Iragarkia

222. ALDIZKARIA - 2025eko azaroaren 6a

1. NAFARROAKO FORU KOMUNITATEA

1.5. ESTATUTUAK ETA LAN HITZARMEN KOLEKTIBOAK

143C/2025 EBAZPENA, irailaren 23koa, Ekonomia Sozialeko eta Laneko zuzendari nagusiak emana, zeinaren bidez erabakitzen baita Viscofan España SLU enpresaren Kasedako lantokirako hitzarmen kolektiboa erregistratu, gordailutu eta Nafarroako Aldizkari Ofizialean argitaratzea.

Ikusi da Viscofan España SLU enpresak Kasedako lantokirako aurkeztutako hitzarmen kolektiboa (kode zenbakia: 31007711011982), erregistro honetan 2025ekoabuztuaren 28an sartu baitzen, enpresaren eta sindikatuen ordezkari gehienek 2025eko abuztuaren 28an sinatu ondoren.

Langileen Estatutuaren Legearen testu bategina onesten duen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta hitzarmen kolektiboak, lan akordio kolektiboak eta berdintasun planak erregistratu eta gordailutzeari buruzko maiatzaren 28ko 713/2010 Errege Dekretuan ezarritakoarekin bat etorriz.

Nafarroako Foru Komunitateko Administrazioari eta foru sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz, eta Eskubide Sozialetako, Ekonomia Sozialeko eta Enpleguko Departamentuaren egitura organikoa ezartzen duen azaroaren 15eko 251/2023 Foru Dekretuak ematen dizkidanak, honako hau

EBAZTEN DUT:

Lehenbizikoa.–Nafarroako Hitzarmen Kolektiboen, Lan Akordio Kolektiboen eta Berdintasun Planen Erregistroan inskribatzea Viscofan España SLU enpresak Kasedako lantokirako aurkeztutako hitzarmen kolektiboa (kode-zenbakia: 31007711011982).

Bigarrena.–Nafarroako Aldizkari Ofizialean argitaratzeko agintzea, orok jakin dezan.

Iruñean, 2025eko irailaren 23an.–Ekonomia Sozialeko eta Laneko zuzendari nagusia, Iñaki Mendióroz Casallo.

"VISCOFAN ESPAÑA SLU" ENPRESAREN XV. HITZARMEN KOLEKTIBOA
KASEDAKO ZENTROA

ATARIKO XEDAPENA

Arau orokorrak.–Hitzarmen honetan jaso diren baldintzak aplikazio orokorrekoak dira haietako bakoitzerako adierazten diren esparruetan.

Baldintza horien osagarri gisa, hitzarmenaren indarraldian, enpresa batzordearekin adosten den erregelamendu edo barne-araudian ezartzen diren gainerakoak aplikatuko dira. Erregelamendu edo araudi hori berariaz eta zehaztasunez itunduko da. Hitzarmenaren indarraldian enpresa batzordearekin beste edozein arau edo lan-baldintza kolektibo ituntzen bada, enpresaren barne araudian jaso beharko da, non ez den aukeratzen hitzarmena aldatzeko prozedura.

Enpresak hitzarmenaren kopia bat emanen dio langile bakoitzari, eta aurrerantzean hitzarmenaren gainean negoziatu eta adosten diren aldaketa puntualak iragarki oholean argitaratuko ditu.

I. KAPITULUA.–APLIKAZIO EREMUAK

1. artikulua. Eremu funtzionala eta lurralde eremua. Lan hitzarmen kolektibo honetako akordioak lotesleak izanen dira, hitzarmenaren indarraldian, VISCOFAN enpresarentzat, alde batetik, eta Kasedako (Nafarroa) haren lantokiko langileentzat, bestetik.

2. artikulua. Langile eremua. Lan baldintza hauek enpresaren lantoki horretako langile guztiei eraginen diete, haien lanbide-taldea eta maila soldata-tauletan jasotzen badira.

Gainerako langileei, hau da, zuzendariei, arduradun kategoria eta goragokoa duten teknikari eta agintariei, eta horrela itundu duten izendapen askeko beste batzuei ere aplikatuko zaie hitzarmen honetan jasotakoa, kapitulu ekonomikoko apartatuak izan ezik.

3. artikulua. Denbora eremua. Hitzarmen honek indarra hartuko du enpresak eta langileen ordezkariek sinatzen dutenean, eta 2025eko urtarrilaren 1etik 2028ko abenduaren 31ra arteko indarraldia izanen du.

IV. kapituluan aurreikusitako ondorio ekonomikoek atzerako eragina izanen dute urte bakoitzeko urtarrilaren 1etik aurrera.

4. artikulua. Osotasunari lotzea. Hemen itundutako baldintzek multzo organiko eta zatiezina osatzen dute, eta, aplikazio praktikoari dagokionez, osotasunean hartuko dira.

5. artikulua. Konpentsazioa eta xurgapena. Hitzarmen honetan itundutako baldintza ekonomikoak osorik konpentsatzen dituzte lehendik ezarritako baldintzak, eta oraingo hauek irensten ahalko dituzte ondorengo baldintza ekonomiko hobeek, enpresak berak ezarritako hobekuntzek, lege edo hitzarmenetan xedatutakoek nahiz auzi administratibo edo judizialetan ezarritakoek, baldin eta, beren osotasunean eta urteko konputuan hartuta, baldintza horiek hitzarmen honetan daudenak baino hobeak badira.

II. KAPITULUA.–LANGILEEN SAILKAPENA

6. artikulua. Eginkizunen araberako sailkapena. Hitzarmen honen eraginpeko langileak, beren eginkizunen arabera, V. eranskineko lanbide-talde eta mailen arabera sailkatuko dira.

Enpresak, urtarrilaren 1ean, hitzarmenari atxikitako langileen zerrenda, banaketa organiko funtzionala, lanbide-taldeak eta mailak zehaztua, prestatuko du eta ordezkaritza duten sindikatuei emanen die. Zerrenda horretan langile bakoitzaren izen-deiturak, alta eguna eta lanbide-taldea eta maila zehaztuko dira.

Enpresa batzordeari ere antzeko zerrenda emanen dio, hala eskatzen duenean eta eztabaidatzen den gaia ikusita justifikatuta dagoenean.

Barne araudian ezarritako prozedura erabiliko da lanbide-talde eta mailetan igotzeko berrikuspenetarako.

7. artikulua. Mugigarritasun funtzionala. Enpresaren barneko mugigarritasun funtzionalak legez ezarritako mugak baino ez ditu izanen, eta lanbide-talde bereko maila desberdinen artekoa denean ez du inolako mugarik izanen.

Mugigarritasunaren ondorioz langilea goragoko lanbide-taldeko edota mailako eginkizun edo lanpostuetan aritzen denean, legez xedatutakoari jarraituko zaio. Alabaina, hogeita lau hilabetean langileak hogeita hamar lanegun baino gehiago egiten baditu aitortua duen lanbide-taldekoa edota mailakoa baino goragoko lanpostu berean, ordezkapena egiten nahiz prestakuntzan, besterik gabe eskubidea izanen du soldata diferentziak kobratzeko, ordutik aurrera lanpostu horretan diharduen egun bakoitzeko, eta aurreko prozesu hori gaikuntza prozesutzat hartuko da. Diferentzia horiek kalkulatzeko urteko lanegun guztiak hartuko dira kontuan.

Enpresako langile guztiak lan sistemaren bati eta txandaren bati atxikita egonen dira, enpresako egutegietako bat izanen dute, eta zeinek bere lanbide-kategoriako lanak eginen dituzte.

III. KAPITULUA.–SARRERAK, KONTRATAZIOA, IGOERAK ETA KARGU-UZTEAK

8. artikulua. Sarrerak. Enpresak aurrerantzean egiten dituen kontratu guztiak lan-kontratu bidez eginen dira, indarra duten kontratazio modalitateen babesean egin ere.

Enpresak zehaztuko ditu kasu bakoitzean egin beharreko hautaprobak, eta langileen ordezkariei jakinaraziko die zein lanpostu bete nahi dituen eta zer baldintza bete behar dituzten hautagaiek. Halaber, hautaproben emaitza jakinaraziko die. Langileen ordezkariek batzorde bat izendatzen ahalko dute hautaprobetan izan dadin. Betiere, hautaprobak objektiboak izan daitezen eta plantillan sartzeko orduan bereizkeriarik egin ez dadin begiratuko dute, Legeak aitortutako eskubideak zaintzeko.

Izangaiei kontuan hartuko zaizkie enpresarekin lehenago egindako kontratuen kopurua eta iraupena, bai eta kontratu horien ondoriozko zereginetan onartuak dituzten merezimenduak ere.

Konstituzioaren 14. artikuluan jasota dagoen bereizkeriarik ezaren printzipioa eraginkortasunez aplikatu dadin eta kontrataziorako aukera berdintasunaren bidez gauzatu dadin, alde sinatzaileek beren gain hartzen dute gutxiengoa den sexuko langileen kontratazioa sustatu eta indartzeko konpromisoa eta sexu horretako langileen kopurua handitzen saiatzekoa, gaur egun halako kontrataziorik ez duten sekzioetan, betiere legeak ez badu horretarako eragozpenik ezartzen. Hautapen prozedurak ere zainduko dituzte, inolako bereizkeriarik egin ez dadin.

Horretarako, hautapen prozeduretan erabiliko diren irizpideak objektiboak eta neutroak izanen dira, zuzeneko edo zeharkako diskriminaziorik egon ez dadin arrazoi hauetako batengatik: adina, desgaitasuna, generoa, jatorria (arraza edo etnia barne), egoera zibila, erlijioa edo sinesmenak, iritzi politikoa, sexu orientazioa, sexu identitatea, adierazpen sexuala edo ezaugarri sexualak (LGTBI) sindikatuko afiliazioa, gizarte egoera edo hizkuntza.

Lehentasuna emanen zaio pertsona lanposturako prestatzeari edo egokitasunari, haren sexu orientazioa eta identitatea edo genero adierazpena gorabehera, eta arreta berezia eskainiko zaie trans pertsonei, kolektibo bereziki zaurgarria den aldetik.

9. artikulua. Kontratazioa. Izenpetzen den lan kontratua mugagabea izan daiteke, edo iraupen jakin baterako.

Aldi baterako enpresen bidez legez erabil daitezkeen kontratazio modalitateak saihestu eta zuzeneko kontratazioaren modalitateak sustatu nahi dira. Horretarako, bi aldeek, indarra duen legerian jasotako eskumen berriak erabiliz, indarra duten kontratazio modalitateak aldatuko dituzte eta enpresaren egoerara moldatuko, horretarako ahalmena duten heinean. Hortaz, gaur egun indarra duten zuzeneko kontratazio motak garatu eta mugatzen dituzte, hurrengo ataletan azaltzen den moduan.

Aldi baterako edozein kontratu bukatzean, eta enpresak lanpostua hutsik dela berretsirik, kontratu bat mugagabe bihurtuko da; hain zuzen ere, azken lau urtean aldi baterakoa izan den kontratuetako bat, lehentasunezko zerrendari jarraituko diona. Zerrenda hori sei hilez behin eguneratuta eta langileen legezko ordezkarien eskura mantendu beharko da. Zerrenda hori osatzeko barne araudian zehaztutako irizpideak erabiliko dira, kontratu guztiek pilatutako lan denbora eta bakoitzaren gaitasunak, prestakuntza eta merezimenduak kontuan hartuta.

9.1. Ekoizpen gorabeherengatiko kontratuak.

Merkatuaren egoera, lanaren pilaketa edo eskari ugariak direla-eta egiten diren kontratuak luzatzen ahalko dira, sektoreko hitzarmenean halako kontratuetarako onartzen den gehieneko mugaraino, horrela behar izanez gero.

Lan arloko indarreko araudian ezarritakoa betez eta produkzio prozesuaren ezaugarri bereziak aintzat hartuta, kontratu mota hauek ituntzekoan jarduera zirkunstantziala kontsideratuko da aipatutako produkzio prozesuari zuzenean lotuta dauden lanpostuetako prestakuntza eta trebakuntza prozesua. Horrela, kontratazioa bultzatuko da, hasieran baztertu ziren beste kolektibo batzuetara zabalduz.

9.2. Ikas-ekinezko prestakuntza-kontratuak:

Ikas-ekinezko prestakuntza-kontratuak Langileen Estatutuan legez xedatutakoaren arabera arautuko dira.

Kontratu horiek 2. eta 3. taldeetako lanpostuetan kualifikazioa edo gaitasun profesionala lortzera bideratuko dira lehentasunez, beharrezko prestakuntza teorikoa eta/edo praktikoa ez duten langileen kasuan.

Lan jarduerak zerikusia izan beharko du kontratu horren prestakuntza arloko edukiarekin.

Langile hauek ez dituzte aparteko orduak egiten ahalko, Langileen Estatutuaren 35.3 artikuluan ezarritako kasuan izan ezik. Orobat, ezin dute gaueko edo txandakako lanik egin.

Benetako lan-denbora ez da izaten ahalko gehieneko lanaldiaren %65 baino handiagoa lehen urtean, eta %85 baino handiagoa gainerako sei hilabeteetan.

Txandakako prestakuntzarako kontratatutako langileen ordainsaria peoi kategoriari lotutako soldata izanen da (–% 15 oinarrizko soldata eta peoi espezialistaren hitzarmen-plusa). Lehenengo 6 hilabeteetan soldataren %80 jasoko da, hurrengo 6 hilabeteetan %90 eta azken 6 hilabeteetan %95. Kontratua indarrean dagoen bitartean plantillan lanpostu finkatu bat betetzen duen lanaldi osorik badago, peoi espezialistaren soldataren %100 jasoko du, soldata-alde hori ordaintzeko soilik.

Kontratu-modalitatean aldaketaren bat gertatzen bada, eta langileak enpresan gutxienez sei hilabeteko aldia gainditu badu, 2. mailako lanbide-kategoria esleituko zaio.

9.3. Lanaldi partzialeko kontratua:

Plantillan kontratu mugagabea duten langileek, enpresa ados badago, lanaldia eta lansaria %50 murriztea ituntzen ahalko dute beren borondatez eta gutxienez sei hilabete naturaleko aldietan; halako moduz non bi lanaldi murriztu batzen ahalko dira lanpostuan, hitzarmenean lanposturako ezarritako eguneko lanaldi arrunta osatu arte.

Akordioa idatziz eginen da. Bertan jasoko dira itunaren iraupena (datak), eguneko lanordu arrunten kopurua, ordutegiak eta lan egutegia. Horrez gain, onartu eginen da ezusteko absentziak gertatzen direnean lanaldi partziala lanaldi oso bihurtuko dela harik eta enpresak hura ordezkatzeko modua antolatzen duen bitartean, gehienez bost lanalditan. Azken kasu horretan enpresak aldez aurretik abisua emanen dio lanaldi hori nahitaez egin behar duen langileari, ordezkatzen hasi aurreko lanaldian gutxienez. Lanaldi horiek lan egutegian dituen beste baliokide batzuekin konpentsatuko dira.

Lanaldi partzialeko langileek lanaldi osokoen eskubide berak izanen dituzte, antzinatasunari eta enpresako kategorien berrikuspenari begira.

Urteko ordezkapen orduak itundutako ordu arrunten %30 izanen dira gehienez.

Artikulu honetan arautu gabeko orotan, indarra duen lan arloko arautegian lanaldi partzialeko kontratazioari buruz ezarritakoa beteko da.

Heste Tolestuaren eta Inprimagailu ataletako langileek, enpresa jakinaren gainean dela eta hark baimenduta, urtebeteko akordio pertsonalak, urteburuan berritzekoak, ezartzen ahalko dituzte lanpostu bereko pertsonen artean, gaueko lanaz askatzeko. Horrela, gauez lanik egiten ez duenak ez du gaueko plusik jasoko; aldiz, lan egiten duenak, bere ohiko gaueko plusa jasotzeaz gain, akordioa sinatzen duen beste langileari gauez egindako lanagatik dagokiokeen gaueko plusa jasoko du.

