Iragarkia

25. ALDIZKARIA - 2025eko otsailaren 6a

1. NAFARROAKO FORU KOMUNITATEA

1.7. BESTELAKOAK

460/2024 EBAZPENA, azaroaren 6koa, Hezkuntzako zuzendari nagusiak emana, Hezkuntzako Ikuskapen Zerbitzuaren Urteko Jarduketa Plana onesten duena 2024-2025 ikasturterako.

Hezkuntza Departamentuko hezkuntzako ikuskatzailetzaren antolaketa eta funtzionamendua arautzen dituen ekainaren 30eko 80/2008 Foru Dekretuak I. kapituluko 2. artikuluan ezarritakoaren arabera, Hezkuntzako Ikuskapen Zerbitzua legeak betearazteaz arduratzen den administrazio organoa da, eta hari dagokio hezkuntza administrazioa eta ikastetxeak gainbegiratzea eta ebaluatzea, haiei aholku ematea eta haientzat txostenak egitea hezkuntza sistemaren kalitatea hobetzeko asmoz. Foru dekretuaren 3. artikuluan, helburu horiek betetzeko asmoz hezkuntzako ikuskapenak aurrera eraman behar dituen eginkizunak adierazten dira.

Hezkuntzako Ikuskapen Zerbitzuaren Urteko Jarduketa Plana plangintza instituzionalerako oinarrizko tresna da, hezkuntzako ikuskatzailetzak Nafarroako Foru Komunitatean aurrera eraman beharreko jarduketen multzoa antolatzen duena urtero, araudiak esleitzen dizkion eginkizunak eta eskudantziak zehaztuz.

Orobat, 80/2008 Foru Dekretuak, 18. artikuluan, xedatzen du Plan estrategikoa hezkuntzako ikuskatzailetzaren epe ertaineko gidalerroak islatzen dituen agiri instituzionala dela (gaur egun, «Urte anitzeko jarduketa plana» deitzen da), eta bertan helburuak, estrategiak eta barne ekintzako ildoak ezarriko direla eta Ikuskapenaren eta Zerbitzuen zuzendari nagusiaren ebazpen bidez onetsiko dela. Eta 19.1 artikuluak hauxe ezartzen du: «Plan Estrategikoa urteko jarduketa planen bidez garatu eta zehaztuko da. Urteko plan horiek Ikuskapenaren eta Zerbitzuen zuzendari nagusiaren ebazpen bidez onetsiko dira» (gaur egun «Hezkuntzako zuzendari nagusiaren» ebazpen bidez).

Azaroaren 9ko 480/2022 Ebazpenaren bidez Hezkuntzako Ikuskapen Zerbitzuaren 2022-2026 aldirako Urte anitzeko Jarduketa Plana onetsi denez, orain Hezkuntzako Ikuskapen Zerbitzuaren Urteko Jarduketa Plana ezarri behar da 2024-2025 ikasturterako.

Plan horrek aurreikusten dituen helburuek, ekintzek, baliabideek eta denborak ahalbidetuko dute argi eta zehatz ezartzea nola jardunen duen Hezkuntzako Ikuskapen Zerbitzuak 2024-2025 ikasturtean.

Planaren bidez, modu koherentean antolatu eta sistematizatu nahi da Hezkuntzako Ikuskapen Zerbitzuaren eguneroko lana, horrela zerbitzuko kideen lana erraztu, testuinguru batean kokatu eta koordinatzeko.

Bestetik, azaroaren 15eko 245/2023 Foru Dekretuak, Hezkuntza Departamentuaren egitura organikoa ezartzen duenak, 9. artikuluan, Hezkuntza Zuzendaritza Nagusiaren egituraren barrenean txertatzen du Hezkuntzako Ikuskapen Zerbitzua.

Horrenbestez, Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak ematen dizkidan ahalmenak erabiliz,

EBAZTEN DUT:

–Lehena.

Hezkuntzako Ikuskapen Zerbitzuaren Urteko Jarduketa Plana onestea 2024-2025 ikasturterako. Hona hemen,

OINARRIAK

1. Urteko Jarduketa Plana.

Hezkuntzako Ikuskapen Zerbitzuaren jarduerak berak hala eskatzen baitu, urtero egin behar izaten da haren plangintza eta berrikuspena, erantzun eraginkor bat eman ahal izateko hezkuntza sistemaren errealitate konplexu eta aldakorraren aurrean. Hori horrela, Urteko Jarduketa Plan hau 2024-2025 ikasturtean ikuskatze lana gidatuko duen lan esparru gisa eratzen da.

Urteko Jarduketa Plan honetan ageri diren zerbitzu edo jarduketa guztien helburua da garatzea indarrean dagoen araudiak hezkuntzako ikuskatzailetzari esleitutako eginkizunak.

Planaren aplikazio eremuari dagokionez, bertan sartzen dira Nafarroako Foru Komunitateko unibertsitateaz kanpoko hezkuntza sistema osatzen duten ikastetxe, programa, zerbitzu eta jarduera guztiak. Testuinguru horretan, planak ikuskatzailetza ikastetxean bertan aritzea lehenesten du, hezkuntza prozesua garatzen duen oinarrizko hezkuntza erakundea den aldetik.

Plana prestatzean, hauetan ezarritakoa hartu da kontuan: 80/2008 Foru Dekretua, hezkuntzako ikuskatzailetzaren antolaketa eta funtzionamendua arautzen dituena; Hezkuntzako Ikuskapen Zerbitzuaren 2022-2026 aldirako Urte anitzeko Jarduketa Plana; Ikuskapen Zerbitzuaren antolaketaren eta funtzionamenduaren berrikuspenaren emaitzak; 2023-2024 aldiko Urteko Planaren ebaluazioa, eta Hezkuntza Administrazioak 2024-2025 ikasturterako dituen eskaera berriak.

