2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BERIAIN
Aldaketa, Udalaren lokalen erabilera herritarren elkarteei lagatzeko arauak ematen dituen ordenantzan. Behin betiko onespena
Beriaingo Udalak, 2025eko irailaren 8an egin osoko bilkuran, hasiera batez onetsi zuen aldaketa egitea Udalaren lokalen erabilera herritarren elkarteei lagatzeko arauak ematen dituen ordenantza fiskalean.
Hasierako onespenaren erabakia argitaratu zen 2025eko 189. Nafarroako Aldizkari Ofizialean, irailaren 23an.
Jendaurreko aldian inork ez du alegaziorik aurkeztu. Hortaz, ordenantzaren aldaketa behin betiko onetsi da, eta haren testu osoa argitaratzen da.
Aplikatu beharreko araudia: uztailaren 2ko 6/1990 Foru Legearen 325. artikulua (Nafarroako Toki Administrazioari buruzko Foru Legea).
Beriainen, 2025eko azaroaren 5ean.–Alkatea, José Manuel Menéndez González.
ALDAKETA, UDALAREN LOKALEN ERABILERA HERRITARREN ELKARTEEI LAGATZEKO ARAUAK EMATEN DITUEN ORDENANTZAN
3. artikuluko 5. paragrafoan:
Honela dioen tokian:
"Ordenantza honen xede diren lokalen lagapena baloratzeko, entitate eskatzaileak hiru entitate mota hauetan sailkatuko dira".
Honela behar du:
"Ordenantza honen xede diren lokalen lagapena baloratzeko, entitate eskatzaileak bi entitate mota hauetan sailkatuko dira".
5. artikuluan, 3. paragrafoaren atzetik, paragrafo hau gehitzen da:
"Halaber, hau nabarmendu behar da:
a) Lagatako gunean egiten diren jarduera publikoak Beriaingo Udalarekin adostu beharko dira, eta haren onespena beharko dute.
b) Jarduera horiek eta haien publizitatea Beriaingo herritar guztiei zuzendu beharko zaie.
c) Jarduera horien publizitateak betiere Beriaingo Udalaren logotipoa eramanen du, entitate laguntzailea dela agertzeko".
Eguneratzen da laga daitezkeen aretoen zerrenda, ordenantzaren eranskinean jasotzen direnak; hala, obren eta aldaketen ondotik, honako hauek izanen dira:
ERANSKINA.–LAGA DAITEZKEEN LOKALAK
LOKALA | ARETOA | JABETZA MOTA | ERABILERA |
Ikastetxea | Ikastetxeko gimnasioa | JP ZP | Osorik |
Ikastetxea | Eskualdeko ikastetxeko lokala | JP ZP | Osorik |
Liburutegi zaharra | Liburutegi zaharra | OND | Osorik |
Sierra del Perdóneko etxabea | Areto handia | OND | Partziala |
Sierra del Perdóneko etxabea | Gela txikia | OND | Osorik |
Kiroldegia | Kirol anitzeko pista | JP ZP | Partziala |
Kiroldegia | Kiroldegia Jarduera aretoa | JP ZP | Partziala |
Kultur etxea | Xake aretoa | JP ZP | Partziala |
Kultur etxea | Musika eskolako haurren gela | JP ZP | Partziala |
Kultur etxea | Ambigú aretoa | JP ZP | Partziala |
Herriko etxea | Jarduera aretoa | JP ZP | Partziala |
Gazteen zentroa | Gazteen zentroa | JP ZP | Partziala |
Gazteen zentroa | Gazteen zentroko biltegia | JP ZP | Partziala |
Erretiratuen elkartea | Kasinoa | OND | Osorik |
Odón Sagüéseko etxabea | Odón Sagüéseko etxabea | OND | Osorik |
Nabea | | JP ZP | Aldian behin lagatzea |
Morea baltsa | | OND | Etengabeko lagapena |
Laburdurak: JP: jabari publikoa. ZP: zerbitzu publikoa. OND: ondarea. |
Iragarkiaren kodea: L2514485