55 urtetik gorako langileek, enpresa jakinaren gainean dela eta hark baimenduta, eta kontratazio alternatiborik egonez gero, akordio pertsonalak ezartzen ahalko dituzte sekzio eta lanbide talde berekoen artean, bi lagunen artekoak eta urtebetekoak gutxienez ere; horien helburua gaueko txandetatik liberatzea litzateke, horiek lan kontratudun berriak beteko bailituzke, eta dagokion proportzioan murriztuko litzaioke lanaldia eta gaueko plusa jasotzeari utziko lioke.

9.4. Errelebo-kontratua:

Modalitate horretako kontratuak egiten zaizkie erretiro partziala hartzeagatik lan denbora murrizten duten langileen lanaldia osatu behar duten langileei, indarra duen legerian ezarritako moduan.

Lanaldi partzialeko kontratu hori egitean, enpresak lehentasuna emanen die plantillako langile finkoek aurkez litzaketen eskaerei. Horretarako, enpresa barnean iragarriko da zer lanpostutako langileek har lezaketen erretiro partziala, hura hartu baino gutxienez ere sei hilabete lehenago iragarri ere, izangaiek adieraz dezaten argitaratutako lanpostuetatik zein nahi dituzten, lehentasun ordenan. Enpresa batzordeari prozesu osoaren berri emanen zaio, errelebo-kontratuak egin aurretik.

Abenduaren 7ko 20/2018 Errege Dekretuan eta abenduaren 23ko 11/2024 Errege Dekretuak, manufaktura-arloko erretiro partzialaren baldintzak luzatzen dituenak, sartutako aldaketetan oinarrituta, Erretiro Partzialerako eta Plantilla Gaztetzeko Akordioari (2019ko otsailaren 8koa) atxikitako erretiro partzialetan, 2029ko abenduaren 31ra arte, lanaldia %20koa izanen da, eta lan-denbora guztia metatzen ahalko da behin betiko erretiroa hartzeko legezko adinera arte, erretiro partzialaren hasieran, ahal dela lanpostuan eta txandan. Egiten diren errelebo-kontratuak mugagabeak izanen dira, eta lanaldiaren %100ekoak. Tarte batez, biak egonen dira kontrataturik: erretiro partziala hartua duen langilea eta errelebo-kontratua duena. Horrelakoetan, bietan bigarrenak berariazko egutegia izanen du: ordezkapenak eginen ditu, beste era batzuetako kontratazioak egin behar ez izateko, eta prestakuntza epealdiak eginen ditu.

Errelebo-kontratuak eskainiko zaizkie aldi baterako kontratua duten langileei, zorrotz jarraituta lehentasun zerrendako ordenari (zeina adierazi baita 9. artikuluko hirugarren paragrafoan) baldin eta ez bada hori galaraziko lukeen muga justifikaturik. Horrelakorik bada, zerrendako hurrengo hautagaiari eskainiko zaio.

Erretiro partziala bukatzean, eta enpresak berresten badu mantenduko duela erretiro partziala hartu duen langilearen lanpostua, lanpostu hori behin betiko beteko du erretiro partzialak iraun bitartean hartan izan den plantillako langile finkoak, eta ez da beharrezkoa izanen berriz ere enpresa barnean iragartzea. Baldin mantentzen ez bada erretiro partziala hartu duen langilearen lanpostua, lanpostu horretan izan den langile finkoa bere aurreko lanpostura itzuliko da.

9.5. Desgaitasuna duten pertsonen kontratazioa.

Desgaitasuna duten langileen alde lanpostuen %2 zuzenean edo ezarritako neurri alternatiboen bidez gordetzea ezartzen duten indarreko lege xedapenekin modu bateragarrian, enpresak laneko istripu edo lanbide gaixotasun batetik ondorioztatutako guztizko baliaezintasun iraunkorra ofizialki aintzatetsita daukaten langileei emanen die lana, nahiz eta hasieran horrek aipatutako erreserba muga gainditzea ekarri.

Nolanahi ere, enpresak lanpostuen %2 gordetzeko hartu du konpromisoa. Beraz, desgaitasuna duten langileen kontratazioa berriz ekarriko da legezko muga horretara, legean aurreikusitako inguruabarrek eta aukerek ahalbidetzen duten neurrian eta momentuan.

Helburu horretarako, garatu beharreko jarduera haren desgaitasunera egokitzen dela aztertu beharko du, eta hortik aurrera, bidezko ekonomia eta lan baldintzak ezarriko ditu: lanbide-taldea eta maila, lanaldia, ordainsaria, etab.

Era berean, bi aldeek konpromisoa hartu dute minusbaliatuentzako beste lan edo enplegu batzuk aztertu eta eztabaidatzeko, enpresan lan egin ahal izan dezaten, zuzenean edo azpikontratazioen bidez.

9.6. Ikasketa-mailari egokitutako praktika profesionala lortzeko prestakuntza-kontratuak:

Ikasketa-mailari egokitutako praktika profesionala lortzeko prestakuntza-kontratuak Langileen Estatutuan xedatutakoaren arabera arautuko dira. Edonola ere, lanpostuak bide eman beharko du egindako ikasketen edo prestakuntzen mailarako egokia den lanbide praktika lortzea.

Kontratu-modalitate honetako langileen ordainsaria kontratuaren indarraldian lan-harremana gauzatzen duten lanbide-talde eta -mailaren 100eko 80 izanen da.

Kontratua indarrean dagoen bitartean plantillan lanpostu finkatu bat betetzen duen lanaldi osorik badago, peoi espezialistaren soldataren %100 jasoko du, soldata-alde hori ordaintzeko soilik.

9.7. Aldizkako kontratu finkoak:

Aldizkako kontratu mugagabea Langileen Estatutuan aurreikusitako kasuetan hitzartzen ahalko da.

Deialdiaren hurrenkerari dagokionez, mailaka eginen da, antzinatasunaren, lanpostuaren ezagutzaren, balio-aniztasunaren eta jardunaren irizpideekin bat etorriz.

Horretarako, aldizkako langile finko guztien zerrenda eginen da, haien lanbide-taldea, lanpostua eta antzinatasuna adierazita, eta langileen legezko ordezkariei emanen zaie.

Enpresak langileen legezko ordezkariei egutegi bat helarazi beharko die, sei hilean behin deitzeko aurreikuspenekin, bai eta aldizkako langile finkoen alta eraginkorrei buruzko datuekin ere.

Aldizkako langile finkoen kolektibo hori behin-behinekoen egungo zerrendan sartuko da, eta balorazio-irizpide berberak aplikatuko ditu kontratu finko arruntetan sartzeko hurrenkeran.

Formari dagokionez, modu fede-emailean eginen da, langilea enpresan benetan sartu baino bost egun lehenago gutxienez, SMS, Whatsapp, telefono edo posta elektroniko bidez.

Langileak berariaz onartu edo uko egin beharko dio deialdiari, aurreko paragrafoan adierazitako edozein bide erabiliz. 48 orduko epean berariazko erantzunik ez badago, deialdiari uko egin diola ulertuko da. Halaber, hirutan uko egiteak baja eraginen du.

10. artikulua. Aldi baterako laneko enpresak. 1. Enpresak, aurreko artikuluan xedatutakoarekin bat, langileak lagatzeko kontratuak egiten ahalko ditu aldi baterako laneko enpresekin (ABLE), legean aurreikusitako kasuetan. Salbuespenez, artikulu honetan itundutako arrazoi edo egoerek halako kontratuak egitea justifikatzen dutenean, VISCOFANek berak eginen du kontratazioa, modalitate egokian.

Salbuetsitako arrazoi edo egoerak:

–Produkzio txanda edo errelebo oso bat behin-behinean eratzeko, salbu eta beharrizanak denbora partzialeko lanaren bidez bete behar direnean (lanaldi ez-osoan edo egun solteetan).

–Urtebetetik gorako eszedentziak.

–Aldi baterako ezintasun prozesuak (medikuaren bajak), baldin eta enpresako zerbitzu medikoak uste badu ziurrenik behin-behineko baliaezintasun edo baliaezintasun iraunkorra bihurtuko direla.

–Seme-alaben jaiotzagatiko baimenen legezko epealdia, elkarren segidako hiru astetik gorakoa bada.

–Soldatarik gabeko lizentziak, hilabetetik gorakoak badira.

Beste edozein egoera edo beharrizan, baldin eta hasierako iraupena, edo aurreikusten dena, hogeita bost egunetik gorakoa bada, eta hitzarmenaren indarraldian hitzarmeneko batzorde paritarioak, 40. artikuluan ematen zaizkion eskumenak erabiliz, onartzen ahal dituen gainerakoak.

Aldi baterako ezintasun egoeretan, aipatutako muga hori zenbatuko da langileak baja hartu eta 25. egunetik aurrera, eta zuzeneko kontratazioa eginen da epea igaro eta bigarren lanegunean (laneguntzat astelehenetik ostiralera bitarteko egunak hartuko dira), langileari alta eman behar zaiolako, nahitaez, lan harremana hasi baino lehen.

2. Enpresaren egiazko beharrak ezarritako soldata sailkapenarekin hobeki moldatu nahirik, hauxe itundu da: birmoldatu eginen da orain arte peoiek izan duten soldata, peoi espezialisten kategoria berriari dagozkion lanetarako aurreikusita dagoena, eta horrenbestez, Industria Kimikoaren Hitzarmen Orokorreko III. taldean urte bakoitzerako ezarritako ordainsaria izanen dute. Kasu horretan, gaueko eta jaiegunetako lanaren plusak gehituko zaizkie hitzarmen honetan peoi espezialistaren kategoriarentzat ezarritako zenbatekoei.

11. artikulua. Lanbide sustapena eta lanpostu hutsak. Hauek izanen dira mailaz igotzeko arauak:

1. Enpresak libreki izendatuko ditu agintea edo konfiantza behar duten lanpostuetarako igoerak, hala nola taldeburu, kontramaisu, arduradun edo goragoko mailako edo/eta lanbide-taldeko lanpostuetara iristekoak.

2. Lanpostu bakoitzean onartuta dauden gainerako lanbide-talde edo/eta mailetara igotzeko, enpresak barne araubidearen erregelamenduan ezarritako sistema objektiboaren arabera jokatuko du, inguruabar hauek kontuan hartuta: titulazio egokia, ezagutza eta antzinatasuna lanpostuan, lanbide historiala, goragoko maila edo/eta lanbide-taldeko lanpostuan errendimendu egokiaz egindako lana eta, probak ezarriz gero, haiek gainditzea.

Nolanahi ere, igoera prozeduretan erabiliko diren irizpideak objektiboak eta neutroak izanen dira, zuzeneko edo zeharkako diskriminaziorik egon ez dadin arrazoi hauetako batengatik: adina, desgaitasuna, generoa, jatorria (arraza edo etnia barne), egoera zibila, erlijioa edo sinesmenak, iritzi politikoa, sexu orientazioa, sexu identitatea, adierazpen sexuala edo ezaugarri sexualak sindikatuko afiliazioa, gizarte egoera edo hizkuntza.

3. Enpresako edozein ataletan lanposturen bat sortzen denean, gaitasun eta prestakuntza berdinak dituzten langileen artean, ohiko kontratua duten plantillako langile finkoek lehentasuna izanen dute lanpostu hori betetzeko. Behin betiko hutsik geratu diren lanpostuak bete behar direnean aplikatuko da arau hori, edo ustez sei hilabete baino gehiago iraunen duten lanpostu berriak sortzen direnean; une horretatik aurrera, lehenago xedatutakoari jarraituko zaio. Era horretako lanpostu hutsak edo ohiko kontratua duten plantillako langile finkoek har ditzaketen lanpostu berriak estaltzeko prozesu bakoitzak lanpostuz aldatzeko barne mugimendu bakarra eraginen du.

Hori helburu dela, lanpostuok bete baino zazpi (7) egun natural lehenago bederen iragarriko dira barrenean; zein den kasua, kanpoko hautaketa eginen da. Zer izangai hautatzen den zehazteko jarraituko den prozesuan, alde batetik, eskatzaileen zerrenda emanen zaie langileen ordezkariei eta, bestetik, Industria Kimikoaren gaur egungo Hitzarmen Orokorrean xedatutakoaren arabera hartuko dute parte.

Prozesu horretan, lehentasun irizpide bat izanen da Zelulosazko Hezeguneko lanpostuan aritzen direnentzat, beren borondatez aurkezten badira mota horretako lanpostu hutsak betetzeko: kontuan izanen dira lanpostu horretan egindako denbora eta langilearen adina (lanpostuan 15 urte, 45 urtetik gorakoentzat; eta 20 urte, adin horretatik beherakoentzat).

Lanpostu berri bati edo behin betiko lanpostu huts bati langile finko bat esleitu ondoren, 7 lanegun efektiboko probaldi bat ezarriko da; aldi horretan, bi aldeek jakinarazten ahal dute langilea ez dela egokitu lanpostu berrira, eta lehen betetzen zuen lanpostura itzuliko dela.

12. artikulua. Borondatezko uzteak. Enpresatik alde egin nahi duten langileek jakinaren gainean jarri beharko dute enpresa, nahitaez, hamabost egun lehenago, gutxienez ere. Zuzendaritzako kargua duten langileek, goi mailako teknikariek edo arduradunek bi hilabete lehenago jakinarazi beharko diote enpresari.

Jakinarazpen hori egiten ez badu edo berandu egiten badu, langileak kalte-ordaina eman beharko dio enpresari: jakinarazpena atzeratu den egunetako ordainsari osoa. Enpresak likidaziotik deskontatzen ahalko dio saldoa, eta likidazioa nahikoa ez bada, diferentzia erreklamatzen ahalko dio legezko bideetatik.

IV. KAPITULUA.–SOLDATA-POLITIKA

13. artikulua. Lansarien sistema. Oinarrizko soldatak, hitzarmeneko plusak eta kapitulu honetan aipatzen diren gainerako plusek osatuko dute hitzarmen honen eraginpeko langileen ordainsaria. Horien guztien definizioak eta moduluak ematen dira hurrengo artikuluetan.

Soldata hamabi hilekotan eta aparteko bi pagatan banatuko da eta ohiko moduan eta egunetan ordainduko dira, taulan azaltzen den moduan.

Kontzeptu eta paga horiek guztiek soldata masa gordina (SMG) osatzen dute, eta haien zenbatekoak soldata-tauletan ageri dira, hitzarmenaren I., II. Eta III. eranskinetan.

14. artikulua. Oinarrizko soldata. Langilearen ordainsariaren zati bat da, denbora-unitateko finkatzen dena, osagarriak sorrarazten dituzten inguruabarrak kontuan hartu gabe. Hitzarmen honen eranskineko soldata taulan ageri dira lanbide-talde eta maila bakoitzarenak.

15. artikulua. Lan hitzarmeneko plusa. Kontzeptu honen zenbatekoa eranskineko soldata-taulan ezarri da lanbide-talde eta maila bakoitzerako.

16. artikulua. Gaueko lanaren plusa. Gaueko hamarretatik goizeko seiak arte lan egindako egun edo ordu kopuruaren arabera ordainduko da. 1. mailako ofizialarentzat ezarritako zenbatekoaren arabera zehaztuko da zer kopuru dagokion, plus horregatik, lanbide-talde eta maila bakoitzari.

Zenbatekoak, lanbide-talde eta maila bakoitzeko, eranskineko soldata taulan ageri dira eta igoeraren %10 jasotzen dute.