2. Urteko Jarduketa Planaren helburuak.

Hauek dira Hezkuntzako Ikuskapen Zerbitzuaren Urteko Jarduketa Planak 2024-2025 ikasturterako dituen helburuak:

a) Ziurtatzea Ikuskatzailetzak ikastetxeei, Hezkuntza Departamentuari eta hezkuntza komunitate osoari ematen dizkien zerbitzuen plangintza.

b) Ikuskatzailetzak kontrolaren eta gainbegiratzearen arloan dituen jarduketak zehaztea.

c) Ikuskatzaileek egin beharreko jarduketak ezartzea, ikastetxeak, irakasleak eta programak ebaluatzeari dagokionez.

d) Nafarroako Foru Komunitateko hezkuntza sistema ebaluatzeko ikuskatzailetzak egin beharreko jarduketak zehaztea eta Ebaluazio Institutuari laguntzea Nafarroako ikastetxeetan egiten diren nazioko edo nazioarteko ebaluazioak egiten.

e) Ikastetxeentzako aholkularitza jarduketak identifikatzea.

f) Hezkuntza administrazioari informazioa emateko eta Hezkuntza Departamentuko bestelako zerbitzuekin elkarlanean aritzeko jarduketak zehaztea.

g) Hezkuntzako ikuskatzailetzaren eginkizunen esparruan, ikastetxeetan bizikidetza hobetzeko jarduketak identifikatzea.

h) Ikasleak eskolatzeko arloan ikuskatzailetzari dagozkion jarduketak zehaztea.

i) Ikastetxeetako irakasleen plantillak zehazteari begira ikuskatzaileei dagozkien jarduketak zehaztea.

j) Planaren jarduketen definizioaren, ezarpenaren eta hobekuntzaren gaineko erantzukizunak zehaztea.

k) Ikastetxeetan kalitatea kudeatzeko sistemen ezarpenaren ebaluazioan parte hartzea.

l) Zerbitzuko langileen ezagupenak berritu eta handitzeko jarduketak zehaztea, barne daudela nazioartekotzeko ekintzak, kalitatea eta bikaintasuna lortzearren planean aurreikusitako zerbitzuak ematean.

m) Ondorioak atera eta proposamenak egitea, egindako jarduketei buruzko txosten eta azterlanak eginez.

3. Urteko Jarduketa Planaren edukia.

2024-2025 Urteko Jarduketa Planean sartzen dira Hezkuntzako Ikuskapen Zerbitzuak aldi horretan egin beharreko jarduera eta zerbitzuak, hain zuzen ere erantzuna emateko zerbitzu horien hartzaileen premiei eta espektatibei. Zerbitzu horietako bakoitza ematen da kasu bakoitzari lotutako prozesu bat gauzatuz.

Ebazpen honen I. eranskinean (Prozesuen matrizea), 2024-2025 ikasturtean garatu nahi diren funtsezko eragiketa prozesuak agertzen dira.

Ebazpeneko II. eranskinean –Urteko Jarduketa Plana– zehazten dira zerbitzuko kideek egin beharreko zerbitzu eta jarduerak, honako hauek adierazita: epeak, emaitzak, arduradunak eta ebaluatzeko adierazleak.

III. eranskinean (Urte anitzeko jarduketa plana), ikasturte honetarako ildoak eta ekintzak ezartzen dira.

IV. eranskinean (Jarraipena eta ebaluazioa), jarraipen sistema bat aurreikusi da, II. eranskinean –Urteko Plana– aipatutako zerbitzu eta jardueren lorpen maila neurtzeko, aldaketa beharrak atzemateko eta, hala badagokio, behar diren doikuntzak egiteko.

3. Lan arlo espezifikoak.

80/2008 Foru Dekretuaren 12. artikuluak zehazten duenarekin bat etorriz, lan arlo espezifiko hauek ezartzen dira 2024-2025 ikasturterako:

a) Ebaluazioa eta Kalitatea.

b) Bizikidetza.

c) Eskolatzea.

d) Hezkuntzaren plangintza.

e) Baliabideen plangintza.

f) Pedagogia.

4. Erantzukizunak.

Plan honek bere baitako zerbitzu eta jarduketen diseinuan, ezarpenean, jarraipenean eta hobekuntzan dauden erantzukizunak zehazten ditu. Gainera, plana egoki gauzatzeko, zerbitzuko zuzendariak beste eginkizun eta zeregin batzuk esleitzen ahalko dizkie arlo eta eskualdeetako koordinatzaileei eta ikuskatzaileei.

Erabiliz ekainaren 30eko 80/2008 Foru Dekretuak Hezkuntzako Ikuskatzailetzari esleitzen dizkion eskumenak, ikuskatzaileak, orobat, argibideak, aholkuak eta orientabideak emanen dizkie ikastetxeei etengabe, bitarteko lana eginen du eta, hezkuntza komunitateak eskatuz gero, behar duten laguntza emanen die, deusetan galarazi gabe irakaslana, ikastetxeak eta, oro har, hezkuntza sistema etengabe hobetzera bideratutako kontrol, gainbegiratze eta ebaluazio lanak.

5. Prozesu bidezko kudeaketa-sistema.

2024-2025 ikasturtean, behar diren doikuntzak eginen dira prozesuen matrizean, sistema horrek zerbitzuaren funtzionamenduari arintasuna, koherentzia eta homogeneotasuna ematen dizkiolakoan eta, aldi berean, ikuskatzaileen jardunbide onenak indartzen dituelakoan.

6. Ikuskatzaileen prestakuntza.

Aurreikusita dago prestakuntza plan bat gauzatzea, beharrezkotzat jotzen diren planaren arloetan ikuskatzaileek dauzkaten ezagupenak hobetzeko tresna egokia baita. Prestakuntza ekintza horien garapena 2024-2025 prestakuntza planean zehaztuko da.

Prestakuntza instituzionaleko ekintzak egitea nahitaezkoa izanen da, eta lan ordutegian eginen dira.

7. Jarraipena eta ebaluazioa.

Planaren jarraipena eta ebaluazioa eskualdeko lantaldeen bilera arruntetan eta koordinatzaileek zerbitzuko zuzendariarekin egin beharrekoetan gauzatuko dira. Egindako lanak ebaluatzeaz gain, Urteko Jarduketa Plana gauzatzeko behar diren neurri zuzentzaileak hartuko dira bilera horietan.

Ikasturtea bukatutakoan, arduradunek planaren betetze mailaren azken ebaluazioa eginen dute. Ondorio nagusiak zerbitzuaren Urteko Memorian jaso, eta Hezkuntza Zuzendaritza Nagusiari helaraziko zaizkio.

Horretarako ebazpen honen IV. eranskinean –Jarraipena eta ebaluazioa– heldu den eredua erabiliko da.

8. Aurreikusitako aldaketak.

Hezkuntzako Ikuskapen Zerbitzuaren Urteko Plana, berez, eginkizunak jada finkatuak dituen lan tresna bat da.

