25. ALDIZKARIA - 2025eko otsailaren 6a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

1/2025 EBAZPENA, urtarrilaren 2koa, Langileriaren eta Azpiegituren zuzendari nagusiak emana, zeinaren bidez onesten baita Hezkuntza Departamentuko Hezkuntza-laguntzako espezialista lanpostua administrazio-araubidean aldi baterako kontratatzeko izangaien bi zerrenda hautaproben bidez eratzeko deialdia.

Nafarroako Foru Komunitateko Administrazioaren eta haren erakunde autonomoen zerbitzuko langileen arloko neurriak onartzen dituen irailaren 16ko 10/2020 Foru Lege Dekretuaren 2. artikuluak, Nafarroako 2021erako Aurrekontu Orokorrei buruzko abenduaren 29ko 20/2020 Foru Legearen seigarren xedapen gehigarriak aldatuak, Hezkuntza-laguntzako Espezialista lanpostua sortzen du, C mailakoa/taldekoa, eta, lanpostu horretara iristeko, Gizarteratzeko goi-mailako teknikariaren berariazko titulazioa izatea eskatzen du, edo, hala badagokio, Batxilergoko titulua edo baliokidea, Hezkuntza-premia bereziak dituzten Ikasleen Arretarako ziurtagiri profesionalarekin.

Artikulu horren 4. atalak adierazten du, aurreko paragrafoan adierazitakoa gorabehera, bost urteko bitarteko aldia ezartzen da, aipatutako lege dekretuak indarra hartzen duenetik aurrera, aipatutako titulu berariazkoa eskatzeko, Hezkuntza Laguntzako espezialista-lanpostuak aldi baterako betetzen direnean. Aldi horretan, C mailako/taldeko lanpostuak betetzeko eskatzen den titulu orokorra duten izangaiek betetzen ahalko dituzte lanpostu horiek aldi baterako".

Bestalde, arau horren beraren hirugarren xedapen iragankorraren 3. atalak ezartzen duenez, Hezkuntza Departamentuko zaintzaile lanpostua betetzeko 10/2020 Foru Lege Dekretua indarrean sartzean indarrean dauden aldi baterako kontrataziorako izangaien zerrendek, bai eta lehen aipatutako 2. artikuluan aurreikusitako aldi iragankorrean titulazio generikoa eskatzen dutenek ere, indarrean jarraituko dute aipatutako aldi iragankorra bukatu arte.

Azkenik, 2025erako Nafarroako Aurrekontu Orokorrei buruzko Foru Legearen 32. artikuluak, "Hezkuntza-laguntzako espezialistak aldi baterako hornitzeari" buruzkoak, ezartzen du irailaren 16ko 10/2020 Foru Lege Dekretuak, Nafarroako Foru Komunitateko Administrazioaren eta haren erakunde autonomoen zerbitzuko langileen arloko neurriak onartzen dituenak, 2.4. artikuluan aipatzen duen aldi baterako epea 2026ko abenduaren 31ra arte igarotakoan, hezkuntza-laguntzako espezialistaren lanpostua aldi baterako betetzeko aukera izanen dutela C mailako/taldeko lanpostuak lortzeko eskatzen den titulazio generikoa duten izangaiek. Nolanahi ere, lehentasuna izanen dute Gizarte Integrazioko goi-mailako teknikariaren titulua edo, hala badagokio, Batxilergoko titulua edo baliokidea duten eta hezkuntza-premia bereziak dituzten ikasleen arretarako ziurtagiri profesionala duten izangaiek.

Ikusirik Nafarroako Foru Komunitateko Administrazioan dauden langile-beharrak, eta kontuan izanik irailaren 16ko 10/2020 Foru Lege Dekretuan aurreikusitako aldi baterako epea eta arau horren hirugarren xedapen iragankorrak aipatzen dituen hezkuntza-laguntzako espezialistak aldi baterako kontratatzeko zerrenden indarraldia 2025eko irailaren 22an bukatzen dela, bidezko da deialdi bat egitea, hautaproben bidez, aldi baterako kontratatzeko izangaien bi zerrenda eratzeko, administrazio-araubidean, hezkuntza-laguntzako espezialisten lanpostuak, Hezkuntza Departamentuan sortzen diren beharrak betetzeko. Zerrenda horietako lehena osatuko dute Hezkuntza-laguntzako espezialistaren lanpostuan sartzeko eskatzen den titulazio espezifikoa egiaztatzen duten izangaiek, eta bigarrena, berriz, C mailako/taldeko lanpostuetara sartzeko eskatzen den titulazio orokorra egiaztatzen duten izangaiek. Horrela, aipatutako aldi iragankorra bukatu ondoren, Nafarroako 2025erako Aurrekontu Orokorrei buruzko Foru Legean ezarritako lehentasuna bermatuko zaie Gizarteratzeko goi-mailako teknikariaren titulazioa edo, hala badagokio, Batxilergoko titulua edo Hezkuntza Premia Bereziak dituzten Ikasleen Arretarako lanbide-ziurtagiria duten titulazioa dutela egiaztatzen duten izangaiei.

Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 13. artikuluaren arabera, komenigarritzat jotzen da Irakasleak Hautatu eta Hornitzeko Zerbitzuko zuzendariak deialdia onartzeko duen eskumena bereganatzea.

2025erako Nafarroako Aurrekontu Orokorrei buruzko Foru Legearen 32. artikuluan eta aldi baterako kontratazioa kudeatzeko arauak onartzen dituen Lehendakaritza, Justizia eta Barne kontseilariaren abenduaren 31ko 814/2010 Foru Aginduan ezarritakoaren babesean onartu da deialdi hau.