Bost, lau edo hiru txandatan etengabe lan egiten duten langileek gaueko lanaren plus bera kobratuko dute hilero, aurreko lerroaldean aipatutako soldata taulan ageri diren zenbatekoen arabera kalkulatua, lan sistema bakoitzean urtean batez beste zenbat gautan lan egiten den kontuan hartuta.

17. artikulua. Jaiegunetako lanaren plusa. Igandeetan eta jaiegun ofizialetan lan egindako egun edo orduen arabera ordainduko da. Lanbide-talde eta maila bakoitzari dagokion zenbatekoa 1. ofizialaren mailarako ezarritako zenbatekoak zehaztuko du. Zenbateko horiek lanbide-talde eta maila bakoitzerako jasota daude erantsitako soldata taulan.

Txanda itxian etengabe lan egiten duten langileek jaiegunetako lanaren plus bera kobratuko dute hilero, aurreko lerroaldean aipatutako soldata taulan ageri diren zenbatekoen arabera kalkulatua, urtean batez beste zenbat igande eta jaiegunetan lan egiten den (40) kontuan hartuta.

18. artikulua. Lanpostuko osagarria. Osagarri hau funtzionala da, eta esleitutako lanpostuan lanean etengabe aritzea da jaso ahal izateko baldintza bakarra; beraz, ezin da irmo bihurtu.

Barne araubideko erregelamenduan zehazten diren langileei ordainduko zaie, lanean etengabe aritzen diren bitartean edo plusa sorrarazten duten baldintzek iraun bitartean, eta langile horiek plusa kobratzeari utziko diote beste lanpostu bat esleitzen bazaie edo osagarri hori sorrarazten duten baldintzak edo lanak akitzen badira.

Betiere, langileari lanpostu hori esleitu zaiola edo bertan "etengabe lanean" ari dela ulertuko da horrelako lanpostu batean etengabe aritzen bada bi hilabetean, edo egun kopuru bera (60) metatzen badu sei hilabeteko epe etengabean. Behin epe hori igarota, plusa epearen lehenbiziko egunetik aurrera sortuko da.

Kontzeptu honengatik hilean ordaindu beharreko kopuruak kalkulatzeko, II. eranskineko soldata taulan lanpostu bakoitzerako ageri den zenbatekoa aplikatuko zaio lanpostu hori duen pertsonari, edo lan egin den lanaldi osoen kopuruaren arabera kalkulatuko da urteko lanegun guztiak kontuan hartuta.

19. artikulua. Mantentze-lanen plusa. FKM lanpostuko langileek, gaiturik badaude eta gela horretan gertatzen diren matxura guztiak konpontzeko lanak egiten badituzte, hileko plusa kobratuko dute kontzeptu horrengatik. Plusaren zenbatekoa hitzarmenaren eranskinean dago.

20. artikulua. Eguberrietako plusa. Honako txanda hauek egiten dituzten langileek behean adierazitako zenbatekoak kobratuko dituzte indarreko lehenengo urtean (2025):

• Abenduaren 24ko eta 31ko gaueko txandak: 510,22 euro gordin.
• Abenduaren 24 eta 31ko arratsaldeko txandak eta abenduaren 25eko eta urtarrilaren 1eko txandak: 371,07 euro gordin.

21. artikulua. Geldialdiko plusa. Barne araudian zehaztutako lanpostuetako langileek jasoko dute plus hori, baldin fabrikazio lantegiak "geldialdia" egin behar duen garaian besteak baino lehenago itzultzen badira lanera, erregelamendu horretan adierazitako aurrerapenaz, geldialdia akitu eta biharamunean produkzioa abian paratu ahal izateko.

Soldataren osagarri hori lanaldiaren aldaketaren konpentsazio gisa ematen da, "geldialdia" egiten den garaian lanera joateagatik, opor egunak baitira gainerako langileentzat. Beraz, ez zaie osagarri hori ordainduko geldialdian lan egiteko berariaz kontratatzen diren pertsonei. Izan ere, horiei ez zaie lan egutegia aldatzen.

22. artikulua. Hesteki gorriaren plusa. Kolektibo hauek jasoko dute, hurrengo apartatuetan ezarritako prozeduraren arabera:

–2. nabeko hezeguneari atxikitako langileak.

–2. nabeko aurre lehorketari atxikitako langileak.

–Produkzioaren inguruabarrak direla eta, aipatu lanpostuetan egun solteetan aritzen diren langileak.

Plus horren zenbatekoa honako hauen baliokidea izanen da:

–Hezegunea: dorre plusaren %50.

–Aurre lehorketa: aurreko lanpostuarentzat ezarritako hesteki gorriaren plusaren 1/3.

Hesteki gorriaren plusa ordainduko da gutxienez ere linea bat ari denean aipatu nabean hesteki mota hori ekoizten, ekoizpen hori egiten den egun bakoitzeko.

Badira zenbait langile ordainketaren multzo nagusien (2. nabeko hezegunean eta aurre lehorketan) parte izan ez arren noizean behin aritzen direnak. Langile horiei ordainduko zaie lanean aritu diren erregistro zehatzari begira. Haien arduradunek kontrolatuko dute erregistroa. Langileak hasiera batean 15 egun arteko plusa pilatuko du hamabi hilabeteko epean, lehen egunetik hasita, eta orduantxe kobratuko ditu 15 egun horiek atzeraeraginez. Hortik aurrera, automatikoki jasoko ditu, kobratzeko eskubidea sortzen duen egun bakoitzean. Nominan sartuta dagoen beste edozein plus aldakor bat bezala kobratuko ditu, hau da, aurreko hilabeteko 16tik nominari dagokion hilabeteko 15a arte.

23. artikulua. Prozesu jarraituko estrusio makinaren plusa:

Plus hori jasoko dute biribilkatze, aurre lehorketa eta hezeguneko lanpostuetan trebatutako eta izendatutako langileetatik N1, N2, N3 eta N4ko prozesu jarraituko estrusio makinak zaintzen dituztenek, konpentsatzeko zaintza eta ikuskatze baldintza berezietan egin behar dutela lan lanpostu horietan, gelditzen ez diren makina horien menpean daudelako. Langile bat trebaturik dagoela joko da baldin eta lanpostu huts teoriko bat betetzen eta hartan aritzen bada artikulu honetan aipatutako lanpostuetako batean.

Gerta daiteke langileren batek hizpide ditugun lanpostu horietako batean betetzea lanaldi osoa baina ez egotea plus hori jasoko duten taldeen barruan (balio anitzeko langileak, esaterako). Horrelakoetan, urtean egindakoaren zati proportzionala jasoko dute (urteko zenbatekoa/urteko lanaldiak).

Tauletan ezarritako zenbatekoa (25 euro/hilean) 12 pagatan ordainduko da, eta prozesu hauetan kenduko da, proportzionalki: aldi baterako ezintasuna (berdin dio horren jatorria arrunta edo lanekoa den), soldatarik gabeko lizentziak, jaiotzagatiko baimena, adingabea zaintzeko baimena eta langilea ezkontzeagatiko lizentzia. Gainera, plus hori ez da osagarritzat hartuko 28. artikuluan jasotako aldi baterako ezintasunaren kasuan.

24. artikulua. Antzinatasuna.

1. Hitzarmen honen aplikazio eremuetako langileek antzinatasuna dela-eta osagarri hau kobratuko dute: bi hirurteko eta hiru bosturteko. Hirurteko eta bosturteko horien zenbatekoa III. eranskinean jasota dago.

Osagarria urtean 508,88 euro gordinekoa izanen da, hirurteko bakoitzeko. Enpresan hamaika eta hamasei eta hogeita bat urteko antzinatasuna lortuz gero, antzinatasun osagarri gisa aurreko kopuru hori bider 4, bider 6 eta bider 8 jasoko da, hurrenez hurren, aipatutako hiru bosturtekoei dagozkien kopuruak, hain zuzen.

Zenbateko horiek lanbide talde eta maila guztietan aplikatuko dira eta urteko hamalau pagen artean hainbanatuko dira.

2. Aurreko hitzarmena sinatu zen egunean (1993ko urriaren 22a) kontratu finkoa zuten langileei, erretiroa hartzen duten edo baliaezintasun iraunkor osoa nahiz erabatekoa deklaratzen zaien egunean galera ekonomikoa izaten badute orduan ezarri zen antzinatasun osagarriaren aldaketaren ondorioz, hau da, ordura arte indarra izan zuen irizpidearen arabera kopuru handiagoa legokiekeen langileei, enpresak diru galera horren %50 ordainduko die, kontratua aipatutako arrazoiengatik, eta ez besterengatik, azkentzen zaienean.

Diru galera horren zenbatekoa honela kalkulatuko da: uko gisa urtero ordaindutako kopuruak batuko dira, lehen aipatutako kontzeptuei lotuta ageriko direnak (70.000 pzta., 1993an) eta batura horri kenduko zaizkio, bosturtekoen kopuruaren arabera, eta 1992an indarra zuten prezioen arabera, ordaindu gabe utzi diren kopuruak.

Aurreko bi paragrafoetako arauak errazago ulertzeko, begiratu aipatutako hitzarmenaren eranskinean dagoen adibidea.

hitzarmen honetan itundutako antzinatasun-osagarriaren zenbatekoak ez daude lotuta KPIarekin.

25. artikulua. Aparteko pagak. Urtean aparteko bi paga ordainduko dira, bata abenduaren 20an eta bestea uztaileko lehen hamabostaldian. Hona eskersari horien zenbatekoa: hogeita hamar eguneko oinarrizko soldata gehi hitzarmeneko plusa eta antzinatasuna.

Urtean zehar enpresan sartu edo enpresa uzten duten langileei paga horiek ordainduko zaizkie, horien zenbatekoa lan egindako egunen arabera hainbanatuz.

26. artikulua. Soldata-igoerak.

1. Aurreko artikuluetan xedatutakoarekin bat, eta kapitulu honen negoziazioaren emaitzaren arabera, urte bakoitzeko soldata-taulak eginen dira eta hitzarmen honi batuko zaizkio, I. eranskin gisa.

Hitzarmenaren indarraldiko urte bakoitzerako itundutako igoera urte bakoitzeko kontsumorako prezioen indize erreala (KPI) izanen da.

Aipatutako soldata-tauletan jasotako zenbatekoak zehazteko, aurreko urteari dagozkionak igoko dira. Bigarrenik, urte bakoitzeko kontsumoko prezioen indize (KPI) errealaren arabera, positiboa bada betiere, soldata-tauletara eramanen da igoera hori. INEk (Estatistika Institutu Nazionalak) zehaztuko ditu indize horiek, urte bakoitzeko abenduaren 31n erregistratuak, aurreko urteko abenduaren 31koekin alderatuz.

EINek KPIaren datua plazaratu eta hurrengo hogeita hamar egunen epean, datua positiboa balitz, soldata-taulak berriz kalkulatuko lirateke eta, batzorde paritarioan onartu ondoren, kalkulatu eta ordainduko lirateke aurreko urteari dagozkion atzerapenak, eta urte horri berari dagozkionak ere bai, halakorik balego.

Era berean, soldata-igoera KPIaren gainetik igotzeko aukera hitzartu da, adierazle-sistema baten bidez ezarritako helburuak betetzearen arabera. Adierazle horiek honako hauek izanen dira:

–Zelulosako metro salgarriak.

–Kolageno gurutzatuko metro salgarriak.

–Zuntzazko metro salgarriak.

Hiru adierazleetako bakoitzari pisu bat emanen zaio, eta urte bakoitzeko ekoizpen-helburuarekin alderatuko da, IV. eranskinean jasotako betetze-eskala ezarriz.

Hiru adierazle horien emaitza, oro har, negatiboa bada, urteko KPIaren soldata-igoera bermatuko da. Emaitza aurrekontuaren berdina edo handiagoa bada, KPIa IV. eranskinean jasotako eskalatuaren arabera igoko da, eta finkagarria izanen da, gehienez ere +%0,65 arte. Ehuneko hori gainditzen bada, kontzeptu ez-finkagarri gisa ordainduko da.

Sistema hori 2026., 2027. eta 2028. urteetan sartuko da indarrean; beraz, 2025. urtean soldata-igoera KPIkoa izanen da.

Sistema horren gardentasuna eta objektibotasuna bermatzeko, enpresa-batzordeak izendatutako hiru kideri emanen zaie adierazle horien informazioa.

Enpresaren eta langileen ordezkarien arteko ohiko bileretan, adierazle horien bilakaerari buruzko informazio-puntu bat egonen da beti.

27. artikulua. Zero istripurako konpromisoaren bonusa. Lan-istripuak murrizteko konpainiaren plan orokorraren barruan, eta planaren barruko beste neurri bat bezala, konpentsazio ez-finkagarri bat ezartzen da Kasedako lantegiko langile guztientzat.

–2026. urtea: Bajadun 20 istripu gehienez, 150 euro gordineko konpentsazioa.

–2027. urtea: Bajadun 10 istripu gehienez, 175 euro gordineko konpentsazioa.

–2028. urtea: Bajadun 6 istripu gehienez, 225 euro gordineko konpentsazioa.

Konpentsazio hori hurrengo urteko lehen hiruhilekoan ordainduko da, istripuen emaitzak ezagutu ondoren.

28. artikulua. Ordainsaria, aldi baterako ezintasunagatik medikuaren baja ofiziala hartzen denean. Enpresak, geroago adieraziko diren baldintzetan, Gizarte Segurantzak gaur egun aldi baterako ezintasunagatik ematen dituen prestazioak osatuko ditu bajaren lehenbiziko egunetik, langilearen ohiko ordainsariaren %100eraino.

Enpresak ez du inolako igoerarik jasanen osagarri hori ordaintzerakoan, lege edo erregelamendu aldaketaren batek Gizarte Segurantzaren gaur egungo sarien egunetan edo ehunekotan murrizketak sortzen baditu ere.

Osagarri hau kobratzeko eskubidea izateko, ezinbestean bete beharko dira aurrerago zehaztuko diren baldintza guztiak, banan-banan. Haietakoren bat betetzen ez bada, enpresak osagarri hau eten edo kentzen ahalko du. Edonola ere, enpresan kontratua bukatu arte mugatuko da haren ordainketa.

Betebeharrak:

1. Lantoki honetako langileen batez besteko absentismo indizearen arabera, eta osagarria ordaindu aurreko 12 hilabeteei dagokienez, honako eskalari jarraituz:

–%0 eta %4,5 arteko absentismoa: %100era arteko osagarria;

–%4,51 eta %5,5 arteko absentismoa: %90era arteko osagarria;

–%5,51 eta %6,5 arteko absentismoa: %80ra arteko osagarria;

–%6,51tik gorako absentismoa: osagarria legez ezarritako ehunekoetara mugatuko da.

Absentismo orduak zenbatu eta katalogatzeko, ez dira kontatuko honako arrazoi hauengatik gertatzen diren absentziak, aldez aurretik behar bezala justifikatzen badira:

–Hitzarmenean araututako lizentziak;

–Amatasun, aitatasun eta edoskitze baimenak;

–Laneko istripua, aurrerago zehazten den 2. apartatuan ezarritakoaren ondorioz sortu ezean;

–Ospitaleratzeak, ebakuntzaren aurrekoak eta ondokoak barne; eta

–Zehapenak.

–Istripu arriskua dela-eta jarduera etetearen ondoriozko absentziak.

–Enpresak berariaz ezarritako moduan baliaezintasun iraunkor osoaren edo erabatekoaren espedientea tramitatzea ituntzen eta sinatzen denean.

–Haurdunaldiko arriskuagatiko edo edoskitzeagatiko aldi baterako ezintasuna, enpresak ezin badu emakume haurduna edo ama lanpostuz aldatu edo haren lanpostua moldatu, eta 10 eguneko epean enpresako zerbitzu medikoak txosten loteslea ematen badu, haurdunaldiko arriskua edo edoskitzea ziurtatzen duena.

