1. NAFARROAKO FORU KOMUNITATEA
1.7. BESTELAKOAK
156/2025 EBAZPENA, urriaren 27koa, Industria Antolamenduaren, Azpiegitura Energetikoen eta Meatzeen Zerbitzuko zuzendariak emana, zeinaren bidez eraikitzeko administrazio-baimena ematen baita soberakinik gabeko autokontsumorako eguzki-instalazio fotovoltaiko bat 7,26 MW handitzeko, Buñuelgo udal mugartean. Espedientearen kodea: 5677-CE.
Industria Antolamenduaren, Azpiegitura Energetikoen eta Meatzeen Zerbitzuko zuzendariak uztailaren 16an emandako 109/2025 Ebazpenaren bidez, aurretiazko administrazio-baimena eta eraikitzeko administrazio-baimena eman zitzaizkion Sofidel Spain SLri soberakinik gabeko autokontsumorako eguzki-instalazio fotovoltaiko bat egiteko, 3.370 kW-ekoa, estalki eta markesinen gainean, Buñuelgo udal mugartean.
Industria Antolamenduaren, Azpiegitura Energetikoen eta Meatzeen Zerbitzuko zuzendariaren abuztuaren 25eko 126/2025 Ebazpenaren bidez, aurretiazko administrazio-baimena eman zitzaion Sofidel Spain SLri, Buñuelgo udal mugarteko 3. poligonoko 126., 522., 532., 535. eta 536. lurzatietan, lurzoruaren gainean, ezarrita dagoen soberakinik gabeko autokontsumorako eguzki-instalazio fotovoltaikoa 7,26 MW handitzeko.
2025eko urriaren 23an, Sektore Elektrikoari buruzko abenduaren 26ko 24/2013 Legean ezarritakoarekin bat etorriz, Enerland Project Development SLk, Sofidel Spain SLren ordezkari gisa, eraikitzeko administrazio-baimena eskatu du, autokontsumorako eguzki-instalazio fotovoltaikoa 7,26 MW handitzeko.
Aurkeztutako dokumentazio teknikoaren arabera, osagarri hauek ditu instalazioak:
- 11.312 panel fotovoltaiko (TWMNF-66HD720W), bakoitza 720 Wp-ekoa, hegoaldera begira dauden 202 egitura finkoren gainean kokatuta, guztira 8.144,64 kWp egiten dutenak.
- 22 inbertsore (Huawei SUN2000-330 KTL), 330 kW-ekoak, 7,26 MW-eko potentzia izendaturako.
- Behe-tentsioko linea elektrikoak (800 V AC), lurpeko kanalizazioan, inbertsoreetatik potentzia estazioetaraino.
- 2 transformazio-zentro; batek 4 MVAko transformadore bat du, eta besteak 7 MVAko transformadore bat. Inbertsoreetatik datorren energiaren tentsioa 800 V-etik 20 kV-era igoko dute; horrekin batera, lotutako babes-gelaxkak eta elementu guztien arteko konexioa dituzte. Beraz, instalazio fotovoltaikoak bi transformazio-zentrok osatutako 2 azpieremu izanen ditu.
- 20 kV-eko lurpeko linea elektrikoa, 920,82 metroko luzerakoa eta 12/20 kV-eko AI eroalea (XLPE 3x240 mm²) duena, transformazio-zentroen eta babes- eta neurketa-zentroaren artean; bertatik eginen da konexioa enpresaren barne-sarera.
Horrela, azken instalazioak (jatorrizkoa gehi handitzea) ezaugarri hauek izanen ditu:
- Modalitatea: banakako autokontsumoa, soberakinik gabe.
- Potentzia erpina: 11.892,45 kWp (3.747,81 + 8.144,64).
- Potentzia izendatua (instalatua): 10,63 MW (3,37 + 7,26).
Aurkeztutako dokumentazioa ikusita, eta Sektore Elektrikoari buruzko abenduaren 26ko 24/2013 Legean, abenduaren 1eko 1955/2000 Errege Dekretuan eta Energia elektrikoaren autokontsumoaren baldintza administratibo, tekniko eta ekonomikoak arautzen dituen apirilaren 5eko 244/2019 Errege Dekretuan xedatutakoari jarraikiz, eskatutakoa onartzea proposatu du Azpiegitura Energetikoen Atalak.