Dena dela, planaren dinamikak eta hezkuntza-errealitatean sortzen diren beharrak ikusita, aldaketak sartzen ahalko dira gauzatu ahala.

Hezkuntzako zuzendari nagusiak egiten ahalko ditu aldaketa horiek, noiznahi; eta zerbitzuko zuzendariak ere egin ditzake, presako jarduketaren bat egin beharra dagoela uste duenean, baina, betiere, zuzendari nagusiari horren berri emanda.

Hezkuntza Departamentuko gainerako zerbitzuetako zuzendariek egindako proposamenek, ikuskatzailetzari eragiten badiote, Hezkuntzako Ikuskapen Zerbitzuko zuzendariaren onespena beharko dute, ezarritako Urteko Planaren barrenean zer bideragarritasun duten baloratuko baitu.

–Bigarrena.

Ebazpen hau Nafarroako Aldizkari Ofizialean argitara dadila agintzea.

–Hirugarrena.

Ebazpen hau eta eranskinak Hezkuntzako Ikuskapen Zerbitzura igortzea, behar diren ondorioak izan ditzaten.

Iruñean, 2024ko azaroaren 6an.–Hezkuntzako zuzendari nagusia, Gil Sevillano González.

I. ERANSKINA.–PROZESUEN MATRIZEA

PROZESUAK	DOK.	ARDURADUNA
ERAGILEAK
KONTROLA ETA GAINBEGIRATZEA	PR01
Ikasturte hasierako gainbegiratzea	SB0101	Ikuskatzailea
Urteko Programazio Orokorra eta ikasturte bukaerako memoria gainbegiratzea	SB0102	Ikuskatzailea
Ikastetxeetako egutegia eta ordutegia onestea	SB0103	Ikuskatzailea
Irakasleen hutsegite-parteak gainbegiratzea	SB0104	Ikuskatzailea
Unibertsitateaz kanpoko ikastetxeetan ikur, logotipo eta idazkunen erabilera baimendu eta kontrolatzea	SB0105	Ikuskatzailea
Aniztasunari erantzuteko programen eskaerak gainbegiratzea	SB0106	Ikuskatzailea
Ikastetxe pribatu itunduen eskola jarduerak eta zerbitzuak baimendu eta erregistratzea	SB0107	Ikuskatzailea
Ikastetxe pribatuetako irakasleen titulazioak kontrolatzea	SB0108	Ikuskatzailea
LPa gainbegiratzea	SB0109	Ikuskatzailea
EBALUAZIOA	PR02	Ebaluazio arloa
Ikastetxeen jardunaren ebaluazioa	SB0201
Ikastetxeetako autoebaluazioaren eta planen jarraipena	SB0202
Ikastetxeek kalitatea kudeatzeko duten sistemaren ebaluazioa	SB0203
Zuzendaritza lanaren ebaluazioa	SB0204
Praktiketako funtzionarioen ebaluazioa	SB0205
Irakasleen borondatezko ebaluazioa	SB0206
Zerbitzu berezien ebaluazioa	SB0207
IKASLEEN EBALUAZIOA	PR03
Errolda bidezko ebaluazio diagnostikoa	SB0301	Ebaluazio sekzioa
Lehen Hezkuntzako eta DBHko azken ebaluazioan parte hartzea	SB0302	Ebaluazio sekzioa
Nazioarteko ebaluazio proiektuetan parte hartzea	SB0303	Ebaluazio sekzioa
Nafarroako hezkuntzako adierazleen sistemaren kudeaketa	SB0304	Ebaluazio sekzioa
Unibertsitatera sartzeko probaren kudeaketan parte hartzea	SB0305	Ikuskatzailea
AHOLKULARITZA	PR04
Ikastetxeei arauen gaineko aholkuak ematea	SB0401	Ikuskatzailea
Ikastetxeei antolaketaren, pedagogiaren eta curriculumaren gaineko aholkuak ematea	SB0402	Ikuskatzailea
Hezkuntza komunitateko kideei aholkularitza eta orientazioa ematea	SB0403	Ikuskatzailea
ESKU-HARTZEA ETA BIZIKIDETZA	PR05	Bizikidetza arloa
Ikasleen kalifikazioei buruzko erreklamazioak	SB0501	Ikuskatzailea
Ikuskatzailetzaren esku-hartzea ikasleei hezkuntza neurriak aplikatzeko prozeduretan eta/edo ikastetxez aldatzeko proposamenetan	SB0502
Ikuskatzailetzaren esku-hartzea eskola-jazarpena gertatzen denean	SB0503
Ikuskatzailetzaren esku-hartzea kontratua suntsiaraztean	SB0504
Funtzionarioen aurkako diziplinazko espedienteak izapidetzea	SB0505
Ikuskatzailetzaren esku-hartzea laneko jazarpena gertatzen denean	SB0506
Erreklamazio eta salaketei buruzko txostenak egitea	SB0507
Ikuskatzailetzaren esku-hartzea hezkuntza komunitatean alarma sortzen duten gertakari larriak daudenean	SB0508
Ikasleen absentismoa kontrolatzea	SB0509
Bitartekaritza gatazka egoeretan	SB0510
Esku hartzea irakasleen aurkako kanpoko erasoen kasuetan	SB0511
HEZKUNTZA ADMINISTRAZIOARENTZAKO INFORMAZIOA	PR06
Txostenak egitea hezkuntza premia bereziak dituzten ikasleek HHn eta LHn ikasturte bat gehiago jarraitzeko eta Batxilergoa blokeetan zatitzeko baimena emateko	SB0601	Ikuskatzailea
Eskolatze-aldia malgutzearen gaineko txostena egitea	SB0602	Ikuskatzailea
Espazioen beharrei buruzko txostena egitea	SB0603	Ikuskatzailea
Eskola espazioen desafektazioari buruzko txostena egitea	SB0604	Ikuskatzailea
Ikasketa berriak baimentzeari buruzko txostena egitea	SB0605	Ikuskatzailea
Ikastetxeak baimendu, ireki eta ixteko txostena egitea	SB0606	Ikuskatzailea
Hezkuntza itunei buruzko txostena egitea	SB0607	Ikuskatzailea
Hezkuntza administrazioak eskatuz gero, txostenak eta azterketak egitea	SB0608	Ikuskatzailea
Parlamentuko galderei buruzko txostenak egitea	SB0609	Ikuskatzailea
Arartekoari txostenak igortzea	SB0610	Ikuskatzailea
Ikuskatzailetzaren esku-hartzea informazio publikoa eskuratzeko eskaeretan	SB0611	Ikuskatzailea
LANKIDETZA HEZKUNTZA ADMINISTRAZIOAREKIN	PR07
Eskolatze prozesua koordinatzea eta ikasleak ikastetxeetan onartzeko prozesua gainbegiratzea Tokiko eskolatze batzordeetako lehendakaria izatea	SB0701	Esk. arloa
Batzordeetan, epaimahaietan eta lantaldeetan parte hartzea	SB0702	Ikuskatzailea
Departamentuaren arau-proposamenak berrikustea	SB0703	Ikuskatzailea
Zuzendariak izendatzea (hautapen sistema eta ohiz kanpokoa)	SB0704	Ikuskatzailea
Hezkuntza eskaintzari buruzko proposamena egitea eta ikastetxeei jakinaraztea	SB0705	Hezk. plang. arloa
Ikasleen sari bereziak	SB0707	Ikuskatzailea
Ikastetxeetako plantilla organikoaren proposamena zehaztea	SB0709	Baliab. plang. arloa
Ikastetxeen funtzionamendurako plantillari buruzko proposamena zehaztea	SB0710	Baliab. plang. arloa
Irakasle ibiltarien jarduera kudeatzea	SB0712	Neg. Adm. kontr.
ZUZENDARITZA ETA PLANIFIKAZIOA	PR08	HIZko zuzendaritza
Hasierako antolaketa Zonaldeak, esparruak, zaintzak	SB0801
Urte Anitzeko Jarduketa Plana	SB0802
Urteko Jarduketa Plana	SB0803
PERTSONAK	PR09	HIZko zuzendaritza
Langileak hartzea sarrera prozesuen bidez	SB0901
Langileak hartzea aldi baterako	SB0902
Pertsonen harrera eta tutoretza	SB0903
Ikuskatu beharreko ikastetxeak esleitzea	SB0904
Ordezkapenak kudeatzea	SB0905
Urteko prestakuntza	SB0906
BALIABIDEAK	PR10	HIZko zuzendaritza
Ikuskapen txostenak egitea eta ikus-onestea	SB1001
Ikastetxeak bisitatzea	SB1002
Informazio eta komunikazio sistemak: webgunea	SB1003
Kanpoko komunikazioa: Departamentuaren webgunea	SB1004
Instalazioen eta ekipamenduen kudeaketa	SB1005
Kudeaketa ekonomikoa	SB1006
HOBEKUNTZA ETA BERRIKUNTZA	PR11	Ikuskatzailea
Prozesuak-azpiprozesuak diseinatu eta garatzea	SB1101
Jarduteko irizpideak homogeneizatzea	SB1102
Ikastetxeetako zuzendarien pertzepzioa eta aurreikuspenak	SB1103
HIZko kideen pertzepzioa eta aurreikuspenak	SB1104
Jardueraren autoebaluazioa	SB1105
EMAITZAK	PR12	Ikuskatzailea
Jarduketen emaitzak: kudeaketa eta barne-kalitatearen kontrola	SB1201