Absentismoaren indizea hilero kalkulatuko da zatiketa eginez, hilean galdutako orduen kopurua zatikizun dela, goian adierazitako orduak kenduta, eta kasuan kasuko lantegiaren eta langileen ohiko ordu teorikoen kopurua zatitzailea. Horren berri emanen zaio enpresa batzordeari.

Horregatik guztiagatik, hilabete jakin batean osagarri hau kobratzeak ez du hurrengo edo aurreko hilean hura kobratzeko eskubiderik sortuko, aldi baterako ezintasun prozesu beraren barrenean.

2. Istripuagatiko baja hartzen dutenek osagarria kobratzeko eskubidea izanen dute, salbu eta istripua axolagabekeriagatik, eskura dituen segurtasun jantziak ez erabiltzeagatik edo ezarritako segurtasun eta higiene arauak ez betetzeagatik, gertatzen denean.

Horretarako, segurtasun eta higiene batzordeak lanpostuz lanpostu ezarrita dituen arrisku-definizioak, arauak eta jantzi-esleipenak hartuko dira kontuan. Bestalde, errespetatu eginen dira enpresako zerbitzu medikoak ezartzen ahal dituen salbuespenak, langile batzuek zenbait jantzi erabili beharrik izan ez dezaten.

Halakoetan, aldez aurretik osasun batzordeari jakinaraziko zaio prestazioa ez osatzeko erabakia.

3. Lanera ez joatea berehala jakinarazi beharko da gaitutako telefonora deituta (948 795 313), eta lanera itzultzea ere jakinarazi beharko da. Telefono bidezko komunikaziorik ezarri ezin bada, txandako buruari edo Langileen Departamentuari jakinarazi beharko zaio.

4. Aldi baterako ezintasun prozesuan zehar, gaitza sendatzeko enpresako zerbitzu medikoak ematen dizkion gomendioak bete behar ditu langileak. Salbu eta gaitzari buruzko txostena edo kontrako oharra aurkezten badu, INSSko medikuak emana.

Osagarri hori kobratzeko eskubideari eusteko, gainera, langileak prest agertu behar du enpresaren zerbitzu medikoak erabiltzeko, bere medikuak edo espezialistak eskatutako proba medikoetarako luzaroan itxaron beharrik ez izateko, bakar-bakarrik. Hartara, prest agertu beharko du egiteko Mutuak, Gizarte Segurantzarekin elkarlanean aritzen den entitatea den aldetik, langilearen hobekuntzan, haren diagnostikoan edo egoera patologikoan laguntzeko asmoz proposatzen dituen proba osagarriak, tratamenduak, errehabilitazioa, ebakuntza kirurgikoak edota kontsulta medikoak, baldin eta horretarako berariazko baimena eman badute osasun zerbitzu publikoak eta pazienteak.

Hori dela eta, baja aurkezteko epea akitu aurretik, langileak enpresako zerbitzu medikoari aurkeztu beharko dio aldi baterako ezintasun egoerari buruz hark emandako galde-sorta (diagnostikoa, sendagaiak, kontraindikazioak etab.) Betiere, langileak etxean egon beharko du gaueko 22etatik aurrera.

5. Nolanahi ere, enpresak langilearen egoera ikuskatu eta aurreko baldintza horiek betetzen direla egiaztatzen ahalko du. Horretarako, enpresako zerbitzu medikoko langileak edo VISCOFANek baimendutako langileak haren etxera joaten ahalko dira. Langilea bisita hori hartzera beharturik egonen da.

Datu hauek dituen zerrenda erantsiko zaio enpresa batzordeari hilero ematen zaion absentismoaren gaineko agiriari: ezintasun iragankor egoeran dauden langileen izenak, kontingentzia (gaixotasun arrunta edo lan istripua), alta eta baja agirien datak eta lanpostua. Betiere beteko dira datu pertsonalak babesteari buruzko legezko arauak.

29. artikulua. Likidazioa eta ordainketa. Enpresan indarra duen soldaten ordainagiriaren ereduan eginen da likidazioa, Enplegatuaren Ataririko eredu telematikoan; horretarako, enpresari baimena ematen dio artikulu honek. Soldatak une zehatzetan eta agirien bidez ordainduko dira, langile bakoitzaren kontura egindako transferentziaren bidez. Kontu hori enpresarekin lan egin ohi duten banketxeetako batekoa izanen da; baldin beste banketxe batekoa bada, enpresak ez du inolako erantzukizunik izanen erabaki horrek berekin ekar ditzakeen berandutze edo gastuak direla eta.

Nahiz eta nominen zenbatekoa hil batetik bestera aldatu, enpresak hainbanaketa eginen du, hilero balio berekoak izan daitezen. Hala ere, ezinbesteko aldaketak egonen dira, bajak, aparteko orduak eta bestelakoak direla-eta.

V. KAPITULUA.–LANALDIA, ORDUTEGIA, APARTEKO ORDUAK ETA OPORRAK

30. artikulua. Lanaldia.

1. Hitzarmenak indarra duen bitartean, urtean 1.712 orduko lanaldia itundu da bost txandako langileentzat, eta 1.728 ordukoa plantillako gainerakoentzat. Langile guztiek gutxienez ere 8 ordu izanen dituzte urtean prestakuntzarako.

Lanaldia honela kontatuko da: langileak, hala eguneroko lanaldiaren hasieran nola bukaeran, lanpostuan egon behar du, bere lanari lotuta.

Bost, lau edo hiru txandako lanaldi jarraitua duten langileentzat ezarritako atsedenaldia benetako lan denboratzat joko da.

2. Txanda itxiko lanaldi jarraitua duten langileek egunean 8 lanordu eginen dituzte, ogitartekoa hartzeko legezko denbora barne. Fabrikazio prozesu jarraituaren berezitasunengatik langileek ezin dute lanpostutik alde egin; beraz, lanpostuan bertan atondutako tokian hartuko dute ogitartekoa hartzeko denbora hori, eta horregatik joko da benetako lan denboratzat. Bestalde, enpresak hitz eman du zenbait egunetan ogitartekoa hartzeko zailtasunak dituzten lanpostuetan pertsona bat gehiago jarriko duela, langileek ogitartekorako denbora hartu ahal izateko.

Langile horiek ordua baino lehen egiten ahalko dute txanda aldaketa, hurrengo txandako lankideak lanpostuaren ardura hartuz gero, eta lanpostutik alde egiten dutenean fitxatu beharko dute.

Bost txandako egutegia duten langileek hautapen libreko bi baimen egun arte eskatzen ahalko dituzte urtean, berreskuratu beharrekoak, edo biak eskuratu. Gutxienez bi hilabete lehenago eman beharko dute abisua, eta beherago ezarriko diren gainerako baldintzak bete beharko dituzte. Onarpena jasoz gero, langileek bermatuta izanen dute baimen egun horiek hartu ahal izatea. Egunak eskurat gero,batera erabili behar dira. Enpresak hamabost egun lehenago jakinarazi behar du noiz berreskuratu behar diren egun horiek. Enpresak langilearekin bestelakorik adostu ezean, hartutako baimen egunen ordutegi eta mota bereko egunetan berreskuratuko dira, eta, lana antolatzeko irizpideei jarraituko zaienez, gerta daiteke egun horiek elkarren segidakoak ez diren egunetan berreskuratu behar izatea. Berreskuratu edo eskuratu daitezkeen egunak hartzeko gainerako baldintzak honako hauek dira:

–Ez dira bi baimen baino gehiago ematen ahalko egun, lanpostu eta txanda bererako, pertsona bakarreko lanpostuetan izan ezik. Onarpena emateko, lanpostu horietarako prestatutako langileren bat izan beharko da txanda berean.

–Abiatze egunetan egun bakar bat eska daiteke.

–Ez da baimenik ematen ahalko Aste Santuan (Ostegun Santutik Pazko astelehenera arte), txanden udako oporretan, zubi foralean (abenduaren 3tik 8ra) eta Eguberrietan (abenduaren 24tik urtarrilaren 6ra arte).

3. Heste Tolestuaren Atalean bi txandatan ari diren langileek astelehenetik larunbatera bitarteko goizeko eta arratsaldeko txandak egiten jarraituko dute, urte bakoitzerako ezartzen den lan egutegiaren arabera. Hori horrela izanen da harik eta enpresak astelehenetik ostiralera bitarteko goizeko, arratsaldeko eta gaueko txanden lan sisteman behin betiko sartzen dituen arte (hitzarmen hau sinatzen denetik aurrera enpresak sistema horren baldintzak aldatzeko ahalmena izanen du).

Zelulosazko Heste Tolestuaren Ataleko txandakako lan sisteman, egunean 8 orduko lanaldia eginen da, oraingo atsedenaldiak hartuko dira, eta ordutegiak aurreko idatz-zatian adierazitakoak berak izanen dira. Ogitartekoa hartzeko 15 minutuko atsedenaldia benetako lan denboratzat kontatuko da; eta tolesteko makinen ardura duten langileek, halaber, makina horiek martxan utzi beharko dituzte lanpostutik alde egiten dutenean.

Lanaldi zatitua duten langileen asteko lanaldia astelehenetik larunbatera bitarteko egunetan banatuko da, oporrei buruz itundu den kapituluaren arabera eta urte bakoitzerako ezartzen den lan egutegiari jarraituz.

Enpresaren barne araudian jasorik dauden lan sistemak aplikatuko dira enpresan. Halaber erregelamendu horretan deskribatzen dira sistema horien funtzionamendua eta lotutako lanpostuak.

Barne araudian zenbat lan egutegi definitzen diren, hainbat prestatuko dira urtero.

Txandakako langileek beren txanda beste langile batekin trukatzeko eskubidea izanen dute, askatasunez, batez ere arrazoi pertsonalengatik eta/edo kontziliazioagatik, eta muga bakarrak lanpostu bakoitzeko ezartzen direnak izanen dira, lanpostu eta egun berean gertatzen diren gehiegizko kointzidentziak direla eta. Ezinbestekoa izanen da txanda aldatzeko eskaera telematikoa egitea, arduradunak behar bezala beteta eta onartuta. Gaueko eta/edo jaieguneko plusak benetan lan egindakoen arabera jasotzen dituzten langileen kasuan, benetan lan egitea dagokionari ordainduko zaizkio, bai onartutako egutegiaren arabera, bai enpresak hala aginduta, txanda-aldaketa bat gauzatzearen arabera horiek egin ala ez.

Txanda aldaketa baten ondorioz, Langileen Estatutuaren 34. artikuluaren 3. paragrafoan ezarritako lanaldien arteko gutxieneko atsedenaldia hartu ezin duen langileari irailaren 21eko 1561/1995 Errege Dekretuan legez ezarritakoa aplikatuko zaio. Horren arabera, lanaldien arteko gutxieneko atsedenaldia, hala gertatzen den egunean, gutxienez zazpi ordura murrizten ahalko da, eta aldea oro har ezarritako hamabi orduetaraino konpentsatuko da, egutegiaren arabera ezarritako ondorengo zikloen arteko atsedenaldian.

31. artikulua. Oporrak. Hitzarmen honen eraginpeko langileek, hitzarmenaren indarraldian, hogeita sei laneguneko opor ordainduak izanen dituzte urtean. Beraz, igandeak eta jaiegun ofizialak ez dira opor egun gisa kontatuko.

Oporretako ordainsarian ohiko kontzeptuak sartuko dira, azken nominaren arabera, salbu eta hainbanaturik eta hilero ordaintzen ez diren kontzeptuak.

Langileek urtero ituntzen den lan egutegian aurreikusitako egunetan hartuko dituzte oporrak. Lan egutegia barne araubideko erregelamenduan xedatutakoari jarraituz eginen da.

Oporraldi batekin aldi baterako ezintasun (ABE) prozesu bat egokitzen denean, legez xedatutakoaren arabera jokatuko da.

1. Heste Leunaren atala:

a) Txanda itxia duten langileei dagokienez, txanda berekoek batera hartuko dituzte oporrak, enpresaren barne araudian adierazitako moduan eta urtero ezartzen diren egutegien arabera, erregelamendu horretan adierazitako bi aukerei jarraituz.

Urtero prestatzen den lan egutegiaren barrenean, enpresak erabakiko du zelulosako (estrusio eremua), kolagenoko edo fibrosako plantetako bat urte osoan funtzionamenduan izan edo ez, iraileko produkzioaren geldialdiari helduta.

Ondorio horietarako, zelulosako ataleko langileek alde batetik eta kolagenokoek bestetik ziklo bakoitzerako aukeratutako oporraldi sistema izanen dute, urte osoko bost txandako egutegi bati jarraituz, edo lau txandakoari oporraldian bakarrik, oporrak ordezkatzeagatik sortzen direnean.

Plantei atxikita egon eta barne araudian zehaztuta dauden lanpostuetan aritzen diren langileak, Kasedako herriko festa ofizialekin batera egiten dutenean iraileko geldialdi teknikoa, iraileko hamabi eguneko oporraldi hori agortu aurretik itzuliko dira lanera (erregelamenduan adierazten da zenbat egun lehenago itzuli behar duten), oporraldia bukatu eta biharamunean produkzioa berriz hasi edo normalizatu ahal izan dadin, eta opor egun horien ordez beste batzuk hartuko dituzte urtean zehar, enpresaren eta langilearen arteko idatzizko akordioan finkatuko direnak. Opor egun horiek hartu eta gero irailean lanik egiten ez bada, "pool" egunak bezala berreskuratuko dira. Enpresa beharturik egonen da produkzioaren abiatzeagatik galdutako opor egunen ordezkoak urteko edozein egunetan ematera langile bati gutxienez, baldin langileak egun horiek hartu baino bi hilabete lehenago bederen eskatzen baditu.

Langileak badu eskubidea opor egun horiek beste langile batekin trukatzeko, asteka, baina txanda trukeetarako ezarritako baldintzak bete beharko dira.

Kasedan bizi eta txanda itxian lan egiten duten langileek, herriko festetan lan egitea egokitzen bazaie, eskubidea izanen dute Kasedako herriko festa egun ofizialak eskatzeko opor egun gisa, bai eta bezpera (gaueko txanda) eta haiek bukatu eta biharamuna ere (goizeko eta arratsaldeko txandak). Opor horiek urte bakoitzeko martxoaren 31 baino lehen beharko dira eskatu. Bost (5) egun edo gehiago eskatuz gero, beste horrenbesterekin trukatuko dira bere txandak edo lantaldeak egutegian zehaztuta duen oporraldian edo opor zikloan, eta bada aukera udarako aurreikusitako opor guztiak bere txandari edo zikloari dagokion geldialdiko zazpi egunera aldatzeko. Lau (4) egun edo gutxiago eskatuz gero, langileak aukera du haiek pool bidez berreskuratzeko edota soldata gabeko lizentzia eskatzeko.

b) Heste Leunaren Atal horretako gainerako langileek urte bakoitzerako egiten den lan egutegian ezarritako moduan hartuko dituzte oporraldiak, eta ez dituzte iraileko geldialdiko hamabi egun horiek segidan hartzen ahalko, barne araudian ezartzen diren salbuespenak salbu.

Alabaina, apartatu honetan sartutako langileek, Kasedan bizi badira, oporrak hartzeko eskubidea izanen dute Kasedako herriko festa ofizialetan eta haiek bukatu eta biharamunean.

2. Heste Tolestuaren Atala:

Zelulosazko Heste Tolestuaren Ataleko langileek astebeteko oporrak izanen dituzte irailean, lantokia dagoen herriko jaietan.

Egutegian Kasedako instalazioak gelditzeko ezarrita dauden egunetan mantentze lan bereziak egin behar direnez, atal honetan lanaldi zatitua duten langile guztiek edo haietako batzuek, enpresak izendatutakoek, beste opor egun batzuk hartuko dituzte egun horien ordez.

