Iragarkia
23. ALDIZKARIA - 2025eko otsailaren 4a
1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
201C/2024 EBAZPENA, abenduaren 11koa, Ekonomia Sozialeko eta Laneko zuzendari nagusiak emana, zeinaren bidez erabakitzen baita Papelera del Ebro SA enpresaren hitzarmen kolektiboa erregistratzea, gordailutzea eta Nafarroako Aldizkari Ofizialean argitaratzea.
Ikusi da Papelera del Ebro SA enpresak aurkeztutako hitzarmen kolektiboa (kode zenbakia: 31008360012004), erregistro honetan sartu dena 2024ko abenduaren 9an, eta 2024ko abenduaren 2an sinatu zutena enpresaren eta sindikatuen ordezkariek.
Langileen Estatutuaren Legearen testu bategina onesten duen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Hitzarmen kolektiboak, laneko akordio kolektiboak eta berdintasun planak erregistratu eta gordailutzeari buruzko maiatzaren 28ko 713/2010 Errege Dekretuan ezarritakoarekin bat etorriz.
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz, eta Eskubide Sozialetako, Ekonomia Sozialeko eta Enpleguko Departamentuaren egitura organikoa ezartzen duen azaroaren 15eko 251/2023 Foru Dekretuak ematen dizkidanak, honako hau
EBAZTEN DUT:
Lehenengoa.–Nafarroako Hitzarmen Kolektiboen, Lan Akordio Kolektiboen eta Berdintasun Planen Erregistroan inskribatzea Papelera del Ebro enpresak aurkeztutako hitzarmen kolektiboa (kode zenbakia: 31008360012004).
Bigarrena.–Nafarroako Aldizkari Ofizialean argitara dadila xedatzea, orok jakin dezaten.
Hirugarrena.–Ebazpen hau eskatzaileari jakinaraztea, eta ohartaraztea ebazpenak ez diola amaiera ematen administrazio bideari, eta, haren aurka, gora jotzeko errekurtsoa aurkezten ahal diola Eskubide Sozialetako, Ekonomia Sozialeko eta Enpleguko kontseilariari, hilabeteko epean, ebazpena jakinarazi eta hurrengo egunetik aurrera.
Iruñean, 2024ko abenduaren 11n.–Ekonomia Sozialeko eta Laneko zuzendari nagusia, Iñaki Mendióroz Casallo.
PAPELERA DEL EBRO SA ENPRESAREN BOSGARREN HITZARMEN KOLEKTIBOAREN TESTUA, VIANAKO (NAFARROA) LANTEGIRAKO ETA 2024/01/01ETIK 2027/12/31RA BITARTEKO EPERAKO
ATARIKOA
Papelera del Ebro SA enpresaren bosgarren hitzarmen kolektiboaren testua, Vianako (Nafarroa) lantokirako, Negoziazio Batzordeak adostu du, elkarri aitortuta solaskide egokiak direla, zilegitasun eta ordezkaritza aski dutela, eta "fede ona" eta "elkarrenganako konfiantza" printzipioak erabiliz enpresaren eta langileen helburuak betetzeko, lehiakortasunaren, zerbitzua hobetzearen eta beharrezko egonkortasunaren bila. Honako hauek osatzen dute Negoziazio Batzordea: alde batetik, enpresako zuzendaritza, horretarako ahalmen aski duela, eta, bestetik, Vianako lantokiko enpresa batzordea.
Hitzarmen kolektibo honen negoziazioan, aintzat hartu da lanbide talde eta soldata maila berriei egindako kategorien transposizioa, Arte Grafikoen, Paper eta Kartoiaren Manipulatuen, Argitaletxeen eta Industria Laguntzaileen Estatuko Hitzarmen Kolektiboa aplikatuz eta aurreko enpresa hitzarmenean zeuden berezitasunak egokituz.
I. KAPITULUA.–KLAUSULA OROKORRAK
1. artikulua. Eremu funtzionala (xedea). Papelera del Ebro SA enpresako enpresa zuzendaritzak eta, langileak ordezkatuz, enpresa batzordeak Vianako (Nafarroa) lantokirako negoziatu duten hitzarmen kolektibo honetan, elkarri aitortuta zilegitasunez solaskide egokiak direla, ezarri dira lantoki horretako lan harremanak bideratuko dituzten lan-baldintzak, eta lehentasunez aplikatuko dira horiek bestelako lan arauen gainetik, betiere banakako kontratuetan xedatua nagusi izanik.
2. artikulua. Lurralde eremua. Papelera del Ebro SA enpresan aplikatuko da, Vianako lantokian (Nafarroa).
3. artikulua. Langileen eremua.–Zerbitzuak Vianako (Nafarroa) lantokian ematen dituzten eskulaneko langileen gainean du eragina enpresako hitzarmen kolektibo honek. Gainerako langileak, zuzendaritzakoak, agintariak, teknikariak eta administrariak horretatik kanpo geratu dira.
4. artikulua. Denbora eremua (indarraldia).–Enpresako hitzarmen kolektibo honen indarraldia lau urtekoa izanen da: 2024/01/01etik 2027/12/31ra.
5. artikulua. Salaketa, aurreabisua eta negoziazio epeak.–Hitzarmena edo indarreko luzapena bukatu baino hiru hilabete lehenago, gutxienez, salatu beharko da hitzarmena, idatziz eta hura izenpetu zuten alderdiei igorrita.
Negoziazio kolektiboari ekiteko epea, gehienez, hilabete batekoa izanen da, salaketa agiria jasotzen denetik hasita; negoziazio batzordea eratuko da, eta horrek, negoziatzeko egutegia ezarrita, lehenengo bilera eginen du hurrengo hamabost egunetan.
Hitzarmen honen edukia bere horretan luzatuko da, eta indarrean jarraituko du beste hitzarmen bat sinatzen ez den bitartean, soldata-igoerei buruzko xedapen gehigarrietako hirugarrenari dagokionez izan ezik.
Nolanahi ere, hitzarmenaren indarraldiaren amaieran indarrean dagoen lan-legeria errespetatuko da.
6. artikulua. Kalkulatzea. Itundutako baldintzek, oro har, osotasun organiko zatiezina osatzen dute, eta aplikazio praktikoari begira, urte bakoitzean kalkulatuko dira osorik.
Soldata agiriak prestatzeko ondorioetarako, hainbat kontu-sail batzen ahal dira, edo beste batzuei esleitu, bermatutako ordainketan inolako murrizketarik egin gabe.
7. artikulua. Konpentsazioa eta irenspena. Itundutako baldintzak konpentsatzen ahal dira aurretik indarra zutenekin, honako hauen bidez: itundutako hobekuntza edo enpresak bere aldetik emandakoa (soldaten borondatezko hobekuntzarengatik, prima edo plus aldakorrengatik, borondatezko eskersari eta hobariengatik, edo antzeko kontzeptuengatik), edo legeak, jurisprudentziak edo administrazioarekiko auziak hala aginduta, edo lan hitzarmen kolektiboa, edozein motatako hitzarmena, banakako kontratua, tokiko, eskualdeko edo erregioko usadioak eta ohiturak, edo beste edozein arrazoi.
8. artikulua. Berme pertsonala. Orokorrean hitzarmena gainditzen duten egoera pertsonalak errespetatuko dira, eta «ad personam» gisa mantenduko dira legezko xedapenen bidez edo aspaldiko ohituraren bidez ezarrita daudenak, oro har aztertuta langilearentzat onuragarriagoak direnean.
Edonola ere, norbanakoei dagokienez, lanaldi mesedegarriena, intentsiboa eta iraupen handiagoko oporrak errespetatuko dira, halakorik balego.
9. artikulua. Osotasunari lotzea. Osotasunarekiko lotura hitzartu da berariaz, ulertzen baita itundutako baldintzak osotasun organiko eta zatiezina direla; hortaz, indarrik eta ondoriorik gabe geratuko da baldin eta alderdietako batek, indarra duen lan arloko agintaritza administratiboak edo judizialak, berezko dituen ahalmenak erabiliz, artikuluetako bati objekziorik eginen balio edo indarrik gabe utziko balu, edo eduki osoa onetsiko ez balu, hitzartu baita aplikatzerakoan osotasun bakar eta zatiezina izanen dela.
II. KAPITULUA.–LAN BALDINTZAK
10. artikulua. Lanaldia.–Hitzarmen honek indarra duen bitartean, urteko lanaldia mila zazpiehun eta berrogeita bi lanordukoa izanen da (1.742), lanaldi zatituan zein lanaldi jarraituan.
Hitzarmen honek ukitzen dituen langileek bi lanegun izanen dituzte, ordainduak, norberaren aferetarako. Hori justifikatuta lanera joaten ez denean, astebete lehenago gaztigatu beharko da, gutxienez, eta Produkzio Departamentuak baimendu beharko du. Lantokiko produkzioa ez geldiarazteko, langile bakoitzak eskatzen dituen egunak hartuko ditu egun eta ordu horietarako dauden eskaeren arabera.
Justifikazio horrekin lanera ez joateko eskaera bat baino gehiago daudenean, eta eskaera guztiak onartu ezin badira, nolako hurrenkeran jaso diren, horri jarraituko zaio zorrotz-zorrotz, lehentasuna izanen baitute aurkeztu diren lehenek.
