2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
TUTERA
Aldaketa, ordainarazpenen ordenantzetan. Hasierako onespena
Udalak, 2025eko irailaren 29an egindako osoko bilkuran, hasiera batez onetsi zituen aldaketak ondotik aipatzen diren ordenantzetan, zeinek indarra hartuko baitute 2026eko urtarrilaren 1ean:
ORDAINARAZPENAK:
Ordenantza, arautzen dituena Tudela-Cultura tokiko enpresa-erakunde publikoaren prezio publikoak.
Ordenantza fiskala, arautzen dituena ordainarazi beharreko tasak, Tuterako Udalaren Ur Batzordeak egindako hainbat zerbitzurengatik.
Ordenantza fiskala, tasak arautzen dituena ur hornidurarako, estolderia eta saneamendurako, arazketarako eta uraren ziklo integralarekin zerikusia duten gainerako zerbitzu eta jardueretarako.
4. ordenantza fiskala: Ordenantza fiskala, tasak arautzen dituena ibilgailuak espaloietan barna sartu eta ateratzeko eta bide publikoa erreserbatzeko, ibilgailuak gelditzeko eta edozein motatako salgaien zamalanak egiteko.
5. ordenantza fiskala: Ordenantza fiskala, tasak arautzen dituena bide publikoa eta herri-lurrak okupatzeko.
12. ordenantza fiskala: Ordenantza fiskala, tasak arautzen dituena trakzio mekanikoko ibilgailuak aparkatzeko, egonaldi mugatuko eremu publikoetan.
26. ordenantza fiskala: Ordenantza fiskala, tasak arautzen dituena agiriak egiteko eta tramitatzeko.
32. ordenantza: Ordenantza fiskala, tasak arautzen dituena ordezko betearazpenetarako eta betearazpen aginduetarako.
Aldaketak jendaurrean egonen dira 30 egun baliodunean, iragarki hau Nafarroako Aldizkari Ofizialean argitaratu eta biharamunetik hasita, interesdunek espedientea azter dezaten, eta aurkez ditzaten egoki iruditzen zaizkien erreklamazioak, kexak edo oharrak. Hori dena, bat etorriz uztailaren 2ko 6/1990 Foru Legearen 325. artikuluarekin (Nafarroako Toki Administrazioari buruzko Foru Legea).
Indarrean dauden xedapenak bete beharrez, espedientea ikusgai egonen da Ekonomia Sustapenerako Alorreko Ogasun, Katastro, Ondare eta Erosketen Administrazio Unitatean. Aipatu epe hori iragandakoan, inork ez badu aurkezten erreklamaziorik, kexarik nahiz oharrik, behin betiko onetsitzat joko dira aldaketa horiek.
Tuteran, 2025eko urriaren 1ean.–Ogasuneko zinegotzia, Reyes Carmona Blasco.
Iragarkiaren kodea: L2514691