Horrenbestez, eta otsailaren 21eko 30/2005 Foru Dekretuaren bidez esleiturik ditudan eskudantziak erabiliz,

EBAZTEN DUT:

1. Irakasleak Hautatzeko eta Lanpostuak Betetzeko Zerbitzuko zuzendariak deialdi hau onartzeko duen eskumena bereganatzea.

2. Hezkuntza Departamentuko Hezkuntza-laguntzako espezialista lanpostua administrazio-araubidean aldi baterako kontratatzeko hautagaien bi zerrenda hautaproben bidez eratzeko deialdia onartzea.

3. Ebazpen hau eta eranskinak Nafarroako Aldizkari Ofizialean argitara daitezela agintzea.

4. Ebazpen hau eta bere eranskinak jakinaraztea Langileriaren eta Azpiegituren Zuzendaritza Nagusiko Irakasleak Hautatzeko eta Lanpostuak Betetzeko, Aldi Baterako Langileen Kudeaketako eta Langileen Araubide Juridikoko Zerbitzuei, Hezkuntzako eta Lanbide Heziketako Zuzendaritza Nagusiko Inklusio Zerbitzuari eta epaimahaiko kideei, dagozkien ondorioetarako.

HEZKUNTZA DEPARTAMENTUKO HEZKUNTZA-LAGUNTZAKO ESPEZIALISTA LANPOSTUA ADMINISTRAZIO ARAUBIDEAN ALDI BATERAKO KONTRATATZEKO HAUTAGAIEN BI ZERRENDA ERATZEKO DEIALDIA

Hona hemen deialdiaren oinarriak:

OINARRIAK

Lehenbizikoa.

Hezkuntza-laguntzako espezialista lanpostua administrazio-araubidean aldi baterako kontratatzeko hautagaien bi zerrenda hautaproben bidez eratzeko deialdia iragartzen da, Hezkuntza Departamentuan sortzen diren beharrei aldi baterako erantzuteko.

Lehenengo zerrenda Gizarteratzeko goi-mailako teknikariaren titulazioa duten langileek osatuko dute, edo, hala badagokio, Batxilergoko titulua edo hezkuntza-premia bereziak dituzten ikasleei arreta emateko ziurtagiri profesionala duen baliokidea dutenek, eta, bigarrena, C mailako/taldeko lanpostuetara sartzeko eskatzen den titulazio generikoa dutela egiaztatzen dutenek.

Nolanahi ere, Hezkuntza-laguntzako espezialista lanpostua aldi baterako betetzeko lehentasuna izanen dute Gizarteratzeko goi-mailako teknikariaren titulazioa duten izangaiek, edo, hala badagokio, Batxilergoko titulua edo hezkuntza-premia bereziak dituzten ikasleei arreta emateko ziurtagiri profesionala duen baliokidea dutenek. Beraz, lehenengoaren bigarren zerrenda subsidiarioa izanen da.

Bigarrena.–Parte-hartzaileen betebeharrak.

2.1. Deialdi honetan parte hartu nahi duten izangaiek betebehar hauek bete beharko dituzte eskaera-orriak aurkezteko epea bukatzen denean:

A. Betebehar orokorrak:

a) Espainiarra izatea edo Europar Batasuneko gainerako estatuetako batekoa, edo arau hauek aplikatzen zaizkion estaturen batekoa: langileen joan-etorri askeari buruz Europako Parlamentuak emandako 2004/38/EE Zuzentaraua eta otsailaren 16ko 240/2007 Errege Dekretua, hots, Europar Batasuneko herritarrak edo Europako Esparru Ekonomikoari buruzko Akordioari lotutako beste estatu batzuetako herritarrak Espainian sartu eta bizitzeari eta horien joan-etorri askeari buruzkoa.

Ezkontideek ere parte hartzen ahal dute, zuzenbidez bananduta ez badaude, bai eta bere ondorengoek eta ezkontidearenek ere, zuzenbidez bananduta ez badaude eta, ondorengoei dagokienez, hogeita bat urtetik beherakoak badira edo, zaharragoak izanez gero, haien bizkar bizi badira edo ezgaiak badira. Halaber, herritar horien aurreko ahaide zuzenek eta haren ezkontidearenek parte hartzen ahalko dute, zuzenbidez bananduta ez badaude eta haren kargura bizi badira.

b) Hamasei urte beteak izatea eta, oro har, erretiroa hartzeko ezarritako adina ez izatea.

c) Hezkuntza-laguntzako espezialisten kidegoari dagozkion eginkizunekin bateraezina den eritasunik edo muga fisiko edo psikikorik ez izatea.

d) Diziplina espediente bidez Administrazio Publikoen zerbitzutik bereizia ez izana, eta eginkizun publikoak betetzeko desgaituta ez egotea.

e) Halaber, nazionalitate espainiarra ez duten izangaiek haien estatuan funtzio publikoan sartzea eragozten dien diziplina zehapen edo zigor penalik ez dutela egiaztatu beharko dute.

f) Sexu Delitugileen eta Gizakien Salerosketaren Erregistro Zentralaren ziurtagiri negatiboa edukitzea, Haurrak eta nerabeak indarkeriaren aurrean osorik babesteari buruzko ekainaren 4ko 8/2021 Lege Organikoaren 57. artikuluaren arabera.

B. Titulazio baldintzak:

a) Lehenengo zerrenda lehentasunezkoa izanen da, eta bertan parte hartu nahi dutenek Gizarteratzeko goi-mailako teknikariaren titulua dutela egiaztatu beharko dute, edo, hala badagokio, batxiler-titulua edo hezkuntza-premiak dituzten ikasleei arreta emateko ziurtagiri profesionala duen baliokidea, edo, hala badagokio, eskabideak aurkezteko epea bukatzen den egunean titulua lortzeko eskubideak ordaindu izanaren frogagiria.

b) Bigarren zerrenda subsidiarioan parte hartzeko, parte-hartzaileek batxilergoko titulua edo titulu baliokide aitortua dutela egiaztatu beharko dute, edo eskabideak aurkezteko epea bukatzen den egunean eskubideak ordaindu izanaren frogagiria.