Benetan lan egindako lanorduak honela kontatuko dira: langileak, lanaldiaren hasieran nahiz bukaeran, bai eta hura zatitzen ahal den aldietan ere, lanpostuan egon behar du, bere lanari lotuta.
11. artikulua. Lan-orduak.–Eskulaneko langileen ordutegiak honako hauek izaten ahal dira: lanaldi zatitua, bazkaltzeko atsedenarekin edo txandakakoa txandaka goizeko txandatik gaueko txandara eta arratsaldeko txandara, hasteko eta amaitzeko orduak hauek izanen direlarik:
–Goizeko txanda: 06:00 - 14:00.
–Arratsaldeko txanda: 14:00 - 22:00.
–Gaueko txanda: 22:00 - 06:00.
Ustekabeko premiarik edo alderdien arteko akordiorik egon ezean, ez da txanda aldatuko aste naturalaren barruan.
Produkzio-premiak murrizten diren kasuetan, horien eragina murriztu eginen da, lehenik eta behin, gaueko txandan.
12. artikulua. Oporrak.–Langileen urteko opor ordainduen araubidea 30 egun naturalekoa izanen da, langilearen kategoria edo taldea edozein dela ere.
Urteko oporrak uztailaren batetik irailaren hogeita hamarrera bitartean hartuko dira, bi egun horiek barne, zerbitzuaren premien arabera, eta betiere ahalegina eginen da azken txandaren amaiera, ahal den neurrian, ikasturtearen hasierara hurbiltzeko. Oporren banaketa koadroa gutxienez bi hilabete lehenago jarriko da iragarki-tauletan, langileek horren berri izan dezaten; hala ere, enpresak opor txanden langileen behin-behineko esleipena otsaila amaitu baino lehen argitaratuko du. Behin-behineko esleipen hori behin betiko bihurtuko da gerora sortutako antolaketa arrazoiengatik egokitzapenik edo aldaketarik egin behar ez bada.
Saiatuko da langileei gustu ematen oporrak hartzeko egunei dagokienez; betiere, enpresan antzinatasun handiena duenari emanen zaio lehentasuna kategoria bakoitzean, ukatu gabe maila handiagoko legezko xedapenetan ezarritakoa.
Oporrak zein urte naturaletarako diren, horren barrenean hartu beharko dira, eta ezin dira dirutan konpentsatu, ez guztira ez zati batean ere.
Urtean barna lanik gabe geratzen denak eskubidea izanen du oporren zati proportzionala izateko, zenbat hilabetetan lan egin den; horretarako, hilabetearen zatikia hilabete osotzat hartuko da.
Langile bat hiltzen bada, oporren zati proportzionalari dagokion zenbatekoa haren eskubidedunei ordainduko zaie.
III. KAPITULUA.–BALDINTZA EKONOMIKOAK
13. artikulua. Estatuko hitzarmenaren soldata egitura. Soldaten berrikuspena.
2012/01/01etik aurrera, eskulaneko taldeko langileei, eguneroko Gizarte Segurantzako kotizazioari dagokionez 8., 9., 10. eta 11. taldekoak badira, hogeita hamar egun naturaleko hamabi hilabeteren arabera kalkulatuko zaizkie ordainsariak, nominak prestatzeko eta Gizarte Segurantzan kotizatzeko ondorioetarako, hilabete horietako bakoitzaren egun kopurua zein den kontuan hartu gabe.
Ordainketa eta gizarte kotizazioa egunka edo hilabeteka egiteak ez du ekarriko, inolaz ere, langileak bermatua duen urteko diru-kopurua murriztea.
Hitzarmen honen I. eranskineko I. soldata-taulak 2024ko soldata egitura biltzen du, eta aipatutako Estatuko hitzarmen kolektiboan araututa dauden soldata kontzeptuak (oinarrizko soldata, udako paga, Eguberrietako paga, mozkinen paga eta osagarri lineala) zenbateko hobeak dituztela agertzen dira, Estatuko hitzarmen kolektiboaren aldean. Orobat, hitzarmen honek beste kontzeptu hauek berekin dakartza: produkzio prima, prima osagarriak (aparteko pagen osagarria/mozkinen paga, produkzio prima eta prima berezia) eta asistentzia eta puntualtasun plusa.
Ulertuko da lanaldi osoan aritzen diren langileentzat izanen direla ordainketa kontzeptuetarako zehaztutako zenbatekoak. Arrazoia edozein dela ere lanaldi partzialean aritzen diren langileek haien lanaldiari dagokion zati proportzionalak jasoko dituzte kontzeptu berengatik.
14. artikulua. Aparteko eskersariak (udakoa eta Eguberrietakoa). Aparteko bi paga mantentzen dira. Bata, udakoa, urteko lehen seihilekoan sorraraziko dena, eta bestea, Eguberrietakoa, berriz, urteko bigarren seihilekoan sorraraziko dena.
Horren zenbatekoa, soldata-maila bakoitzari dagokionez, I. soldata-taulako "D" eta "E" zutabeetan zehaztutakoa izanen da. Aparteko bi ordainsariei dagokien antzinatasun-ordainketaren zatia II. soldata-taulan zehaztutako antzinatasun-osagarrian dago integratuta.
Urtean zehar sartzen denak edo lana uzten duenak eta aldi baterako kontratatuek paga bakoitzari dagokion seihilekoan lan egindako denboraren arabera jasoko dituzte paga horiek, hilen zatikiak hilabete osotzat hartuta.
15. artikulua. Antzinatasunaren osagarria. Hitzarmen honek ukitzen dituen langileek antzinatasuneko osagarri pertsonala jasoko dute, hau da, enpresan egindako zerbitzuengatik jasotakoa aldian (bi hirurteko eta ondoko bosturtekoak) handituko zaie; zenbateko horiek, soldata maila bakoitzeko, II. soldata-taulan zehaztutakoak dira, eta udako zein Eguberrietako aparteko pagei eta mozkinen pagari dagokien antzinatasunagatiko ordainketaren zatia biltzen du.
Antzinatasuneko osagarri hori hilabeteka sorraraziko da, eta hamabost ordainketa berdinetan eginen da (hamabi hileko eta udako zein Eguberrietako aparteko pagak eta mozkinen paga).
16. artikulua. Mozkinen paga. Arte Grafikoen, Paper eta Kartoiaren Manipulatuen, Argitaletxeen eta Industria Laguntzaileen Estatuko Hitzarmen Kolektiboan araututako mozkinen paga, urte naturalean sorrarazita, otsailean ordainduko da. Haren zenbatekoa I. taulako F zutabean zehazten da.
17. artikulua. Prima osagarriak.–Lanbide talde eta soldata mailei egindako transposizioaren ondorioz eta ulertuta elementu objektibo aski direla enpresan denborak aurrera egin ahala eskuratutako esperientzia eta trebetasuna, jasotako prestakuntza etengabea, eta langileen arteko esperientzien trukaketa, ondoko prima osagarriak ezarri dira:
17.1. Aparteko pagen osagarria/mozkinen osagarria: hiru ordainketatan eginen da, haietako bi udako eta Eguberrietako aparteko pagekin batera eta haien sorrarazpena urteko lehenengo eta bigarren seihilekoari egokituko zaio, hurrenez hurren, I. soldata-taulako "J" eta "K" zutabeetan zehazten diren zenbatekoen arabera. Hirugarren ordainketa, mozkinen pagarekin batera izanen da, I. soldata-taulako "L" zutabean zehaztua; urte naturalean sorraraziko da eta otsailean ordainduko.
17.2. Produkzio prima: hilabete naturalean sorraraziko da eta hamabi ordainketa berdinetan ordainduko (hamabi hileko), I. soldata-taulako "N" zutabean zehaztutako zenbatekoaren arabera.
17.3. Prima berezia: hilabete naturalean sorraraziko da eta hamabi ordainketa berdinetan ordainduko (hamabi hileko), I. soldata-taulako "O" zutabean zehaztutako zenbatekoaren arabera.
Ondotik ematen den lanbide sustapenerako gutxieneko ibilbidearen arabera ordainduko dira aurreko primak, I. soldata-taulako Ñ, P eta M zutabeetan zehaztuak (produkzio prima, prima berezia eta aparteko pagen osagarria/mozkinen paga); dagokion isla izanen du soldatan, kontratazio berrientzat lehenengo hamabi hilabeteetan:
EPEA (HILABETETAN) | LANBIDE TALDEA/SOLDATA MAILA | PRIMAK (%) |
1. hilabetetik 4.era (biak barne) | 19 | - |
5. hilabetetik 8.era (biak barne) | 18 | %30 |
9. hilabetetik 12.era (biak barne) | 18 | %60 |
12 hilabete + egun 1etik aurrera | 17 | %100 |
24 hilabete + egun 1etik aurrera | 15 | %100 |
18. artikulua. Asistentzia eta puntualtasun plusa.–Asistentzia eta puntualtasun plus bat ezarri da, aldakorra eta finkaezina, benetan lan egindako egunaren arabera sorraraziko dena; hilabetero ordainduko da, eta haren zenbatekoa IV. soldata-taulan zehaztu da.