Azaldutakoarekin bat etorriz, eta Enpresa Sustapenerako eta Azpiegituretako zuzendari nagusiaren uztailaren 30eko 29/2025 Ebazpenaren bidez eskuordetu zaizkidan eskumenak baliatuz (2025eko 155. Nafarroako Aldizkari Ofiziala, abuztuaren 5ekoa), honako hau
EBAZTEN DUT:
1. Eraikitzeko administrazio-baimena ematea Sofidel Spain SLri soberakinik gabeko autokontsumorako eguzki-instalazio fotovoltaiko bat 7,26 MW handitzeko, Buñuelgo udal mugartean, aurkeztutako proiektua onestea eta proiektua gauzatzeko hogeita hamasei hilabeteko epea ematea.
2. Baimen hau emanda ere, eskatzaileak lortu beharko ditu instalazioa gauzatzeko beharrezkoak diren emakida, lizentzia eta baimen guztiak, publikoak nahiz pribatuak, bat etorrita aplikatzekoak diren beste xedapen batzuekin.
3. Aurkeztutako proiektuaren arabera gauzatu beharko dira instalazioak, eta bat etorri beharko dute honako hauetan xedatuarekin: maiatzaren 9ko 337/2014 Errege Dekretua, onesten dituena Goi tentsioko instalazio elektrikoen baldintza teknikoei eta segurtasun bermeei buruzko erregelamendua eta haren jarraibide tekniko osagarriak, JTO-GTE 01etik 23ra; otsailaren 15eko 223/2008 Errege Dekretua, onesten dituena Goi tentsioko linea elektrikoen baldintza teknikoei eta segurtasun bermeei buruzko erregelamendua eta haren jarraibide tekniko osagarriak, JTO-GTL 01etik 09ra; eta abuztuaren 2ko 842/2002 Errege Dekretua, onesten duena Behe tentsioko erregelamendu elektroteknikoa.
4. Behin proiektua gauzaturik, eskatzaileak zerbitzuan jartzearen akta eskatu beharko du. Eskaera horri obra-bukaerako ziurtagiria erantsi beharko zaio, teknikari fakultatibo eskudunak izenpetua, bai eta aplikatzekoa den araudiko gainerako dokumentazioa ere.
5. Ebazpen hau igortzea, behar diren ondorioak izan ditzan, Industria Antolamenduaren, Azpiegitura Energetikoen eta Meatzeen Zerbitzura, Biodibertsitatearen eta Arrantza Kudeaketaren Zerbitzuko Ingurumen Ebaluaziorako Atalera, Lurralde eta Paisaia Zerbitzuko Paisaiaren eta Landa-lurzoruaren Atalera eta Ondare Historikoaren Zerbitzuko Ondare Arkitektonikoaren Atalera eta Erregistroaren, Ondasun Higigarrien eta Arkeologiaren Atalera.
6. Ebazpen hau Nafarroako Aldizkari Ofizialean argitaratzea, orok jakin dezan.
7. Ebazpen hau jakinaraztea Sofidel Spain SLri, Enerland Project Development SLri, Ingnova Enterprise SLri eta I-DE Redes Eléctricas Inteligentes SAUri, eta ohartaraztea ebazpen honek ez duela administrazio bidea amaitzen eta haren aurka gora jotzeko errekurtsoa jartzen ahal dela, Industriako eta Enpresen Trantsizio Ekologiko eta Digitalerako kontseilari zuzendua, hilabeteko epean, ebazpen hau jakinarazi eta biharamunetik hasita. Errekurtsoan espediente kodea adierazi beharko da.
8. Ebazpen hau Buñuelgo Udalari jakinaraztea, eta ohartaraztea honen kontra administrazioarekiko auzi-errekurtsoa jartzen ahal dela, eskumena duen ordena jurisdikzionalari zuzendua, honako hau jakinarazi eta biharamunetik hasita bi hilabeteko epean, alde batera utzi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
Iruñean, 2025eko urriaren 27an.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.
Iragarkiaren kodea: F2513968