II. ERANSKINA.–URTEKO JARDUKETA PLANA

Hezkuntzako Ikuskapen Zerbitzua - 2024-2025 ikasturtea

KODEA	PROZESUAREN DESKRIBAPENA	ARDURADUNA	HELBURUA	HASIERA EGUNA	BUKAERA EGUNA	LORPENAREN ADIERAZLEA	AZKEN PRODUKTUA
PR01 Kontrola eta gainbegiratzea	Ikasturte hasierako gainbegiratzea	Ikuskatzailea	Ikastetxeen ikasturte hasierako antolamenduarekin lotutako alderdiak gainbegiratzea eta horiei buruz aholkuak eta argibideak ematea	2024-09-02	2024/10/30	Gorabeherei buruzko txostenen % 90 epearen barnean eginak, ereduaren arabera	Gainbegiratzeko txosten orokorra igortzea ZNra
PR01 Kontrola eta gainbegiratzea	UPOa/Urteko Jarduketa Plana eta ikasturte bukaerako memoria gainbegiratzea (https://docs.google.com/spreadsheets/d/1cXK81ba9EzRVYc2pFjJKYuPGgbRqGUvHGhuySh-I-UI/edit)	Ikuskatzaile arduradunak	Egiaztatzea zenbateraino egokitzen zaizkien ikastetxeko UPOa/UJPa eta ikasturte bukaerako memoria indarreko araudiari eta Hezkuntzako Departamentuaren planei eta jarraibideei	2024-10-01	2025-04-30	UPOa/UJPa gainbegiratzeko txostenen %90 epearen barnean eginak, ereduaren arabera; eta ikasturte bukaerako memoria gainbegiratzeko txostenen %90 epearen barnean eginak, ereduaren arabera	Ikasturte bukaerako txostena, abuztuaren 15ean
PR01 Kontrola eta gainbegiratzea	Ikastetxeetako egutegia eta ordutegia onestea	Ikuskatzailea	Eskola-egutegiaren eta -ordutegiaren proposamenak onestea, baldin eta araudia betetzen badute, eta onespen horren berri ematea ikastetxeei	Maiatza	Ekaina	Egutegien eta ordutegien %100 epean onetsiak	Ikasturte bukaerako txostena, abuztuaren 15ean
PR01 Kontrola eta gainbegiratzea	Hartzekoen deskontu-prozesua kudeatzea	Ikuskatzailea	Soldatatik deskontatzeko proposamena egitea, bidezkoa denean	2024-09-01	2025-06-30	Proposamenen %100 erantzunak	Egindako txostenen erregistroa
PR01 Kontrola eta gainbegiratzea	Heziketa zikloetako irakasleen lan plangintza gainbegiratzea lantokietako prestakuntzaldian	Ikuskatzailea	Ikastetxeek egindako lan plangintzak gainbegiratzea	2025-03-21	2025/04/15	Txostenen %100 gainbegiratu eta tramitatuak	Gainbegiratutako txostenen erregistroa
PR01 Kontrola eta gainbegiratzea	Aniztasunari erantzuteko programen eskaerak gainbegiratzea	Ikuskatzailea	Aniztasunari erantzuteko programetan sartzeko eskaerak gainbegiratzea eta horiei buruzko txostenak egitea	2025-06-01	2025-06-30	Jasotako txostenen %100 gainbegiratu eta tramitatuak	Erregistroa
PR01 Kontrola eta gainbegiratzea	Ikastetxe itunduetako eskola jarduerak eta zerbitzuak baimendu eta erregistratzea	Ikuskatzailea	Eskola jarduerak eta zerbitzuak baimentzea	2025-06-01	2025-10-03	Jardueren eta zerbitzuen %100 berrikusiak eta jakinaraziak	Extran erregistratzea
PR02 Ebaluazioa	Irakasleen borondatezko ebaluazioa	Ebaluazio arloa	Txostenak irizpide homogeneoekin prestatzea, irakasleen balorazio positiboa egiteko, hala eskatzen duten deialdietako merezimenduetarako.	Ikasturte osoan	Ikasturte osoan	Txostenen %100, aldez aurretik eskatuta	EvaComPro Erregistroa
PR02 Ebaluazioa	Praktiketako funtzionarioen ebaluazioa	Ebaluazio arloa	Izangaien ebaluazioa epe barruan eta ereduaren arabera egitea	2024-09-01	2024-05-31	Izangaien %100 ebaluatuak, bukaerako txostenarekin	EvaComPro Erregistroa
PR02 Ebaluazioa	Ikastetxeen jardunaren ebaluazioa. Autoebaluazioaren eta hobekuntza planaren jarraipena.	Ikuskatzaile arduradunak	Egiaztatzea zenbateraino egokitzen diren autoebaluazioa eta hobetzeko biurteko plana	2023-10-01	2025-04-30	Autoebaluazioaren eta hobekuntza planaren jarraipena egiteko txostenen %90 epearen barnean eginak, ereduaren arabera	Bukaerako txostena
PR02 Ebaluazioa	Ikastetxeen jardunaren ebaluazioa	Ikuskatzaile arduradunak	Ikastetxeen jardunaren ebaluazioa zenbateraino egokitzen den egiaztatzea	Urtarrila	Apirila	Eginiko lanaren ebaluazio-txostenen %100, ereduaren arabera eta epearen barnean	Bukaerako txostena
PR02 Ebaluazioa	Zuzendaritza lanaren ebaluazioa	Ikuskatzailea	Nafarroako Gobernuko Hezkuntza Departamentuaren mendeko ikastetxe publikoetako zuzendarien ebaluazioa garatzea	2024-09-01	2025-06-30	Txostenen %100 epe barruan eginak, ereduaren arabera	EvaComPro Erregistroa
PR02 Ebaluazioa	Zerbitzu berezien ebaluazioa	Ikuskatzailea	Zerbitzu berezietako 1. urtean dauden irakasleen ebaluazioa egitea	2024-11-01	2025-04-28	Txostenen %100 epe barruan eginak, ereduaren arabera	EvaComPro Erregistroa
PR02 Ebaluazioa	Ikastetxeek kalitatea kudeatzeko dituzten sistemen ebaluazioa	Ikuskatzailea	Kalitatezko ikastetxeen eta ikastetxe bikainen auditoretzak egitea	Azaroa	Apirila	Auditoretzen %100 eginak	Bukaerako txostena
PR03 Ikasleen ebaluazioa	Errolda bidezko ebaluazio diagnostikoa	Ebaluazio Atala	Ebaluazio diagnostikoaren antolaketarako behar diren alderdiak antolatzea	2024ko iraila	2025eko ekaina	Txostenen %100 epe barruan	Bukaerako txostena