Langilea lanera ez bada agertzen, ez joateagatik, puntualtasun ezagatik edo justifikatu gabeko beste arrazoirengatik, plus hau murriztu eginen da, langilearen hilabete horretako falta kopuruaren arabera, ondoko taula honi jarraikiz:
FALTA KOPURUA | HILABETEKO PLUSEAN APLIKATU |
Falta bat hilean | %25 |
Bi falta hilean | %50 |
Hiru falta hilean | %75 |
Lau falta hilean | %100 |
Nolanahi ere, honako absentzia hauek kanpo utziko dira:
–Aldi baterako ezintasun osagarriko –eritasun arruntarengatik eta lanekoa ez den istripuarengatik zein laneko istripuarengatik eta laneko gaixotasunarengatik– prozesuen ondorioz eragindakoak, enpresari jakinarazi eta justifikatu ondoren.
–Hitzarmen honen 31. artikuluan jasotako baimen ordainduei dagozkienak.
Aldez aurretik ezagututa, dela zitazioagatik, dela bestelako arrazoi batengatik, ez dela lanera joanen, hura Produkzio Departamentuari jakinarazten ez zaionean bost egun lehenago, primatik kentzen ahalko dira.
19. artikulua. Gaueko lanaren plusa. 22:00etatik 06:00etara benetan lan egiten dutenek, 8 orduko lanegun bakoitzeko, edo, handik beherakoa denean zati proportzionaleko, IV. soldata-taulan zehaztutako zenbatekoak kobratuko dituzte.
Urteko 30 opor egunen ordainsarian gaueko lanaren sei plus sartuko dira. Urte naturalean zehar enpresan lanean hasi edo lana utzi duen langileak enpresan egon den denborarekin proportzionala den zatia kobratzeko eskubidea izanen du.
20. artikulua. Aparteko orduak. III. soldata-taulako "B" eta "C" zutabeetan zehaztutako zenbatekoak ordainduko dira aparteko orduengatik; haietako zortzi metatzen ahal dira atseden hartzeko konpentsazio egun batengatik ordezteko.
Otorduak egiteko edo hamaiketakoak edo ogitartekoak hartzeko atsedenaldiak ez dira aparteko ordutzat hartuko, ezta prestakuntzarako orduak ere. Hala ere, elkarren segidako aparteko 6 ordutik gora egiten direnean, ogitartekoa hartzeko 15 minutuko atsedenaldi ordaindua bermatuko da, lanaldi arruntetan bezala.
Larunbateko edo jaieguneko (igandeak barne) aparteko orduak atsedenarengatik konpentsatzeko, konpentsatutako egun bakoitzeko plus bat ordainduko da, "Konpentsazio atsedenaldiko plusa" izenekoa, III. soldata-taulako "D" zutabeko zenbatekoa ordainduta.
21. artikulua. Atsedenaldian uhintzailean geratzeko plusa. Uhintzailearen atalean lan egiten dutenek, produkzio prozesua edo zerbitzua dela-eta hamaiketakoaren edo ogitartekoaren atsedenaldian jantokira joan ezin direnean, IV. soldata-taulan zehaztutako zenbatekoa jasoko dute benetan lan egindako egun bakoitzeko. Uhintzailearen edo produkzio jardueraren egoeragatik hamaiketakoko edo ogitartekoko atsedenaldian jantokira joaten direnean ere jasoko dute zenbateko hori.
22. artikulua. Prestakuntza orduak. Lanalditik kanpo langileen prestakuntzarako erabiltzen diren orduak IV. soldata-taulako zenbatekoen arabera ordainduko dira, eta ez dira aparteko ordutzat hartuko.
23. artikulua. Urruntasun plusa.–Hitzarmen honek ukitzen dituen eta urruntasun plusa jasotzen zuten langileek jarraituko dute plus hori kobratzen, hemeretzi zentimo kilometroko (0,19), hitzarmen honek indarra duen bitartean.
IV. KAPITULUA.–HOBEKUNTZAK ETA GIZARTE EKINTZAK
24. artikulua. Aldi baterako ezintasun osagarria, eritasun arruntarengatik eta lanekoa ez den istripuarengatik zein laneko istripuarengatik eta lanbide eritasunarengatik.
a) Eritasun arruntarengatik eta lanekoa ez den istripuarengatik aldi baterako ezintasuneko egoeretan, langileak jasoko du, enpresaren kargura eta bajaren lehenengo egunetik aurrera, osagarri ekonomiko bat, Gizarte Segurantzako prestazio ekonomikoen eta bajaren aurreko hilabetean Gizarte Segurantzaren kontingentzia arruntengatik kotizatutako oinarri arautzailearen arteko diferentziaren parekoa (honako hauek kanpo: hilabetetik gorako epemugako pagak hainbanatzeari dagozkion zenbatekoak, gaueko lanaren plusa, atsedenaldian uhintzailean geratzeagatiko plusa, eskersariak ezkontzagatik eta jaiotzagatik eta aparteko orduak), betiere diferentzia horren %85etik %100era bitarte, ezintasunaren aldia hasi aurreko 12 hilabeteetan izandako absentismoaren arabera, ondoko maila eta portzentajeei jarraikiz:
–Absentismoaren maila, aldi baterako ezintasunaren aldia hasi aurreko 12 hilabeteetan: 0tik %3,5era: %100era arte.
–Absentismoaren maila, aldi baterako ezintasunaren aldia hasi aurreko 12 hilabeteetan: %3,51tik %4,5era: %95era arte.
–Absentismoaren maila, aldi baterako ezintasunaren aldia hasi aurreko 12 hilabeteetan: %4,51tik %5era: %90era arte.
–Absentismoaren maila, aldi baterako ezintasunaren aldia hasi aurreko 12 hilabeteetan: %5,01etik %6ra: %85era arte.
–Absentismoaren maila %6tik gorakoa bada, enpresak ordaindu beharreko osagarria kontzeptu horiengatik honako hau izanen da: bajaren lehendabiziko 3 egunetan, %50; 4. egunetik 20.era, %60; eta 21. egunetik aurrera, %75.
Hilabetetik gorako epemugaren eskersariak hainbanatzeari dagokion osagarri horren zatia (hainbanatu gabeko ordainketarekin urteko hamabi hilabeteetan), haiek ordaindu ohi diren egunetan ordainduko da.
Eritasun arruntarengatik eta lanekoa ez den istripuarengatik aldi baterako ezintasuneko egoeretan, bajaren aurreko hilabetean Gizarte Segurantzaren kontingentzia arruntengatik kotizatutako oinarri arautzailearen %100era arte jasoko du langileak (honako hau kanpo: hilabetetik gorako epemugako pagak hainbanatzeari dagozkion zenbatekoak, gaueko lanaren plusa, atsedenaldian uhintzailean geratzeagatiko plusa, eskersariak ezkontzagatik eta jaiotzagatik eta aparteko orduak), medikuek aginduta hainbat egunetan jarraituta ospitaleratuta dagoenean, aldi baterako ezintasuneko bosgarren eta hogeigarren egunen artean. Ospitaleratuta dagoen bitartean soilik jasoko da osagarria, eta agirien bidez frogatu behar da hori. Hilabetetik gorako epemugaren eskersariak hainbanatzeari dagokion osagarri horren zatia (hainbanatu gabeko ordainketarekin urteko hamabi hilabeteetan), haiek ordaindu ohi diren egunetan ordainduko da.
Absentismoaren maila kalkulatzeko, lanera joaten ez den aldi bakoitza hartuko da kontuan, justifikatuta egonda ala ez, honako hauek besteak beste: aldi baterako ezintasunak istripugatik edo eritasunagatik, berandu ailegatzea eta legezko baimenak; konputu horretatik kanpo geratuko dira:
–Greba orokorra.
–Sindikatuen ordutegiaren kreditua.
–Norberaren aferetako atseden egunak.
–Amatasuna.
–Haurdunaldiko arriskua.
–Bularra emateko denbora.
–Aitatasuna.
–Genero indarkeriaren ondoriozko egoera fisikoak edo psikologikoak eragindakoak, betiere laguntzarako gizarte zerbitzuek edo osasun zerbitzuek frogatuta.
b) Lanbide eritasunarengatik eta laneko istripuarengatik aldi baterako ezintasuneko egoeretan, bajaren aurreko hilabetean Gizarte Segurantzaren kontingentzia arruntengatik kotizatutako oinarri arautzailearen %100era arte jasoko du langileak (honako hau kanpo: hilabetetik gorako epemugako pagak hainbanatzeari dagozkion zenbatekoak, gaueko lanaren plusa, atsedenaldian uhintzailean geratzeagatiko plusa, eskersariak ezkontzagatik eta jaiotzagatik eta aparteko orduak).
Hilabetetik gorako epemugaren eskersariak hainbanatzeari dagokion osagarri horren zatia (hainbanatu gabeko ordainketarekin urteko hamabi hilabeteetan), haiek ordaindu ohi diren egunetan ordainduko da.
25. artikulua. Erretiro partziala.–Langileek erretiro partziala eskatzen ahal dute, unean-unean indarrean dagoen legedian xedatutakoaren arabera, baldin eta erretiro partziala arautzen duen indarreko legeriak ezarritako eskakizun guztiak betetzen badituzte eskatzaileek.
26. artikulua. Eguberrietako saskia.–Eguberriekin batera, enpresak jarraituko du Eguberrietako saskia banatzen.