Atzerrian lortutako tituluak badira, homologazioaren egiaztagiria eduki beharko da.

2.2. Aurreko atalean jasotako baldintza guztiak eskaerak aurkezteko epea bukatzen den egunean bete beharko dira, baita hautapen prozedura osoan, dei egiten zaien unean eta kontratuak iraun bitartean ere.

Hirugarrena.–Eskaerak eta agiriak.

3.1. Eskaerak aurkezteko epea.

Deialdiotan parte hartzeko eskaerak hamabost egun naturaleko epean aurkeztu beharko dira, deialdiok Nafarroako Aldizkari Ofizialean argitaratu eta biharamunetik hasita. Eskaerak aurkezteko epea luzaezina da.

3.2. Eskaera aurkeztea eta formalizatzea.

Hautapen prozedura honetan parte hartu nahi dutenek telematikoki aurkeztu beharko dute eskaera nahitaez, Hezkuntza Departamentuak deialdi honi dagokion fitxan jarriko duen datu orri elektroniko espezifikoaren bidez. Webgune honetan aurki daiteke: https://www.navarra.es/es/tramites/on/-/line/pruebas-selectivas-para-el-puesto-de-especialista-de-apoyo-educativo-del-departamento-de-educacion-2025.

Eskaeran, interesdunek adierazi behar dute baldintza guztiak betetzen dituztela eskaerak aurkezteko epea bukatzen den egunean.

Parte hartzeko eskabide bat baino gehiago aurkeztuz gero, epearen barrenean aurkezten den azkeneko eskabidea (eta horri lotutako dokumentazioa) baizik ez da izapidetuko, eta horrek bakarrik balioko du.

3.3. Parte-hartzeko eskabidearekin batera aurkeztu beharreko dokumentazioa:

Eskaera aurkezteko unean, izangaiek, kasuaren arabera, dokumentazio hau aurkeztu beharko dute:

A. Nazionalitate espainiarra duten izangaiek:

1) Erantzukizunpeko adierazpena, adierazten duena ez dutela inongo Administrazio Publikoren zerbitzutik bereizi diziplina espediente baten bidez eta ez dagoela desgaitua eginkizun publikoetan aritzeko. Adierazpena egiteko, onartu beharko da eskaera telematikoki aurkezteko datu orrian dagoen "adierazten dut" atalean zehazten dena.

2) Gizarteratzeko goi-mailako teknikariaren tituluaren kopia eskaneatua, batxilergoko titulua edo baliokidea gehi hezkuntza-premia bereziak dituzten ikasleei arreta emateko lanbide-ziurtagiria, edo, hala badagokio, titulua emateko eskubideak ordaindu izana egiaztatzen duen ziurtagiria, lehentasunezko zerrendan sartzeko; edo batxilergoko titulua edo baliokidea, edo titulua emateko eskubideak ordaindu izana egiaztatzen duen ziurtagiria, zerrenda subsidiarioan sartzeko. Agiriaren aurreko eta atzeko aldeak agertuko dira kopia horietan, eta artxibo bakar batean aurkeztuko da.

Titulua atzerrian eskuratu bada, eskaneatutako kopia ez ezik, titulua homologatuta dagoela egiaztatzen duen agiriaren kopia ere aurkeztu beharko da.

3) Euskarazko plazak ere aukeratzen badira, B2 maila edo baliokidetzat onartutako beste edozein maila gainditu izanaren ziurtagiria aurkeztu beharko dute.

4) Eremu geografikoetan sartzeko eskaera, eta lanaldi partzialean lan egiteko prest dagoela adierazten duen ala ez, deialdiko I. eranskineko dokumentuaren arabera.

5) % 33ko desgaitasuna edo handiagoa izanik parte hartzen dutenek horren berri eman beharko dute eskaeran; gainera, organo eskudunak emandako dokumentazioa erantsi beharko dute, eskaneaturik, hori frogatzeko.

% 33ko desgaitasuna edo handiagoa duten izangaiek, hura frogatzeko, agiri hauetako bat aurkeztu behar dute:

–IMSERSOk edo autonomia erkidegoan eskumena duen organo eskudunak emandako ziurtagiria.

–Gizarte Segurantzako Institutu Nazionalaren ebazpena, prestazio bat jasotzeko eskubidea onartzen diona hauetakoren bat edukitzeagatik: ezintasun iraunkor osoa, ezintasun iraunkor absolutua edo baliaezintasun handia.

Desgaitasuna izateagatik eta hala behar izateagatik proba egiteko denboretan eta bitartekoetan egokitzapenen bat eskatzen duten izangaiek hala adierazi beharko dute eskabidean, eta, horretarako prestatutako tokian, adierazi beharko dute zer egokitzapen behar duten edo denbora eta/edo bitartekoak nola doitu behar diren. Horretarako, izangaiak egokitzat jotzen duen dokumentazioa aurkez dezake, eskaera aurkeztean. Pertsona horiek Pertsonen Autonomiarako eta Garapenerako Nafarroako Agentziara bideratuko dira, proba egiteko denbora eta baliabide aldetik behar dituzten egokitzapenak zehazteko.

B. Beste nazionalitate bateko izangaiak:

Apartatu honen A azpiapartatuko 3. puntutik 6.era ezarritako agiriez gain, honako hauek aurkeztu beharko dituzte:

1) Deialdian parte hartzeko eskaeran, nazionalitate espainiarra ez duten izangaiek beren estatuko Nortasun Txartelari dagokion zenbakia edo pasaportearena adierazi beharko dute "Nortasun Agiri Nazionalari" dagokion laukian.