PR03 Ikasleen ebaluazioa	Errolda bidezko ebaluazio diagnostikoa	Ebaluazio Atala	Proba diagnostikoak formatu digitalean diseinatzea eta aplikatzea	2024ko urria	2025eko ekaina	15 taldek egitea konpetentzia bat formatu digitalean	Erregistroa
PR03 Ikasleen ebaluazioa	Nafarroako hezkuntzako adierazleen sistema	Ebaluazio Atala	Nafarroako Hezkuntza Sistemaren 2024-2025 ikasturteko txosteneko atalak garaiz eta behar bezala osatzea	2025eko ekaina	2025eko iraila	Txosteneko atalen %100 beteta	Bukaerako txostena
PR03 Ikasleen ebaluazioa	Ebaluazio nazionalak EGS 2026	Ebaluazio Atala	EGS 2026ren Azterketa Orokorra aplikatzeko behar diren materialak itzultzea	2025eko urtarrila	2025eko martxoa	INEEk emandako materialaren %100 itzulita	Erregistroa
PR03 Ikasleen ebaluazioa	Ebaluazio nazionalak EGS 2026	Ebaluazio Atala	Nafarroak EGS 2026ren azterketa pilotuan parte hartzea kudeatzea (gaitasun elebiduna eta gaitasun digitala)	2025eko maiatza	2025eko ekaina	Inplikatutako ikasleen %95eko erantzun-tasa lortzea	Bukaerako txostena
PR03 Ikasleen ebaluazioa	Nazioarteko ebaluazioak PISA txostena (2025)	Ebaluazio Atala	Azterketa Orokorra lagin nazionalaren eta Nafarroako lagin zabalduaren ikastetxeetan aplikatu dadin kudeatzea	2024ko urria	2025eko ekaina	Inplikatutako ikasleen %95eko erantzun-tasa lortzea	Bukaerako txostena
PR03 Ikasleen ebaluazioa	Nazioarteko ebaluazioak TIMSS 2023	Ebaluazio Atala	Nafarroari dagokion txostena egitea, txosten nazionala oinarritzat hartuta	2024ko urria	2025eko urtarrila	Txostena bera	Bukaerako txostena
PR03 Ikasleen ebaluazioa	Nazioarteko ebaluazioak PIRLS 2026	Ebaluazio Atala	PIRLS 2026ren Azterketa Orokorra aplikatzeko behar diren materialak itzultzea	2025eko urtarrila	2025eko martxoa	INEEk emandako materialaren %100 itzulita	Bukaerako txostena
PR03 Ikasleen ebaluazioa	INEErekin lankidetzan aritzea Hezkuntza Ebaluazioari buruzko Sinposioa antolatzeko	Ebaluazio Atala	INEErekin adostutako antolaketa-lanak egitea	2024ko urria	2025eko otsaila	Adostutako lanen %100	Bukaerako txostena
PR03 Ikasleen ebaluazioa	Unibertsitatean sartzeko proba	Ikuskatzaile arduradunak	Sartzeko probaren alderdiak koordinatzea	Iraila	Uztaila	Txostenen %100 epe barruan	Bukaerako txostena
PR03 Ikasleen ebaluazioa	Ikasleen kalifikazioari eta/edo mailaz igarotzeari buruzko erreklamazioak	Ikuskatzaile arduradunak	Egiaztatzea zenbateraino betetzen duen ikastetxeak araudia eta ebazpen proposamena prestatzea	Espedientea jasotzea	10 egun jasotzen denetik	Jasotako erreklamazioei buruzko txostenen %100 epe barruan eginak.	Erregistroa
PR05 Bizikidetza	Ikuskatzailetzaren esku-hartzea ikasleei hezkuntza neurriak aplikatzeko prozeduretan eta/edo ikastetxez aldatzeko proposamenetan	Bizikidetza arloa	Ikastetxeak indarrean dagoen araudia betetzen duela egiaztatzea eta Hezkuntzako Zuzendaritza Nagusirako txostena eta ebazpena egitea	Espedientea jasotzea	15 egun jasotzen denetik, ebazpena igortzeko	Ikastetxez aldatzeko egindako txostenen %100	Erregistroa
PR05 Bizikidetza	Ikuskatzailetzaren esku-hartzea eskola-jazarpena gertatzen denean	Bizikidetza arloa	Ikuskaritzara bidaltzen diren eskola-jazarpeneko kasuak aztertzea eta bizikidetzaren arloko aholkularitzari informazioa ematea	Ikasturte osoan	Ikasturte osoan	Irekiera-protokoloen %100 jakinarazita bizikidetza arloko aholkularitzari	Erregistroa
PR05 Bizikidetza	Ikuskatzailetzaren esku-hartzea kontratua suntsiaraztean	Bizikidetza arloa	Kontratu suntsiarazpen prozedurak izapidetzea, kasuan-kasuan, kontratatutako irakasleen gaitasun ezagatik edo lanpostuaren zereginetara egokitzen ez direlako	Ikasturte osoan	Ikasturte osoan	Ebazpen-proposamenen txostenen eta espedienteen %100 eginda epe barruan, indarreko araudia betez eta eredu normalizatuaren arabera	Erregistroa
PR05 Bizikidetza	Funtzionarioen aurkako diziplinazko espedienteak izapidetzea	Bizikidetza arloa	Diziplinazko espedienteak izapidetzea Nafarroako Foru Komunitateko hezkuntza administrazioaren mendeko ikastetxe publiko, programa, zerbitzu eta jardueretan zerbitzua ematen duten langileei dagokienez	Ikasturte osoan	Ikasturte osoan	Espedienteen %100 epean prestatuak, eredu normalizatuaren arabera	Erregistroa
PR05 Bizikidetza	Ikuskatzailetzaren esku-hartzea laneko jazarpena gertatzen denean	Bizikidetza arloa	Ikastetxeetan Prebentzio Atalari aurkezten zaizkion laneko jazarpen kasuen salaketak aztertu, igorri eta, hala badagokio, haien gaineko txostenak egitea	Ikasturte osoan	Ikasturte osoan	Txostenen %100 epean prestatuak, eredu normalizatuaren arabera	Erregistroa