27. artikulua. Leialtasun saria.–Enpresan 25 urte jarraian lan egiteagatik leialtasun sari gisa, eskersari bat ezarri da, eta IV. soldata-taulan zehaztuta dago zenbatekoa, zeina kalkulatzen baita oinarrizko soldataren bi hileroko eta hitzarmeneko bi antzinatasun plus oinarritzat hartuta. Eskersari hori behin baino ez da jasoko, eta horrekin batera enpresaren ikurra emanen da. Zein urtetan betetzen diren 25 urte enpresan lan egiten hasi zenetik, urte horretako abenduan emanen dira ikurra eta eskersaria.
Lan kontratua eteten denean eszedentziaren ondorioz (non ez den nahitaezkoa edo amatasunagatik), aldi horiek ez dira kontuan hartuko eskersari honen ondorioetarako. Era berean, arau-hauste oso larri bat 25 urteko epe horretan ezarri izanak ekarriko du eskersari horretarako eskubiderik ez izatea. Langileak 25 urteak erretiro partzialean dagoela betetzen dituenean, aurretik zehaztutako zenbatekoaren %100 kobratuko du.
28. artikulua. Eskersariak ezkontzagatik eta jaiotzagatik. Eskersari bat ezartzen da ezkontzagatik, behin bakarrik ordaindu beharrekoa, lehenengo ezkontzarekin batera alegia, bai eta beste eskersari bat ere seme-alaba bat jaiotzen den aldiro; hitzarmen honen eranskineko "IV." taulan bilduta daude, eta urtero berrituko dira hirugarren xedapen gehigarrian xedatuarekin bat (2024: eskersaria ezkontzagatik, 123 euro; eskersaria jaiotzagatik, 123 euro).
Eskersari horretarako eskubidea sortzeko, beharrezkoa izanen da gertaera eragilearen unean langileak gutxienez urtebetez eta jarraian enpresan lan egin izana.
29. artikulua. Bizi eta istripu asegurua.–Enpresa Hitzarmen hau indarrean dagoen bitartean, enpresak konpromisoa hartzen du lantokian altan dagoen legezko plantilla osoarentzako aseguru bat kontratatzeko, baldin eta goragoko enpresaren beste asegururik ez badu, lan-harreman mugagabea badu eta edozein arrazoirengatiko heriotza-kontingentziak eta lan istripu/laneko gaixotasunarengatiko ezintasun iraunkorra estaltzen baditu. Aseguru horrek honako estaldura hauek izanen ditu:
a) Edozein arrazoirengatiko heriotza (24 ordu): 20.000 euro.
b) Laneko istripuak edo laneko gaixotasunak eragindako baliaezintasun iraunkorra (ezintasun iraunkor osoa, absolutua edo baliaezintasun handia): 40.000 euro.
Polizaren dokumentua urtero entregatuko da.
30. artikulua. Garraioa. Autobus bat jarriko du enpresak, bere kontura, horren beharra duten langileen eskura, Logroñotik Vianako lantokiraino, orain arteko baldintza berberetan.
Urruntasun plusa jasotzeko eskubidea duten langileek ezin izanen dute zerbitzu hori erabili, salbu eta, hura hartu ahal izateko, uzten badiote plus hori jasotzeari.
31. artikulua. Baimen ordainduak. Hitzarmen honen mendeko langile guztiek eskubidea izanen dute ondoren azaltzen diren kasuetan baimen ordainduak izateko, behar bezala justifikaturik, hala tokatzen denean:
a) Hamabost egun natural, ezkontzeagatik eta izatezko bikotea erregistratzeagatik.
b) Bost egun, istripu edo gaixotasun larria baldin badu, ospitaleratu behar badu edo etxean atseden hartzea eskatzen duen ospitaleratzerik gabeko ebakuntza kirurgikoa baldin badu odol edo ezkontza bidezko bigarren mailarainoko ahaideak (izatezko bikotekidearen odol bidezko ahaideak barne) edo langilearekin etxe berean bizi den eta haren zaintza behar duen beste edozein pertsonak. Eritasuna larritzat hartzeko beharrezkoa izanen da fakultatibo mediko batek hala deklaratzea.
c) Bi egun, ezkontidearen, izatezko bikotekidearen edo odol nahiz ezkontza bidezko bigarren mailarainoko senideen heriotzagatik. Arrazoi horrengatik bidaia egin behar bada, baimena bi egunez luzatuko da. Gainera, behar den denbora emanen da aitaren edo amaren heriotza Erregistro Zibilean inskribatzeko, baldin eta erregistro hori ezin izan bada egin aurretik aipatu den bi eguneko absentzia egun ez-baliodunetan gertatu delako, eta betiere Erregistro Zibileko inskripzio hori langilearen ardura bada eta frogatzen bada aipatutako bi eguneko epe horretan legeari jarraikiz ezin izan duela egin.
d) Eritasuna dela-eta langileak mediku kontsultategi publiko edo pribatura joan behar badu lanorduetan, betiere espezialitate medikoa bat badator Osasun Sistema Nazionalaren zerbitzu-zorroan jasotako batekin, enpresak horretarako behar duen denbora emanen dio, ordainsaria galdu gabe. Langileak sendagileak ontzat emandako frogagiria aurkeztuko du denbora hori justifikatzeko.
e) Ohiko bizilekua aldatzeagatik, egun bat.
f) Ezinbestekoa den denbora, ikastetxe ofizial edo aitortu batean matrikula egiteko, betiere horretarako langilea joatea ezinbestekoa bada, eta ikastetxe horietako azterketak egitera joateko.
g) Gurasoen, seme-alaben, biloben eta anai-arreben ezkontza, egun bat.
h) Langileek norberaren aferetarako bi baimen egun izanen dituzte. Norberaren aferetarako egun horiek, langileak eskatuta, hitzarmen honetan ordaindutako edozein baimeni gehitzen ahal zaizkio.
i) Eginkizun sindikaletan edo langileen ordezkaritza-lanetan aritzeko, lege edo hitzarmen bidez ezarri bezala.
j) Nahitaezko eginbehar publiko eta pertsonal bat betetzeko: ezinbesteko denbora.
k) Behar-beharrezkoa den denbora, erditu aurreko azterketa medikoak egiteko eta erditzea prestatzeko tekniketan trebatzeko, lanorduetan egin behar badira.
l) Edoskitzeko orduen metaketa. Lanetik ordubetez joateko eskubide hori lanaldi osotan metatzen ahalko da, eta kontratua haurra jaiotzeagatik edo zaintzeagatik eten ondoren hartu. Baimen hori metatu nahi izanez gero, enpresari jakinaraziko zaio haurra jaio eta zaintzeagatik kontratua etenda dagoen bitartean, eta, betiere, baimena amaitu baino 15 egun lehenago. Haur baten baino gehiagoren jaiotze, adopzio edo harreran edo adopzioan hartzeko zaintzaren kasuetan, eskubidearen iraupena modu proportzionalean handituko da.
m) Baliatzeko eguna.–31. artikuluko b) eta c) atalen kasuetan, ordaindutako baimena baliatzen hasiko da baimena sortzen duen egoera gertatu eta hurrengo egun baliodunean, langilearen egutegiaren arabera.
Langilea lanpostuan badago, lanaldiaren %50 egin ez badu egun hori zenbatuko da; lanaldiaren %50 baino gehiago egin badu, berriz, ez da zenbatuko, eta egun horretako lanaldia osotzat joko da.
Istripu edo gaixotasun larrien, ospitaleratzearen edo etxean atseden hartzea eskatzen duen ospitaleratzerik gabeko ebakuntza kirurgikoaren kasuetan, langileek lizentzia hartzen ahalko dute hura eragin zuen egoerak irauten duen bitartean, eta egunak jarraian edo txandaka hartu ahal izanen dira.
32. artikulua. Laneko arropa. Enpresak laneko jantzi egokiak eta segurtasun-oinetakoak emanen dizkie produkzioko eta mantentze-lanetako langileei. Jantzi horiek derrigorrezkoak izanen dira lantokiko instalazioen barruan.
Aldi baterako kontratuak dituzten langileei laneko arropak emanen zaizkie, haien kontratazioan aurreikusitako iraupena, lanean hasteko aldia eta data kontuan hartuta.
V. KAPITULUA.–LGTBI PERTSONEN BERDINTASUNA ETA DISKRIMINAZIORIK EZA BERMATZEKO PLANIFIKATUTAKO NEURRIAK
33. artikulua. LGTBI pertsonen berdintasuna eta diskriminaziorik eza bermatzeko planifikatutako neurriak.
1. Papelera del Ebro, Saica taldeko kidea den aldetik, publikoki konprometitu da berdintasunaren eta diskriminaziorik ezaren printzipioekin, edozein diskriminazio mota prebenitzeko, artatzeko eta, hala badagokio, ezabatzeko, 2024/10/23ko "Berdintasun, inklusio, giza eskubide eta aniztasunaren politikan" jasotzen den bezala; hori guztia tratu eta aukera berdintasunean, diskriminaziorik ezean, sexu aniztasunarekiko, sexu askatasunarekiko, sexu orientazio eta identitatearekiko errespetuan eta genero adierazpen edo sexu ezaugarri indibidualekiko errespetuan oinarritutako lan-harremanen aldeko esparrua garatzen aurrera egiteko helburuarekin, ingurune seguru eta osasungarria sustatuz eta enpresan LGTBI pertsonen kontra egindako diskriminazio oro desagerraraziz.
