2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑA
Aldaketa, 2025. urtean garapenaren aldeko nazioarteko lankidetzako proiektuak egitera bideratutako dirulaguntza-deialdian. Laburpena
DDBN (identifikazioa): 820419.
Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan ezarritakoaren arabera, deialdiaren laburpena argitaratzen da. Haren testu osoa Dirulaguntzen Datu Base Nazionalean aurki daiteke (https://www.infosubvenciones.es/bdnstrans/GE/eu/convocatoria/820419).
2025eko 73. Nafarroako Aldizkari Ofizialean, apirilaren 11koan, argitara eman zen garapenaren aldeko nazioarteko lankidetza-proiektuak egiteko dirulaguntzak norgehiagokako araubidean emateko deialdiaren laburpena. Ikusirik, alde batetik, zinegotzi ordezkariaren RPC 11-MAR-2025 (2/PC) ebazpena, zeinaren bidez onesten baita 2025ean garapenaren aldeko nazioarteko lankidetza-proiektuak egiteko dirulaguntzak norgehiagokako araubidean emateko deialdia, eta 811.000 euroko gastu-baimena indarreko aurrekontuaren 90/23930/490000 partidaren kargura, eta ikusirik hala 90/23930/790000 partidan kredituen sorrera onesten duen PLE-05-JUN-25 (2CP) erabakia nola espedientean jasotako gainerako agiriak, EBATZI DUT:
1.–Onestea garapenaren aldeko nazioarteko lankidetza-proiektuak egiteko dirulaguntzak norgehiagokako araubidean emateko deialdiaren aldaketa, honela:
C klausula. Aurrekontu-kredituak, dirulaguntzaren gehieneko zenbateko osoa eta banakako zenbatekoa. Hasiera batean hau jartzen zuen: "1.–Deialdiaren guztizko zenbatekoa, gehienez, kreditu erabilgarrien barruan: 811.000 euro". Horren ordez, honela behar du: "1.–Deialdian jasotako guztizko zenbatekoa, gehienez, kreditu erabilgarrien barruan: 1.239.000 euro. Aipatu aurrekontu-kontsignazio horretatik, 811.000 euro egotziko dira indarrean dagoen aurrekontuaren 90/23930/490000 partidaren kargura, eta 428.000 euro, 90/23930/790000 partidaren kargura".
Hasiera batean hau jartzen zuen: "2.–90/23930/490000 aurrekontu-partida". Horren ordez, honela behar du: "2.–90/23930/490000 eta 90/23930/790000 aurrekontu-partidak".
2.–428.000 euroko gastua baimentzea, 2025eko aurrekontuaren 90/23930/790000 partidaren kargura, lehen puntuan adierazitako gastuak ordaintzeko.
3.–Ebazpen hau Nafarroako Aldizkari Ofizialean argitaratzea.
Iruñean, 2025eko abenduaren 2an.–Sustapen Ekonomikoko, Europar Proiekzioko, Berrikuntzako, Gazteriako eta Garapenerako Lankidetzako zinegotzi ordezkaria, Mikel Armendariz Barnechea.
Iragarkiaren kodea: L2516148
