Iragarkia

228. ALDIZKARIA - 2025eko azaroaren 14a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

3224/2025 EBAZPENA, urriaren 31koa, Funtzio Publikoko zuzendari nagusiak emana, zeinaren bidez onesten baita Nafarroako Foru Komunitateko Administrazioaren eta haren erakunde autonomoen zerbitzuko Nafarroako foruzain-agente lehenen berrogeita hamaika plaza barne igoeraz eta kategoriaz igotzeko lehiaketa bidez betetzeko deialdian onartu eta baztertu diren izangaien behin betiko zerrenda, eta ezartzen baitira proba teoriko-praktikoa egiteko eguna, ordua eta tokia.

Funtzio Publikoko zuzendari nagusiaren uztailaren 3ko 1923/2025 Ebazpenaren bidez deialdi bat onetsi zen Nafarroako Foru Komunitateko Administrazioaren eta haren erakunde autonomoen zerbitzuko Nafarroako foruzain-agente lehenen berrogeita hamaika plaza barne igoeraz eta kategoriaz igotzeko lehiaketa bidez betetzeko. Ebazpen hori 2025eko 150. Nafarroako Aldizkari Ofizialean argitaratu zen, uztailaren 29koan.

Funtzio Publikoko zuzendari nagusiaren irailaren 29ko 2810/2025 Ebazpenaren bidez, deialdian onartutako eta baztertutako izangaien behin-behineko zerrenda onetsi zen. Ebazpen hori 2025eko 204. Nafarroako Aldizkari Ofizialean argitaratu zen, urriaren 13koan.

Erreklamazioak aurkezteko epea bukatuta, bidezkoa da deialdian onartu eta baztertu diren izangaien behin betiko zerrenda onestea.

Azkenik, bidezkoa da proba teoriko-praktikoa egiteko eguna, ordua eta tokia ezartzea.

Horrenbestez, eta erabiliz otsailaren 21eko 30/2005 Foru Dekretuak ematen dizkidan eskudantziak,

EBAZTEN DUT:

1. Onestea Nafarroako Foru Komunitateko Administrazioaren eta haren erakunde autonomoen zerbitzuko Nafarroako foruzain-agente lehenen berrogeita hamaika plaza barne igoeraz eta kategoriaz igotzeko lehiaketa bidez betetzeko deialdian onartu eta baztertu diren izangaien behin betiko zerrenda, zeina eranskinean agertzen baita.

2. Adieraztea proba teoriko-praktikoa 2025eko abenduaren 5ean eginen dela, ostiralarekin, 17:30ean, Nafarroako Unibertsitate Publikoko ikasgelategian (Iruñeko Arrosadiko campusa).

Probetarako dei bakarra eginen da. Izangaiek nortasun agiri nazionala, pasaportea edo gidabaimena aldean dutela agertu behar dute.

Oposizio-lehiaketatik baztertuko dira probara agertzen ez direnak edo aipatutako agirietako baten bidez beren nortasuna frogatzen ez dutenak.

Kalifikazio epaimahaiak www.nafarroa.eus helbidean, deialdiaren atalean, argitaratuko du, lehiaketako proba teoriko-praktikoa egiteko eguna baino lehen eta behar besteko denborarekin, nola banatuko diren izangaiak ikasgeletan eta zein ordutan hasiko den izangaiei deitzen.

3. Ebazpen hau kalifikazio epaimahaiko kideei igortzea eta Nafarroako Aldizkari Ofizialean argitara dadila agintzea, behar diren ondorioak izan ditzan, eta interesdunei adieraztea ebazpenaren aurka gora jotzeko errekurtsoa jartzen ahal dela, Barneko, Funtzio Publikoko eta Justiziako kontseilariari zuzendua, hilabeteko epean, jakinarazi eta biharamunetik hasita, bat etorriz Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluekin.

Iruñean, 2025eko urriaren 31n.–Funtzio Publikoko zuzendari nagusia, Gloria Arancón Largo.

ERANSKINA.–FORUZAIN-AGENTE LEHENA (KATEGORIAZ IGOTZEKO LEHIAKETA)

Izangai onartu eta baztertuen behin betiko zerrenda

3.1.1 oinarria.

Onartuak:

Baztertuak:

Deialdiaren 3.1.2.a) atalean eskatzen den baldintza ez betetzeagatik:

3.1.2 oinarria.

Onartuak:

Baztertuak:

Ez aurkezteagatik 4.3.1. Bi oinarrian ezarritako dokumentazioa, frogatzen duena deialdiaren 3.1.2 atalean eskatzen diren baldintzak betetzen direla:

Ziurtagirian lanbide identifikazioko zenbakia ez agertzeagatik:

Aurkeztutako ziurtagirian ez frogatzeagatik deialdiaren 3.1.2 atalean eskatzen diren baldintzak betetzen direla eta ziurtagirian lanbide identifikazioko zenbakia ez agertzeagatik:

Deialdiaren 3.1.2.b) atalean eskatzen den baldintza ez betetzeagatik eta ziurtagirian lanbide identifikazioko zenbakia ez agertzeagatik:

Deialdiaren 3.1.2.b) atalean eskatzen den baldintza ez betetzeagatik:

Deialdiaren 3.1.2.a) atalean eskatzen den baldintza ez betetzeagatik:

Deialdiaren 3.1.2.a) atalean eskatzen den baldintza ez betetzeagatik eta ziurtagirian lanbide identifikazioko zenbakia ez agertzeagatik:

Iragarkiaren kodea: F2514352