiontzi guztiak biltegi batera eramatearen kostu ekonomikoa. Biltegi horretan, gehienez ere, 4 hilabetez gordeko dira edukiontziak. Denbora horretan, eta ahal den guztietan, EEHSek edukiontziak berregokituko dituzte beste erabilera bat emateko.

b) "EEHSak ez du antolatzen, soilik finantzatzen du" modalitatea "EEHSak antolatzen du" modalitatera aldatzea.

(i) Toki entitateak idatziz jakinaraziko die EEHS sinatzaileei eta Nafarroako Foru Komunitateari zer arrazoirengatik aldatu den modalitatea, bai eta bilketa kudeatzeko hautatutako EEHS zein den ere.

(ii) Hautatutako EEHSak tokiko erakundeari jakinaraziko dio, hilabeteko (1) epean, eskaera horrek inpaktu adierazgarririk duen edo ez duen, toki erakundearen lurralde eremuan, EEHSaren jardun eremuan, ezarritako beira ontzien bilketa bereizia egiten duten kudeatzaileen eta EEHS horren beraren artean sinatutako kontratuetan. Inpaktu adierazgarritzat hartzen da murrizketa bat gertatzea toki erakundeen kopuruan, esparru hitzarmen honi "EEHSak antolatzen du" modalitateari atxikitako hasierako udalerrietako biztanleen ehuneko hogei (% 20) baino gehiagokoa bada.

Modalitatea aldatzeko eskaerak ez badu inpaktu adierazgarririk EEHSen eta bilketa egiten duten kudeatzaileen artean sinatutako kontratuetan, EEHSak toki erakundearekin adostuko du zein datatik aurrera hartuko duen bere gain EEHSak bere lurralde eremuko beirazko ontzien hondakinak biltzeko ardura.

Aitzitik, modalitatea aldatzeko eskaerak eragin nabarmena badu EEHSen eta bilketa egiten duten kudeatzaileen artean sinatutako kontratuetan, tokiko erakundeak eta EEHSak erabakiko dituzte beirazko ontzien hondakinen bilketa hori eskualdatzeko arrazoizko epea eta balizko baldintzak, bilketak behar duen operatiboa dimentsionatu ahal izateko, ahal den modurik egokienean.

(iii) EEHS sinatzaileen jardun eremuan dauden beirazko ontzien hondakinak bereizita biltzeko ardura EEHSak bere gain hartu aurretik, tokiko erakundeak hitzarmen honi atxikitzeko akordio berri bat sinatuko du, eta "EEHSKak antolatzen du" modalitatera aldatu dela adieraziko du.

Toki erakundearen jardun eremuan dauden beirazko ontzien hondakinak bereizita biltzeko hautatutako EEHSak lana bere gain hartu baino egun bat lehenagora arte soilik, toki erakundeak eskubidea izanen du Kostu Efiziente eta Beharrezkoaren finantzaketa jasotzeko, "EEHSak ez du antolatzen, soilik finantzatzen du" modalitatea atxikitzearen ondorioz.

3.–Foru Komunitatearen betebeharrak.

Foru Komunitateak ondoko betebehar hauek hartzen ditu bere gain:

(i) Hitzarmen honetan aurreikusitako jarduketak sustatzea eta garatzea, bere lurralde eremuan.

(ii) Hitzarmen hau bere lurralde eremuan dauden toki erakundeei helaraztea, egoki iritziz gero, hitzarmenari atxiki dakizkion. Jakinarazpen hori hitzarmen hau sinatzen denetik hilabeteko (1) epean egin beharko da.

(iii) Tokiko erakundeak hitzarmenari atxiki zaizkiola jakinaraztea EEHS sinatzaileei, atxikipen hitzarmen bakoitzaren kopia bidaliz, tokiko erakundeak atxikipenaren erabakia hartu eta hamabost (15) egun naturaleko epean.

(iv) Hitzarmen honi atxikitako toki erakundeekin teknikoki eta juridikoki lankidetzan aritzea, hitzarmenaren xedeari dagokionez.

(v) Hitzarmen honi atxikitako EEHSekin eta toki erakundeekin lankidetzan eta adostasunez (batez ere Hondakinen Prebentziorako eta Ekonomia Zirkularra Sustatzeko Bulegoaren bidez), urtero informazio eta sentsibilizazio kanpainak egitea, komunikazio arduratsuko politikekin eta EEHSen komunikaziorako funtsak kudeatzeko politikekin bat etorriz. Horretarako, behar adina langile hornitu beharko ditu informazio eta sentsibilizazio kanpainak egiteko, eta kanpainak garatzeko eratutako lantaldeetan parte hartu beharko du.

(vi) Toki erakundeekin eta EEHSKekin lankidetzan aritzea, "EEHSak ez du antolatzen, soilik finantzatzen du" eta "EEHSak antolatzen du" modalitateetan ari badira, ontzi hondakinen bilketa bereizia eta birziklatzea handitzeko eta hobetzeko neurriak sustatzen, parte hartzen eta ezartzen, 1055/2022 Errege Dekretuan jasotako helburuak betetzea ahalbidetzeko.

(vii) HOJAKA (hotelak, jatetxeak, kafetegiak) kanaleko establezimenduetan beirazko ontzien hondakinen bilketa bereizia sustatzea, 6. eranskinean aurreikusitakoaren arabera.

(viii) Toki erakundeekin lankidetzan aritzea, hondakinen arloko arauak egokitzeko eta onartzeko, EEHSen jardun eremuan, herritarrek eta HOJAKA kanaleko establezimenduek sortzen dituzten beirazko ontzien hondakinak bereizita biltzeari dagokionez, hitzarmen honetan aurreikusitakoa bete ahal izateko. Bereziki, baina ez esklusiboki, Foru Komunitateak udal ordenantzak onartzeko eskatuko die toki erakundeei.

(ix) Hitzarmen honi atxikitako EEHSekin eta toki erakundeekin lankidetzan aritzea, EEHSen jardun eremuan dauden beirazko ontzien hondakinak bereizita bildu eta birziklatzeko ereduaren eraginkortasuna (ekonomikoa, soziala eta ingurumenekoa) ekarriko duten ekimen adostuak identifikatu eta abian jartzeko.

