1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
2292/2025 EBAZPENA, urriaren 23koa, Nafarroako Unibertsitate Publikoko errektorearena. Haren bidez xedatzen da Nafarroako Medikuen Elkargo Ofizialak aurkeztutako administrazioarekiko auzi-errekurtsoaren espedientea –B sekzioko 227/2025 zenbakidun prozedura laburtua– Iruñeko Administrazioarekiko Auzietarako 2 zenbakiko Epaitegira bidaltzea.
Iruñeko Administrazioarekiko Auzietarako 2 zenbakiko Epaitegiak jakinarazi duenez, Nafarroako Medikuen Elkargo Ofizialak administrazioarekiko auzi-errekurtsoa jarri du Nafarroako Unibertsitate Publikoko errektorearen 2025eko ekainaren 16ko 1198/2025 Ebazpenaren aurka. Ebazpen horren bidez, Tomás Rubio Vela Nafarroako Medikuen Elkargo Ofizialeko lehendakariak, elkargo honen ordezkari gisa, aurkeztutako berraztertze-errekurtsoa ebatzi zen, Osasun Zientzien arloan osasun laguntzako irakasle elkartuak kontratatzeko lehiaketa arrunterako deialdiaren aurkakoa. Berraztertze-errekurtsoa Medikuntzako graduko 70 ikaspostuei buruzkoa zen, soil-soilik, zeinak Unibertsitateko Irakasleen Gaietarako errektoreordearen 2025eko apirilaren 16ko 802/2025 Ebazpenaren bidez onetsi baitziren.
Unibertsitate Sistemari buruzko 2023ko martxoaren 22ko 2/2023 Lege Organikoaren 50. artikuluak eta Nafarroako Unibertsitate Publikoaren Estatutuen 40. artikuluak (estatutuak 2003ko maiatzaren 12ko 110/2003 Foru Dekretuak onetsi zituen, eta Nafarroako Gobernuaren 2011ko martxoaren 21eko erabaki batek aldatu) ematen dizkidaten eskumenak erabiliz,
EBAZTEN DUT:
Lehenbizikoa.–Iruñeko Administrazioarekiko Auzietarako 2 zenbakiko Epaitegira bidaltzea Nafarroako Medikuen Elkargo Ofizialak aurkeztutako administrazioarekiko auzi-errekurtsoaren espedientea –B sekzioko 227/2025 zenbakidun prozedura laburtua–. Errekurtsoa Nafarroako Unibertsitate Publikoko errektorearen 2025eko ekainaren 16ko 1198/2025 Ebazpenaren aurka aurkeztu zen.
Bigarrena.–Administrazioarekiko Auzietarako Jurisdikzioaren 29/1998 Legearen 49. artikuluaren babesean, dei egiten zaie Osasun Zientzien arloan osasun laguntzako irakasle elkartuak kontratatzeko lehiaketara aurkeztu ziren izangai guztiei, interesdun diren aldetik, demandatu gisa ager daitezen, egoki baderitzote, B Sekzioko 227/2025 zenbakidun prozedura laburtuan, Administrazioarekiko Auzien Iruñeko 2 zenbakiko Epaitegian, bederatzi eguneko epean, ebazpen hau jakinarazi eta biharamunetik kontatzen hasita.
Hirugarrena.–Ebazpen hau Nafarroako Aldizkari Ofizialean argitara dadila agintzea, eta Iruñeko Administrazioarekiko Auzietarako 2 zenbakiko Epaitegira igortzea.
Iruñean, 2025eko urriaren 23an.–Errektorea, Ramón Gonzalo García.
Iragarkiaren kodea: F2514422