2. Indarrean dagoen legeriarekin bat etorriz –zehazki, Trans pertsonen berdintasun erreal eta eragingarrirako eta LGTBI pertsonen eskubideak bermatzeko otsailaren 28ko 4/2023 Legearekin eta Enpresetan LGTBI pertsonen berdintasunerako eta diskriminaziorik ezerako neurrien multzo planifikatua garatzen duen urriaren 8ko 1026/2024 Errege Dekretuarekin–, aniztasunaren aldeko testuinguru bat sortzeko eta LGTBI pertsonen kontra gerta daitekeen edozein diskriminazio mota desagerrarazteko, planifikatutako hainbat neurri ezartzen dira, lan ingurune anitz, seguru eta inklusiboa sortzeko:
2.1. Enplegua lortzea:
–Izangai egokiak identifikatzeko eta ebaluatzeko hautaketa prozedurak erabiltzea, betiere haien ezagutzen, jarreren, abilezien eta/edo gaitasunen arabera.
–Hautaketa prozesuek hautaketa-irizpide objektiboa eta berdintasunezkoa bermatuko dute, bai enpresa barnean egiten badira, bai kanpoko aholkularitza-enpresekin egiten badira, hautagaitza edo genero adierazpena aurkezten duen pertsonaren orientazio eta identitate sexuala edozein dela ere. Arreta berezia eskainiko zaie transexualei, kolektibo bereziki kaltebera baita.
–Aukera berdintasunari buruzko prestakuntza emanen zaie hautaketa taldeei: People departamentuko pertsonei eta gainerako departamentuetako prozesuetako parte-hartzaileei.
2.2. Lanbide sailkapena eta sustapena:
Barne sustapeneko prozesuetan, irizpide hauek nagusituko dira antzinatasunaren gainetik: prestakuntza, gaitasuna, jarduna, balorazio akademikoa edo titulazio egokia, ezagutza eta esperientzia, konpetentziak eta meritua; bermatu beharko da irizpide horiek ez dituztela zuzenean edo zeharka diskriminatuko LGTBI pertsonak. Horretarako, elementu objektiboetan oinarritu beharko dira, besteak beste kualifikazioan eta gaitasunean, bermatuz haien ibilbide profesionala berdintasuneko baldintzetan garatzen dela.
2.3. Prestakuntza, sentsibilizazioa eta hizkuntza:
Enpresak berdintasunari buruzko prestakuntza planetan LGTBI pertsonek lan-arloan dituzten eskubideei buruzko modulu espezifikoak txertatuko ditu, tratu eta aukera berdintasuna eta diskriminaziorik eza azpimarratuz. Prestakuntza langile guztientzat izanen da, barne hartuta erdi mailako kargudunak, zuzendaritzako postuak eta Langileen eta Giza Baliabideen Zuzendaritzako langileak. Gutxieneko alderdi hauek jaso beharko dituzte:
–Enpresan aplikatzekoa den hitzarmen kolektiboan edo, hala badagokio, enpresa akordioetan jasotako LGTBI neurri planifikatuen irismena eta edukia oro har ezagutzea eta zabaltzea.
–Otsailaren 28ko 4/2023 Legean (trans pertsonen berdintasun erreal eta eragingarrirako eta LGTBI pertsonen eskubideak bermatzekoa) sexu, familia eta genero aniztasunari buruz jasotako oinarrizko definizioak eta kontzeptuak ezagutzea.
–Sexu orientazio eta identitatean, genero adierazpenean eta sexu ezaugarrietan oinarritutako jazarpen diskriminatzailea edo indarkeria prebenitzeko, detektatzeko eta horren aurrean jarduteko protokoloa ezagutzea eta zabaltzea.
Aniztasuna errespetatzen duen hizkuntza erabiltzen dela bermatzeko neurriak sustatuko dira.
2.4. Askotariko lan ingurune seguru eta inklusiboak.
Plantillen heterogeneotasuna sustatuko da, askotariko lan ingurune inklusiboak eta seguruak lortzeko. Horretarako, jokabide LGTBIfobikoen, sexu askatasunaren eta/edo sexu aniztasunaren aurka egindako ekintzekiko babesa bermatuko da lan-eremuan, bereziki sexu jazarpena, sexuan oinarritutako jazarpena eta beste edozein jokabide diskriminatzaile prebenitzeko eta tratatzeko prozeduraren bidez.
2.5. Baimenak eta onura sozialak.
Bermatuko da langile guztiek berdintasun baldintzetan baliatzen dituztela mediku kontsultetara edo izapide legaletara joateko hitzarmen edo akordio kolektiboek ezartzen dituzten baimenak, trans pertsonei arreta berezia jarrita.
2.6. Langileen sexu askatasunaren, sexu orientazio eta identitatearen eta genero adierazpenaren aurkako jokabideak.
Enpresak, bere erakundearen eremuan, ez du onartuko sexu askatasunaren eta/edo sexu aniztasunaren aurkakoa den inolako diskriminaziorik edo bereizkeriazko jokabiderik lan-eremuan; izan ere, tratu berdintasunaren eta diskriminaziorik ezaren printzipioaren aurkako ekintzak dira, eta pertsonek duintasunerako eta osotasun fisiko eta moralerako duten eskubidea urratzen dute, eta ondorio negatiboak dakartzate bai pairatzen duen pertsonarentzat, bai enpresarentzat, lan-giroari eragiten baitio.
Horregatik, horrelako edozein jokabide debekatuta dago eta laneko hutsegitetzat hartuko da, zehapenak tipifikatu eta mailakatzeari buruzko lan arloko legerian ezarritakoaren arabera.
Enpresako langileen eskubideak errespetatuko dituen lan-ingurunea bermatzeko, enpresak konpromisoa hartzen du enpresan gerta daitekeen mota horretako edozein egoera behar den arduraz tratatzeko, zuzendaritza eta diziplina botereak erabiliz.
3. Planifikatutako neurri hauen indarraldia hitzarmen kolektibo honen berbera izanen da, hau da, 2024/01/01etik 2027/12/31ra arte.
34. artikulua. LGBTI pertsonen aurkako jazarpenari eta indarkeriari aurre egiteko protokoloa.
Enpresak protokolo orokor bat du, "Lan-eremuan sexu askatasunaren eta/edo sexu aniztasunaren aurka egindako sexu jazarpena, sexuan oinarritutako jazarpena eta beste edozein jokabide diskriminatzaile prebenitzeko eta tratatzeko prozedura" izenekoa. Protokolo horretan berariaz jasotzen dira LGTBI pertsonak. Prozedura hori hitzarmenaren 2. eranskin gisa sartu da.
XEDAPEN GEHIGARRIAK
Lehena.–Legezkotasuna. Hitzarmen kolektibo honetan aurreikusten ez den orotan, indarra duten legezko xedapenak aplikatuko dira, batik bat Arte Grafikoen, Paper eta Kartoiaren Manipulatuen, Argitaletxeen eta Industria Laguntzaileen Estatuko Hitzarmenean araututakoa.
Bigarrena.–Interpretaziorako batzorde paritarioa. Alderdi negoziatzaileak ordezkatzeko Batzorde Paritarioa eratzen da, hitzarmen honetan itundutakoa interpretatu eta zaintzeko; bi ordezkaritzak osatuko dute: bata enpresarena, eta bestea enpresako langileena. Ordezkaritza bakoitza bi pertsonak osatuko dute.
Batzorde mistoak eginkizun hauek izanen ditu:
a) Sortzen diren dudak eta interpretazioak argitzea, eta hitzarmen honetako erabakiak beteko direla zaintzea.
b) Hitzarmeneko arauak eguneratu eta aldatzea, bidezko bada.
c) Bereizkeriarik ez dadin gerta zaintzea eta ekintza positiboen aldeko neurri zuzenak eta zeharkakoak bultzatzea.
d) Hitzarmenaren eraginkortasun praktikoaren aldeko beste edozein jarduera.
e) Langileen Estatutuaren 41.6 artikuluan araututako lan-baldintzak funtsean aldatzeari dagokionez eta legezko testu beraren 82.3 artikuluko soldata ez aplikatzeari dagokionez sor litezkeen desadostasunak argitzea, unean-unean indarra duen legediarekin bat.
f) Enpresaren barneko malgutasunaren aldeko neurriak ezagutzea, unean-unean indarra duen legediarekin bat.
Enpresaren hitzarmen kolektiboa interpretatuko duen Batzorde Paritarioak gardentasuna, legezkotasuna, parte-hartzea eta azkartasuna bermatuko dituen ondoko prozedurari jarraikiz jokatuko du, paritarioki adostutako irtenbide onenaren bila:
1. Hitzarmena interpretatuko duen Batzorde Paritarioak aztertu beharreko gaiak idatziz jakinarazten ahal ditu alderdietako bakoitzak, behar adina dokumentazio aurkeztuta.
2. Beste alderdiak eskaera aztertu ondoan, eta gehienez ere zazpi egun naturaleko epean, Batzordea bilduko da osoko bilkuran.
3. Hiru lanegunean, gehienez ere, adostutakoaren akta eginen da, non alderdiek ez duten beste epe handiago bat ezartzen, gaiaren zailtasunagatik.
Hirugarrena.–Soldatak berrikustea.