(x) Toki erakundeek eta hitzarmen honen eremuko ontzien hondakinak kudeatzeko baimendutako EEHSek hitzarmen honetan ezarritako helburuak betetzen dituztela jarraitzea eta kontrolatzea, bere eskumenen esparruan, aplikatzekoa den araudian ezarritako betebeharrak betetzen direla bermatzeko. Era berean, Foru Komunitateak gainbegiratuko du, bere eskumenen esparruan, produktu ekoizleek betetzen dituztela ekoizlearen erantzukizun hedatuaren arloko betebeharrak, hori guztia Ontzien Errege Dekretua behar bezala aplikatzen dela egiaztatzeko, haren 52. artikuluan aurreikusitako baldintzetan.

(xi) Bere eskumenen esparruan, Errege Dekretu hau behar bezala aplikatzen dela zaintzea eta ikuskatzea, 53. artikuluan aurreikusitako baldintzetan. Lehen aipatutako ikuskapen eta kontrolen ondorioz Foru Komunitateak jakiten badu ekoizle batek ez dituela betetzen ekoizlearen erantzukizun hedatuaren arloko betebeharrak, berehala hartuko ditu huts egite hori zuzentzeko neurri egokiak, eta, hala badagokio, zehapenak ere aplikatuko ditu.

(xii) Beirazko ontziak kudeatzeko baimendutako beste EEHSK batzuk izanen balira, eta hitzarmenari egindako huts egiterik sumatuko balitz, horren berri helarazi behar dio Koordinazio Batzordeari edo Autonomia Erkidego eskudunari (kasuan kasuko EEHSKen baimena eman duenari).

4.–Toki Entitateen Betebeharrak.

Hitzarmen honi atxikitako toki erakundeek honako betebehar hauek hartzen dituzte beren gain:

(i) Hitzarmen honetan ezarritako baldintzak onartzea, eta hori formalizatzeko, atxikitzeko erabakia hartu eta Nafarroako Foru Komunitateari jakinarazi behar dio, 5. eranskinean agertzen den ereduaren arabera.

(ii) Autonomia Erkidegoarekin eta Prebentzio Zerbitzu Publikoekin lankidetzan, toki erakundearen jardun eremuaren barruan, behar diren ekintzak sustatzea eta garatzea, beirazko ontzien hondakinak birziklatzeko eta bereizita biltzeko, Ontzien Errege Dekretuaren 10. eta 29. artikuluetan aurreikusitako helburuak bete daitezen.

(iii) Toki erakundeekin lankidetzan aritzea, hondakinen arloko arauak emateko edo, behar denean, egokitzeko ere, hitzarmen honetan aurreikusitakoa bete ahal izan dadin, EEHSen jardun eremuan, herritarrek eta HOJAKA kanaleko establezimenduek sortzen dituzten beirazko ontzien hondakinak bereizita biltzeari dagokionez.

(iv) HOJAKA (hotelak, jatetxeak, kafetegiak) kanaleko establezimenduetan beirazko ontzien hondakinen bilketa bereizia sustatzea, 6. eranskinean aurreikusitakoaren arabera.

(v) Hitzarmen honen esparruan adostutako informazio eta sentsibilizazio kanpainak gauzatzea, batez ere HPEZB bulegoaren bidez, komunikazio arduratsuko politiken eta EEHSek komunikaziorako emandako funtsen kudeaketarako politiken arabera. Horretarako, toki entitateek behar adina langile hornitu beharko dituzte informazio eta sentsibilizazio kanpainak egiteko, eta kanpainak aurrera eramateko eratzen diren lantaldeetan parte hartu beharko dute.

(vi) Toki entitateak bilketa bere gain hartzen badu, behar diren jarraipen eta kontrol mekanismoak abiaraziko ditu, EEHSen jardun eremuan sartzen diren beirazko ontzien hondakinak bereizita biltzeko, hitzarmen honetan ezarritakoaren arabera egiten dela ziurtatzeko.

(vii) Kostu Efiziente eta Beharrezkoa kalkulatzeko kontuan hartutako elementu guztiak egiaztatzea, 2. eranskinean aurreikusitakoaren arabera.

(viii) Hitzarmen honetan aurreikusitako gaietan desbideratzeak edo huts egiteak antzemanez gero, behar diren neurri zuzentzaileak hartzea, gehienez ere hiru (3) hilabeteko epean, EEHS sinatzaileen jardun eremuan dauden beirazko ontzien hondakinak bereizita biltzeari dagokionez.

(ix) Aukeratutako bilketa modalitatea edozein dela ere, toki erakundeek beren gain hartuko dute/ez dute hartuko aipatutako edukiontzien erosketa. Toki erakundeek beren gain hartzen badute edukiontzien erosketa, 7. eranskinean deskribatutako diseinuaren gutxieneko ezaugarriak bete beharko dituzte, bildutako beirazko ontzien hondakinen kalitatea bermatze aldera.

(x) Toki erakundea hitzarmen honi atxikitzen bazaio "EEHSak ez du antolatzen, soilik finantzatzen du" modalitatearen arabera (ikus 2.3 klausula), konpromiso gehigarri hau hartzen du bere gain:

a) Beirazko ontzien hondakinak biltegira arte garraiatzea, hitzarmen honetan ezarritakoaren arabera.

b) EEHSei ondoko informazio hau ematea, ezarritako maiztasunarekin, ondoko taula honen arabera, eta beirazko ontzien hondakinen edozein bilketa motari dagokionez, esate baterako "atez ateko" bilketarako (etxez etxe nahiz Hotelak, Jatetxeak, Kafetegiak kanalean).

c) EEHSen hileroko fakturak prestatzea, Kostu Efiziente eta Beharrezkoaren kontzeptuan.

d) EEHSekin adostea beraien jardun eremuan sartzen diren beirazko ontzien hondakinak bereizita biltzeko edukiontzien kokaleku berriak, edukiontzi berriak jartzea eta horren arrazoiak ere bai.

e) Hitzarmen honi atxikitako EEHSekin eta toki erakundeekin lankidetzan aritzea, EEHSen jardun eremuan dauden beirazko ontzien hondakinak bereizita bildu eta birziklatzeko ereduaren eraginkortasuna (ekonomikoa, soziala eta ingurumenekoa) ekarriko duten ekimen adostuak identifikatu eta abian jartzeko.

f) Urtero, urtarrilaren 31 baino lehen, beirazko ontzien hondakinak bereizita biltzearen karbono aztarnari buruzko informazioa ematea EEHSei. EEHSek beharrezko informazioa eta bete beharreko txantiloia eskainiko dituzte informazio hori lortzeko.

g) Beirazko ontzien hondakinak bereizita biltzeko zerbitzua emateaz arduratzen den enpresarekin sinatutako kontratuetan klausula honetan ezarritakoa betetzeko beharrezkoak diren konpromisoak jasotzea.

h) Hondakinen arloan udal ordenantzetan xedatutakoa eta, bereziki, beirazko ontzien hondakinak bereizita biltzeko betebeharra betetzen dela kontrolatzea eta ikuskatzea.