2) Erantzukizunpeko adierazpena, izangaiak bere estatuko funtzio publikoan sartzeko diziplina zehapenik edo zigor penalik ez duela adierazten duena. Adierazpen hori egiteko, onartu beharko da eskaera telematikoki aurkezteko datu orrian dagoen "adierazten dut" atalean zehazten dena.

3.4. Agirien formatua eta egiaztapena.

Aski izanen da dokumentazioaren kopia eskaneatuak aurkeztea, baina aurkeztutako datuak edo agiriak ez-zuzenak edo faltsuak badira, behar diren erantzukizun penal, zibil edo administratiboak eskatuko dira. Hala ere, Administrazioak noiznahi eskatzen ahalko dizkie izangaiei aurkeztutako dokumentazioaren jatorrizkoak edo fotokopia konpultsatuak.

Desadostasunik sortzen bada ofizioz egiaztatutako datuen eta interesdunak deklaratzen dituenen artean, edo haien gaineko alderdiren bat argitu behar bada, behar den errekerimendua eginen da, Administrazio Publikoen Administrazio Prozedura Erkideari buruzko urriaren 1eko 39/2015 Legearen 68.1 artikuluan ezarritakoaren arabera.

3.5. Espainia ez den beste nazionalitate bateko langileei eskatzen zaien nortasun-agiri nazionala edo agiria, eta Sexu Delitugileen eta Gizakien Salerosketaren Erregistro Zentralaren ziurtagiri negatiboa, Haurrak eta Nerabeak Indarkeriatik Osorik Babesteari buruzko ekainaren 4ko 8/2021 Lege Organikoaren 57. artikuluaren arabera, deialdia egiten den unean egiaztatu beharko da, deialdi honen zortzigarren oinarrian ezarritakoaren arabera.

Laugarrena.–Izangaiak onartzea.

4.1. Behin-behineko zerrendak.

Eskabideak aurkezteko epea bukatu ondoren, Langileriaren eta Azpiegituren zuzendari nagusiak ebazpena emanen du onartutako eta baztertutako izangaien behin-behineko zerrendak onartzeko, eta www.navarra.es helbidean argitaratzeko aginduko du. Horretarako, zerrenda hauek argitaratuko dira:

–Lehentasunezko zerrenda osatzeko onartutako eta baztertutako pertsonen behin-behineko zerrenda. Zerrenda horretan, hezkuntza-laguntzako espezialistaren lanposturako berariazko titulazioa eskatzen da, gaztelaniaz eta, hala badagokio, euskaraz, eskatutako zonak eta lanaldi partzialeko aukera adierazita.

–Zerrenda subsidiarioa osatzeko onartutako eta baztertutako pertsonen behin-behineko zerrenda, non C maila/taldera sartzeko titulazio orokorra eskatzen den gaztelaniaz eta, hala badagokio, euskaraz, eskatutako zonak eta lanaldi partzialeko aukera adieraziz.

Baztertutako izangaiek, bai eta parte hartzeko eskabidearekin batera aurkeztu zuten titulazioa behar bezala kontuan hartu ez dela uste dutenek ere, erreklamazioak aurkezten ahalko dituzte eta, hala badagokio, akatsak zuzendu, behin-behineko zerrendak argitaratu eta ondoko hamar egun baliodunetan. Era berean, zonaldeetan, lanaldi partzialeko aukeran eta euskara-plazetan parte hartzean atzematen dituzten akatsak erreklamatzen ahalko dituzte, baina inola ere ez dira onartuko eskabideak aurkezteko epearen barruan adierazitako aukeren aldaketak.

Erreklamazioak telematikoki aurkeztu beharko dira, Interneteko www.nafarroa.eus helbidearen bidez, deialdiaren fitxan.

Akatsak zuzentzeko emandako epea bukatutakoan, ebazpen bat argitaratuko da www.nafarroa.eus webgunean, deialdiaren fitxan, eta haren bidez ulertuko da eskatutakoan atzera egin dutela aurkeztutako eskaera epe barruan zuzendu ez duten edo behar bezala zuzendu ez duten izangaiek.

Izangai bazterturik ez bada, onartuen behin betiko zerrendak zuzenean onetsiko dira.

4.2. Behin betiko zerrendak.

Erreklamazioak edo zuzenketak egiteko epea igaro ondoren, eta horiek ebatzi ondoren, Langileriaren eta Azpiegituren zuzendari nagusiaren ebazpen bidez, onartutakoen eta baztertutakoen behin betiko zerrendak onartuko dira, honako honen arabera:

–Lehentasunezko zerrenda osatzeko onartutako eta baztertutako pertsonen behin-betiko zerrenda. Zerrenda horretan, hezkuntza-laguntzako espezialistaren lanposturako berariazko titulazioa eskatzen da, gaztelaniaz eta, hala badagokio, euskaraz, eskatutako zonak eta lanaldi partzialeko aukera adierazita.

–Zerrenda subsidiarioa osatzeko onartutako eta baztertutako pertsonen behin-betiko zerrenda, non C maila/taldera sartzeko titulazio orokorra eskatzen den gaztelaniaz eta, hala badagokio, euskaraz, eskatutako zonak eta lanaldi partzialeko aukera adieraziz.

Zerrenda horiek www.navarra.es helbidean argitaratuko dira, deialdiaren aipamenean, deialdian aurreikusitako proba selektiboa egiteko data, ordua eta tokiarekin batera.

Onartutakoen zerrendan agertzeak ez du esan nahi parte hartzen dutenei deialdi honetan eskatzen diren baldintzak betetzen dituztela aitortzen zaienik. Izangaiek aurkeztu behar duten dokumentazioa edo Administrazioak bere eskuetan daukana aztertuta, baldintzaren bat betetzen ez dela ohartuz gero, interesdunek deialdian parte hartzeagatik dituzten eskubide guztiak galduko dituzte.