Atal honetako langile bakoitzak, gutxienez 48 ordu lehenago eskatuz gero, gehienez hiru opor egun aldatzeko eskubidea izanen du, baldin eta txanda bereko bi pertsonak baino gehiagok ez badute egun bera hartzen. Horrez gain, barne araudian abendurako ezarritako murrizketa errespetatuko da.

Aurrekoaz gain, langile horiek udako opor egunak trukatzen ahalko dituzte beren artean, barne araudian adierazten den moduan.

Atal honetan lanaldi zatitua duten langileetako batzuek, opor egun indibidualak hartzerakoan, txandetako baterako finkatuta dauden opor egunak hartuko dituzte, eta gainerako langileek, berriz, beste txandako opor egunak hartuko dituzte.

Langile horiek, halaber, egun osoetan metaturik hartuko dituzte konpentsaziozko ordu baliokideak. Eta egun horiek ere astetan metatuko dituzte, horrela metatzen ahal diren heinean.

Kasedan bizi eta Kolagenozko Heste Tolestuaren Atalean hiru txandatan lan egiten duten langileek eskubidea izanen dute Kasedako jai ofizialetan eta jaiak akitu ondoko egunean oporrak eskatzeko, baldin eta gutxienez 30 egun lehenago eskatzen badute. Opor egun horiek aldatzeko beharrezkoa izanen da enpresaren onarpena. Egun horietan lana hobeki antolatze aldera, baliteke enpresak doiketak egin behar izatea, nahitaez, txandetan, lanpostuetan edota gaueko laneko plusetan. Horrelakoetan, 15 eguneko aurrerapenaz emanen die abisua ukitutako langileei.

32. artikulua. Aparteko orduak. Langabezia egoerak lanik ez duten pertsonei sortzen dizkien arazoez jabeturik, bi aldeek uste dute aparteko orduak egiteko ohitura ezabatzea helburu duen elkartasunezko gizarte politikak ondorio onuragarriak ekartzen ahal dituela. Hori dela eta, hauxe erabaki dute:

a) Ezbeharrak edo bestelako kalte ezohiko eta premiazkoak konpondu behar direnean eta, orobat, lehengaiak galtzeko arriskua dagoenean, aparteko orduak eginen dira.

b) Ustekabeko eskaerengatik, puntako ekoitzaldiengatik, ustekabeko absentziengatik, txanda aldaketengatik edo egiturazko bestelako gorabeherengatik behar diren aparteko orduak mantenduko dira, Betiere, legeetan aurreikusiriko kontratazio modalitateak erabiliz ezin ordeztu badira.

Langileak aukeran izanen du aparteko orduak kobratzea edo konpentsazio egunak hartzea. Aparteko orduak egin izanaren frogagirian jarriko du zer aukeratu duen, eta, konpentsazio egunak aukeratu baditu, zein egun eskatzen dituen. Egun horiek aparteko orduak egiten diren urte berean hartu behar dira. Langileak geroago ere eskatzen ahalko ditu konpentsazio egunak, edo aukeratu dituenak aldatu.

Langileak konpentsazioa aukeratuz gero, enpresak zehaztuko du aparteko orduak konpentsatzeko egunak noiz hartuko diren, eta, kasu horretan, 1,75 ordu emanen dira aparteko ordu bakoitzeko. Enpresak langileari gutxienez astebete lehenago jakinaraziko dio noiz izanen diren konpentsazio egunak.

Langileari eskatu dituen konpentsazio egunak ematen zaizkionean, konpentsazio denbora aparteko orduen baliokidea izanen da, hau da, ordu bat emanen da egindako aparteko ordu bakoitzeko. Ordu horiek egun batean edo gehiagotan metatzen ahalko dira, baina ez dira dagozkien egunetan baino gehiagotan banatzen ahalko. Aparteko orduen konpentsazioan eskatu dituen egunen inguruko erantzuna gutxienez zazpi (7) eguneko aurrerapenaz emanen zaio langileari.

Langileak aparteko orduak kobratzea aukeratzen badu, 1,5 ordu ordainduko zaio aparteko ordu bakoitzeko.

Aparteko orduak lanaldi arruntaren hasieran edo hondarrean egiten badira, lanaldiaren jarraipen gisa eta etenik gabe, egindako aparteko ordu bakoitzeko bi ordu ordaindu edo konpentsatuko dira.

VI. KAPITULUA.–JOAN-ETORRIAK, LIZENTZIAK, ESZEDENTZIAK ETA BESTE

33. artikulua. Lizentziak.

1. Honako egoera hauetan, langileak baimena izanen du denbora batez lanera ez agertzeko, ordaindua izateko eskubidea galdu gabe, baldin aldez aurretik abisatu eta justifikatzen badu:

a) Ezkontzea edo Izatezko Bikoteen Erregistroan inskribatzea: 18 egun natural. Lehenengo eguna ezkontzaren bezperan edo ezkontzaren egunean hartuko da, langileak hautaturik.

Lizentzia hori eta lantokiko opor kolektiboak edo langilearen txandakoak aldi berean gertatzen direnean, opor horiek zenbatzeari utziko zaio, eta derrigorrean hartuko dira lizentzia akitu ondoko lanegunetan.

Opor egunen kopuru bera emanen da, urte horretako lan egutegian erabili den modu berean.

Langileak eskatuz gero, enpresak opor egunak aldatzeko aukera aztertuko du, haiek lizentzia horren ondoren hartzeko.

b) Ezkontidearen edo izatezko bikotekidearen heriotza: zazpi egun natural. Eta bost egun natural, langilearen seme-alabaren bat hiltzen bada.

c) Langilearen guraso edo senide baten heriotza: hiru egun natural.

d) Langilearen edo ezkontidearen edo izatezko bikotekidearen aitona, amona, biloba, guraso edo senideren baten heriotza: bi egun.

e) Langilearen osaba-izeba, lehengusu-lehengusina edo iloba propioren baten edo ezkontidearen edo izatezko bikotekidearen osaba-izeba propioren baten heriotza: egun bat, hileta egiten denean edo zerraldoa eramaten denean.

f) Bost egun, istripu nahiz gaixotasun larriagatik, ospitaleratzeagatik nahiz etxean atseden hartzea eskatzen duen ospitaleratzerik gabeko ebakuntza kirurgikoa jasan behar badu langilearen ezkontideak, legalki aitortutako izatezko bikotekideak edota odolkidetasuneko nahiz ezkontza ahaidetasuneko bigarren mailarainoko senide batek (izatezko bikotekidearen odolkidetasuneko senideak barne) edo langilearekin etxe berean bizi den eta zaintza behar duen beste edozein pertsonak.

g) Langilearekin bizi diren lehenengo ahaidetasun-mailako ahaideekin ospitaleko larrialdietara joateko ezinbesteko denbora, betiere aurreko bi lizentzietako bat egokia ez denean eta ustekabeko eta presako egoerak direnean. Lizentzia bakarrik emanen da bi ezkontideek edo izatezko bikoteak VISCOFAN enpresan aldi berean lan egiten dutenean, eta bati baizik ez zaio emanen, Edo langilearen seme edo alaba batekin joan behar denean. Kasu horretan langileak eta ezkontideak izanen dute lizentzia eskuratzeko eskubidea, biek enpresan lan egiten duten kontuan hartu gabe.

h) Lankidearekin bizi diren ezkontide edo seme-alabak erradio edo kimioterapiako saioetara lagundu beharrak direnean, urtean hiru egun natural gehienez, tratamenduko saioen iraupenaren arabera banatu daitezkeenak, urtean 24 orduren baliokidea den kopururaino. Seme-alabei lagun egiten zaienean; aitak eta amak VISCOFANen lan egiten badute, bietako bati bakarrik emanen zaio.

i) Gizarte Segurantzako espezialistaren kontsulta medikora joateko langileak behar duen derrigorrezko denbora, familiako medikuak agindurik. Posible bada eta komeni bada lana urrutitik egitea, lanaldiaren gainerako zatia modalitate horretan egin ahalko da, dagokion arduradunak horretarako baimena eman ondotik.

Txandako ordutegia duten langileen kasuan ere emanen da, kontsulta hori nahitaez berehala (zazpi egun baino lehenago) egin behar dela agindu bada edo data aldatzeko eskatu eta epea gehiegi luzatzen bada, familia medikuaren eta enpresako osasun zerbitzuen ustez. Enpresaren ustez, Gizarte Segurantzak proposatutako hitzordua adosteko edo aldatzeko ezintasunik edo zailtasun nabaririk dagoenean ere emanen da, hala nola, gaur egungo egoeran, non espezialista batzuen hitzorduak gutun bidez adierazten diren. Alde horretatik, postaz egindako lehenengo hitzordurako lizentzia emanen zaio, adierazitakoaren arabera.

Gainerako egoerei dagokienez, langileek txanda aldatzeko eskatzen ahalko dute; nolanahi ere, kasu horretan beren lanaldiarekin bat etor daitekeen denbora lizentziatzat joko da.

j) Langilearen edo ezkontidearen edo izatezko bikotekidearen guraso, seme-alaba edo senideren baten ezkontza: egun natural bat, ezkontzaren eguna bera. Orobat, langilearen seme edo alabaren baten lehenengo jaunartzea ospatzeko.

Langilearen gurasoen, seme-alaben edo anai-arreben ezkontzarako, ezkontzaren eguna eta gaueko txandaren eguna bera direnean eta ezkontza goizean ospatzen denean, aurreko egunera luzatuko da.

k) Ohiko bizilekua aldatzea: egun bat.

l) Nahitaezko eginbehar publiko eta pertsonal bat betetzeagatik, behar-beharrezkoa den denbora.

m) Langileak eskubidea izanen du ezinbesteak eraginik lanera joan gabe gelditzeko, baldin eta ahaideekin edo bizikideekin zerikusia duten premiazko familia-arrazoiengatik sortzen bada halabehar hori edo berehala bertaratzea eskatzen duen gaixotasun edo istripuren bat gertatzen bada, indarrean dagoen araudiaren arabera.

Hitzarmena indarrean dagoen bitartean, bi alderdiek konpromisoa hartzen dute arrazoiak tipifikatzeko, betiere gai horrekin lotutako jurisprudentzia nahikoa badago.

Gaixotasun bat larritzat hartzeko, horrela agertu beharko du medikuaren frogagirian, hark propio horretarako emandakoan, eta agiri horrek enpresako osasun zerbitzuaren sinadura eraman beharko du. Orobat, gaixotasun edo istripu bat dela medio, gutxienez ere 24 orduko ospitalizazioa eskatzen dutenak, edo erabateko anestesia behar duten ebakuntzak direnean. Kasu horietan, ematen diren lizentzia-egunak ez dira ospitaleratze-aldikoak baino gehiago izanen.

Ospitaleratu ondoren pazienteak etxean atseden hartu behar badu, medikuak berariaz aginduta, aplikatu beharreko jurisprudentzian ezarritakoaren arabera luzatuko da lizentzia, baita legezko gehienekora arte ere.

b), c) eta e) apartatuetan aipatutako baimenak eta lizentziak egun natural bat gehiagoz luzatzen ahalko dira, baldin eta horietarako 250 km-tik gorako bidaia egin behar bada lantokitik helmuga den tokiraino, bai eta enpresaren ustez luzatzea justifikatuta dagoenean ere, garraiobideak direla eta, ordaindutako lizentziaren egunen baturak bete ditzan Langileen Estatutuan ezarritako gutxieneko kopuruak. d) apartatuan ezarritako baimenak legez araututakoaren baliokideak dira eta, horrenbestez, aipatu legedia aplikatuko zaie, hau da, bi egun gehituko zaizkie baldin tokiz aldatu beharra badago. Horrekin batera, langilearen ezkontidea, seme-alabaren bat, guraso edo senideren bat atzerrian hilez gero, handik hona ekartzeko izapideak egin behar izanik, egun natural bat gehiago emanen zaio; era berean, ezkontidea edo seme-alabaren bat atzerrian ospitaleratu behar izan direnean, handik hona ekartzeko izapideak egin behar izanez gero.

Lizentzia eta baimen horiek hartu aurretik eskatu beharko dira, eta idatziz horretarako baimena eman ondoren hartuko dira; lizentziaren erabileraren eta hori arrazoitzen duten gertaeren artean zentzuzko hurbiltasuna egon beharko da. Interesdunak frogagiri egokia aurkeztu behar du eskaera egiten duen unean edo, beranduenik ere, lanera itzultzen den egunean. Eskakizun horiek bete ezean, enpresak lizentzia hartzea edo aitortzea uka dezake.

Hemen jasotako lizentziak ez dira inola ere Langileen Estatutuan jasotakoak aplikatzetik ondorioztatzen direnak baino txikiagoak izaten ahalko.

2. Langileen Estatutuak bederatzi hilabete baino gutxiagoko seme edo alaba edoskitzeari buruz onartzen duen lizentziari dagokionez, bi gurasoek edoskitze-denbora legez xedatutakoaren arabera hartzea erabakitzen ahalko dute.

Kasu bakoitzerako, langilea lanean hasten denetik adingabeak bederatzi hilabete bete arte benetan lan egindako egunen kopurua zehaztuko da, asteko atsedenaldia, jaiegun ofizialak eta oporrak kenduta, bai eta amatasun/aitatasun lizentzietako beste edozein aste ere. Benetan lan egindako egunak dira beti. Lanegun bakoitzeko, ordubete dagokio.

Hala, guztizko orduak zehaztu ondoren, langileak bere egutegiaren arabera ematen dituen eguneko lanorduekin zatituko da, eta horrela, metatu beharreko edoskitze-egunen kopurua lortuko da.

Horrela kalkulatutako emaitza zortzi laneguneko iraupen bakarrarekin ordezten ahalko da, langilearen aukeran.

Haur baten baino gehiagoren jaiotze, adopzio edo harreran edo adopzioan hartzeko zaintzaren kasuetan, lizentziaren iraupena modu proportzionalean handituko da.

3. Artikulu honetako kasu guztietan lizentzia ordaindua hartzeko eskubidea aitortuko zaie bai ohiko senar-emazteei, bai edozein eremu geografikotan sortzen ahal diren erregistro publikoetan legez erregistratutako izatezko bikoteei, LGTBI bikoteak barne, bai, halako erregistrorik izan ezean, batera egiletsitako notario-eskritura publiko baten bidez egiaztatzen diren bikoteei. Nolanahi ere, lizentzia hartzeko ezarri diren eskakizunak betetzen direla frogatu beharko da enpresaren aurrean, dokumentu fede-emaileen bidez frogatu ere.

4. Berreskuratu beharreko baimenak: Aldez aurretik abisatu eta justifikatuta, ondoko kasu hauetan ere lanera ez joateko baimena emanen dio enpresak langileari:

–Kontsulta mediko partikularretara joateko, behar-beharrezkoa den denbora soilik hartuta.

–Osasun sare publikoko espezialisten kontsultara edo proba medikoetara joateko, lehenengo graduko familiarrei laguntzen, behar den denbora doia hartuta. Familiar horiei zentro pribatuetako kontsultara laguntzeko, egun osoko baimena bakarrik eska daiteke.

–Osaba-izebaren baten ezkontidea hilez gero, haren hiletara joateko, orduan ere egun osoko baimena eska daiteke.

–Lehen aipatutako heriotza edo ospitaleratzea atzerrian izanez gero, bi egun osorainoko baimena eska daiteke.

Enpresak gutxienez ere zazpi egun natural lehenago jakinarazi behar du noiz berreskuratu behar diren egun horiek guztiak. Hartutako baimen egunen ordutegi eta mota bereko egunetan izanen dira, lanegun osoz, enpresak langilearekin bestelako akordiorik egin ezean. Urtero, urriaren 31n, balantze bat eginen da, urteko itzulketa antolatzeko. Gorantz biribiltzeko aukera izenen da berreskuratu beharreko orduen kopurua edo gainerakoa 6 ordukoa edo gehiagokoa bada. Kasu horretan, lanaldi oso bat (8 ordu) berreskuratzen ahal da, eta aldea enpresak zor dituen orduetara igaroko da. Ezin da berreskurapenik egin Aste Santuan (Ostegun Santutik Pazko astelehenera arte), zubi foralean (abenduaren 3tik 8ra) eta Eguberrietan (abenduaren 24tik urtarrilaren 6ra arte).