5.–EEHSen betebeharrak.

EEHSek betebehar hauek izanen dituzte:

(i) EEHSei atxikitako ekoizleek merkaturatutako produktuen ontzien hondakinak kudeatzeaz arduratzea, Hondakinen Legean eta Ontzien Errege Dekretuan xedatutakoaren arabera.

(ii) Foru Komunitatearekin eta hitzarmen honi atxiki diren toki entitateekin lankidetzan sustatzea eta aurrera eramatea, EEHSen jardun eremuaren barruan, behar diren ekintzak, beirazko ontzien hondakinen prebentziorako, birziklatzeko eta bereizita biltzeko helburuak bete daitezen, Ontzien Errege Dekretuaren 6,10. eta 29. artikuluetan aurreikusitakoa betez.

(iii) Toki erakundeek beren gain hartzen badute beirazko ontzien hondakinak bereizita biltzeko lana ("EEHSak ez du antolatzen, soilik finantzatzen du"): Kostu Efizientea eta Beharrezkoa transferitzea hitzarmen honi atxikitako toki erakundeei, baldin eta beren kabuz egiten badute beirazko ontzien hondakinak bereizita biltzea, 2. eranskinean xedatutakoaren arabera.

(iv) Hitzarmen honi atxikitako toki erakundeek edo bilketaren esleipendun diren enpresek EEHSei fakturatutako kopuruei buruzko datua ematea Foru Komunitateari (aukeratutako bilketa modalitatearen arabera), EEHSKen jardun eremuan kokatuta dauden beirazko ontzien hondakinak bereizita biltzearen kontzeptuan, Hondakinen Legearen 53.1 b) 5 artikuluan eta Ontzien Errege Dekretuaren 22.1 g) artikuluan eta VII. eranskineko d) 2. apartatuan aurreikusitakoarekin bat etorriz.

(v) EEHSek beren gain hartzen badute beirazko ontzien hondakinak bereizita biltzea ("EEHSak antolatzen du"): bereizita biltzeko lana, edukiontziaren inguruan garbitzea eta dagokion biltegiratze puntura garraiatzea beren jardun eremuan dauden beirazko ontzien hondakinak, bai eta bilketa hori egiteko erabilitako edukiontziak garbitzea, mantentzea eta ordeztea ere, 4. eranskinean aurreikusitakoarekin bat etorriz.

(vi) Erabilera bakarreko beirazko etxeko ontzien sektoreko merkatu kuotaren ehunekoaren (%) arabera, aurreko urte naturaleko abenduaren 31ko Produktu Ekoizleen Erregistroari jarraiki, onartzea edo beren gain hartzea beren jardun eremuaren barruan toki erakundeek eskuratzen dizkieten beirazko ontzien hondakinak, hitzarmen honetan aurreikusitakoarekin bat etorriz. 3. eranskinean arautzen dira beirazko ontzien hondakinen kalitatearen zehaztapen teknikoak.

(vii) Beren jardun eremuan dauden beirazko ontzien hondakinak EEHSen eskura jartzen direla ulertuko da honako une hauetan:

a) "EEHSak antolatzen du": beirazko ontzien hondakinak bereizita biltzeko edukiontzietan uzten diren unean.

b) "EEHSak ez du antolatzen, soilik finantzatzen du": beirazko ontzien hondakinak dagokion biltegiratze barrutian uzten diren unean.

EEHSek, dagokien merkatu kuotaren arabera, Produktu Ekoizleen Erregistroko ontzien atalean eskuragarri dagoen informazioa aintzat hartuta, beren gain hartuko dituzte tokiko erakundeek instalazio horietan utzitako Etxeko Beirazko Ontzien Hondakinak (EBOH), eta eramanen dituzte beraiek izendatutako birziklatze, balorizazio edo ezabatze bidezko tratamendurako instalazioetara. EEHSek hondakin horien jabe gisa jokatuko dute lekualdaketa egiteko lanetan, 553/2020 Errege Dekretua eta 1055/2022 Errege Dekretuaren 21.5 artikuluan ezarritakoa aintzat hartuta.

Hondakinak eskuratze hori gauzatuko da EEHSK bakoitzaren merkatu kuotaren proportzioan, Produktu Ekoizleen Erregistroko ontzien atalean eskuragarri dagoen informazioa aintzat hartuta. EEHS batek bere gain hartzen badu dagokion hondakin kopurua baino gehiago, bere kuota handienetik goiti, hitzarmena sinatu duten gainerako EEHSek konpentsatu beharko diote soberakin horren kudeaketarekin lotutako kostua.

Beirazko ontzien hondakinak beti emanen zaizkio EEHSek hautatutako birziklatzaile baimendu bati, publizitate, lehia eta berdintasun printzipioak errespetatuko dituen prozedura baten bidez, Hondakinen Legearen 50.3 artikuluan aurreikusitakoarekin bat etorriz.

(viii) Beren kudeaketan sartzen den lurralde eremuan komunikazio kanpainak egin behar dituzte, edo haietan parte hartu behar dute, Jarraipen Batzordean adostutakoaren arabera, Foru Komunitatearekin eta hitzarmen honi atxikitako toki entitateekin lankidetzan, batez ere Hondakinen Prebentzioa eta Ekonomia Zirkularra sustatzeko Bulegoaren (HPEZB) bidez, EEHS sinatzaileen komunikazio arduratsuko eta komunikaziora bideratutako funtsen kudeaketako politikekin bat etorriz. Kanpainak urtero zehaztuko ditu hitzarmen honen Jarraipen Batzordeak.

