243. ALDIZKARIA - 2025eko abenduaren 5a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

2640E/2025 EBAZPENA, azaroaren 25ekoa, Osasunbidea-Nafarroako Osasun Zerbitzuko zuzendari kudeatzaileak emana, epaimahaia aldatzen duena erdi mailako teknikaria-osasun hezitzaileen 7 plaza oposizio-lehiaketa bidez betetzeko deialdian.

Osasunbidea-Nafarroako Osasun Zerbitzuko zuzendari kudeatzailearen urriaren 13ko 1962E/2025 Ebazpenaren bidez, deialdi honen testua onetsi zen: deialdia, batetik, Osasunbidea-Nafarroako Osasun Zerbitzuko erdi mailako teknikaria-osasun hezitzaileen 7 plaza oposizio-lehiaketa bidez betetzeko, eta, bestetik, hautaproben bitartez, izangaien zerrendak osatzeko, lanpostu horretan jardun dezaten, bai aldi baterako kontratazio bidez, bai aldi baterako barne igoeraren bidez.

Irailaren 3ko 171/2015 Foru Dekretuaren bidez onetsitako Osasunbidea-Nafarroako Osasun Zerbitzuaren Estatutuek ematen dizkidaten ahalmenak erabiliz,

EBAZTEN DUT:

1. Kalifikazio-epaimahaia aldatzea erdi mailako teknikaria-osasun hezitzaileen 7 plaza oposizio-lehiaketa bidez betetzeko deialdian, honela:

–Ordezkatzea Amaia López de Armentia Goicoechea andrea, Osasunbidea-Nafarroako Osasun Zerbitzuak izendatutako ordezko epaimahaikidea, haren ordez aritu dadin M.ª Jesús Baena Moya andrea, Nafarroako Ospitale Unibertsitarioko erdi mailako teknikaria-osasun hezitzailea.

2. Ebazpen hau deialdiaren web-orrian eta Nafarroako Aldizkari Ofizialean argitara dadila agintzea.

3. Ebazpen honek ez du administrazio bidea amaitzen, eta haren aurka gora jotzeko errekurtsoa jar daiteke, Osasuneko kontseilariari zuzendua, hilabeteko epean, deialdiaren web-orrian argitaratu eta biharamunetik hasita, bat etorriz Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 126.1.c) artikuluarekin, eta aintzat hartuta Barneko, Funtzio Publikoko eta Justiziako kontseilariaren abuztuaren 18ko 4/2023 Foru Aginduaren bidez eskuordetzan emandako eskumenak.

Iruñean, 2025eko azaroaren 25ean.–Osasunbidea-Nafarroako Osasun Zerbitzuko zuzendari kudeatzailea, Juan Antonio Guajardo Remacha.

Iragarkiaren kodea: F2515601