Dokumentu honi 1. eranskin gisa atxikitako I., II., III. eta IV. soldata-taulak 2024ari dagozkio, eta 2023ko estatuko urteko Kontsumoko Prezioen Indize (KPI) errealarekin (%3,1) eguneratu dira, 2023ko taulak oinarri hartuta.
Aurrekoa gorabehera, 2024rako:
–18. artikuluan araututako eta IV. soldata-taulan finkatutako asistentzia eta puntualtasun plusaren balio berria hilean 101 eurokoa izanen da.
–III. taulako aparteko orduen balioa akta honi erantsitako taulan ezarritakoa izanen da.
2025, 2026 eta 2027. urteetarako, soldata-taulak eguneratuko dira, aurreko urteari dagokion Estatuko urteko Kontsumoko Prezioen Indize (KPI) erreala aplikatzearen ondoriozko portzentajean.
Estatu mailako urteko KPI erreala negatiboa bada, hura aplikatzeak ez du ekarriko beheranzko berrikuspena.
Erantsitako tauletan zehaztutako soldatako kontzeptuak eta hitzarmen honen aplikazio esparruko langileentzat ezarritako EEK ez dira konpentsatuko eta absorbituko, salbu eta soldataren gaineko eraginez promozioak eta/edo igoerak baldin badituzte.
Soldaten bermeari buruzko klausula: Estatuko Kontsumoko Prezioen Indize (KPI) erreala ehuneko sei (%6) baino txikiagoa bada 2024/01/01etik 2027/12/31ra bitarte (lau urte), 2028. urteko hasierako taulak lau urteko aldiko KPIaren eta %6aren arteko aldearen ondoriozko ehunekoan eguneratuko dira.
Laugarrena.–Gatazkak auzibidetik kanpo ebazteko prozedura (gatazkak auzibidetik kanpo ebazteko lanbide arteko akordioei atxikitzea). Bi alderdiek erabaki dute, laneko gatazkak ebazteari dagokionez eta batik bat indarreko araudian negoziatzeko ezarritako gehieneko epeak bukatu ondoan sor litezkeen desadostasunei dagokienez, men egitea Adiskidetze, Bitartekotza eta Arbitrajearen Nafarroako Lan Arloko Epaitegiari, edo antzeko izaera dutenei edo legez aitortuta daudenei.
Azkena.–Klausula indargabetzailea.
Hitzarmen honek langileei aplika dakizkien baldintza guztiak biltzen ditu, eta aldez aurretik aplikatu den bestelako hitzarmen kolektiboa edo banan-banakakoa, usadioa edo ohitura indarrik gabe uzten du.
I. ERANSKINA.–2024KO SOLDATA TAULAK
SOLDATA TAULA - ESKU LANEKO SOLDATA KONTZEPTUAK
Saica Pack Viana
- eurotan -
A | B | C | D | E | F | G | H | I |
SOLDATA | Hilabeteko | Urteko | "Udako aparteko paga" | "Eguberrietako aparteko paga" | Mozkinen paga | Osagarri lineala (hilabetea) | Osagarri lineala (urtea) | SOLDATA GORDINA, |
10C | 1.295,36 | 15.544,32 | 1.295,36 | 1.295,36 | 1.468,07 | 466,03 | 5.592,36 | 25.195,47 |
10B | 1.295,36 | 15.544,32 | 1.295,36 | 1.295,36 | 1.468,07 | 466,03 | 5.592,36 | 25.195,47 |
10A | 1.295,36 | 15.544,32 | 1.295,36 | 1.295,36 | 1.468,07 | 466,03 | 5.592,36 | 25.195,47 |
10 | 1.295,36 | 15.544,32 | 1.295,36 | 1.295,36 | 1.468,07 | 466,03 | 5.592,36 | 25.195,47 |
12B | 1.167,91 | 14.014,92 | 1.167,91 | 1.167,91 | 1.323,63 | 466,03 | 5.592,36 | 23.266,73 |
12A | 1.167,91 | 14.014,92 | 1.167,91 | 1.167,91 | 1.323,63 | 466,03 | 5.592,36 | 23.266,73 |
12 | 1.167,91 | 14.014,92 | 1.167,91 | 1.167,91 | 1.323,63 | 466,03 | 5.592,36 | 23.266,73 |
13 | 1.104,41 | 13.252,92 | 1.104,41 | 1.104,41 | 1.251,64 | 466,03 | 5.592,36 | 22.305,74 |
15A | 1.008,93 | 12.107,16 | 1.008,93 | 1.008,93 | 1.143,45 | 466,03 | 5.592,36 | 20.860,83 |
15 | 1.008,93 | 12.107,16 | 1.008,93 | 1.008,93 | 1.143,45 | 466,03 | 5.592,36 | 20.860,83 |
17 | 913,00 | 10.956,00 | 913,00 | 913,00 | 1.034,76 | 466,03 | 5.592,36 | 19.409,12 |
18 | 875,08 | 10.500,96 | 875,08 | 875,08 | 991,74 | 466,03 | 5.592,36 | 18.835,22 |
19 | 837,17 | 10.046,04 | 837,17 | 837,17 | 948,76 | 466,03 | 5.592,36 | 18.261,50 |
A | J | K | L | M | N | Ñ | O | P | Q |
MAILA | Aparteko pagen/Mozkinen pagen osag. | "Produkzio prima hilabetean" | "Produkzio prima urtean" | Prima berezia (hilabetea) | Prima berezia urtean | VIANAKO | |||
Udako | APen | Mozkinen | Pagen osag. urtean, | ||||||
10C | 467,28 | 467,28 | 74,46 | 1.009,02 | 223,39 | 2.680,68 | 108,01 | 1.296,12 | 30.181,29 |
10B | 467,28 | 467,28 | 74,46 | 1.009,02 | 183,34 | 2.200,08 | 108,01 | 1.296,12 | 29.700,69 |
10A | 467,28 | 467,28 | 74,46 | 1.009,02 | 159,15 | 1.909,80 | 108,01 | 1.296,12 | 29.410,41 |
10 | 467,28 | 467,28 | 74,46 | 1.009,02 | 143,03 | 1.716,36 | 108,01 | 1.296,12 | 29.216,97 |
12B | 467,28 | 467,28 | 74,46 | 1.009,02 | 183,34 | 2.200,08 | 108,01 | 1.296,12 | 27.771,95 |
12A | 467,28 | 467,28 | 74,46 | 1.009,02 | 155,12 | 1.861,44 | 108,01 | 1.296,12 | 27.433,31 |
12 | 467,28 | 467,28 | 74,46 | 1.009,02 | 123,14 | 1.477,68 | 108,01 | 1.296,12 | 27.049,55 |
13 | 467,28 | 467,28 | 74,46 | 1.009,02 | 223,39 | 2.680,68 | 108,01 | 1.296,12 | 27.291,56 |
15A | 467,28 | 467,28 | 74,46 | 1.009,02 | 223,39 | 2.680,68 | 108,01 | 1.296,12 | 25.846,65 |
15 | 467,28 | 467,28 | 74,46 | 1.009,02 | 191,14 | 2.293,68 | 108,01 | 1.296,12 | 25.459,65 |
17 | 467,28 | 467,28 | 74,46 | 1.009,02 | 223,39 | 2.680,68 | 108,01 | 1.296,12 | 24.394,94 |
18 | 467,28 | 467,28 | 74,46 | 1.009,02 | 223,39 | 2.680,68 | 108,01 | 1.296,12 | 23.821,04 |
19 | 467,28 | 467,28 | 74,46 | 1.009,02 | 223,39 | 2.680,68 | 108,01 | 1.296,12 | 23.247,32 |
II. SOLDATA TAULA– ANTZINATASUN TAULA
Saica Pack Viana
- eurotan -
SOLDATA | 1. HIRUR. | 2. HIRUR. | 1. BOST. | 2. BOST. | 3. BOST. | 4. BOST. | 5. BOST. | 6. BOST. | 7. BOST. |
3 urte | 6 urte | 11 urte | 16 urte | 21 urte | 26 urte | 31 urte | 36 urte | 41 urte | |
%3 | %6 | %9 | %12 | %15 | %18 | %21 | %24 | %27 | |
10C | 588,08 | 1.176,16 | 1.764,24 | 2.352,32 | 2.940,40 | 3.528,48 | 4.116,56 | 4.704,64 | 5.292,72 |
10B | 588,08 | 1.176,16 | 1.764,24 | 2.352,32 | 2.940,40 | 3.528,48 | 4.116,56 | 4.704,64 | 5.292,72 |
10A | 588,08 | 1.176,16 | 1.764,24 | 2.352,32 | 2.940,40 | 3.528,48 | 4.116,56 | 4.704,64 | 5.292,72 |
10 | 588,08 | 1.176,16 | 1.764,24 | 2.352,32 | 2.940,40 | 3.528,48 | 4.116,56 | 4.704,64 | 5.292,72 |
12B | 530,20 | 1.060,40 | 1.590,60 | 2.120,80 | 2.651,00 | 3.181,20 | 3.711,40 | 4.241,60 | 4.771,80 |
12A | 530,20 | 1.060,40 | 1.590,60 | 2.120,80 | 2.651,00 | 3.181,20 | 3.711,40 | 4.241,60 | 4.771,80 |
12 | 530,20 | 1.060,40 | 1.590,60 | 2.120,80 | 2.651,00 | 3.181,20 | 3.711,40 | 4.241,60 | 4.771,80 |
13 | 501,38 | 1.002,76 | 1.504,14 | 2.005,52 | 2.506,90 | 3.008,28 | 3.509,66 | 4.011,04 | 4.512,42 |
15A | 458,05 | 916,10 | 1.374,15 | 1.832,20 | 2.290,25 | 2.748,30 | 3.206,35 | 3.664,40 | 4.122,45 |