(ix) Azterketak eta proposamenak egitea Foru Komunitateari eta hitzarmen honi atxikitako toki erakundeei, aldian-aldian, hondakinak edukiontzietan hobeki jasotzeko eta, oro har, beirazko ontzien hondakinak bereizita biltzeko lanak hobetzeko, beirazko ontzien hondakinak bereizita bildu eta birziklatzearen tasa hobeak lortzeko.

(x) Aldeek adostutako edukiontzien kopurua finantzatzea edo hitzarmen honi atxikitako toki erakundeen eskura jartzea, 2. eta 4. eranskinetan xedatutakoaren arabera. EEHSek erositako edukiontzien jabe bakarrak beraiek izanen dira, eta 7. eranskinean deskribatutako diseinuaren gutxieneko ezaugarriak bete behar dituzte, bildutako hondakinen kalitatea bermatzeko.

(xi) Toki erakundeek egindako fakturak ordaintzea, 2. eranskinean aurreikusitakoarekin bat etorriz, eta haiei erraztea, ahal den neurrian, fakturazio bakarra egitea, zazpigarren klausulako (viii) apartatuan aurreikusitako baldintzetan.

(xii) EEHSek beren gain hartzen badute beirazko ontzien hondakinak bereizita biltzea ("EEHSak antolatzen du": ikusi 2.3 klausula), konpromiso gehigarri hauek hartzen dituzte:

a) Foru Komunitateari eta hitzarmenari atxikitako toki entitateei jakinaraztea beirazko ontzien hondakinak bereizita biltzearekin lotutako funtsezko edozein aldaketa (adibidez, biltzailea aldatzea, biltegiratzeko barruti berriak, etab.).

b) Beirazko ontzien hondakinak biltzeko ardura eman zaien enpresek beren lana EEHSen deialdietan ezarritako prozeduren oinarri arautzaileetan eta EEHSen jokabide kodeetan eta gainerako politiketan ezarritako baldintzen arabera egiten dutela zaintzea.

c) Foru Komunitateari eta hitzarmenari atxikitako toki erakundeei erraztea EEHS Gardentasun Atarira sartzeko aukera, horren bidez eskuratzen ahalko baitituzte EEHSen jarduera eremuan dauden beirazko ontzien hondakinak bereizita biltzeko zerbitzuari lotutako datu nagusiak. Datu horietan ez da jasoko informazio komertzial sentikorrik; izan ere, EEHSek, lehiaren arloko araudia betez, beren eginkizunak betetzeko premia handieneko informazioa baino ezin diete eskatu kudeatzaileei.

d) Toki erakundeekin adostea EEHSen jardun eremuan sartzen diren beirazko ontzien hondakinak bereizita biltzeko edukiontzien kokaleku berriak, eta orobat, edukiontziak, behar denean, berritzeko asmoa eta horren arrazoiak ere.

a) Toki entitateei informazioa ematea, ezarritako maiztasunarekin, ondoko taula honen arabera, eta beirazko ontzien hondakinen bilketa mota edozein dela ere, esate baterako "atez ateko" bilketa (etxez etxe nahiz Hotelak, Jatetxeak, Kafetegiak kanalean).

e) Foru Komunitateari eta hitzarmenari atxikitako toki entitateei urtero ematea karbono aztarnari buruzko informazioa, EEHSek beirazko ontzien hondakinak bereizita biltzeari dagokionez, kudeaketa unitate funtzionalen arabera (bilketa loteak).

(xiii) Foru Komunitatearekin eta hitzarmen honi atxikitako toki erakundeekin lankidetzan aritzea, adostasunez sustatzeko EEHSen jardun eremuan dauden beirazko ontzien hondakinak bereizita bildu eta birziklatzeko ereduaren eraginkortasuna (ekonomikoa, soziala eta ingurumenekoa) ekarriko duten ekimenak identifikatzeko eta abian jartzeko jarduerak.

(xiv) Urtero Foru Komunitateari ematea 1. eranskin gisa erantsitako baimenean aipatutako informazioa.

(xv) Urtero Foru Komunitateari jakinaraztea EEHSei atxikitako enpresak.

(xvi) Beirazko ontzien hondakinak bereizita biltzeko zerbitzua emateaz arduratzen den enpresarekin (edo enpresekin) sinatutako kontratuetan, hitzarmen honetan ezarritakoa betetzeko beharrezkoak diren konpromisoak jasotzea, araudian eska daitekeen neurrian.

(xviii) Ontzien hondakinen bilketa bereizia "EEHSak antolatzen du" modalitatean egiten denean, eta abenduaren 27ko 1055/2022 Errege Dekretuaren 21.5 artikuluarekin bat etorriz, EEHSKa jabe gisa ariko da lekualdaketaren operadore gisa hartzeko, Estatuaren lurralde barruan hondakinen lekualdaketa arautzen duen ekainaren 2ko 553/2020 Errege Dekretuaren arabera. Ekainaren 2ko 553/2020 Errege Dekretuaren Lehen Xedapen Gehigarriaren arabera, dekretu horretan araututako izapideak elektronikoki eginen dira, administrazio publikoek datuak elektronikoki trukatzeko ezarritako eskemen bidez (E3L formatua), informazio hori kudeatzaileen berezko softwareekin, plataforma autonomikoekin edo e-HIZ hondakinak kudeatzeko plataforma elektronikoarekin elkarreragingarria izan dadin.

(xviii) Ontziei buruzko Errege Dekretuaren 21.1 h), 21.1 i) eta 22.1 g) artikuluetan araututako informazio betebeharrak betetzea.

(xix) "EEHSak antolatzen du" modalitatean, gehienez hiru (3) hilabeteko epean, EEHSei dagozkien neurri zuzentzaileak hartu beharko dituzte, EEHS sinatzaileen jardun eremuan dauden beirazko ontzien hondakinak bereizita biltzeari dagokionez hitzarmen honetan aurreikusitakoen inguruko desbideratzeak edo huts egiteak antzemanez gero. Era berean, aipatutako gehieneko epe horretan, xehetasun hauek argitu eta alderdi sinatzaileei jakinarazi beharko dizkiete: berreskuratutako materialen kudeatzaileak izendatzeko sistema, eta ontzien hondakinak "EEHSak antolatzen du" modalitatearen bidez kudeatzen direnean, bereizita biltzeko kudeatzaileak kontratatzeko sistema, Ontzien Errege Dekretuaren 22.1.d) eta 21.1.d) artikuluen arabera.