5. Legezko zaintza, adingabea zaintzeagatik: Langileen Estatutuak 37. artikuluan eskubidea ematen du eguneko lanaldia murrizteko, soldata horren arabera murriztuta, gutxienez ere lanaldiaren zortziren batean eta gehienez ere erdian, baldin langileak zuzenean zaindu behar badu 14 urte baino gutxiagoko semea edo alaba.

6. Lanaldia murriztea, iraupen luzeko ezintasun iragankorren prozesu zehatz batzuen ondotik: Gerta daiteke langile bat ezintasun iragankorreko prozesu luze batean egotea, 6 hilabete baino gehiagokoa, minbiziagatik edo lanbideko kontingentziengatik. Horrelako prozesu baten ondotik lanean berriz hasten den langileak %25 murriztu dezake eguneko lanaldia lehen hilabetean, enpresaren kontura. Horrelakoetan, enpresak finkatuko du eguneko ordutegia, antolakuntza beharren arabera.

34. artikulua. Soldatarik gabeko lizentziak. Langileek, kontratazio mota gorabehera, soldatarik gabeko lizentzia eskatzen ahalko dute hilabete baterako edo bi hilabeterako, artikulu honetan aipatutako arrazoi edo beharrizanengatik. Eskaera aurkezten duten egunean enpresan urtebete eman ez duten langileek ere lizentzia hori eskatzen ahalko dute, baina bakarrik hurrengo paragrafoan adierazitako beharrizanei edo antzekoei aurre egiteko. Soldatarik gabeko lizentzia horiek hartu baino hamabost egun lehenago eskatu beharko dira.

Lizentzia hori beharrizan pertsonal arrazoitu eta larriei (senitartekoak zaintzea etab.) erantzuteko emanen da. Beharrizan horiek ez dira inoiz izanen norberaren edo inoren kontura inolako lan edo lanbide jarduerarik egiteko; izan ere, horretarako erabiliz gero, lizentziarekin bermatzen den eskubidea, lanean berriro hastekoa, galduko litzateke. Kasu horietan langileak egoera hori luzatzean eskatzen ahalko du, hilabete gutxienez eta lau hilabete gehienez. Luzapen hori eszedentzia agortu baino gutxienez zazpi egun lehenago eskatu beharko da.

Enpresan gutxienez urte bateko jardunaldia egina duen langileak eskatzen ahalko ditu, opor arrazoiengatik:

A.–Irailean geldialdi teknikoa duen Heste Leunen ekoizpen nabe bati atxikita egonez gero, eta urte osoan bost txandako lan sistema edukiz gero, soldatarik gabeko zazpi (7) eguneko lizentzia bat, lan ziklo batekin bat datorrena. Lizentzia hori oporraldian hartzen ahalko dute (koloretako egutegia), funtzionatzen ari diren makinen arabera:

N1 edo N2:

–3 makinarekin, zelulosazko estrusio nabe bakoitzeko: 9 pertsona eguneko, gehienez ere, hau da, pertsona bat txandako eta lanpostuko. Egunean beste pertsona batek ere hartzen ahalko du, baldin lanpostua zelulosazko aurre lehorketakoa bada.

–2 makinarekin, zelulosazko estrusio nabe bakoitzeko: 7 pertsona eguneko, gehienez ere, hau da, pertsona bat txandako eta lanpostuko. Egunean beste pertsona batek ere hartzen ahalko du, baldin lanpostua zelulosazko aurre lehorketakoa bada.

–Makina batekin, zelulosazko estrusio nabe bakoitzeko: 5 pertsona eguneko, gehienez ere; hau da, pertsona bat txandako eta lanpostuko. Egunean beste pertsona batek ere hartzen ahalko du, baldin lanpostua zelulosazko aurre lehorketakoa bada.

N3:

–5 pertsona eguneko, gehienez ere; hau da, pertsona bat lanpostu eta txanda bakoitzeko.

N4 Zelulosazkoa:

–5 edo 4 modulukoa: 6 pertsona eguneko, gehienez ere; hau da, pertsona bat lanpostu eta txanda bakoitzeko.

–3 edo 2 modulukoa: 4 pertsona eguneko, gehienez ere; hau da, pertsona bat lanpostu eta txanda bakoitzeko.

–Modulu batekoa: 3 pertsona eguneko, gehienez ere; hau da, pertsona bat lanpostu eta txanda bakoitzeko.

N4 Fibrosa:

–2 modulukoa: 4 pertsona eguneko, gehienez ere; hau da, pertsona bat lanpostu eta txanda bakoitzeko.

–Modulu batekoa: 3 pertsona eguneko, gehienez ere; hau da, pertsona bat lanpostu eta txanda bakoitzeko.

Gehieneko kopuru horietarako ez dira zenbatuko laborategiko, mantentze-lanetako eta baterako sorkuntzako lanpostuak.

Soldatarik gabeko lizentzia horiek urte bakoitzeko otsailaren 28a baino lehen eskatuko dira, eta harrera-ordenaren arabera emanen dira, berehalako erantzuna emanez.

Kolektibo horrek, otsailaren 28aren ondoren, soldatarik gabeko beste bi lizentzia-egun eskatzen ahalko ditu, bi hilabete lehenago jakinarazita. Egun horiek gaueko eta asteburuko txandan hartuz gero, lizentzia beste egun batera luzatuko da.

Egun horiek txandakako langileen oporralditik kanpo hartzen ahalko dira, Aste Santuan (Ostegun Santutik Pazko astelehenera), zubi foralean (abenduaren 3tik 8ra) eta Gabonetan (abenduaren 24tik urtarrilaren 6ra) izan ezik.

B.–Baldin atxikirik badago irailean geldialdi teknikorik ez duen Heste Leunen lanpostu bati, eta urte osoan bost txandako lan sistema edukiz gero, soldatarik gabeko zazpi (7) eguneko lizentzia bat, lan ziklo batekin bat datorrena; edo lau (4) edota hiru (3) egunekoa, lan ziklo bat zatitzeko. Lizentzia hori oporralditik kanpo har dezakete (koloretako egutegia) hamar pertsonak eguneko, gehienez ere; hau da, pertsona batek txanda eta lanpostu bakoitzeko, honako muga hauekin: Zelulosazko fabrikazio eremuan 6 pertsona eguneko, kolagenozko fabrikazio eremuan 2 pertsona eguneko eta fibrosazko fabrikazio eremuan 2 pertsona eguneko, hala izanen da baldin eta zelulosako makina guztiak martxan mantentzen badira; hau da, M-1etik M-7ra (3 makina) eta M-30etik M-34ra (5 modulu). Lizentzia eskatzeko epealdian geldirik dagoen zelulosako makina edo modulu bakoitzeko pertsona batean murriztuko da lizentzia hori har dezaketen zelulosako langileen kopurua. Aldiz, gehitzen den zelulosako makina edo modulu bakoitzeko pertsona batean handituko da lizentzia hori har dezaketen zelulosako langileen kopurua. Gehieneko kopuru horietarako ez dira zenbatuko aurreko apartatuan aipatutako lanpostuak. 7 egun eskatuz gero, ez dira eskatzen ahalko Aste Santuan (Ostegun Santutik Pazko igandera arte). 3 edota 4 egun eskatuz gero, ez dira izaten ahalko Aste Santuan (Ostegun Santutik Pazko astelehenera arte), zubi foralean (abenduaren 3tik 8ra) eta Eguberrietan (abenduaren 24tik urtarrilaren 6ra arte). Soldatarik gabeko lizentziak otsailaren 28a baino lehen eskatuko dira (edo hilabete lehenago, baldin egun hori baino lehenagorako eskatzen badira) eta jasotako hurrenkeran emanen dira.

C.–Langilea txandakako sistema bati atxikia bada (bost txandakoa ez denean), soldatarik gabeko lizentzia bat, lan ziklo batekin (normalean, bost –5– egun) bat datorren egun kopuru baterako, lizentzia baliatzen ahal duela bere opor egutegitik kanpo, gehienez langile bat eguneko eta egutegiko. Kanpoan dira Aste Santua, zubi forala eta Eguberriak.

D.–Langilea atxikia bada lanaldi zatituko lan sistema edo egutegi bati, lan-aste bateko (normalean, bost –5– egun) soldatarik gabeko lizentzia, edonola ere errespetatuz departamentu bakoitzean erabiltzen den opor-arautegia.

Aurreko paragrafoetan arautu bezala, opor arrazoiengatik soldatarik gabeko lizentzia eskatzen denean, horren berri edukiko du enpresa batzordeak.

35. artikulua. Eszedentziak.

1. Enpresan kontratu mugagabea eta urtebeteko antzinatasuna daukan edozein langilek eskubidea izanen du jarraian ezartzen diren eszedentziak eskatzeko eta onar dakizkion, lanpostua gordeta, baldin eta inoren kontura lan egiteko edo eszedentziarako eskubidea sortzen duen arrazoia ez den beste xede baterako erabiltzen ez baditu. Kasu horretan lanean berriro hasteko eskubidea galduko luke eta lan kontratua azkenduko litzaioke.

Onartutako eszedentzien iraupena ez da zenbatuko enpresako antzinatasunaren eta lanean emandako urteen ondorioetarako, legez ezarritakoa salbu.

A) Oporretarako eszedentzia laburra.–Hartu baino bi hilabete lehenago eskatu beharko da. Eszedentzia hori hilabeterako edo bi hilabeterako emanen da. Egoera hori luzatzen ahalko da, hilabete gutxienez eta lau hilabete gehienez. Luzapen hori eszedentzia akitu baino gutxienez zazpi egun lehenago eskatu beharko da.

B) Borondatezko eszedentzia berezia.–Hartu baino bi hilabete lehenago eskatu beharko da, eta urtebeterako edo bi urterako emanen da

Bi eszedentzietako edozein emateko, egoera horietan dauden pertsonen kopurua ere kontuan hartuko da. Gehienez ere, lantegiko plantilla finkoko %2,5ek eskuratuko dute eszedentzia aldi berean, eta lantegi bakoitzean gutxienez 5 langile egon beharko dira. Era berean, gehienez ere lanpostu eta lantegi bereko hiru langilek baizik ez dute eszedentzia batera eskuratzen ahalko.

Eszedentzia horietako bat eskuratuz gero, bi urte igaro arte langileak ez du izanen eszedentzia hori berriro eskuratzeko eskubiderik. Eszedentziak banan-banan hartuko dira kontuan.

2. Seme-alaben jaiotzagatiko eszedentzia.–Seme edo alaba bat jaio eta hura zaintzeko eszedentzia eskatzen denean, lanpostua gordetzeko eta antzinatasuna zenbatzeko eskubidea onartuko zaio langileari lehenengo hiru urteetan, seme edo alaba bakoitzarengatiko kontratuaren etenaldia akitzen den egunetik aurrera zenbatuta.

Modalitate horietaz gain, langileak eskubidea izanen du legez aurreikusitako gainerako eszedentziak eskatzeko (borondatezko eszedentzia eta nahitaezkoa), eta horien tratamendua goian xedatutakoaren bidez arautuko da. Hartu baino bi hilabete lehenago eskatu beharko dira beste eszedentzia mota horiek.

Artikulu honetan aipatutako eszedentzia guztiei dagokienez, lanean berriro hasteko eskaera aurkeztu beharko da eszedentzia bakoitzerako ezarritako epean, edo, horrelakorik ezean, hilabete lehenago, eta hala egiten ez bada kontratua azkenduko da.

Halaber, artikulu honetan aipatutako eszedentzia guztiei dagokienez, langileak, eszedentzia hasitakoan, eszedentziaren akabera aurreratzen ahalko du. Horretarako ere hilabete lehenago jakinarazi beharko du, lanean berriro hasteko.

Batzordeak eskubidea du enpresak ematen dituen eszedentzia egoerez informazioa jasotzeko.

36. artikulua. Saria bost txandako (5T) sisteman egoteagatik. Bost txandako lan sisteman esleituta egonda hamabost (15) urtetik gora, jarraian edo hainbat alditan, daramaten langileek egun bat hartzeko eskubidea izanen dute sistema horretan lan egindako urte bakoitzeko atsedenaldi gisa edo erretiro eguna aurreratzeko sari gisa; betiere, hamabi (12) hilabetez gutxienez ere arituak izan beharko dute lanean egun horren aurreko hamar (10) urtean.

Azken baldintza hori betetzetik salbu daude sistema horretan lanean hamabost urte baino gehiago eramanik, medikuaren aginduz (enpresan indarra duen prebentzio zerbitzua) hari uko egin behar izan diotenek. Orobat, langilearen nahiarekin zerikusirik ez duten antolaketa arrazoiengatik uko egiten bazaio, non ez dion enpresak hamabi (12) hilabetez bost txandatan lan egiteko betebeharra eskatzen, erretiroa hartu aurreko hamar (10) urtean, antolaketa arrazoiengatik hori ere.

Modu hauetako baten bidez hartzen ahalko ditu dagozkion atseden egun guztiak edo sortutako egonaldi saria:

A. Erretiroa hartu aurreko egunetan, ahal dela;

B. Urteko lanaste oso bat, erretiroa hartu aurreko urteetan (5R adibidea: sortutako 21 egun, erretiroa hartu aurreko 3 urteetan 7 eguneko zikloa urtean). Banaketa horren arabera atera litezkeen gainerako egunak erretiroa hartu aurreko egunetan izanen dira;

C. Enpresan hogeita bost urteko antzinatasuna izanez gero, urteko lanaste oso bat.

Baimen hori otsailaren 28a baino lehen eskatuko da (edo hilabete lehenago, egun hori baino lehenago hartuko bada).

VII. KAPITULUA.–SEGURTASUNA ETA HIGIENEA

37. artikulua. Segurtasun- eta osasun-batzordea.

1. Prebentzio ordezkariak.–Prebentzio ordezkariei Prebentzioari buruzko 31/1995 Legearen 37. artikuluan ezarritakoa aplikatuko zaie. Langileen ordezkariak diren aldetik, langileen ordezkariek berek hautatuko dituzte beren artean.

Prebentzio delegatuen garrantzia kontuan harturik, enpresak horiek trebatzeko beharrezkoa dena sartuko du bere prestakuntza programetan, lehenik, oinarrizko prestakuntza emanez. Oinarrizko prestakuntza horren edukia Prebentzio Zerbitzuei buruzko indarreko Erregelamenduaren IV. eranskineko artikuluetan xedatutakoa izanen da.

Arrazoi horregatik beragatik, hamazazpi (17) kideko enpresa batzordea izateagatik dagozkion prebentzioko lau ordezkariez gain, beste bat izendatu daiteke.

2. Bileretara joatea.–Segurtasun eta Osasun Batzordeak bere egitekoa hobeki betetzeko egokitzat jotzen dituen barneko funtzionamendu-arauak ezarriko ditu Arau horien barnean, bai zuzendaritzaren ordezkariek bai prebentzio arduradunek proposa dezakete zenbait egunez beste pertsona batzuk joatea ohiko bileretara, horretarako beren eskaera behar bezala justifikaturik eta bilerak egin aurretik proposaturik. Segurtasun eta osasun batzordeak eskaera horiek onartzeko irizpideak ezarriko ditu.

3. Kreditu gehigarria: Kasedako lantokiko prebentzioko ordezkariek hilean bost orduko kreditu gehigarria izanen dute, hamazazpi (17) kideko enpresa batzordea eratzeko unean legez dagozkienen gainetik. Ordezkari sindikalei ere aplikatuko zaie, baita kasu berean aplikatu ere, enpresan prebentzio jarduerak egiten dituztenean eta horietan parte hartzen dutenean.

