Iragarkia

25. ALDIZKARIA - 2025eko otsailaren 6a

1. NAFARROAKO FORU KOMUNITATEA

1.7. BESTELAKOAK

664/2024 EBAZPENA, abenduaren 17koa, Nafarroako Kirolaren eta Jarduera Fisikoaren Institutuko zuzendari kudeatzaileak emana, zeinaren bidez interes sozialekotzat deklaratzen baitira zenbait proiektu, bat etorriz maiatzaren 24ko 2/2023 Legegintzako Foru Dekretuan xedatutakoarekin, haren bidez onetsi baitzen fundazioen eta irabazi asmorik gabeko bestelako entitateen zerga araubide bereziko xedapenen eta mezenasgoaren zerga-pizgarrien testu bategina.

2024ko urriaren 1etik 31ra bitartean, honako eskaera hauek aurkeztu zituzten pertsona eta entitate hauek kirol proiektu eta jarduerak interes sozialekotzat deklara zitezen.

–2024ko kirol mezenasgoko proiektuak:

• "Club Deportivo Zaldua Taldea" proiektua, Zaldua Taldea kirol elkarteak aurkeztua.
• "Grupo de competición y rendimiento de escalada de categorías juveniles" proiektua, Mugitu Mendi Taldea klubak aurkeztua.
• Automobilismo-probetako lehiaketa-proiektua, Adrián José Cortés Galdeano jaunak aurkeztua.
• "Unión Deportiva Cultural Rochapea" proiektua, Unión Deportiva Cultural Rochapea entitateak aurkeztua.
• "Popurrí Beti-Onak - Balonmano Comunitario" proiektua, Beti-Onak kirol klubak aurkeztua.
• "Semana de Montaña" proiektua, Antsoaingo Mendi Eskola kirol klubak aurkeztua.
• "Autodescubrimiento" proiektua, Nafarroako Saskibaloi Federazioak aurkeztua.
• "Escuela de Béisbol Toros" proiektua, Béisbol y Sófbol Toros klubak aurkeztua.
• "Mirador de Las Bardenas" proiektua, Valtierrako Udalak aurkeztua.

Kultura eta Kiroleko kontseilariaren otsailaren 15eko 13/2023 Foru Aginduaren eranskineko 6. puntuan ezarritako instrukzio-jarduerak egin ondoren (agindu horren bidez xedatu zen kirol proiektu eta jarduerak interes sozialekotzat deklaratzeko eskaerak egiteko prozedura, kirol mezenasgoaren ondorioetarako), Nafarroako Kirolaren Kontseiluari eskaera hori igorri zion Kirola eta Jarduera Fisikoa Sustatzeko Zuzendariordetzak, dagokion dokumentazioarekin batera, Kontseiluko Kirol Mezenasgoaren Batzordearen bitartez ebaluatu zezan.

Eskaera ebaluatu ondoren, Nafarroako Kirolaren Kontseiluak, bere Kirol Mezenasgoaren Batzordearen bitartez, aurkeztutako proiektuak interes sozialekotzat deklaratzea onartu, ukatu edo artxibatzea proposatu zion Nafarroako Kirolaren eta Jarduera Fisikoaren Institutuko kudeaketako zuzendaritzari 2024ko abenduaren 17an.

Beraz, maiatzaren 24ko 2/2023 Legegintzako Foru Dekretuan xedatutakoarekin bat, haren bidez onetsi baitzen onetsi baitzen fundazioen eta irabazi asmorik gabeko bestelako entitateen zerga araubide bereziko xedapenen eta mezenasgoaren zerga-pizgarrien testu bategina, eta Kultura eta Kiroleko kontseilariaren otsailaren 15eko 13/2023 Foru Aginduan xedatutakoarekin bat,

EBAZTEN DUT:

1. Ebazpen honen I. eranskinean ageri diren kirol jarduerak eta proiektuak interes sozialekotzat deklaratzea.

2. Honako proiektu hauek interes sozialekotzat deklaratzea ukatzea:

–"Equipo de competición y rendimiento de escalada de categorías juveniles" proiektua, Mugitu Mendi Taldea klubak aurkeztua, lehiaketa federatuetan parte hartzeko jarduera delako (maiatzaren 24ko 2/2023 Legegintzako Foru Dekretuaren 41.3 artikulua).

–Automobilismo-probetako lehiaketa-proiektua, Adrián José Cortés Galdeano jaunak aurkeztua, lehiaketa federatuetan parte hartzeko jarduera delako (maiatzaren 24ko 2/2023 Legegintzako Foru Dekretuaren 41.3 artikulua).

–"Unión Deportiva Cultural Rochapea" proiektua, Unión Deportiva Cultural Rochapea entitateak aurkeztua, lehiaketa federatuetan parte hartzeko jarduera delako (maiatzaren 24ko 2/2023 Legegintzako Foru Dekretuaren 41.3 artikulua).

–"Semana de Montaña" proiektua, Antsoaingo Mendi Eskola kirol klubak aurkeztua, dagoeneko amaituta dagoelako (maiatzaren 24ko 2/2023 Legegintzako Foru Dekretuaren 42.3 artikulua).

3. Valtierrako Udalak aurkeztutako eskaera artxibatzea, eta atzera egindakotzat jotzea.

4. Proiektuak eta jarduerak gauzatzen diren bitartean bakarrik izanen du indarra interes sozialaren deklarazioak.

5. Interes sozialekotzat deklaratutako proiektuak eta jarduerak dituzten pertsonek eta entitateek bete beharko dituzte Kultura eta Kiroleko kontseilariaren otsailaren 15eko 13/2023 Foru Aginduaren eranskineko 9. eta 10. ataletan ezarritako betebeharrak, bai aurkeztutako proiektuari dagokionez, bai Zerga Administrazioari dagokionez.

6. Kirol proiektua edo jarduera interes sozialekotzat deklaratuta ere, entitate onuradunek berdin-berdin eskuratu beharko dituzte hura gauzatzeko lizentzia, baimen edo komunikazioak, horiek ematea, zeinek bere eskumenen esparruan, beste erakunde batzuei dagokienean.

7. Interes sozialekotzat deklaratutako kirol proiektuak Nafarroako Gobernuaren atarian argitaratuko dira, Kultura eta Kiroleko kontseilariaren otsailaren 15eko 13/2023 Foru Aginduaren eranskineko 13. atalean ezarritakoarekin bat.

8. Pertsona eta entitate onuradunek "MEDENA" anagrama erabiltzen ahalko dute beren komunikazio, aurkezpen, argitalpen eta dokumentuetan, baldin eta zerikusia badute interes sozialekotzat deklaraturik dauden kirol proiektu eta jarduerekin.

9. Ebazpen hau igortzea, behar diren ondorioak izan ditzan, Nafarroako Kirolaren eta Jarduera Fisikoaren Institutuari, institutu horretako Entitateei Arreta Egiteko eta Kirol Errendimendurako Zuzendariordetzari, Kirola eta Jarduera Fisikoa Sustatzeko Zuzendariordetzari, Administrazio eta Kudeaketa Atalari eta Nafarroako Zerga Ogasunari.

10. Ebazpen hau Nafarroako Aldizkari Ofizialean argitaratzea.

Iruñean, 2024ko abenduaren 17an.–Nafarroako Kirolaren eta Jarduera Fisikoaren Institutuko zuzendari kudeatzailea, Jorge Aguirre Oviedo.

I. ERANSKINA.–KIROL JARDUERAK ETA PROIEKTUAK

Iragarkiaren kodea: F2418402