239. ALDIZKARIA - 2025eko azaroaren 28a

1. NAFARROAKO FORU KOMUNITATEA

1.3. LURRALDEAREN ANTOLAMENDUA ETA HIRIGINTZA

147E/2025 FORU AGINDUA, azaroaren 4koa, Lurralde Kohesiorako kontseilariak emana, behin betiko onesten duena Anueko Udal Plan Orokorra, Anueko Udalak sustaturik.

Udalerria: Anue.

Sustatzailea: Anueko Udala.

Hasierako onespena: 2010-08-31.

Behin-behineko onespena: 2025-04-09.

Dok. erregistroa: 2025-07-28.

Aplikatu beharreko araudia: Lurraldearen Antolamenduari eta Hirigintzari buruzko Foru Legearen testu bategina, uztailaren 26ko 1/2017 Legegintzako Foru Dekretuaren bidez onetsia.

253/2019 Foru Dekretua, urriaren 16koa, Nafarroako Planeamenduaren Erregistroa eta Nafarroako hirigintza eta lurralde plangintzarako tresnak aurkezteko formatua arautzen dituena.

Anueko Udalak idazpuruan azaltzen den espedientea aurkeztu du Lurralde Kohesiorako Departamentuan, behin betiko onets dadin.

Espedientearen xedea da udal mugarte osoaren hirigintza-antolamendua arautzea, modu integratu eta globalean.

Ingurumeneko zuzendari nagusiaren irailaren 17ko 1036E/2025 Ebazpenaren bidez, Anueko Udal Plan Orokorraren ingurumen adierazpen estrategikoa berretsi zen (2025eko 197. Nafarroako Aldizkari Ofiziala, urriaren 2koa).

Ikusirik aurkeztutako dokumentazioa, bai eta Lurralde eta Paisaia Zerbitzuaren txostena ere, bidezkoa da espedientea behin betiko onestea.

Azaldutakoarekin bat, eta Lurralde Kohesiorako Departamentuaren egitura ezartzen duen azaroaren 15eko 249/2023 Foru Dekretuan xedatutakoari jarraikiz,

AGINTZEN DUT:

1. Behin betiko onestea Anueko Udal Plan Orokorra, Anueko Udalak sustatua.

2. Foru agindu hau jakinaraztea espedientearen sustatzaileari eta igortzea Ingurumen Eraginaren Atalera, behar diren ondorioak izan ditzan.

3. Foru agindu hau Anueko Udalera igortzea, jakinaren gainean egon dadin eta behar diren ondorioak izan ditzan, eta, zehazki, dagokion hirigintza araudia argitara dezan Nafarroako Aldizkari Ofizialean, hala, onetsitako hirigintza tresnak indarra har dezan.

4. Adieraztea foru agindu honek ez duela administrazio bidea amaitzen. Administrazio publikoak ez diren interesdunek gora jotzeko errekurtsoa jartzen ahalko dute, Nafarroako Gobernuari zuzendua, legezkotasunaren kontrolerako onespen egintza honen aurka, hilabeteko epean, foru agindu hau jakinarazi edo, hala badagokio, Nafarroako Aldizkari Ofizialean argitaratu eta biharamunetik hasita.

Eta onetsitako hirigintza araudiaren aurka administrazioarekiko auzi-errekurtsoa jartzen ahalko da, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, dagokion udalak eskaturik, edukia Nafarroako Aldizkari Ofizialean argitaratzen denetik aurrera.

Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

5. Foru agindu hau Nafarroako Aldizkari Ofizialean argitaratzea, behar diren ondorioak izan ditzan.

Iruñean, 2025eko azaroaren 4an.–Lurralde Kohesiorako kontseilaria, Óscar Chivite Cornago.

Iragarkiaren kodea: F2514661