38. artikulua. Baldintza bereziak dituzten eremuak. N1 eta N2 Hezeguneko taldeburu edo laguntzaile lanpostua esleitua duten edo gauzatzen duten langileek dutxatu egin beharko dute lanaldi bakoitzaren ondoren, kimikoki deskontaminatuta daudela bermatzeko. Denbora hori lanaldi gisa zebatuko da, eta urtero konpentsatuko da pool lanaldi batekin. Konpentsazio hori jasotzeko, nahitaezkoa izanen da aurreko urteko lanaldiaren %80 bertan ematea.

Aurreko paragrafoan ezarritakoa aplikatuko zaie, halaber, N1 eta N2 Balio Anitzeko Lanpostura esleitutako langileei. Kasu horretan, nahitaezkoa izanen da aurreko urteko lanaldiaren %50 ematea nabe horietako hezeguneetako lanpostuetan. Zenbaketa hori egiteko, behar diren kudeaketa mekanismoak ezarriko dira.

Hitzarmen honen indarraldiaren lehen urtean sortuko da hurrengo urteko konpentsazioa.

39. artikulua. Suhiltzaile eta sorosleen taldea. Talde horrek enpresaren barnean eraginkortasunez lan egitea komenigarria dela ikusirik, orain dagoen taldea mantendu eta hobetu eginen da. Lan-osasuneko batzordeak taldeko kideen kopurua eta kideen banaketa proposatuko ditu une bakoitzean.

Aseguru poliza berezia eginen da suhiltzaileen taldeko kideentzat, eta indarra duen funtzionamendu erregelamenduari eutsiko zaio; erregelamenduan ezarria dagoenez, urtean diru kopuru jakin bat jasoko da pizgarri gisa, erregelamenduan ezarritako betebeharrak eta eginkizunak betetzeko.

Urtean 6 hilabete baino denbora luzeagoan joan ez bada lantegira eszedentziagatik, soldatarik gabeko lizentziagatik edo aldi baterako ezintasunagatik, enpresak eskubidea izanen du osagarritik edo pizgarritik zati proportzionala kentzeko.

Itundutako soldata tauletan agertuko da diru kopuru hori, eta jarraian adierazten den zenbatekoa izanen da 2025. urterako. Hala ere, urtero berrikusiko da, itundutako soldata igoeren ehuneko berean:

• 787,82 euro gordin urtean, suhiltzailearentzat
• 591,31 euro gordin urtean, soroslearentzat.

Suhiltzaileen prestakuntza 16 ordukoa izanen da.

40. artikulua. Laneko jantziak. Enpresak langileei emanen dizkie lanerako behar dituzten jantziak.

Arropa beharrizan horiek enpresako Lan Osasuneko Batzordeak zehaztuko ditu une bakoitzean, lanpostuz lanpostu, bai eta arropen kopurua eta mota ere.

41. artikulua. Elikagaien higieneari buruzko arauak. Elikagaien industrian egunetik egunera hobetzen ari dira lehiakortasun eta osasungarritasun mailak. Enpresa hau elikagaien industriaren laguntzailea edo hornitzailea den aldetik, garrantzi handikoa da, bi aldeen ustez, egoera horren ondorioz sortzen diren eta enpresa honetako plantillari zuzenean eragiten dioten eskakizunak kontuan hartzea eta arautzea.

Hori horrela, enpresak informazio osoa eman behar die langile guztiei, eta hartu izanaren agiria eskatu, aplikagarriak eta bete beharrekoak diren baldintzak jakinarazteko: legeak aginduta edo ezarritako arauak aplikatuta (Tabakoaren aurkako Legea) enpresan betearazi behar diren arauak, eta enpresaren produkzioa jasotzen duen merkatuan eskatzen diren beste batzuk.

Enpresak elikagaien higieneari buruzko arauzko prestakuntza emanen du eta prestakuntza hori berrituko du, elikagaien enpresa eta prestakuntza emateko erakunde baimendu gisa duen baimen ofiziala erabilita. Prestakuntza horren barruan sartuko da, gainera, elikagaien erabiltzaileen prestakuntza-programaren edukia.

Artikulu honetan aipatutako higiene arauak enpresaren Higieneari buruzko Eskuliburuan daude jasorik, HP-01-01 izeneko prozeduraren barnean. Horiez gain, hitzarmen hau sinatzen denetik aurrera barne araubideko erregelamenduan sartzen diren beste arau guztiak bete beharko dira.

42. artikulua. Gailu mugikorrak erabiltzeko arauak. Gailu mugikorren erabilera (sakelako telefonoak, tabletak, erreproduzitzeko gailuak eta datu pertsonalen bestelako gailuak) bulego eta aldagela eremuetara mugatzen da. Ezin da ez bideorik ez argazkirik egin, lantegiko zuzendaritzak esanbidez baimendu ezean.

VIII. KAPITULUA.–LAGUNTZA ARAUBIDEA

43. artikulua. Aseguru poliza. Hitzarmen honen aplikazio eremuetan sartzen diren langile guztiak, enpresako langileak diren bitartean eta legez erretiroa hartzeko dagokion adinera iritsi ez badira, hurrengo arrisku eta kapitaletan egonen dira aseguraturik:

–Heriotza, edozein arrazoirengatik: 18.826,04 euro.

–Heriotza, lan istripuaren ondorioz: 37.652,07 euro.

–Erabateko baliaezintasun iraunkorra, edozein arrazoirengatik: 18.826,04 euro.

–Ezintasun iraunkor absolutua, lan istripuaren ondorioz: 94.130,23 euro.

–Ezintasun iraunkor osoa, lan istripuaren ondorioz: 75.304,19 euro.

–Erabateko baliaezintasun iraunkorra, edozein arrazoirengatik: 14.488,50 euro.

–Ezintasun iraunkor partziala, lan istripuaren ondorioz: 75.304,19 euro.

Zenbateko horiek urtero igoko dira aurreko urteko KPIaren arabera, eta indarra izanen dute Estatistikako Institutu Nazionalak KPIaren datua argitaratu ondotik ordainsaria berritu den egunean, hau da, urtero urtarrilaren 1ean.

Aseguru honi dagokion polizaren edo poliza-multzoaren prima enpresak ordainduko du osorik.

Langile aseguratu batek kapital horiek goititu nahi baditu, adierazitako kopuruak bere borondatez eta berarentzat bikoizteko eskatzen ahalko du. Kasu horretan, aipatutako igoeratik ondorioztatzen den kostuaren %50 eman beharko du, eta gainerako %50a enpresaren kontura izanen da.

Polizaren ondorioak hitzarmena onartzen den egunaren hurrengo hiletik aurrera aplikatuko dira, epe hori poliza berria sinatzeko ezartzen dela. Eta ez diete inoiz eraginen jada hasi diren bajei.

IX. KAPITULUA.–ESKUBIDE SINDIKALAK

44. artikulua. Eskubide eta berme sindikalak. Sinatzen duten aldeek hurrengo puntuak adostu dituzte, aintzat hartuta erakunde sindikalak solaskide egokiak direla enpresaren eta langileen arteko harremanetan sortzen diren gatazkak eta arazoak ebazteko:

a) Erakunde sindikal bateko kideak diren langileei ez zaie bereizkeriarik eginen beren afiliazioa dela eta.

b) Enpresak enpresa batzordeari harrera eginen dio enpresan bertan, betiere langile batekin zerikusia daukan kontua badago eta hark egokitzat jotzen badu. Enpresak bere borondatez, eta ez legeak eskatuta, eskatzen badu enpresa batzordearen presentzia, ordezkaritza denbora hori ez da zenbatuko hileko orduen kredituaren ondoreetarako.

c) 11/1985 Legean (Askatasun Sindikalari buruzko Lege Organikoa) ezarritakoaren arabera, enpresak erakunde sindikaletako kideei langileen batzar eta bileretara joaten utzi behar die, betiere enpresa batzordeak horietara gonbidatu baditu, eta enpresari deialdiaren berri eman eta pertsona horien izenak jakinarazi ondoren.

d) Askatasun Sindikalari buruzko Lege Organikoan ezarritakoarekin bat, VISCOFANek ordezkari sindikalaren figura onartzen du bere enpresan, baita haren batzordeak ere. Hori dela eta, sindikatuak antolatzen dituen biltzarretara joateko, ordezkari sindikalen artean hautatzen direnei bi egun naturaleko lizentziaren eskubidea emanen die urtean, gehienez ere bi pertsonari sindikatu bakoitzeko. Era berean, sindikatuak antolatzen dituen prestakuntza ikastaroetara joateko beren lanaldia egokitzeko eskubidea izanen dute, enpresaren irizpideari jarraikiz, Nafarroatik kanpo egiten diren eta egun batetik gorako iraupena duten sektoreko prestakuntza ikastaroetara joan behar denean.

e) Legez onartuta daukaten ordu kredituaren erabilerari dagokionez, enpresan dauden ordezkari sindikalek, batzordeko kideek eta langileen ordezkariek erabilera hori idatziz eskatu beharko dute 48 ordu lehenago, gutxienez, hori ez egiteko arrazoi justifikatua egon ezean, eta zenbat ordu erabiliko dituzten adierazi beharko dute. Orduak beren lantegiaren esparrutik kanpo erabiltzen dituztenean, erabileraren frogagiria ere aurkeztu beharko dute.

f) Kitapen-agiriak emateko unean enpresak dauzkan eta legeak aitortzen dituen betebeharrei dagokienez, enpresak bi edo hiru eguneko epea emanen du interesdunek kitapen-agiria itzul dezaten, beraiek bakarrik sinaturik edo batzordeko kide batek ere sinaturik.

g) Ordezkari sindikal bat aldi berean batzordeko kidea bada, hileko kreditu orduak metatzen ahalko dira, eta halaber, batzordeko kide edo langileen ordezkari bakar batek batzordeko kide guztien hilabete horretako ordu kreditu osoa edo zati bat metatzen ahalko du.

h) Kapitulu honetan arautu gabeko orotan, Askatasun Sindikalari buruzko Lege Organikoan eta indarra duten gainerako arau aplikagarrietan xedatutakoari eutsiko zaio.

X. KAPITULUA.–BATZORDE PARITARIOA

45. artikulua. Batzorde Paritarioa. Batzorde paritarioa izendatuko da. Alde batetik, Kasedako lantokiko enpresa batzordeko sei kidek osatuko dute, eta bestetik, enpresaren sei ordezkarik, gehienez.

Batzordeak hitzarmen hau interpretatu eta bateratuko du eta denek bete dezaten arduratuko da. Gainera, ahalmena izanen du hitzarmen honetan xedatutakoari buruzko beste akordio batzuk negoziatu eta onesteko, bereziki hitzarmenaren 9. artikuluari dagokionez.

Era berean, Batzorde hori izendatuz, trans eta LGTBI pertsonen benetako berdintasun eraginkorra lortzeko adostutako planifikatutako neurrien aplikazioan eta interpretazioan sor litezkeen desadostasunak konpontzeko prozedura bermatzen da, indarrean dagoen legeriak hala eskatzen baitu.

Sindikatuen ordezkaritzako kideek erabakiak hartu eta botoa emateko orduan, beharrezkoa izanen da bertaratzen diren kideen gehiengoa. Alderdietako batek eskatzen duenean bilduko da batzordea, gutxienez astebete lehenago abisatuz gero. Arazoak konpontzeko gehienez ere bi asteko epea izanen du, eta bi aldeek adostuta onartu beharko dira eztabaidatzen diren gaiak.

Adostasunik lortzen ez bada, aldeek Nafarroako Lan Auzitegiaren bitartekotza onartuko dute, edo haien artean adosten duten beste bitartekotza bat.

46. artikulua. Lan Auzitegia. Enpresa honetako edozein langilek Lan Auzitegira jotzen ahalko du askatasunez eta bere borondatez, eta bertan onartutako adiskidetze, bitartekotza eta arbitraje prozeduren mendean jartzen ahalko da. Era berean, enpresak ere aukera hori gorde du beretzat, langileak hartzen duen erabakia edozein dela ere.

47. artikulua. Europako Batzordea. Europako 94/95/EE Zuzentarauaren xedea da Europako enpresa batzordeak eratzea, edo prozedura alternatiboak eratzea Europar Batasunean diharduten enpresetako edo enpresa-taldeetako langileei informazioa emateko eta kontsulta egiteko. Zuzentarau hori Espainiako legediari erantsi ondoren, bi aldeek erabaki dute haren edukia batera aztertzea, aipatu legean arautzen diren informazio eta kontsulta bideen artean komenigarrienak iruditzen zaizkienak ezartzeko.

XI. KAPITULUA.–ENPLEGUA SUSTATZEKO NEURRIAK

Atal honen edukia baldintzatuko du bi aldeek, hitzarmen honen indarreko lehenbiziko urtean, lehentasunez hitzartuko duten, hala konprometitu baitira, berariazko akordioaren edukiak. Bien bitartean, unean uneko indarreko legediak eskaintzen dituen aukeren arabera planteatzen diren erretiro eskaerak aztertuko dira.

48. artikulua. Erretiro aurreratua.

1. Legeak aurreikusi eta baimenduz gero, 64 urte betetzean erretiroa hartu nahi duen langile bakoitzaren ordez, beharrezko denboran eta indarreko edozein kontratazio motaren babesean, beste pertsona bat kontratatzeko konpromisoa hartu du enpresak, adin horretako erretiro berezia arautzen duten xedapenei helduta. Modu horretan Gizarte Segurantzak adin horretako erretiroari dagokion ehunekoaren %100 bermatuko dio langileari.

2. Aurreko puntuan sartzen ez den edozein langilek, gutxienez bi hirurteko eta bi bosturteko bete baditu (16 urteko antzinatasuna) eta behin betiko erretiroaren eguna aurreratu nahi badu, kontzeptu horrengatik osagarria jasotzeko eskubidea izanen du, gutxienez sei hilabete lehenago eskaturik, erretiroa hartzeko dagokion adinaren aldeko aurrerapenaren arabera, jarraian adierazten diren kopuruetan:

Urtebete aurretik 4.808,10 euro.

"2 urte" " 10.217,21 euro.

"3 urte" " 15.626,31 euro.

"4 urte" " 21.035,42 euro.

"5 urte" " 27.045,54 euro.

Langileren batek erretiro osoa hartzen badu erretiro partziala izan ondoren, artikulu honetan ezarri diren kopuruak ordainduko zaizkio; eta kopuruok kalkulatzeko, enpresan egiten zuen lanaldiaren portzentajea hartuko da aintzat.

3. Bestalde, 60 urtetik gorakoei baliaezintasun osoa edo erabatekoa ofizialki aitortzen zaien kasuetan, artikulu honetan aipatutako zenbatekoak jasotzeko eskubidea egonen da, hurrengo inguruabar hauek guztiak gertatzen direnean:

–Langileak 60 urte baino gehiago izatea.

–Aldi baterako ezintasun egoeran gehieneko aldia agortu ez izana, eta aldi horretan enpresak egindako baliaezintasun proposamenari uko egin ez izana (26. artikulua);

–Langileak berriz lanean hasteko inolako eskaerarik aurkeztu ez izana.

Jaso beharreko kopuruak, artikulu honetan ezarritakoak, enpresak bermatuko ditu, horrela ezartzen den neurrian, eta indarreko legedian ezarritako kanporatze prozeduren arabera.

XII. KAPITULUA.–XEDAPEN GEHIGARRIAK

1. baja Kontratu finkoen bermea.–Hitzarmen honek irauten duen bitartean, enpresak hitzarmena sinatzeko unean lantoki honetan eginak dauden kontratu finkoei eusteko konpromisoa onartu du, eta arrazoi ekonomikoak, teknikoak, antolaketakoak edo ekoizpenekoak direla-eta kontraturik ez suntsitzeko konpromisoa hartu du Konpromiso hau, dena den, aipatutako lau arrazoi objektiboen kasuan bakarrik hartuko du.