6.–Erantzukizun zibila hirugarrenen aurrean.

EEHSen edo tokiko erakundearen betebeharra izanen da, beirazko ontzien hondakinak bereizita nork biltzen dituen, jarduera horren gauzatze materialetik hirugarrenei eragindako kalteen edozein erantzukizuni aurre egitea.

7.–EEHSen jardun eremuan dauden beirazko ontzien hondakinak bereizita biltzeko Kostu Efiziente eta Beharrezkoa finantzatzea ("EEHSak ez du antolatzen, soilik finantzatzen du").

(i) EEHSek kostu efiziente eta beharrezkoa ordainduko diete EEHS sinatzaileen jardun eremuan sartzen diren toki entitateei, beirazko ontzien hondakinak bereizita beraiek biltzen badituzte, 2. eranskinean aurreikusitakoaren arabera.

(ii) Kostu efiziente eta beharrezkoak inoiz ez du gaindituko "hondakinak kudeatzeko zerbitzuak emateak ekonomia, gizarte eta ingurumen arloetan kostua/efizientzia erlazio ona izan ditzan beharrezkoa den kostua", Ontzien Errege Dekretuaren 23.4 artikuluan aurreikusitakoaren arabera. Kontuan hartuko dituzte ontzien hondakinen kudeaketa egiten duten erakunde publiko nahiz pribatuek izan dituzten kostuak.

(iii) Kostu efiziente eta beharrezko hori proportzionala izanen da EEHSen erantzukizunaren ehunekoarekiko (%), eta urtero berrikusiko da, merkatuan jarritako erabilera bakarreko beirazko etxeko ontzien guztizkoaren gainean (Ekoizleen Erregistroan deklaratutako erabilera bakarreko beirazko etxeko ontziak guztira).

(iv) Era berean, Foru Komunitatearen helburu beteen ehunekoaren (%) erantzule izanen da EEHS bakoitza (Bilketa Bereiziaren Tasa eta Birziklatze Tasa), EEHS bakoitzaren ardurapeko erabilera bakarreko beirazko ontzien ehunekoa (%) kontuan hartuta (EEHS horri atxikitako enpresa ekoizleek merkaturatutako ontziak).

(v) Kostu efizientea eta beharrezkoa kalkulatzeko eredu bat erabiltzen da, bilketa egiten duten toki entitateek izan dituzten kostuen osagaiak kontuan hartzen dituena.

a) Eredua parametrizatu egin behar da lurralde nazional osoko edozein udalerritan edo udalerri elkartetan aplikatzeko, autonomia erkidego desberdinen artean eta bilketa sistema desberdinen artean dauden kostuen aldeak kontuan hartuta.

b) Sarrerako datuak (ECOVIDRIOren jabetzako kalkulu ereduan): datu baseak (ECOVIDRIOren barrukoak, kanpokoak eta guztiak kontrastagarriak) eta beirazko ontzien hondakinak bereizita bildu behar diren gunearen karakterizazioaren parametroak.

c) Sarrerako parametro guztiak sartu ondoren, ereduak dimentsionatzen ditu baliabideen (teknikoak eta giza baliabideak) beharrak, hitzarmen honen xede den zerbitzu bakoitza egiteko: beirazko ontzien hondakinak biltzea eta biltegiratzea, edukiontziak garbitzea eta edukiontzien mantentze lana.

d) Zerbitzua dimentsionatu ondoren, lehen deskribatutako zerbitzuen partida bakoitzari kostuak esleitzen zaizkio eta, horrela, beirazko ontzien hondakinak bereizita biltzeko behar den zerbitzu bakoitzaren Kostu Efiziente eta Beharrezkoa zehazten da.

(vi) EEHSek zuzenean ordainduko diete tokiko erakundeei kostu efizientea eta beharrezkoa.

(vii) Toki erakundeek baimena ematen ahalko diete EEHSei, beren jardun eremuan dauden beirazko ontzien hondakinak bereizita biltzeko toki erakundeak kontratatutako enpresari zuzenean ordaintzeko kostu efiziente eta beharrezkoa. Baimen horrek kreditu lagapen bat izanen da, Kode Zibilaren 1112. artikuluan xedatutakoaren arabera.

(viii) Hitzarmen hau sinatu duten EEHSek, zein bere kabuz edo modu koordinatuan, online plataforma informatiko bat jarriko dute toki erakundeen eskura (edo hirugarrenen eskura, espresuki esleitu badiete fakturazioa eta kobrantza), non jasoko diren fakturatzeko txantiloiak eta kobratzeko eskubidea egiaztatzeko bete behar diren bestelako dokumentuak. Plataforma informatiko horrek operatibo egon beharko du hitzarmen honen indarraldi osoan. Plataformaren edozein aldaketa edo eguneratzea erabiltzaileei jakinarazi eta behar bezala azaldu beharko zaie, gutxienez hamabost (15) eguneko epean, benetan ezarri baino lehen.

Online plataforma informatikoak fakturazio sistemarako sarbidea bermatu beharko die EEHSei, bidezko eta arrazoizko baldintzetan, eta diskriminaziorik gabe. Hitzarmen honen Jarraipen Batzordean zehaztu eta adostuko dira abian jartzearekin eta funtzionatzearekin lotutako kostuak, EEHSen kontura edo administrazio publikoen kontura egiten ahal badira.

8. –Etorkizunean EEHSk berriek hitzarmena sinatzea.

(i) Etxean erabiltzeko beirazko ontzien edozein EEHSek, behar bezala eratuta eta baimenduta badago, hitzarmen honi atxikitzea eska dezake, Nafarroako Foru Komunitateko Ingurumeneko Zuzendaritza Nagusiari zuzendutako idatzizko eskaera baten bidez. Eskaera horretan, erabaki hori adierazi beharko du, eta hitzarmenetik eratorritako konpromiso eta betebehar guztiak, bereziki ekonomikoak, bere gain hartzeko borondatea adierazi beharko du. Ingurumeneko Zuzendaritza Nagusiak eskaera horren berri emanen die hitzarmena sinatu duten EEHS guztiei eta hitzarmenari atxikitako toki erakundeei, jakinaren gainean egon daitezen eta ondorioak izan ditzaten.