Izangai onartu eta baztertuen zerrendak argitaratzearekin ulertuko da interesdunei egin beharreko jakinarazpena egin dela, Administrazio Publikoen Administrazio Prozedura Erkideari buruzko urriaren 1eko 39/2015 Legearen 45. artikuluan ezarritakoarekin bat.

Bosgarrena.–Kalifikazio epaimahaia.

5.1. Hezkuntza Departamentuari atxikitako pertsona hauek osatuko dute epaimahaia:

Burua: Aranzazu Asensio Igoa andrea, Inklusio Ataleko aholkularia.

Ordezko epaimahaiburua: Gabriel Cámara López, Inklusio Ataleko burua.

Epaimahaikidea: Egiarte Goikoetxea Cía andrea, Bigarren Hezkuntzako irakaslea Nafarroako Hezkuntza Berdintasunerako Baliabideen Zentroan (CREENA).

Ordezko epaimahaikidea: Ana Inés Garro Ozcoidi andrea, Bigarren Hezkuntzako irakaslea Nafarroako Hezkuntza Berdintasunerako Baliabideen Zentroan (CREENA).

Epaimahaikidea: Esther Navallas Echarte andrea, Bigarren Hezkuntzako irakaslea Nafarroako Hezkuntza Berdintasunerako Baliabideen Zentroan (CREENA).

Ordezko epaimahaikidea: Natalia Ganuza Larumbe, Maisua Nafarroako Hezkuntza Ekitaterako Baliabide Zentroan (CREENA).

Epaimahaikidea: Langileen Batzordeak izendatua.

Ordezkoa: Langileen Batzordeak izendatua.

Idazkaria: Nerea Ochandorena Baztán, Maisua Nafarroako Hezkuntza Ekitaterako Baliabide Zentroan (CREENA).

Ordezko idazkaria: Marta Redondas Delgado andrea, Bigarren Hezkuntzako irakaslea Nafarroako Hezkuntza Berdintasunerako Baliabideen Zentroan (CREENA).

5.2. Sektore Publikoaren Araubide Juridikoari buruzko urriaren 1eko 40/2015 Legean abstentziorako aipatzen diren arrazoietako bat gertatzen denean, kalifikazio epaimahaiko kideek ez dute epaimahaian parte hartzen ahalko, eta Langileriaren eta Azpiegituren Zuzendaritza Nagusiari jakinarazi beharko diote.

Era berean, interesdunek epaimahaia osatzen duten pertsonak errefusatzen ahalko dituzte inguruabar horiek gertatzen direnean.

5.3. Hautaproba egiten hasi aurretik eratuko da epaimahaia.

Epaimahaia ez da eratzen ahalko, eta ez du jarduten ahalko ere, gutxienez kideen gehiengo osoa bertan ez bada. Halaber, epaimahaiaren eraketak eta jardunak balio izateko, epaimahaiburu eta idazkari lanak egiten dituzten pertsonek edo haien ordezkoek bertan egon beharko dute.

Epaimahaiak gehiengoz ebatziko ditu deialdietako oinarrien interpretazioaren eta aplikazioaren inguruan sortzen diren arazoak.

Epaimahaiak aholkulari espezialistak hartzen ahalko ditu probarako, eta horiek beren espezialitate teknikoetan baizik ez dira ariko, eta haietan bakarrik emanen diete laguntza epaimahaikoei.

Seigarrena.–Proba.

6.1. Hautaketa-prozesua egiteko, proba bakarra eginen da, ebazpen honetan aipatzen diren bi zerrendetarako komuna. Proba horretan, idatziz erantzun beharko zaio 50 galderako galdetegi bati, lau erantzun-aukerarekin, eta horietatik bakarra izanen da baliozkoa, ebazpen honen II. eranskinean agertzen den gai-zerrendako gaiari dagokionez. Erantzun oker bakoitzak penalizazioa ekarriko du, hain zuzen ere erantzun zuzenaren balioaren laurdena.

Epaimahaiak finkatuko du probaren gehieneko iraupena, hura hasi baino lehen.

Proba egiteko ez da inolako testurik edo dokumentaziorik erabiltzen ahalko, ezta gailu elektronikorik edo bestelako materialik ere, mutur lodiko boligrafo urdina edo beltza izan ezik.

Proba honi dagokion puntuazioa 50 puntukoa izanen da gehienez ere. Proba honetan ezarritako gehieneko puntuazioaren gutxienez % 30 lortzen ez duten izangaiak kanporatuta geratuko dira.

6.2. Probarako deialdia deialdi bakarraren bidez eginen da, onartuen behin betiko zerrendekin batera, eta www.navarra.es helbidean argitaratuko da, deialdiaren aipamenean. Parte hartzaileek Nortasun Agiri Nazionala, pasaportea edo gidabaimena edo epaimahaiak nahikotzat jotzen duen beste identifikazio-agiriren bat eraman beharko dute probarako deialdira. Nor diren frogatzen ez dutenak edo agertzen ez direnak baztertuta geldituko dira.

6.3. Proba egiteko, bidezkoak diren denbora eta baliabide egokitzapenak eginen dira desgaitasun aitorturen bat dutenentzat, eskaera-orrian eskatu badute.

Zazpigarrena.–Emaitzak.

7.1. Proba bakoitzaren kalifikazioa bukatu ondoren, epaimahaiak www.nafarroa.eus helbidean (deialdiaren fitxan) argitaratuko ditu izangaiek lortutako puntuazioak, eta bost egun balioduneko epea ezarriko du interesdunek eskubidezkotzat jotzen duten guztia alega dezaten telematikoki.