15 | 458,05 | 916,10 | 1.374,15 | 1.832,20 | 2.290,25 | 2.748,30 | 3.206,35 | 3.664,40 | 4.122,45 |
17 | 414,50 | 829,00 | 1.243,50 | 1.658,00 | 2.072,50 | 2.487,00 | 2.901,50 | 3.316,00 | 3.730,50 |
18 | 397,30 | 794,60 | 1.191,90 | 1.589,20 | 1.986,50 | 2.383,80 | 2.781,10 | 3.178,40 | 3.575,70 |
19 | 380,07 | 760,14 | 1.140,21 | 1.520,28 | 1.900,35 | 2.280,42 | 2.660,49 | 3.040,56 | 3.420,63 |
III. SOLDATA TAULA.–APARTEKO ORDUEN TAULA
Saica Pack Viana
- eurotan -
A | B | C | D |
SOLDATA | Aparteko ordu arruntak, | "Jaieguneko aparteko orduak (igandeak barne)" | "Konpentsazio |
10C | 18,68 | 22,37 | 37,09 |
10B | 18,68 | 22,37 | 37,09 |
10A | 18,68 | 22,37 | 37,09 |
10 | 18,68 | 22,37 | 37,09 |
12 B | 17,20 | 20,56 | 37,09 |
12 A | 16,51 | 19,73 | 37,09 |
12 | 16,07 | 19,25 | 37,09 |
13 | 17,20 | 20,56 | 37,09 |
15 A | 16,07 | 19,25 | 37,09 |
15 | 15,61 | 18,67 | 37,09 |
17 | 15,21 | 18,18 | 37,09 |
18 | 14,84 | 17,74 | 37,09 |
19 | 14,46 | 17,29 | 37,09 |
IV. SOLDATA TAULA.–KONTZEPTU ALDAGARRIEN SOLDATA TAULA
Saica Pack Viana
- eurotan -
KONTZEPTUA | ARTIKULUA | ZENBATEKOA / € | |
Asistentzia eta puntualtasun plusa | 18. | 101,00 | |
Gaueko lanaren plusa gau bakoitzeko | 19. | 24,12 | |
Atsedenaldian uhintzailean geratzeagatiko plusa | 21. | Maila | Zenbatekoa |
10C | 4,61 | ||
10B | 4,61 | ||
10A | 4,61 | ||
10 | 4,61 | ||
12 B | 4,24 | ||
12 A | 4,05 | ||
12 | 3,96 | ||
13 | 4,24 | ||
15 A | 3,96 | ||
15 | 3,85 | ||
17 | 3,74 | ||
18 | 3,63 | ||
19 | 3,53 | ||
"Gidariaren prestakuntzarako ordua" | 22. | 14,84 | |
"Laguntzailearen prestakuntzarako ordua" | 22. | 12,35 | |
Leialtasun saria | 27. | Maila | Zenbatekoa |
10C | 2.982,74 | ||
10B | 2.982,74 | ||
10A | 2.982,74 | ||
10 | 2.982,74 | ||
12 B | 2.689,30 | ||
12 A | 2.689,30 | ||
12 | 2.689,30 | ||
13 | 2.543,02 | ||
15 A | 2.323,23 | ||
15 | 2.323,23 | ||
17 | 2.102,34 | ||
18 | 2.015,01 | ||
19 | 1.927,66 | ||
Plusa ezkontzagatik | 28. | 123,00 | |
Plusa jaiotzagatik | 28. | 123,00 | |
II. ERANSKINA.–LAN-EREMUAN SEXU ASKATASUNAREN
ETA/EDO SEXU ANIZTASUNAREN AURKA EGINDAKO SEXU JAZARPENA, SEXUAN OINARRITUTAKO JAZARPENA ETA BESTE EDOZEIN JOKABIDE DISKRIMINATZAILE PREBENITZEKO ETA TRATATZEKO PROZEDURA
1.–Printzipioen deklarazioa.
Enpresak, bere erakundearen eremuan, ez du onartuko sexu askatasunaren eta/edo sexu aniztasunaren aurkakoa den eta sexu jazarpentzat edo sexuan oinarritutako jazarpentzat hartzen den diskriminazio edo bereizkeriazko jokabiderik lan-eremuan; izan ere, tratu berdintasunaren eta diskriminaziorik ezaren printzipioaren aurkako ekintzak dira, eta pertsonek duintasunerako eta osotasun fisiko eta moralerako duten eskubidea urratzen dute, eta ondorio negatiboak dakartzate bai pairatzen duen pertsonarentzat, bai enpresarentzat, lan-giroari eragiten baitio.
Horregatik, horrelako edozein jokabide debekatuta dago eta laneko hutsegitetzat hartuko da, zehapenak tipifikatu eta mailakatzeari buruzko lan arloko legerian ezarritakoaren arabera.
Enpresako langileen eskubideak errespetatuko dituen lan-ingurunea bermatzeko, enpresak konpromisoa hartzen du enpresan gerta daitekeen mota horretako edozein egoera behar den arduraz tratatzeko, zuzendaritza eta diziplina botereak erabiliz.
1.1. Sexu jazarpenaren definizioa.
"Pertsona baten duintasuna gutxiesteko asmoz egiten diren edo hori eragiten duten sexu jokaera guztiak, hitzezkoak edo fisikoak, batez ere giro beldur eragilea, degradatzailea edo iraingarria sortzen baldin badute"; hori Zigor Kodean ezarritakoa alde batera utzi gabe (Emakumeen eta gizonen berdintasun eragingarrirako Lege Organikoaren (BLO) 7.1 artikulua).
Adibide modura, sexu jazarpentzat har daitezkeen jokabideen artean honako hauek azpimarra daitezke:
–Nahi ez den sexu arreta. Eskatu ez diren iruzkin edo galdera sexualak, bai eta nahi ez den edozein sexu ukipen ere.
–Hertsadura sexuala. Mota guztietako errekerimendu sexualak, hala nola sexu xantaia, hau da, hierarkian gorago dagoen norbaitek edo jazarritako pertsonaren lanean eta lan-baldintzetan eragina izan dezaketen erabakiek eragindakoa.
1.2. Sexuan oinarritutako jazarpenaren definizioa.
"Pertsona jakin baten sexuarekin zerikusia duen edozein jokabide, xede nahiz ondore izateagatik pertsonaren duintasunaren aurka egitea eta larderiakoa, apalesgarria eta ofentsakoa den ingurua sortzea" (BLOren 7. artikulua).
1.3. Lan inguruneko jokabide diskriminatzaileen definizioa.
"Berdintasunerako eskubidearen aurka doan edozein jokabide, egintza, irizpide edo praktika. Eskubide horren urraketatzat jotzen dira: zuzenean edo zeharka, elkartze edo oker bidezko diskriminazioa, diskriminazio anizkoitza edo intersekzionala, arrazoizko doikuntzen ukapena, jazarpena, intolerantzia ekintza bat egitea edo diskriminatzea eragitea, agintzea edo bideratzea, arauzko edo hitzarmenezko betebeharretatik eratorritako ekintza positiboko neurriak ez betetzea edo errepresaliak, ezer ez egitea, eginkizunak bertan behera uztea edo betebeharrak ez betetzea" (Tratu-berdintasunerako eta diskriminaziorik ezerako uztailaren 12ko 15/2022 Lege integralaren 4. artikulua).
1.4. Sexu askatasunaren aurkako ekintzen definizioa (sexu indarkeriak):
"Baimendu gabeko sexu izaerako edozein ekintza, edo sexu bizitzaren garapen askea baldintzatzen duena edozein arlo publiko edo pribatutan, arlo digitala barne" (Sexu askatasunaren berme integralari buruzko irailaren 6ko 10/2022 Lege Organikoaren 3. artikulua).
1.5. Ziberjazarpena (sexu askatasunaren eta/edo sexu aniztasunaren kontrako jazarpena/jokabide diskriminatzaileak arlo digitalean):
Aurreko definizioetan azaldutako edozein jokabide izatea teknologia digitalak erabiliz.
1.6. Sexu aniztasunaren aurkako ekintzen definizioa:
"Sexu orientazio, sexu identitate, genero adierazpen, sexu ezaugarri eta/edo familia aniztasunagatik diskriminazioa dakarren eta/edo LGTBI pertsonak ardatz dituen edozein ekintza edo portaera".
2.–Prebentzio neurriak eta neurri erreaktiboak.
Laneko sexu jazarpenari, sexuan oinarritutako jazarpenari eta sexu askatasunaren eta/edo sexu aniztasunaren aurkako beste edozein jokabide diskriminatzaileri aurre egiteko hartu beharreko prebentzio neurri gisa, enpresak langile guztiek behar duten prestakuntza eta informazioa jasotzea sustatuko du, baita sexu jazarpenaren edo sexuan oinarritutako jazarpenaren arloan zeregin espezifikoak dituzten pertsonek beren eginkizunak arrakastaz betetzeko prestakuntza berezia jasotzea ere.