(ii) Hitzarmen honi atxikitzea eranskin baten bidez formalizatuko da (14. eranskinean ezarritako ereduaren arabera); atxikipena Nafarroako Foru Komunitateko Ingurumeneko zuzendari nagusiak eta EEHSaren ordezkariak sinatu beharko dute, eta han zehaztuko dira atxiki berritako EEHSak bere konpromisoei eta betebeharrei (bereziki ekonomikoei) eta merkatu kuotari aurre egiteko baldintzak eta epeak, eta EEHS berriaren ordezkaritza zehaztuko da, alderdien arteko jakinarazpenetarako.

(iii) Eranskina sinatu izana hitzarmena iragarri zen aldizkari ofizial berberetan argitaratuko da, hamaikagarren klausulan ezarritakoaren arabera.

9.–"EEHSKak biltzen du" modalitatearen jardun eremuan dauden beirazko ontzien hondakinen bilketa berezitua finantzatzea.

Bigarren klausularen (iii) a) puntuan aurreikusitakoarekin bat etorriz, hitzarmen hau sinatu duen EEHSK batek "EEHSak antolatzen du" modalitatean ari bada, eta bere jardun eremuan arduratzen bada beirazko ontzien hondakinak bereizita biltzeaz eta dagokion biltegiratze puntura garraiatzeaz, hitzarmen hau sinatzen duen beste edozein EEHS edo izaera bereko beste edozein EEHS, eta material hori bera erabiltzeko baimenduta badago, bere betebeharrak "EEHSak antolatzen du" modalitatean ari den EEHS batekin akordio bat sinatuz betetzea erabakitzen badu, EEHS horri ordaindu beharko dizkio bilketa horren ondoriozko kostu guztiak, bilketa egiteko modalitatea edozein dela ere, eta orobat, "EEHSak antolatzen du" modalitatea atxiki duen EEHSak egin dituen kudeaketa lanek eragindako kostu guztiak ere ordaindu beharko ditu, barne direla egituraren kostuak, esperientzia transmititzeko gastuak, eta bestelako zehar gastuak ere, "EEHSak antolatzen du" modalitatean ari den EEHSak kudeaketa operazioetan egindakoak; orobat, ordaindu beharko du kostu osagarri bat, akordio hori aplikatzearen kontzeptuan, eta izanen dena "EEHSak antolatzen du" modalitatetik kanpo ari den EEHSari kargatzen ahal zaizkion kostu guztien portzentaje bat. Portzentaje hori ezarriko da bi EEHS horien arteko kudeaketa akordio batean. Kostu horiek behar bezala justifikatu eta kontzeptuen arabera banakatu beharko ditu "EEHSak antolatzen du" modalitatean ari den EEHSak.

10.–Jarraipen Batzordea.

Hitzarmen hau indarrean dagoen bitartean, alderdiek konpromisoa hartzen dute elkarri behar den lankidetza eskaintzeko, hitzarmen honetatik eratortzen diren betebeharren jarraipena egiteko, bai eta EEHSen jardun eremuan dauden beirazko ontzien hondakinak birziklatzearen eraginkortasuna, efizientzia eta jasangarritasuna (ekonomikoa, soziala eta ingurumenekoa) ekarriko duten ekimenak identifikatu eta abian jartzeko ere.

Hitzarmen honen xedearen eta helburuen koordinaziorako eta jarraipenerako, Jarraipen Batzorde bat eratuko da.

Jarraipen Batzordea arduratzen da alderdiek hitzarmen honen pean hartutako konpromisoak betetzen dituztela zaintzeaz, lankidetzaren eta elkarlanaren ikuspegitik.

(i) Eginkizun hauek izanen ditu Batzordeak:

a) Hitzarmena interpretatzean edo gauzatzean sor daitezkeen desadostasunak edo gorabeherak ebaztea (adibidez, edukiontziak gainezka egitea, toki erakundeen jarduera subsidiarioak eta abar).

b) Hitzarmen honetan zehazki ebatzi ez diren edo aurreikusi ez diren gai eta arazo guztiak planteatzea.

c) Hitzarmen hau aplikatzetik eratortzen ahal diren eta alderdi sinatzaile zehatz bati egokitzen ez zaizkion jarduketen jarraipena eta kontrola egitea.

d) Aldaketarako proposamenak egitea, egokia bada, bereziki konpentsazio ekonomikoei dagokienez eta hitzarmen honi erantsitako gehigarriak onartzeari dagokionez.

e) Urteko ekitaldi bakoitza ixtean, Foru Komunitateko lurralde eremuan ari diren EEHSen jardueraren emaitzak aurkeztea.

f) Foru Komunitateak txosten bat aurkeztea, EEHSetatik jasotako diru sarreren erabilerari buruz eta beirazko ontzien hondakinak bereizita biltzeko helburuetan lortutako hobekuntzei buruz, Ontzien Errege Dekretuaren 34.1 b) artikuluan xedatutakoaren ondorioetarako.

g) Urteko ekitaldi bakoitzaren hasieran, EEHSek eta Foru Komunitateak plangintza egitea hitzarmen hau gauzatzeko aurrera eramanen dituzten jarduerak antolatzeko.

h) Komunikazio eta sentsibilizazio ekintzen eta kanpainen urteko plana onartzea, bai eta hedabideen plana eta, bereziki, mezuen edukia ere. Plan horretan, komunikazio eta sentsibilizazio kanpaina zehatzak zehaztuko dira, eta kasu bakoitzean nork kudeatuko dituen zehaztuko da. Urteko komunikazio eta sentsibilizazio plana onartzean, Jarraipen Batzordeak kontuan hartuko ditu komunikaziora bideratutako funtsen kudeaketa politikan jasotzen diren jarduketa printzipioak. Komunikazio eta sentsibilizaziorako urteko plana egiteko, lantalde bat horretarako berariaz eratzen ahalko da. Lantaldean onartutakoa HPEZB bulegoen urteko programarekin koordinatuko da.

i) Ontzi hondakinen kudeaketan, ingurumenaren inguruko komunikazio, informazio, heziketa eta sentsibilizazioa lantzeko kanpainetan edo bestelako jardueretan egin beharreko ekintzak ezagutu, onartu eta, egokia bada, sustatzea, eta egki iritziz gero, urteko planean sartzea adostea.

j) Alderdi sinatzaileek eta atxikitako toki erakundeek aurkeztutako edozein eskaera aztertzea.

k) Azken jarraipen batzordetik egindako ekintzak berrikustea, haiei lotutako emaitzak baloratzea (bilketa bereizian eta birziklatzean lortutako tasetan izandako inpaktua), ikasitako lezioak identifikatzea eta horiei lotutako ekintzak proposatzea.