PR05 Bizikidetza	Ikuskatzaileen esku-hartzea erreklamazio eta salaketen aurrean	Bizikidetza arloa	Aurkeztutako erreklamazio eta salaketei buruzko txostenak egitea	Ikasturte osoan	Ikasturte osoan	Txostenen %100 epean prestatuak, eredu normalizatuaren arabera	Erregistroa
PR05 Bizikidetza	Bitartekaritza gatazka egoeretan.	Bizikidetza arloa	Prozesua diseinatu, dokumentatu, ezarri, kontrolatu eta hobetzea	Ikasturte osoan	Ikasturte osoan	SB0510 prozesuaren %100 egina	Erregistroa
PR06 Hezkuntza administrazioari informazioa ematea	Hezkuntza administrazioak eskatutako txostenak eta azterketak egitea	Ikuskatzailea	Eskatutako txostenak egitea prozesu bakoitzean ezarritako araudiarekin bat	2024-09-01	2025-08-31	Txostenen %100 epean eginak	Erregistroa
PR06 Hezkuntza administrazioari informazioa ematea	Hezkuntza itunei buruzko txostenak egitea	Ikuskatzailea	Itunei buruzko txostenak egitea	Martxoa	Maiatza	Txostenen %100 epe barruan eginak	Erregistroa
PR06 Hezkuntza administrazioari informazioa ematea	Eskolatze-aldia malgutzearen gaineko txostena egitea	Ikuskatzailea	Txostena egitea ikastetxeek eskolatze-aldia malgutzeko aurkeztutako baimen eskaerari buruz	Kasuan kasuko zerbitzuak eskaera hori igortzea	15 egun igortzen denetik	Txostenen %100 epean tramitatuak	Erregistroa
PR06 Hezkuntza administrazioari informazioa ematea	Txostenak egitea hezkuntza premia bereziak dituzten ikasleek HHn eta LHn ikasturte bat gehiago jarraitzeko eta Batxilergoa blokeetan zatitzeko baimena emateko	Ikuskatzailea	Txostenak egitea hezkuntza premia bereziak dituzten ikasleek HHn eta LHn ikasturte bat gehiago jarraitzeko (errepikatzen duten bigarren ikasturtea) eta Batxilergoa bloketan zatitzeko ikastetxeek egiten dituzten eskaerak baimentzeari buruz	Kasuan kasuko zerbitzuak eskaera hori igortzea	15 egun igortzen denetik	Txostenen %100 epean tramitatuak	Erregistroa
PR07 Lankidetza hezkuntza administrazioarekin	Zuzendariak izendatzea	Ebaluazio arloa	Ikastetxeetako zuzendariak izendatzeko proposamenak egitea, dela hautapen batzordeak prozesua burutu ondoren hala egin behar delako, dela zuzendariak ebaluatu-berrizendatu behar direlako, dela bestelako edozein arrazoirengatik ikasturte bukaeran zuzendari postua hutsik dagoelako	Ebazpenaren arabera	Ebazpenaren arabera	Proposamenen %100 epe barruan eginak	Emaitzen txostena
PR07 Lankidetza hezkuntza administrazioarekin	Tokiko eskolatze batzordeetako lehendakaria izatea	Ikuskatzaile arduradunak	Epez kanpo matrikulatzen diren ikasleak kudeatzea	Iraila	Ekaina	Ikasleen %100 5 eguneko epean eskolatuak	Erregistroa
PR07 Lankidetza hezkuntza administrazioarekin	Batzordeetan, epaimahaietan eta lantaldeetan parte hartzea	Ikuskatzailea	Era aktiboan parte hartzea batzorde eta epaimahaietan, horien kudeaketa egokia bermatuz	Ikasturte osoan	Ikasturte osoan	Parte-hartzearen indizea	Batzordeen kopuruaren erregistroa
PR07 Lankidetza hezkuntza administrazioarekin	Ikasleen sari bereziak	Ikuskatzaile arduradunak	DBHko eta Batxilergoko sari bereziak arautzen dituen prozedura kudeatzea	Iraila	Ekaina	Deialdien %100 epean kudeatuta	Parte hartzen duten ikastetxeen erregistroa
PR07 Lankidetza hezkuntza administrazioarekin	Hezkuntza eskaintzaren plangintza	Plangintza arloa	Hezkuntza eskaintzari buruzko proposamena egitea eta ikastetxeei jakinaraztea	2025eko otsaila	2025-09-15	Hezkuntza-eskaintzaren %100 epean egina	EDUCA
PR07 Lankidetza hezkuntza administrazioarekin	Ikasleak eskolatzea	Eskolatze arloa	Eskolatzea eta ikasleen onarpena koordinatzea eta gainbegiratzea	Ikasturte osoan	Ikasturte osoan	Ikasleen %100 eskolatuak eskolatzea arautzen duen araudian ezarritako irizpideen arabera	Erregistroa CEGENAren ikasturte bukaerako txostena
PR07 Lankidetza hezkuntza administrazioarekin	Ikastetxeetako plantilla organikoaren proposamena zehaztea	Plantillen arloa	Ikastetxe publikoetako plantilla organikoak definitzea	2024-09-02	2024-10-29	Epea bukatu ondoren, arloak aldaketen %5 egitea gehienez	Erregistroa
PR07 Lankidetza hezkuntza administrazioarekin	Ikastetxeen funtzionamendurako plantillari buruzko proposamena zehaztea	Plantillen arloa	Ikastetxe publikoen funtzionamendu-plantilla zehaztea eta trazabilitatea garatzea 15 ikastetxetan	Maiatza / ekaina iraila	Iraila	Funtzionamendurako plantillen %100 epean eginak eta giza baliabideei bidaliak Trazabilitatea 15 ikastetxetan aplikatu da	Erregistroa
PR11 Hobekuntza eta berrikuntza	Prozesuak eta azpiprozesuak diseinatu eta garatzea	Kalitatearen arduraduna	Prozesuak eta azpiprozesuak eguneratzea definitutako sistematika integratuz	2024-09-01	2025-07-30	Urteko planeko prozesuen eta azpiprozesuen %80 eguneratuta eta zerbitzuaren esku jarrita webgunean	Diseinatutako eta ezarritako prozesuen bukaerako txostena

