1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
2500E/2025 EBAZPENA, azaroaren 6koa, Osasunbidea-Nafarroako Osasun Zerbitzuko zuzendari kudeatzaileak emana, zeinaren bidez aldatzen baita Osasunbidea-Nafarroako Osasun Zerbitzuko erradioterapiako teknikarien (ETTE) 3 plaza gehienez oposizio-lehiaketa bidez betetzeko deialdiaren gai-zerrenda.
Osasunbidea-Nafarroako Osasun Zerbitzuko zuzendari kudeatzailearen urriaren 13ko 1956E/2025 Ebazpenaren bidez, deialdi honen testua onetsi zen: deialdia, batetik, Osasunbidea-Nafarroako Osasun Zerbitzuko erradioterapiako teknikarien (ETTE) 3 plaza gehienez oposizio-lehiaketa bidez betetzeko, eta, bestetik, hautaproben bitartez, izangaien zerrendak osatzeko, lanpostu horretan jardun dezaten, bai aldi baterako kontratazio bidez, bai aldi baterako barne igoeraren bidez.
Irailaren 3ko 171/2015 Foru Dekretuaren bidez onetsitako Osasunbidea-Nafarroako Osasun Zerbitzuaren Estatutuek ematen dizkidaten ahalmenak erabiliz,
EBAZTEN DUT:
1. Aldatzea deialdi honen oinarrietako I. eranskinaren gai-zerrenda espezifikoa: Osasunbidea-Nafarroako Osasun Zerbitzuko erradioterapiako teknikarien (ETTE) 3 plaza gehienez oposizio-lehiaketa bidez betetzeko deialdia. Aldaketa honelakoa izanen da:
Honako hau dioen tokian:
"8. gaia.–Erradioterapia motak: hiru dimentsioko erradioterapia konformatua, gorputz osoko irradiazioa, gorputz osoko gainazaleko erradioterapia, erradiokirurgia, erradioterapia estereotaxikoa, ebakuntza barruko erradioterapia, tomoterapia, intentsitate modulatuko erradioterapia (IMRT), arkuterapia bolumetrikoa (VMAT), burezur kanpoko erradioterapia estereotaxikoa (SBRT), eta abar.
9. gaia.–Irudiek gidatutako erradioterapia tratamendua. Irudiek gidatutako erradioterapia (IGRT). Atari irudia, megatentsioa, kilotentsioa, sorta konikoko ordenagailu bidezko tomografia (CBCT). Irudiek gidatutako erradioterapiako (IGRT) protokoloak. Arnasketaren kontrola."
Honela behar du:
"8. gaia.–Erradioterapia motak: hiru dimentsioko erradioterapia konformatua, gorputz osoko irradiazioa, gorputz osoko gainazaleko erradioterapia, erradiokirurgia, erradioterapia estereotaxikoa, ebakuntza barruko erradioterapia, tomoterapia, erradioterapia moldagarria (ART), intentsitate modulatuko erradioterapia (IMRT), arkuterapia bolumetrikoa (VMAT), burezur kanpoko erradioterapia estereotaxikoa (SBRT) eta abar.
9. gaia.–Irudiek gidatutako eta azalera bidez gidatutako erradioterapia tratamendua. Irudiek gidatutako erradioterapia (IGRT). Azalera bidez gidatutako erradioterapia (SGRT). Atari irudia, megatentsioa, kilotentsioa, sorta konikoko ordenagailu bidezko tomografia (CBCT). Arnasketaren kontrola."
2. Ebazpen hau Nafarroako Aldizkari Ofizialean argitara dadila agintzea.
3. Ebazpen honek ez du administrazio bidea amaitzen, eta haren aurka gora jotzeko errekurtsoa jar daiteke, Osasuneko kontseilariari zuzendua, hilabeteko epean, deialdiaren web-orrian argitaratu eta biharamunetik hasita, bat etorriz Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 126.1.c) artikuluarekin, eta aintzat hartuta Barneko, Funtzio Publikoko eta Justiziako kontseilariaren abuztuaren 18ko 4/2023 Foru Aginduaren bidez eskuordetzan emandako eskumenak.
Iruñean, 2025eko azaroaren 6n.–Zuzendari kudeatzailearen kargua hutsik dagoenez, Osasunbidea-Nafarroako Osasun Zerbitzuko Eriari Osasun Laguntza emateko zuzendaria, Nancy Nelly Gonzalo Herrera (irailaren 3ko 171/2015 Foru Dekretua).
Iragarkiaren kodea: F2514553