(ii) Jarraipen Batzordea honako hauek osatuko dute:

a) Nafarroako Gobernuaren bi ordezkari. Ingurumen Zuzendaritza Nagusiko titularrak izendatuko ditu ordezkariak, eta haietako bat izanen da batzorde buru.

b) Hitzarmenari atxikitako toki erakundeen 2 ordezkari, toki erakundeek berek aukeratutakoak.

c) EEHSen 4 ordezkari; haietako bat izanen da idazkaria. Hitzarmenari EEHS gehiago atxikitzen bazaizkio, Jarraipen Batzordearen osaera berrikusteko konpromisoa hartzen dute alderdiek.

a) Nolanahi ere, administrazio publikoen eta beirazko ontzien hondakinak kudeatzeko baimena duten EEHSKen ordezkarien kopurua parekidea izatea bilatuko da.

b) Jarraipen Batzordeak onartutako edozein komunikazio eta sentsibilizazio ekintza eta/edo kanpainari buruzko erabakiak nahitaez bete beharko dituzte hitzarmen hau sinatu duten edo hitzarmenari atxiki zaizkion EEHS guztiek.

c) Hitzarmenaren Jarraipen Batzordearen akordioak aho batez hartuko dituzte batzorde hori osatzen duten administrazio bakoitzeko ordezkariek eta hitzarmena sinatu duten ekoizleen erantzukizun hedatuko sistemen (EEHS) ordezkariek. Ondorio horietarako, Jarraipen Batzordean eztabaidatutako gai bakoitzari buruzko EEHSen botoaren zentzua eta EEHSen negoziaziorako posizioa adostuko dira parte hartzen duten EEHSen artean, bi hereneko gehiengo sistemaren bidez, eta EEHS bakoitzaren botoa haztatuko da haren merkatu kuotaren arabera, aurreko urte naturaleko abenduaren 31n produktu ekoizleen erregistrotik eratorritako informazioa aintzat hartuta.

(iii) Jarraipen Batzordea urtean bi (2) aldiz bilduko da gutxienez, edozein ere Foru Komunitateak bilketa bereiziarentzat edo birziklatzearentzat ezarri dituen helburuen inguruan desbideratzeren bat aurreikusten denean urte horretarako, edo aztertu beharreko gaien garrantziak/premiak hala eskatzen alderdik eskatuta egin daitezkeen ezohiko bilerak egitea ukatu gabe, batez duenean. Zehazki, urteko ekitaldi bakoitzeko lehen hiruhilekoan bildu beharko da Jarraipen Batzordea, gutxienez. Alderdietako batek ezohiko bilera bat egitea eskatzen badu, gutxienez hamabost (15) egun lehenago egin beharko du eskaera, eta bilera hori hilabeteko (1) epean egin beharko da, dagokion eskaera egiten den egunetik zenbatzen hasita.

(iv) EEHSek bidaliko dute, Jarraipen Batzordearen bilera baino hamabost (15) egun lehenago gutxienez, agenda bat, zeina arau orokor gisa honako alderdi hauek jasotzen dituen:

a) Azken bileratik egindako ekintzak, haiei lotutako emaitzak (bilketa bereiziaren eta birziklatzearen tasetan izandako inpaktua) eta ikasitako ikasgaiak baloratuta.

b) Proposatutako ekintzak eta espero diren emaitzak, helburu zehatzekin, data objektiboekin eta arduradunekin.

c) Egoki irizten den aldiro, berrikustea EEHSetatik jasotako diru sarreren erabilerari buruz eta beirazko ontzien hondakinak bereizita biltzeko helburuetan lortutako hobekuntzei buruz prestatutako txostena, Ontzien Errege Dekretuaren 34.1 b) artikuluan xedatutakoaren ondorioetarako.

(v) Jarraipen Batzordeko idazkariak akta bat idatziko du bilera bakoitza egin eta hamabost (15) eguneko epean. Akta horretan, tratatutako puntuak, lortutako akordioak, akordio horiek betetzeko xede datak eta horien arduradunak jasoko dira.

(vi) Horrez gain, eta Jarraipen Batzordean alderdiek adostutako ekintzekin lotuta, batzorde buruak hitzarmenetik eratortzen diren betebeharren inguruko huts egiteen erregistro bat prestatuko du, eta horien berri garaiz eta behar bezala emanen zaie sinatzaileei eta hitzarmenari atxikitako toki-erakundeei, ahal den lasterren konpondu daitezen. Huts egite horiek Jarraipen Batzordean berrikusiko dira, horien efektuak arintzeko dagozkien ekintzak.

11.–Indarra hartzea eta iraupena.

(i) Hitzarmen hau ontzen da alderdien adostasuna adierazita, beren sinadura emanez, eta Nafarroako Aldizkari Ofizialean argitaratu eta hurrengo egunetik aurrera izanen du ondorioa. Hitzarmen honetan aurreikusitako baldintzek 2024ko urtarrilaren 1etik aurrerako atzeraeragina izanen dute, Ontzien Errege Dekretuaren hirugarren xedapen iragankorrean xedatutakoaren arabera.

(ii) Hitzarmen honek lau (4) urteko iraupena izanen du, eta ez da luzatzen ahalko, Nafarroako Foru Komunitateko Administrazioaren eta Foru Sektore Publiko Instituzionalaren 11/2019 Foru Legearen 89.h artikuluaren arabera.

(iii) Hitzarmenaren indarraldia agortu ondoren, alderdiek beste hitzarmen bat sinatzeko akordiorik lortu ez badute, hitzarmen honetan aurreikusitako baldintzak aplikatuko dira aldi batez, Ontzien Errege Dekretuaren 33.4 artikuluan araututako arbitraje-laudoa eman arte. Laudo horrek ez du inoiz izanen atzeraeraginezko ondoriorik.

12.–Hitzarmen honen izaera juridikoa, aplikatu beharreko legeria eta jurisdikzioa.