III. ERANSKINA

ILDOAK	EKINTZAK	PROZESUAK
1. Hezkuntza gainbegiratzea	a) Arreta berezia jartzea kontsultaren xede diren irakasleen ordutegiak gainbegiratzean. Hezkuntza-laguntzako berariazko premiak dituzten ikasleen bekak gainbegiratzeko irizpideak bateratzeko jarraibideak berrikustea. Departamentuek/Zikloek errolda bidezko ebaluazio diagnostikoan lortutako emaitzen azterketa zehatza egiten dutela egiaztatzea eta, hala badagokio, hobekuntzak proposatzea	SB0101
	b) Arreta berezia jartzea Urteko Programazio Orokorra eta ikasturte bukaerako memoriak gainbegiratzeko jarduketaren hasierari eta jarraipenari buruzko komunikazioan, jarduketaren eta haren emaitzen eraginkortasuna hobetzeko (ikastetxeen %90ean, gutxienez)	SB0102
	c) LOMLOE programazio didaktikoen zentro bakoitzeko lagin kontrola egitea	SB0102
2. Ebaluazioa	a) Arreta berezia jartzea 2024-2025eko autoebaluazioa eta 2023-2026ko hobekuntza plana gainbegiratzeko jarduketaren hasierari eta jarraipenari buruzko komunikazioan, jarduketaren eraginkortasuna eta emaitzak hobetzeko (ikastetxeen %90ean, gutxienez)	SB0202
	b) Zentroetako jarduna ebaluatzeko prozesu berria berrikustea eta hedatzea, gidaritza egin ondoren, behar bezala hautatutako zentroen urteko lagin batean	SB0201
	c) Zuzendaritza funtzioa ebaluatzeko prozesuaren ondoriozko txostenak (hirugarren urtekoak) azpimarratzea, praktika eta garapen profesionala hobetzen laguntzeko	SB0204
	d) Irakaskuntzaren ebaluazio prozesuak eguneratzea, araudiak ezarritakoaren arabera	SB0205/06/07
	e) LOMLOEn jasotako beste funtsezko gaitasun batzuk, hala nola digitala edo herritarra, nola eskuratu diren ebaluatzeko proba berriak sartzeko aukera aztertzea	SB0301
3. Ikastetxeentzako arreta	a) Ikastetxearen ekimenez abian jarritako PROA+ programaren aholkularitza errazteko jarraibideak izatea	SB0402
	b) Ikastetxeei etengabeko lege aholkularitza emateko jarraibideak izatea	SB0401
	c) Arreta berezia jartzea LOMLOEren ondoriozko programazio didaktikoak (curriculumaren garapena), estrategiak, metodologiak eta ebaluazioa berritzeko aholkularitzan	SB0402
	d) Hezkuntza komunitateko kideen arteko gatazkei edo irizpide desberdintasunei buruzko bitartekaritza prozesu berri bat diseinatzea, dokumentatzea eta hedatzea, ikuskapen funtzio berriari erantzuteko	SB0510
4. Lankidetza hezkuntza administrazioarekin	a) Hezkuntza Departamentuaren ikastetxeen, zerbitzuen, programen eta hezkuntza jardueren funtzionamenduan hautemandako beharrei eta zailtasunei buruzko informazioa helarazteko bide bat ezartzea (protokoloa eta txosten normalizatua)	SB0608
	b) Lehentasuna ematea LOMLOEren ondoriozko erregelamendu garapenaz arduratzen diren batzorde eta taldeetan parte hartzeari	SB0702
	c) Inklusio Zerbitzuari aktiboki laguntzea PROA+ programa abian jartzen	SB0702
	d) Unibertsitatera sartzeko proba berria erregelamendu bidez garatzea Nafarroan	SB0305
	e) Ikasleen onarpena arautzen duen apirilaren 28ko 33/2021 Foru Dekretuaren ondorioz ikasleak eskolatzeko prozedura berria hobetzen laguntzea	SB0708
	f) Arreta berezia jartzea ikastetxe publikoetako funtzionamendu plantillak egiteko prozedura berriaren gainbegiratze lanean, eta automatizazio prozesuan aurrera egitea, ikastetxeei autonomia handiagoa emateko	SB0710
5. HIZren antolaketa eta barne kudeaketa	a) Hezkuntzako Ikuskapenaren antolaketa eta funtzionamendua eguneratuko dituen foru dekretu berri bat proposatzea	SB0801
	b) Zonako taldeko kideen elkarlana eta koordinazioa indartzeko jarraibideak ezartzea (bileren maiztasuna, bileren edukia, planeko jarduketen koordinazioa, arauen azterketa, kasuak bateratzea, jardunbide egokiak trukatzea, lanpostuko prestakuntza, etab.)	SB0801
	c) Prozesuen taula eguneratzea eta arduradunek prozesuen diseinua, dokumentazioa eta kontrola osatzea	SB1101
	d) Urte Anitzeko Jarduketa Plana onesten duen ebazpena aldarrikatzea	SB0802
