251. ALDIZKARIA - 2025eko abenduaren 18a

1. NAFARROAKO FORU KOMUNITATEA

1.7. BESTELAKOAK

106/2025 EBAZPENA, azaroaren 18koa, Enpresen Sustapenerako eta Azpiegituretako zuzendari nagusiak emana, zeinaren bidez okupatu aurreko aktak egiten baitira energia garraiatzeko zirkuitu bikoitzeko 220 kV-eko "Muru Artederreta-Estellerria" aireko linea aldatzeko proiektuan, Untzueko, Mendigorriko, Villatuertako eta Oteitzako udal mugarteetan. Espedienteen kodea: SAT11265-2 eta SAT11265-2 (2).

Energiako, Enpresen I+G+b-ko eta Ekintzailetzako zuzendari nagusiaren ekainaren 16ko 72/2025 Ebazpenaren bidez, aurretiazko administrazio-baimena eta eraikitzeko administrazio-baimena eman eta onura publikoa zehazki deklaratzen da energia elektrikoa garraiatzeko zirkuitu bikoitzeko 220 kV-eko "Muru Artederreta-Estellerria" aireko linea aldatzeko, Untzueko, Mendigorriko, Villatuertako eta Oteitzako udal mugarteetan. Espedientearen kodea: SAT11265-2.

Enpresen Sustapenerako eta Azpiegituretako zuzendari nagusiaren urriaren 29ko 88/2025 Ebazpenaren bidez, aurretiazko administrazio-baimena eta eraikitzeko administrazio-baimena eman eta onura publikoa zehazki deklaratzen da energia elektrikoa garraiatzeko zirkuitu bikoitzeko 220 kV-eko "Muru Artederreta-Estellerria" aireko linea aldatzeko, Untzueko, Mendigorriko, Villatuertako eta Oteitzako udal mugarteetan. Espedientearen kodea: SAT11265-2 (2).

Onura publikoaren deklarazioak berekin dakar ukitutako ondasunak presaz okupatu beharra. Hori dela eta, bidezkoa da ondasun horien titularrei dei egitea okupatu aurreko aktak egitera ager daitezen.

Adierazitakoarekin bat, eta erabiliz Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak,

EBAZTEN DUT:

1. Dei egitea proiektu horrek ukitutako ondasun eta eskubideen titularrei eta Untzueko, Mendigorriko, Villatuertako eta Oteitzako alkateei edo haiek eskuordetzen dituzten zinegotziei, okupatu aurreko aktak eta, bidezko bada, behin betiko okupatzeko aktak egitera ager daitezen, Untzueko, Mendigorriko, Villatuertako eta Oteitzako udaletxeetan, 2026ko otsailaren 3an, 4an eta 5ean.

Aktak egiteko ordena eta ordutegia interesdunei jakinaraziko zaizkie, banakako zitazio zedularen bitartez.

2. Ebazpen hau Red Eléctrica de España SAU enpresa onuradunari jakinaraztea, behar diren ondorioak izan ditzan.

3. Ebazpen hau argitara ematea Nafarroako Aldizkari Ofizialean, Foru Komunitateko bi egunkaritan eta Untzueko, Mendigorriko, Villatuertako eta Oteitzako udaletxeetako iragarki tauletan.

Iruñean, 2025eko azaroaren 18an.–Enpresen Sustapenerako eta Azpiegituretako zuzendari nagusia, Iñigo Arruti Torre.

Iragarkiaren kodea: F2515382