Bestalde, arlo erreaktiboari dagokionez, laneko sexu jazarpenari edo sexuan oinarritutako jazarpenari eta sexu askatasunaren eta/edo sexu aniztasunaren aurkako beste edozein jokabide diskriminatzaileri aurre egiteko prozedura bat ezarri du enpresak, horrelako portaerak salatzeko kexak eta erreklamazioak jarri ahal izateko. Prozedura horretan eraginkortasun eta efizientzia printzipioak lehenetsiko dira, bai eta izapideen bizkortasun eta konfidentzialtasun printzipioa ere. Zehazki, barne bitartekaritza informaleko prozedura bat eta salaketa aurkezteko diziplina prozedura formal bat ezarri dira.
Bi prozeduretan, langileak aukera izanen du Enpresako Zuzendaritzara (People Departamentua) zuzenean jotzeko edo langileen legezko ordezkariengana (Enpresa Batzordea, langileen ordezkariak edo ordezkari sindikalak) aldez aurretik jotzeko.
Langileak langileen ordezkariengana jotzen badu aldez aurretik, Enpresako Zuzendaritzarekin batera (People Departamentua) lan eginen dute arlo horretan berariaz prestatutako langileen ordezkariaren bitartez. Ordezkari horrek parte hartu ahal izanen du gertaerak ikertzen, txostenak aurkezten, kautelazko neurriak proposatzen eta prozedura honetan jasotako zehapenak eta bermeak benetan betetzen direla gainbegiratzen.
Enpresako Zuzendaritza (People Departamentua) edo arlo horretan berariaz prestatutako langileen legezko ordezkaria ustez jazarria edo jazarlea bada, behin-behinean ordezteko mekanismoak ezarri beharko dira prozeduran.
A) Aholkularitza eta adiskidetze prozedura (prozedura informala):
Laneko sexu jazarpena, sexuan oinarritutako jazarpena edo sexu askatasunaren eta/edo sexu aniztasunaren aurkako bestelako jokabide diskriminatzaileak jasaten ari dela uste duen pertsonak enpresako zuzendaritzarekin bilera bat egiteko eskatzen ahalko du. Bilera horretan, langilearen egoera aztertuko da. Bilera horretara ukitutako pertsona eta ustezko jazarlea joanen dira, bakoitza bere aldetik, salbu eta bi alderdiek bilera elkarrekin egitea onartzen badute.
Alderdietako edozeinek eskatuta, langileen ordezkari bat, nagusi hurrenak eta People Departamentuko teknikari/buru bat bertaratu ahal izanen dira. Langileen ordezkariek langileen legezko ordezkari bat izendatuko dute, arlo horretan prestakuntza espezifikoa duena, bilera horietara joateko.
Bileraren helburua izanen da ukitutako pertsonekin hitz egitearen bidez ebazpen bat adosten saiatzea. Hala, jazarleei argi eta garbi jakinaraziko zaie duten jokabidea ez dela egokia, iraingarria edo deserosoa dela eta lana oztopatzen duela, jokabide hori bertan behera utz dezaten.
Izapide hori egiteko aurretiazko informazioa eman beharko zaie:
–People departamentuari.
–Kaltetuak eta ustezko jazarleak lan egiten duten departamentuko buruari.
–Langileen legezko ordezkariari, alderdietako batek hala eskatu badu.
Eta bilera horren ebazpena edo ondorioak jakinaraziko zaizkienei.
Alderdietako edozeinek adostutako ebazpen bat lortzeko prozedura ukatzen badu, laneko sexu jazarpena, sexuan oinarritutako jazarpena edo sexu askatasunaren eta/edo sexu aniztasunaren aurkako bestelako jokabide diskriminatzaileak jasaten ari dela uste duen pertsonak idatzizko salaketaren prozedura bidea erabiltzen ahalko du.
B) Idatzizko salaketaren prozedura. Prozedura formala (diziplina prozedura):
Sexu jazarpeneko eta sexuan oinarritutako jazarpeneko kasuetan jarduteko prozedura bat ezarri da, horrelako jokabideen aurka jarritako kexak eta erreklamazioak bideratzeko. Prozedura horretan, legezkotasun, eraginkortasun eta efizientzia printzipioak nagusituko dira, bai eta izapideen bizkortasuna eta konfidentzialtasuna ere. Prozedura hori honela arautuko da:
1. Salaketa idatziz aurkeztea.
Prozedurari hasiera emateko, idatzizko salaketa edo kexa arrazoitu bat aurkeztu beharko da. Bertan, jazarpena, diskriminazioa eta/edo sexu askatasunaren edo sexu aniztasunaren kontrako bestelako jokabidea eragin duten gertakariak argi azalduko ditu ustezko jazarpena/diskriminazioa jasan duen pertsonak (gertakarien unea eta lekua, ustez jazarria/diskriminatua izan den pertsonaren identitatea), bai eta salaketa justifikatzen duten balizko frogak ere.
Salaketa People Departamentuari zuzenduko zaio, eta ukitutako pertsonak hala erabakitzen badu, salaketaren kopia bat langileen legezko ordezkaritzari helaraziko zaio.
2. Biktimaren eta ustezko jazarlearen eskubideak eta betebeharrak. Konfidentzialtasuna.
Egin daitezkeen ikerketak inplikatutako alderdien errespetua mantenduz, haien intimitatea zainduz eta enpresak salatzailearen fede onaren aurka errepresaliarik hartuko ez duela bermatuz eginen dira.
Enpresako Zuzendaritzak eta langileen legezko ordezkariek, bai eta balizko lekukoek edo inplikatutako beste pertsona batzuek ere jarduketen konfidentzialtasuna zaindu beharko dute.
3. Izapideak eta epeak.
Salaketa jarrita, berehala irekiko da aurretiazko informazio fasea, gertakariak ikertzeko. Esku hartzen duten guztiei entzunen zaie, langileen legezko ordezkariei helaraziko zaie eta gertatutakoaren egiazkotasuna argitzeko beharrezkotzat jotzen diren ekintza guztiak eginen dira. Sexu jazarpeneko, sexuan oinarritutako jazarpeneko, diskriminazioko eta/edo sexu askatasunaren edo sexu aniztasunaren urraketako kasuetan, aldi baterako eta berehalako neurriak hartuko dira, salatzailearen eta salatuaren arteko harreman zuzena saihesteko aurretiazko informazio fasea ebatzi arte. Salatzaileak Enpresako Zuzendaritzak proposatutako aldi baterako neurrien artean hautatzeko aukera izanen du, arlo horretan espezializatutako langileen ordezkariarekin aztertu eta bere proposamenak kontuan hartu ondoren.
People Managerra arduratuko da ikerketa aurrera eramateaz, eta aldez aurretik jakinaraziko dio langileari une oro langileen legezko ordezkari baten laguntza jasotzen ahal duela, zeinak adierazpenak eskatu, bilerak egin edo beharrezko dokumentazio guztia eskatu ahal izanen duen, datu pertsonalen babesaren eta ezkutuko dokumentazioaren arloan xedatutakoa alde batera utzi gabe. Parte hartzea eskatzen zaien pertsonek ahalik eta prestasun handienarekin lagundu beharko dute.
Prozesua hasten denetik gehienez ere hamabost laneguneko epean (sexu jazarpen edo indarkeriagatiko salaketen kasuan epea zazpi lanegunera murriztuko da), txosten bat egin beharko da, honako hauek adieraziz:
a) Sexu jazarpentzat, sexuan oinarritutako jazarpentzat, diskriminatzailetzat eta/edo sexu askatasunaren eta/edo sexu aniztasunaren aurkakotzat jo daitekeen egoera bat dagoela adieraztea, gatazka konpontzen saiatzeko gomendioak barne. Hori egiaztatuta, dagozkion lan zehapenak ezarriko dira, baldin eta modu frogagarrian ikusten bada jazarpenen bat egon dela, edo salaketa faltsua, interesatua eta ustez gertatutako egitateen errealitatearekin bat ez datorrela hautematen bada.
b) Salatutako egoera gertatu ez dela adieraztea.
Enpresako langileen ordezkariei izapidetutako prozedura guztien berri emanen zaie, eta unean-unean indarrean dagoen lan arloko legeriaren arabera jardun ahal izanen dute.
4. Bermeak.
Nolanahi ere, prozedura honen bidez bermatuko da ukitutako pertsonak salaketa aurkeztearen ondorioz enpresari eta langileen ordezkariei jakinarazten zaien informazioa isilpean tratatuko dela, eta arlo horretan indarrean dagoen lan arloko legeria errespetatuko dela.
Barneko jarduketa prozedura langileentzat erabiliko da, gure lantokietan zerbitzuak ematen dituzten kanpoko enpresekin eta/edo ABLEekin lotutako ustezko gertakariei dagokienez.
5. Beste jazarpen edo salaketa mota batzuk.
Bi alderdiek ulertzen dute gatazkak konpontzeko prozedura hau lanean gertatzen diren beste jazarpen edo salaketa mota batzuk salatzeko eta ikertzeko ere erabiltzen ahal dela. Epeak kasu bakoitzaren inguruabarretara egokituko dira, lan arloko legeriak laneko arriskuen prebentzioaren arloan ezartzen dituen berariazko jarduketak alde batera utzi gabe.
Iragarkiaren kodea: F2418036
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50