7.2. Behin alegazioetarako epea iraganik, eta horiek ebatzirik, parte-hartzaileen artean berdinketarik izanez gero, epaimahaiak irizpide hauen arabera jokatuko du:

berdinketak kalifikazio epaimahaiak eginen duen berariazko zozketa bakar baten bidez erabakiko dira. Berdindutako izangai guztien artean, bat ausaz hautatuko da. Berdinketa guztiak hurrenkera alfabetikoari jarraikiz deseginen dira, abiapuntu harturik zozketa horretan hautatzen den izangaiaren abizenak eta izena. Emaitzak webgunean argitaratuko dira.

7.3. Aurkeztutako alegazioak eta berdinketak ebatzi ondoren, epaimahaiak www.navarra.es helbidean argitaratuko du deialdiaren aipamenean proba gainditu duten pertsonen zerrenda, lortutako puntuazio osoaren ordenaren arabera.

7.4. Oinarri honetan aurreikusitako jarduerak bukatu ondoren, epaimahaiak proba gainditu duten pertsonen zerrenda bidaliko dio Langileriaren eta Azpiegituren zuzendari nagusiari, hautaketa-prozesuko espediente osoarekin batera, deialdi honetan aipatzen diren lehentasunezko kontrataziorako eta kontratazio subsidiariorako izangaien zerrendak onartzeko.

Zortzigarrena.–Hezkuntza-laguntzako espezialista lanposturako eta deialdirako aldi baterako kontrataziorako izangaien zerrendak, administrazio-erregimenean.

8.1. Aldi baterako kontratazioetarako izangaien zerrendak.

Hautaketa-prozesuaren espediente osoa jaso ondoren, Langileriaren eta Azpiegituren zuzendari nagusiaren ebazpen bidez, izangaien zerrenda hauek onartuko dira, eta www.navarra.es helbidean argitaratuko dira deialdiaren aipamenean:

a) Gizarteratzeko goi-mailako teknikariaren titulazioa edo, hala badagokio, batxilergoko titulua edo hezkuntza-premia bereziak dituzten ikasleei arreta emateko ziurtagiri profesionala duen baliokidea egiaztatu duten Hezkuntza-laguntzako espezialista lanpostua administrazio-erregimenean aldi baterako kontratatzeko izangaien zerrenda, gaztelaniaz eta, hala badagokio, euskaraz, eskatutako eremuak eta lanaldi partzialeko aukera adierazita.

b) Hezkuntza-laguntzako espezialista lanpostua administrazio-araubidean aldi baterako kontratatzeko izangaien zerrenda, C mailako/taldeko lanpostuetara sartzeko eskatzen den titulazio generikoa egiaztatu dutenak, gaztelaniaz eta, hala badagokio, euskaraz, eskatutako zonak eta lanaldi partzialeko aukera adierazita.

Zerrenda horiek argitaratzen direnean, dagokion jakinarazpena egindakotzat joko da, Administrazio Publikoen Administrazio Prozedura Erkidearen urriaren 1eko 39/2015 Legearen 45. artikuluan aurreikusitako ondorioetarako.

8.2. Aurreko atalean aipatzen diren zerrendak www.navarra.es helbidean argitaratuko dira deialdiaren aipamenean, eta 2025eko irailaren 23an sartuko da indarrean, Nafarroako Foru Komunitateko Administrazioaren eta haren erakunde autonomoen zerbitzuko langileen arloko neurriak onartzen dituen irailaren 16ko 10/2020 Foru Lege Dekretuaren 2. artikuluan ezarritako aldi iragankorra bukatu ondoren.

8.3. 2025erako Nafarroako Aurrekontu Orokorrei buruzko Foru Legearen 32. artikuluan ezarritakoa betez, eta Hezkuntza-laguntzako espezialista lanpostua aldi baterako betetzeko lehentasuna bermatzearren Gizarteratzeko goi-mailako teknikari titulua edo, hala badagokio, Batxilergokoa edo hezkuntza premia bereziak dituzten ikasleei arreta emateko lanbide ziurtagiria egiaztatu duten pertsonei, oinarri honen 8.1 a) apartatuan aipatzen den zerrendak lehentasuna izanen du prestakuntzarako zerbitzu berezien eta lanpostu hori aldi baterako kontratatzeko izangaien zerrenden aurretik, baldin eta izangaiek C mailara/taldera sartzeko eskatzen den titulazio orokorra bakarrik egiaztatu badute.

8.4. 2025erako Nafarroako Aurrekontu Orokorrei buruzko Foru Legearen 32. artikuluan eta aldi baterako kontratazioa kudeatzeko arauak onartzen dituen abenduaren 31ko 814/2010 Foru Aginduan ezarritakoarekin bat etorriz eginen da aldi baterako kontrataziorako deialdia.

8.5. Deitutakoek beren nortasuna eta nazionalitatea egiaztatzen duen dokumentazioa aurkeztu beharko dute, bai eta Sexu Delitugileen eta Gizakien Salerosketaren Erregistro Zentralaren ziurtagiri negatiboa ere, Haurrak eta Nerabeak Indarkeriatik Osorik Babesteari buruzko ekainaren 4ko 8/2021 Lege Organikoaren 57. artikuluaren arabera, edo baimena eman beharko diote Administrazioari egiaztatzeko.

Halaber, Espainiako nazionalitatea duten hautagaiek nortasun-agiri nazionalaren kopia aurkeztu beharko dute.

Bestalde, beste nazionalitate bateko hautagaiek nortasun-agiri nazionalaren edo pasaportearen kopia aurkeztu beharko dute.