2.a Ekoizteko gaitasunaren bermea.–Hitzarmen honek irauten duen bitartean, enpresak bermatuko du mantenduko direla hitzarmen hau sinatzeko unean finkaturik dauden estrusio makinen/moduluen (M) edo lerroen (L) kopurua (8M zel + 1M fib + 28L kol), baita inpresio makinena (20M) eta toleste makinena ere (6M zel + 14M kol).

3. baja Prestakuntza.–Ahaideak zaintzeko legez ezarritako eszedentzian dagoen bitartean, langileak eskubidea izanen du lanbide prestakuntzako ikastaroetara joateko, eta enpresaburuak horietan parte hartzeko deitu beharko dio.

Urteko prestakuntza planetan, LGTBI pertsonek lan eremuan dituzten eskubideei buruzko berariazko moduluak txertatuko dira, arreta berezia jarriz tratu eta aukera berdintasunean eta diskriminaziorik ezean. Prestakuntza langile guztientzat izanen da, barnean hartuta erdi mailako kargudunak, zuzendaritzako postuak eta Langileen eta Giza Baliabideen Zuzendaritzako langileak.

2026, 2027 eta 2028 urteetan, 30. artikuluan ezarritako 8 prestakuntza orduei 4 ordu gehituko zaizkie, online modalitatean egin beharrekoak.

4. baja Askotariko gastuak.–Enpresak bere gain hartuko ditu adostutako eta barne araubideko erregelamenduan jasotako gastuak

5. baja Mugigarritasun geografikoa.–Mugigarritasun geografikoa beste herrialde batzuetako enpresa filialetara aldi baterako joatea da, eta langileak berariaz erabaki edo onartuta baizik ez da gauzatzen ahalko

XIII. KAPITULUA.–AZKEN XEDAPENAK

Lehendabizikoa.–Arau subsidiarioak. Hitzarmen hau sinatzen duten aldeek jarraian adierazten diren lan arloko gaiak negoziatzeari uko egin diote, eta indarrean den Industria Kimikoko Hitzarmen Orokorrean gai horien gainean xedatutakoari eustea erabaki dute:

–Diziplina araubidea (VIII. kapitulua).

Hitzarmen honetan ezarri ez den guztirako, Langileen Estatutuan eta indarra duten gainerako lege orokorretan eta gizarte segurantzari buruzkoetan xedatutakoa aplikatuko da.

Bigarrena.–Hitzarmenaren balantzea. Bilera bat ezarri da 2027ko lehen hiruhilekoan, indarrean dagoen hitzarmenari buruzko balantzea egiteko eta aldaketaren bat egin behar den zehazteko. Aldaketaren bat egin nahi izanez gero, bi alderdien adostasuna beharko da.

Hirugarrena.–Hitzarmen honetan hitzartutako baldintzak ez aplikatzeko prozedura.

1. Langileen Estatutuaren 82.3 artikuluan xedatutakoari jarraituko zaio. Kontsultak egiteko epean akordiorik lortu ezean, bi aldeetako edozeinek hitzarmenaren batzorde paritariora eraman ditzake desadostasunak, eskaeraren egunetik hasi eta gehienez zazpi (7) eguneko epean ebatzi dezan.

Batzorde paritarioan ere akordiorik lortzen ez bada, aldeek Nafarroako Lan Auzitegiaren bitartekotzara joko dute, edo aldeek adosten duten beste bitartekotza batera.

Zazpi (7) egun iraganez gero aldeak adostasun batera iritsi gabe, hitzarmen honetan ezarritako arbitraje prozeduraren menpe jarri beharko dute aplikazio eza, horretarako itundu daitezkeen beste arau osagarri batzuekin batera.

2. Legitimatuta dauden aldeetako edozeinek gauzatzen ahalko du arbitraje prozedura hasten duen idazkia, eta bost (5) egun baliodun izanen dituzte jakinarazpenetik aurrera arbitroa izendatzeko.

Prozedura horretan hiru arbitro izendatuko dira, alde bakoitzeko bat, eta beste bat, haien artean adostuta, edo lehen aipatu bi arbitroek izendatzen dutena. Azkenik, ez bada adostasunik lortzen hirugarren arbitroa izendatzeko, zozketa eginen da bi arbitroek proposatutakoen artean. Hirugarren arbitro hori izendatzeko epea, hiru metodoetatik edozein dela ere erabilitakoa, bost (5) egun baliodunekoa izanen da.

Oro har, arbitroak izendatu eta erabakia eman arte ezin dira hogei (20) egun baliodun baino gehiago igaro.

Erabaki horrek kontsulta aldian lortzen diren erabakien eraginkortasun bera izanen du, eta errekurtsoa jartzeko, Langileen Estatutuaren 91.2 artikuluan ezarritako prozeduraren arabera bakarrik jartzen ahalko da, eta bertan ezarritako arrazoietan oinarrituz.

3. Dena dela, hitzarmen honen indarraldian enpresak ez du arau horretan aurreikusitakoa erabiliko, hartan itundutako baldintzak ez aplikatzeari dagokionez, artikulu horretan identifikatuta dauden hurrengo gaiei buruz: a) Lanaldia; b) Ordainsarien sistema eta soldataren zenbatekoa; g) Borondatezko hobekuntzak Gizarte Segurantzaren babesaren gainean.

Laugarrena.–Goragoko arauak. Geroko lege xedapenen batek hitzarmen honetan ezarritako baldintzaren bat aldatuko balu, aldaketa horrek ukituko lukeen artikulua eraginkortasunik eta ondoriorik gabe geratuko litzateke eta, ondorioz, haren edukia berriz aztertu beharko litzateke.

Bosgarrena.–Salaketa. Hitzarmen honetarako itundutako iraupenaren arabera, hitzarmenaren akabera iragarritzat joko da automatikoki, haren indarraldia akitu baino bi hilabete lehenago.

Salatzearen eguna igarota, bi aldeek hitzarmen berria negoziatzeko konpromisoa hartu dute. Negoziazioa hurrengo urteko urtarrilaren hamabostean hasiko da beranduenik.

Seigarrena.–Legitimitatea. Bi aldeek lan hitzarmen kolektibo hau onartzeko legitimotasuna aitortzen diote elkarri.

XIV. KAPITULUA.–TRATU ETA AUKERA BERDINTASUNA

49. artikulua. Tratu eta aukera berdintasuna: Enpresak eta haren kideek diskriminaziorik ezaren eta tratu berdintasunaren printzipioak onartzen dituzte, honako arrazoi hauengatik zuzeneko edo zeharkako diskriminazioa prebenitzeko: adina, desgaitasuna, generoa, jatorria, arraza edo etnia, egoera zibila, erlijioa edo sinesmenak, iritzi politikoa, orientazioa, sexu identitatea, genero adierazpena edo sexu ezaugarriak (LGTBI), sindikatu afiliazioa, hizkuntza edo beste edozein baldintza edo inguruabar pertsonal edo sozial. Hori guztia, giza baliabideak ahalik eta hobekien kudeatzeko, horrela, bereizkeriak saihesteko eta egiazko aukera berdintasuna eskaintzeko, elkarrizketa sozialaren bidea etengabe erabiliz.

50. artikulua. Berdintasun plana: Enpresak tratu eta aukera berdintasuna errespetatu behar du lan esparruan, eta, xede horretarako, lanean emakumeen eta gizonen arteko edozein bereizkeria eragozteko neurriak hartu beharko ditu. Neurri horiek langileen ordezkariekin negoziatu eta, hala bada, adostu beharko ditu, lan arloko legerian zehazten den moduan.

Berdintasun planarekin batera, sexu jazarpeneko eta sexuan oinarritutako jazarpeneko, jazarpeneko eta pertsonen aurkako indarkeriako egoerak prebenitzeko eta tratatzeko protokoloa ezarriko da, LGTBI pertsonak barne.

Horren guztiaren ildotik, plantillen heterogeneotasuna sustatuko da, lan-ingurune askotarikoak, inklusiboak eta seguruak lortzeko, portaera LGTBIfobikoen aurkako babesa bermatuz.

Eta ados daudela adierazteko, agiri hau sinatzen dute Kasedan (Nafarroa), 2025eko abuztuaren 28an.

Negoziazio batzordeko langileen HONAKO HAU ORDEZKATUZ:

aldetik: VISCOFAN ESPAÑA SLU:

I. ERANSKINA.–Soldata taulak

Soldata taulak: 2025

Lantokia: Kaseda, 25-uzt-5.

II. ERANSKINA.–Soldata taulak

2025. urteko soldata taulak

II. ERANSKINA.–Soldata taulak

III. ERANSKINA.–Antzinatasuna

Urteko gordina antzinatasuna:

IV. ERANSKINA.–KPI ESKALATUA

V. ERANSKINA.–Lanbide-taldeak eta mailak

A) Lanbide taldeak: definizioa.

1. lanbide taldea.–Irizpide orokorrak.

Jarraibide zehatzen arabera egiten diren lanak, betiere argi ezarriak, menpekotasun maila handia izanik, batez ere esfortzua eta/edo arreta eskatzen dutenak, eta berariazko prestakuntzarik behar ez dutenak.

Prestakuntza: Derrigorrezko Lehen edo Bigarren Hezkuntzako ezagutzak.

1. 1. lanbide taldea:

Talde horretan honako maila hauek sartzen dira, lanpostuak adierazita dituztela:

1.1. A maila: Peoia.

2. Lanbide-taldea.–Irizpide orokorrak.

Lan metodo zehatz eta jakin bati segituz egiten diren eragiketak, beste norbaiten gainbegiratze lan handiarekin. Lan horietarako oinarrizko ezagupen profesionalak behar dira, eta elementu elektronikoak erabiltzeko aukera izan daiteke, hala nola, irakurgailuak, eskanerrak, eta abar.

Prestakuntza: Derrigorrezko Bigarren Hezkuntza gainditu izana da eskatzen ahal den oinarrizko prestakuntza.

2. 2. lanbide taldea:

Talde horretan honako maila hauek sartzen dira, lanpostuak adierazita dituztela:

2.1. A maila: peoi espezialista.

3. lanbide taldea.–Irizpide orokorrak.

Jarraibide zehatzak jasota egiten badira ere, ezagupen profesional egokiak eta gaitasun praktikoak eskatzen dituzten zereginak dira. Baliabide informatikoekin aritzeko aukera izaten da, erabiltzaile gisa, eta erantzukizuna mugatua da, zuzeneko gainbegiratze sistematikoa baitu.

Prestakuntza: Derrigorrezko Bigarren Hezkuntzaren parekoa da eskatzen ahal den oinarrizko prestakuntza, esperientzia profesionalarekin edo erdi mailako heziketa ziklo batekin osatuta.

3. 3. lanbide taldea:

Talde horretan honako maila hauek sartzen dira, lanpostuak adierazita dituztela:

3.1. A maila:

–Administrazioa: Administrari laguntzailea.

–Ikerketa eta Laborategia: Laborategiko laguntzailea.

3.2. C maila: 2. mailako profesionala

3.3. D maila: 1. mailako profesionala

3.4. E maila: 2. mailako profesionala, Filieroa.

3.5. F maila: 1. mailako profesionala, Filieroa.

4. lanbide taldea.–Irizpide orokorrak.

Autonomoki egiteko lanak, lana gauzatzeko ardura duten langileei ekimena eta arrazoibidea eskatu ohi diena, barnean dela horien erantzukizuna, gainbegiratzearen menpe. Beste langile baten edo batzuen laguntza izan dezakete.

Prestakuntza: Batxilergoa edo erdi mailako prestakuntza zikloa, esperientzia profesionalarekin osatua.

4. 4. lanbide taldea:

Talde horretan honako maila hauek sartzen dira, lanpostuak adierazita dituztela:

4.1. A maila: 2. mailako ofiziala, administraria.

4.2. B maila: 3. mailako analista

4.3. C maila: Mantentze lanetako 3. mailako ofiziala.

4.4. D maila: 2. mailako analista

4.5. E maila: Taldeburua.

4.6. F maila: Mantentze-lanetako 2. mailako ofiziala.

4.7. G maila: 1. mailako ofiziala. Mantentze-lanak.

4.8. H maila: 1. mailako analista

4.9. I. maila: Mantentze-lanetako1. mailako ofizial espezialista.

Adierazitako mailei dagozkien lansariak oraingo soldata tauletan agertzen dira, aipatu lanpostu edo kategorientzat.

B) Lanbide-talde eta mailetan igotzeko berrikuspena.

Enpresaren barne araudian garatzen da lanbide-talde eta mailetan igotzeko berrikuspenaren sistema.

Puntuazio sistema.

Gehieneko puntuazioa (parentesi artean): 100.

A) Langileari buruzko informazioa: (25 puntu).

–Ikasketa tituluak: (5).

• Eskatzen denarekin bat heldu dena, eta handiagoa: 5 puntu.
• Eskatzen denarekin bat heldu dena: 4 puntu.
• Eskatzen denaren antzekoa, eta handiagoa: 3 puntu.
• Eskatzen denaren antzekoa: 2 puntu.
• Bat heldu dena/antzekoa, baina txikiagoa: 1 puntu.

–Enpresan duen antzinatasuna: (10).

• 15 urte baino gehiago: 10 puntu.
• 10 urtetik 15 urtera bitarte: 8 puntu.
• 5etik 10 urtera bitarte:... 6 puntu.
• 2 urtetik 5era bitarte: 4 puntu.
• 2 urtetik beherakoa: 2 puntu.

–Antzinatasuna lanpostuan: (10).

• 15 urte baino gehiago: 10 puntu.
• 10 urtetik 15 urtera bitarte: 8 puntu.
• 5etik 10 urtera bitarte: 6 puntu.
• 2 urtetik 5era bitarte: 4 puntu.
• Urtebetetik 2 urtera bitartekoa: 2 puntu.
• Urtebetetik behera: 0 puntu.

B) Ebaluazioa: (35 puntu).

B.2. Jarduera:

–Lanposturako behar den osoko balioarekin bat egiten badu: 25 puntu.

–Behar den baliotik gorako edo beherako desbideratzea: puntuazio proportzionala.

–Desbideratzea >eskatzen den balioaren -%25: 0 puntu.

C) Azterketak: (40 puntu).

C.1. Teorikoak: (20).

–Erantzunen %100 zuzenak: 20 puntu.

–Gainerako % asmatutako erantzunetan: puntuazio proportzionala.

–%50etik behera: 0 puntu.

C.2. Praktikak: (20).

–Proba guztiak gainditurik: 20 puntu.

–Gainerako % gainditutako probetan: puntuazio proportzionala.

–%50etik behera: 0 puntu.

(Proba bakoitzak gainditu beharreko helburu bat izanen du).

D) Puntuazio osagarria:

A.1. Historiala: (10 puntu).

–Kategoria handiagoko lanpostuetan aritu izana 6 hilabetetik gorako aldietan: 10 puntu.

–Berdin, 3 hilabetetik 6 hilabete arte: 8 puntu.

–Antzeko kategoriako lanpostuetan aritu izana 6 hilabetetik gorako aldietan: 6 puntu.

–Berdin, 3 hilabetetik 6 hilabete arte: 4 puntu.

–Kategoria txikiagoko lanpostuetan aritu izana: 2 puntu.

Eta ados daudela adierazteko, agiri hau sinatzen dute Kasedan (Nafarroa), 2025eko abuztuaren 28an.

Sinatu dute,

Negoziazio batzordeko langileen aldetik: HONAKO HAU ORDEZKATUZ:

VISCOFAN ESPAÑA SLU:

Iragarkiaren kodea: F2512719