235. ALDIZKARIA - 2025eko azaroaren 24a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

ANTSOAIN

Aldaketa 13. ordenantzan (13. ordenantza, uda-neguetako igerilekuek, gune hidrotermalak eta instalazio osagarriek osatzen dituzten kirol-instalazioak erabiltzeko eta kirol-abonuko jardueretarako prezio publikoak arautzen dituena). Jendaurreko aldia

Ikusirik Berdintasuneko, Euskarako eta Zerbitzu Orokorretako Informazio Batzordearen aldeko irizpena, 2025eko urriaren 22koa.

Eta bat etorriz martxoaren 10eko 2/1995 Foru Legearen 12., 13. eta 35. artikuluekin (Nafarroako Toki Ogasunei buruzko Foru Legea), eta uztailaren 2ko 6/1990 Foru Legearen 325. artikuluarekin (Nafarroako Toki Administrazioari buruzko Foru Legea),

ERABAKITZEN DA:

1. Hasiera batez onestea 13. ordenantza aldatzea (13. ordenantza, prezio publikoak arautzen dituena kirol-instalazioak erabiltzeko –uda-neguetako igerilekuak, gune hidrotermala eta instalazio osagarriak– eta, orobat, prezio publikoak arautzen dituena kirol-abonuko jardueretarako).

2. Espedientea jendaurrean jartzea 30 egunean, iragarkia argitaratuta Udalaren ediktuen taulan eta Nafarroako Aldizkari Ofizialean.

3. Jendaurrean egoteko epea iragaten bada inork aurkeztu gabe erreklamaziorik, kexarik edo oharrik, ulertuko da ordenantzaren aldaketa behin betikoa dela, bat etorriz uztailaren 2ko 6/1990 Foru Legearen 325. 1.c) artikuluarekin (Nafarroako Toki Administrazioari buruzko Foru Legea). Orduan, ordenantza aldatuaren testu osoa argitaratuko da Nafarroako Aldizkari Ofizialean.

Antsoainen, 2025eko azaroaren 4an.–Kontu-hartzailea, José María Gainza Ordoqui.

PLANTEATUTAKO ALDAKETAK

TARIFEN ERANSKINA

Kirol instalazioak: uda-neguetako igerilekuak, gune hidrotermala eta instalazio osagarriak.

I. epigrafea.–Denbora mugarik gabe izena ematen duten erabiltzaileen tarifak.

A eta B apartatu hauetako kuotak ordainduko dituzte:

–A apartatua. Aldaketarik gabe.

–B apartatua.

B.1. Hileko kuotak, igerilekua eta gune hidrotermala erabiltzeko (banakakoak):

–5 urtetik 15era bitartekoak: 12,50 euro.

–16 urtetik gorakoak: 23 euro.

–65 urtetik gorakoak, baldin eta betetzen badituzte ordenantza honetako tarifen aplikazio arauen 8. apartatuko baldintzak: 14,40 euro.

B.2. Hileko kuota murriztuak, igerilekua eta gune hidrotermala erabiltzeko (familia-unitateko 3. kidetik aurrera; 26 urtetik beherakoendako, betiere):

–5 urtetik 15era bitartekoak:

  • Hirugarren kidea: 9,60 euro.
  • Laugarren kidea: 6,80 euro.
  • Bosgarren kidea eta hurrengoak: 3,70 euro.

–16 urtetik gorakoak:

  • Hirugarren kidea: 17,60 euro.
  • Laugarren kidea: 12,00 euro.
  • Bosgarren kidea eta hurrengoak: 6,40 euro.

VI. epigrafea.–Bestelako zerbitzuak.

–"Gim" abonua ("Ura" abonua + gimnasioa), hilean:

"Ura" abonuari dagokiona, kategoriaren arabera, gehi 8,90 euro hilean.

–"Kirol" abonua ("Ura" abonua + kirol abonua), hilean:

"Ura" abonuari dagokiona, kategoriaren arabera, gehi 18,80 euro hilean.

–"Idaki" abonua ("Ura" abonua + gimnasioa + kirol abonua), hilean:

"Ura" abonuari dagokiona, kategoriaren arabera, gehi 22 euro hilean.

–"Gazte" abonua –16tik 20 urtera bitarte– ("Ura" abonua + kirol abonua), hilean:

"Ura" abonuari dagokiona, kategoriaren arabera, gehi 9,50 euro hilean.

–Kirol abonua abonatuak ez direnendako:

Antsoainen erroldatuak: 36,50 euro hilean.

Antsoainen erroldatu gabeak: 43,90 euro hilean.

TARIFAK APLIKATZEKO ARAUAK

11. araua (eta azkena) gehitzen da.

11. Genero-indarkeriaren biktima diren emakumeek dohainik izatea Udalaren kirol instalazioetan sartzea. Ezartzen da genero-indarkeriaren biktimatzat jotzen diren emakume guztiek doako sarbidea izanen dutela Udalaren kirol instalazioetan, politika publikoen esparrua baita kalteberatasun-egoeran dauden emakumeei laguntza integrala ematea, haien inklusioa eta berdintasuna.

Iragarkiaren kodea: L2514412