Aurreko horien ahaideek agiri hauen kopia aurkeztu beharko dute: pasaportearena, bisatuarena eta, kasuaren arabera, behar den txartela eskatu izanaren gordekinarena edo bisatuaren salbuespena eskatu izanaren gordekinarena eta dagokion txartelarena. Agiri horiek eskatu ezean, agintaritza eskudunek ahaidetasun lotura egiaztatzeko emandako agiriak aurkeztu beharko dituzte, baita, zein espainiarrekin edo Europar Batasuneko zein herritarrekin duten ahaidetasun lotura, horren zinpeko deklarazioa edo hitzematea ere, non adieraziko baitu ez dagoela bere ezkontidearengandik zuzenbidez bananduta eta, kasuaren arabera, izangaia bere bizkar bizi dela edo bere kargupean dagoela. Bestela, izangaiaren egoera frogatzeko beste agiri batzuk aurkeztu beharko dituzte, Europar Batasuneko herritarrak edo Europako Esparru Ekonomikoari buruzko Akordioari lotutako beste estatu batzuetako herritarrak Espainian sartu eta bizitzeari eta haien joan-etorri askeari buruzko otsailaren 16ko 240/2007 Errege Dekretuaren arabera.

Era berean, deitutako pertsonek egiaztatu beharko dute betetzen dituztela deialdiarekin bete nahi den plazaren betebehar espezifikoak.

Bederatzigarrena.–Errekurtsoak.

Kalifikazio epaimahaiak ematen dituen egintzen eta ebazpenen kontra gora jotzeko errekurtsoa aurkezten ahalko da, Langileriaren eta Azpiegituren Zuzendaritza Nagusiari zuzendua, hilabeteko epean, errekurritu nahi den egintza argitaratu edo jakinarazi eta biharamunetik hasita.

Deialdien, haien oinarrien eta haiek aplikatzeko egintzen kontra, kalifikazio epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Barneko, Funtzio Publikoko eta Justiziako kontseilariari zuzendua, hilabeteko epean, errekurritu nahi den egintza argitaratu edo jakinarazi eta biharamunetik hasita.

Hori guztia bat etorriz Nafarroako Foru Komunitateko Administrazioari eta foru sektore publiko instituzionalari buruzko martxoaren 11ko 11/2019 Foru Legearen 126. artikuluan xedatutakoarekin, eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluei jarraikiz.

Iruñean, 2025eko urtarrilaren 2an.–Hezkuntzako Azpiegituren Zerbitzuko zuzendaria, Eneko Ardaiz Ganuza (107/2024 Foru Agindua, azaroaren 26koa, Hezkuntzako kontseilariak emana, Hezkuntza Departamentuko zuzendari nagusien eta idazkari tekniko nagusiaren ordez aldi baterako arituko direnak izendatzen dituena).

I. ERANSKINA.–ZONAKATZEA ETA LANALDI PARTZIALA

Adierazi aukeratutako eremuetan lanaldi partzialean lan egiteko prestasuna.

IRUÑA: Antsoain, Arre, Barañain, Beriain, Berriozar, Burlata, Eguesibar, Uharte, Imarkoain, Mutiloa, Noain, Olatz, Orkoien, Iruña, Atarrabia, Zizur Nagusia.

IRUÑEKO GERRIKOA: Añorbe, Arrizabalaga, Zirauki, Eugi, Lantz, Larraintzar, Mañeru, Elo, Obanos, Gares, Tebas eta Zubiri.

IRURTZUN: Altsasu, Arbizu, Areso, Betelu, Etxarri Aranatz, Ezkurra, Goizueta, Irurtzun, Iturmendi, Jauntsarats, Lakuntza, Leitza, Lekunberri, Olazti, Uharte Arakil, Urdiain, Ziordia.

DONEZTEBE: Almandoz, Amaiur, Arantza, Arizkun, Arraioz, Azpilkueta, Beintza-Labaien, Bera, Doneztebe, Elizondo, Eratsun, Erratzu, Etxalar, Gartzain, Igantzi, Irurita, Ituren, Legasa, Lekaroz, Lesaka, Narbarte, Oieregi, Oronoz, Saldias, Sunbilla, Urdazubi, Ziga, Zubieta, Zugarramurdi.

IRUNBERRI-ZANGOZA: Abaurrea, Oibar, Agoitz, Aribe, Auritz, Aurizberri, Kaseda, Erroibar, Eslaba, Ezkaroze, Garralda, Hiriberri Aezkoa, Izaba, Ledea, Irunberri, Luzaide, Nabaskoze, Otsagabia, Orbaizeta, Orotz-Betelu, Orreaga, Erronkari, Zare, Zangoza, Urrotz, Uztarroze, Esa.

TAFALLA: Artaxoa, Barasoain, Beire, Berbintzana, Caparroso, Zarrakaztelu, Faltzes, Figarol, Funes, Garinoain, Larraga, Martzilla, Melida, Mendigorria, Milagro, Miranda Arga, Murillo, Erriberri, Azkoien, Pitillas, Arrada, San Martin Unx, Santakara, Tafalla, Uxue, Alesbes.

LIZARRA: Abartzuza, Allo, Antzin, Andosilla, Arroitz, Azagra, Cárcar, Deikaztelu, Lizarra, Lerin, Lezaun, Lodosa, Los Arcos, Mendabia, Muniain Iguzkitza, Murieta, Oteitza, Jaitz, San Adrián, Sartaguda, Sesma, Viana, Villatuerta, Zudairi.

TUTERA: Ablitas, Arguedas, Buñuel, Cabanillas, Cadreita, Cascante, Castejón, Cintruénigo, Corella, Cortes, Fitero, Fontellas, Fustiñana, Monteagudo, Murchante, Ribaforada, Tutera, Valtierra.