	e) HIZren Urteko Jarduketa Planaren komunikazioan, jarraipenean eta ebaluazioan eragitea	SB0803
	f) Kontrol Administratiboaren eta Artxiboaren Bulegoaren zereginak eta betekizunak berrantolatzea
6. Digitalizazioa	a) Plataforma modular digital bat garatzea proposatzea, ikuskatzailearen koaderno edo agenda gisa	SB1003
	b) Irakasleak ebaluatzeko aplikazio digitalaren (Evacompro) eraldaketa formulatzea, hezkuntza ebaluazioko prozesuetan aplika daitekeen funtzio anitzeko plataforma izan dadin	PR02
	c) Arduradunek Hezkuntzako Ikuskapen Zerbitzuaren kudeaketa sistemaren prozesuak planifikatzea, garatzea eta kontrolatzea HIZren plataforma teknologikoan	SB1101
	d) Educa plataforman Urteko Programazio Orokorraren, hobekuntza planen eta programazio didaktikoen garapenak egitea planteatzea, lotutako zenbait ikuskapen jarduketa digitalizatu ahal izateko	SB0102
	e) Ebaluazio diagnostikoetako proben digitalizazioa azpimarratzea, ikasleek ordenagailuz egin ahal izan ditzaten. Tableau aplikazioan emaitzen bilakaerari buruzko txosten berriak sortzea gomendatzea (edukien eta prozesuen blokeak)	SB0301
	f) Ikastetxe publikoetako irakasle ibiltarien joan-etorriak kudeatzea ahalbidetuko duen plataforma teknologiko berri bat sortzea	SB0101
7. HIZren plantilla egonkortzea	a) Behin-behineko ikuskatzaileen lanpostuen zerrendak eratzeko deialdi berria egitea	SB0901
8. Lanbide gaitasuna	a) Ikuskatzaile berriei harrera, tutoretza eta hasierako prestakuntza emateko prozesuak bultzatzea, lanpostura egokitzeko eta behar bezala betetzeko	SB0903
	b) Nafarroako Hezkuntzako Ikuskapeneko lanbide gaitasunen esparruari buruzko informazioa eta ezagutza partekatzea, jarduna errazteko	SB00906
	c) Hezkuntzako Ikuskapen Zerbitzuko kideen etengabeko prestakuntza eta eguneratze profesionala bultzatzea	SB0906
9. Ikuskapen funtzioan jardutea.	a) Ebaluazio esparru bat diseinatzea (zuzendaritza, plangintza, pertsonak eta taldeak, ikuskatzaileen esku-hartzea, baliabideak, lankidetzak eta emaitzak), Hezkuntzako Ikuskapenaren jarduna zehaztu ahal izateko	SB1105
	b) Hezkuntzako Ikuskapenaren eta ikuskatzaileen jardun orokorraren aldizkako ebaluazioa egitea, bai eta kide berrien ebaluazioa ere (sartzen direnak eta lanpostuak aldi baterako betetzen dituztenak) lanean hasten diren unean	SB1105
	c) Ikastetxeetako zuzendariek HIZk ematen duen zerbitzuaz duten pertzepzioa zehaztea	SB1103
10. Beste entitate batzuekiko lankidetza	a) Informazioa eta jardunbide egoki espezializatuak trukatzea eta, hala badagokio, beste autonomia erkidego batzuetako ikuskatzailetzekin proiektu eta programa komunak garatzea	SB1004
11. Kanpo irudia eta komunikazioa	a) HIZren sarrera bat sortzea Hezkuntza Departamentuaren webgunean, hezkuntza komunitatearekiko eta herritarrekiko komunikazioa hobetzeko	SB1004

IV. ERANSKINA.–JARRAIPENA ETA EBALUAZIOA

Hezkuntzako Ikuskapen Zerbitzua - 2024-2025 ikasturtea

ZERBITZUA-JARDUERA (1)	ARDURADUNA (Jabea)	HELBURUA	LORPENAREN ADIERAZLEA (2)	EMAITZAK (3)	HOBEKUNTZA PROPOSAMENAK (4)




Oharrak: (1) Urteko Jarduketa Planeko II. eranskinean aurreikusitako jardueren zerrenda eginen da. (2) II. eranskinean (Urteko Jarduketa Plana) planteatutako lorpenaren adierazlea emanen da. (3) Azalduko da zer neurritan bete den zerbitzua-jarduera Urteko Jarduketa Planean aurreikusitako epeetan. Betetze-mailaren erreferentzia gisa plan horretan ezarritako adierazlea erabiliko da, horrelakorik badago. Adierazlea zehaztuta ez badago, ahal dela zerbitzu-jardueren kuantifikazioa aipatuko da. (4) Bakar-bakarrik zailtasunik izan bada eta/edo helburuak epean bete ez badira eta/edo hobekuntzak proposatzen badira.

Iragarkiaren kodea: F2418381

Sarbidea

Loturiko estekak

Nafarroako Aldizkari Ofiziala

Paseo Pablo Sarasate, 38, 2.º izda.

31001 - Iruña

848 42 12 50

bon@navarra.es