(i) 10. Hitzarmen honen izaera administratiboa da.

(ii) Hitzarmen hau arautzen da bere klausuletan ezarritakoaz, eta gainerakoan, Hondakinen Legean, Ontzien Errege Dekretuan, Sektore Publikoaren Araubide Juridikoari buruzko urriaren 1eko 40/2015 Legean eta Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legean ezarritako arauez.

(iii) Hitzarmen honen interpretazioari eta/edo gauzatzeari buruzko edozein eztabaida, lehenik eta behin eta nagusiki, Jarraipen Batzordearen baitan konpontzen saiatuko da; hori ezinezkoa bada, administrazioarekiko auzien jurisdikzioan ebatziko da eztabaida.

(iv) Jarraipen Batzordean auzitan dauden puntuak edo sortzen diren desadostasunak Arbitrajeari buruzko abenduaren 23ko 60/2003 Legean eta abenduaren 27ko 1055/2022 Errege Dekretuaren 33.4 artikuluan ezarritako jarduketa eta prozeduren arabera hartutako arbitraje laudo baten bidez konponduko dira.

13.–Hauek izanen dira hitzarmen hau suntsiarazteko arrazoiak.

(i) Hitzarmen hau arrazoi hauetako batengatik azkenduko da:

a) Indarraldia agortu delako, 9. klausulan aurreikusitakoarekin bat etorriz.

b) EESH bati, beirazko ontzien erakunde kudeatzaile gisa aritzeko EEHSek emandako baimena eten, iraungi edo baliogabetzeagatik.

c) Aldeak ados jarrita hala erabaki delako.

d) Alderdietako batek huts egite larria egin duelako hitzarmen honetan bere gain hartutako betebehar zehatzetan. Kasu horretan, in bonis alderdiak hilabeteko (1) epea emanen dio huts egitea konpontzeko araua bete ez duen alderdiari; epe hori igarota, araua betetzen ez duen alderdiak ez-betetzea konpondu ez badu, in bonis alderdiak bere kabuz suntsiarazten ahalko du hitzarmena, eta, hala badagokio, suntsiarazpen horren ondoriozko kalte-galeren ordaina eskatzen ahalko du. Nolanahi ere, larritzat joko da hitzarmen honetan aurreikusitako betebeharrak ez betetzea sei hilabetetik gorako epe batez.

e) Aplikatzekoa den araudian aurreikusitako edozein arrazoirengatik.

f) Epaile batek hitzarmena deuseza dela deklaratzea.

(ii) Hitzarmena aldez aurretik suntsiarazten bada (edo toki erakunde bat hitzarmen honi atxikitzeko akordioa), beirazko ontzien hondakinak bereizita biltzeko zerbitzu publikoaren jarraitutasuna bermatzeko, ondoko prozedura honi jarraituko zaio:

a) EEHSek zerbitzua ematen edo finantzatzen jarraituko dute, kasuan kasu, hitzarmenaren edo atxikipen akordioaren aurretiazko suntsiarazpena jakinarazi eta hurrengo sei (6) hilabeteetan.

Epe horretatik aurrera, toki erakundeak hartuko du bere gain zerbitzua, oso-osorik.

b) Toki erakundeak EEHSei ordainduko dizkie toki erakundearen lurralde eremuan instalatutako beirazko ontzien hondakinak bereizita biltzeko edukiontziak amortizatzeko falta den kostua, guztiz amortizatuta ez badaude; gainera, edukiontzi horiek erabiltzen jarraitzeko asmorik ez badu, EEHSek bide publikotik kendu egin beharko dituzte. Amortizazioaren kostua kalkulatzeko, Foru Komunitatean edo toki entitatean beirazko ontzien hondakinen edukiontziak hornitzeko deitutako azken esleipen prozeduratik ondorioztatzen den batez besteko kostua hartuko da kontuan.

c) Hitzarmenaren indarraldia agortzeak ez du eragotziko indarrean egon zen bitartean sortutako betebeharrak betetzea.

14.–Hitzarmena aldatzea.

(i) Hitzarmenaren edukia aldatzeko, sinatzaileen aho bateko adostasuna beharko da, eta espresuki jasoko da, dagokion eranskina sinatuz, zeina urriaren 1eko 40/2015 Legearen 50. artikuluaren arabera izapidetuko baita. Behin eranskina sinatuta, aldaketak ondorioa izanen du, Nafarroako Aldizkari Ofizialean argitaratzen denetik.

(ii) Honako hauek izanen dira hitzarmen hau aldatzeko arrazoiak:

a) Hondakinen Legea, Ontzien Errege Dekretua edo hitzarmen honen bidez betetzen den beste edozein arau-xedapen aldatzea, aldaketa horiek beharrezkoak direnean alderdien betebeharrak betetzeko.

b) Hitzarmen honen bidez betetzen den araudia osatzen edo garatzen duen Europako edo Estatuko edozein arau onartzea, alderdien betebeharrak betetzeko beharrezkoa denean.

c) Koordinazio Batzordeak hondakinen arloko erabakiak hartzea, horrek ekartzen badu hitzarmena eguneratu edo egokitu behar izatea, alderdiek beren gain hartutako betebeharrak ahal den modu efikaz eta efizienteenean betetzeko.

d) Administrazio publiko eskudunek edozein administrazio erabaki edo egintza onartzea, edo epaileen edozein erabaki ezagutzea, horien ondorioz akordio, egintza edo erabaki horietara egokitzeko hitzarmena eguneratu edo egokitu behar bada.

e) EEHSK berri bat atxikitzea hitzarmenari, aldaketa beharrezkoa denean hitzarmena aplikatzeko.

f) Bestelako edozein inguruabar, horren ondorioz hitzarmena eguneratu edo egokitu behar bada, alderdiek beren gain hartutako betebeharrak ahal den modu efikaz eta efizienteenean bete ditzaten.

Eta ados daudela erakusteko, bi alderdiek hitzarmen hau sinatu dute, bi aletan eta ondorio bakarrerako, goian adierazitako lekuan eta egunean.

José Manuel Núñez-Lagos Bau, ECOVIDRIO. Ana Bretaña de la Torre, Nafarroako Foru Komunitatea.

AKORDIOAREN ERANSKINAK

Deskargatu eranskinak (PDFa).

Iragarkiaren kodea: F2514332