II. ERANSKINA.–GAI ZERRENDA

1.–Aniztasunarekiko arreta, Nafarroako Foru Komunitateko unibertsitatez kanpoko ikastetxeetan hezkuntza inklusioa arautzen duen Hezkuntzako kontseilariaren abuztuaren 21eko 69/2023 Foru Aginduaren esparruan. Hezkuntza premia bereziak Hezkuntzari buruzko maiatzaren 3ko 2/2006 Lege Organikoa aldatzen duen abenduaren 29ko 3/2020 Lege Organikoaren esparruan.

2.–Eskolaren barruko hezkuntza-laguntzako espezialistak eginkizunak izanen ditu Lanbide Heziketako eta Unibertsitateetako zuzendari nagusiaren irailaren 4ko 455/2013 Ebazpenaren esparruan. Ebazpen horren bidez, Nafarroako Foru Komunitateko ikastetxe publikoetako zaintzaile-lanak arautzen dituzten jarraibideak onartzen dira. Heziketa prozesuan duen parte hartzea. Irakasleekin, orientazio zerbitzuekin eta zuzendaritza taldeekin dituen harremanak. Ikasleen inklusioa errazten duen elementu gisa duten egitekoa. Familiaren eta eskolaren arteko harremana. Desgaitasuna duten pertsonen eskubideak, Desgaitasuna duten pertsonen eskubideei eta haien gizarteratzeari buruzko Lege Orokorraren testu bategina onartzen duen azaroaren 29ko 1/2013 Legegintzako Errege Dekretuaren babesean.

3.–Adimen-desgaitasuna duten ikasleak: Adimen-desgaitasuna duten ikasleen oinarrizko ezaugarriak. Garapen kognitiboa, hizkuntzaren garapena eta garapen motorra. Ikasle horien eskolatzeak dakartzan beharrak. Hezkuntza-laguntzako espezialista autonomia-, elikadura- eta higiene-ohiturak ezartzeari, gizarte gaitasunei eta gizarte egokitzapenari dagokienez.

4.–Desgaitasun motorra duten ikasleak: Desgaitasun motorra duten ikasleen oinarrizko ezaugarriak. Jarrerazko arazoak, arantza bifidoa. Ikasle horiek eskolatzeak dakartzan beharrak. Hezkuntza-laguntzako espezialista autonomia-, elikadura- eta higiene-ohiturak ezartzeari eta mugitzeko desgaitasuna duten ikasleen inklusioari dagokienez.

5.–Ikusteko desgaitasuna duten ikasleak. Ikusteko desgaitasuna duten ikasleen oinarrizko ezaugarriak. Ikasle horiek eskolatzeak dakartzan beharrak. Norberaren gorputzaz ohartzea, orientazio espaziala, joan-etorriak, objektuak kokatzea eta beste pertsona batzuekiko interakzioa. Hezkuntza-laguntzako espezialista autonomia-, elikadura- eta higiene-ohiturak ezartzeari dagokionez, eta ikusteko desgaitasuna duten ikasleen orientazioari, mugikortasunari eta inklusioari dagokienez.

6.–Entzuteko desgaitasuna duten ikasleak: Entzuteko desgaitasuna duten ikasleen oinarrizko ezaugarriak. Ikasle horiek eskolatzeak dakartzan beharrak, entzuteko desgaitasuna duten ikasleekin komunikatzeko laguntza teknikoak. Hezkuntza-laguntzako espezialista autonomia-ohiturak ezartzeari eta autozaintzari dagokienez.

7.–Autismoaren espektroko nahasmendua duten ikasleak: Autismoaren espektroko nahasmendua duten ikasleen oinarrizko ezaugarriak. Eskolatzeak dakartzan beharrak Sistema alternatiboak eta komunikazioa areagotzekoak erabiltzea. Hezkuntza-laguntzako espezialista autonomia-, elikadura- eta higiene-ohiturak ezartzeari dagokionez.

8.–Portaerazko nahasmendua duten ikasleak. Oinarrizko ezaugarriak. Hezkuntza-laguntzako espezialistaren egitekoa ikasgelan inklusioa lortze aldera. Portaerazko nahasmenduei lotu ohi zaizkien testuinguru-faktoreak.

9.–Hezkuntza-laguntzako espezialistaren egitekoa jolas-garaian eta astialdiko jardueretan. Jolasa ikaslearen garapenerako eta ikaskuntzarako tresna gisa. Helburuak, teknikak eta onurak. Jolas egokitua. Aplikazioak heziketan. Jolasaren garrantzia garapenean eta ikaskuntzan.

10.–Elikadura- eta higiene-ohituren garrantzia. Hezkuntza-laguntzako espezialista elikadura-ohiturak lortzeko bide gisa. Elikaduran laguntzen duten tresnak erabiltzeko teknikak. Berariazko arreta eskola jantoki batean. Ikasleek irensteko dituzten zailtasunak. Esfinterren kontrola. Higieneko, norbera zaintzeko eta janzteko trebetasunak. Norberaren garbitasuna. Eguneroko bizitza antolatzeko trebetasunak. Mendekotasuna duten pertsonei arreta egitea, azaroaren 19ko 1/2013 Errege Dekretuaren babespean.

11.–Sorospeneko eta lehen laguntzako printzipio orokorrak. Lehen laguntzako teknikak. Hezkuntza-laguntzako espezialistaren lana istripuak prebenitzeari dagokionez. Hezkuntzako eta osasuneko profesionalekiko koordinazioa.

12.–Laneko arriskuen prebentzioa hezkuntza laguntzako espezialisten eginkizunetan. Berariazko arrisku ergonomikoak: gihar-hezurretako nahasmenduak. Larrialdi eta ebakuazio planei buruzko oinarrizko ezagutzak.

Oharra: gai guztiak deialdi hau Nafarroako Aldizkari Ofizialean argitaratzen den egunean indarra duen legediaren arabera eskatuko dira.

Iragarkiaren kodea: F2500002