1. NAFARROAKO FORU KOMUNITATEA
1.7. BESTELAKOAK
JENDAURREKO INFORMAZIOA. "Tudela II" eguzki-instalazio fotovoltaikoa (5065-CE) eta haren ebakuazio azpiegiturak handitzeko proiektua, Ablitasko eta Fontellasko udal mugarteetan. Sustatzailea EDP Renovables España SLU da.
Industriaren, Energiaren eta S4 Proiektu Estrategikoen zuzendari nagusiak 2023ko apirilaren 24an emandako 59/2023 Ebazpenaren bidez (2023ko 101. Nafarroako Aldizkari Ofizialean argitaratua, maiatzaren 15ekoan), EDP Renovables España SLUri aurretiazko administrazio-baimena eman zitzaion 25 MW-eko potentzia instalatuko instalazio horretarako eta harekin lotutako transformazio eta ebakuazio azpiegituretarako, Ablitas, Ribaforada, Fontellas eta Tuterako udal mugarteetan (5065-CE eta SAT11162 espedienteak).
Energia, Enpresa I+G+B eta Ekintzailetzako zuzendari nagusiaren 2024ko maiatzaren 20ko 59/2024 Ebazpenaren bidez (2024ko 116. Nafarroako Aldizkari Ofizialean argitaratua, ekainaren 6koan), EDP Renovables España SLUri eraikitzeko administrazio-baimena eman zitzaion 25 MW-eko potentzia instalatuko instalazio horretarako, eta haren onura publikoa zehazki deklaratu zen (1. fasea).
Energia, Enpresa I+G+B eta Ekintzailetzako zuzendari nagusiaren 2024ko abuztuaren 26ko 117/2024 Ebazpenaren bidez (2024ko 188. Nafarroako Aldizkari Ofizialean argitaratua, irailaren 16koan), instalazioaren onura publikoa zehazki deklaratu zen (2. fasea).
2025eko irailaren 10ean, EDP Renovables España SLUk aurretiazko administrazio-baimena eta eraikitzeko administrazio-baimena eskatu ditu energia elektrikoa sortzeko 23,94 MW-eko potentzia instalatuko "Tudela II" eguzki-instalazio fotovoltaikoa handitzeko proiekturako eta harekin lotutako transformazio eta ebakuazio azpiegituretarako, Ablitasko eta Fontellasko udal mugarteetan; horrekin batera, proiektuaren onura publikoa zehazki deklaratzea ere eskatu du.
Ingurumen Ebaluazioari buruzko abenduaren 9ko 21/2013 Legearen 36. artikuluan, Sektore Elektrikoari buruzko abenduaren 26ko 24/2013 Legearen 53. eta 55. artikuluetan eta abenduaren 1eko 1955/2000 Errege Dekretuaren 115., 125. eta 144. artikuluetan (errege dekretu horrek energia elektrikoaren instalazioak baimentzeko prozedurak eta energia elektrikoa garraiatu, banatu, merkaturatu eta haren horniketa egiteko jarduerak arautzen ditu) ezarritakoaren ondorioetarako, jendaurreko tramitean jartzen dira espediente hauek:
–Deskribapena: "Tudela II" eguzki-instalazio fotovoltaikoa (5065-CE), 23,94 MW-eko potentzia instalatukoa, eta haren ebakuazio azpiegiturak handitzeko proiektua, Ablitasko eta Fontellasko udal mugarteetan.
–Xedea: jendaurrean jartzea proiektua, ingurumen-inpaktuaren azterketa eta ukitutako ondasun eta eskubideen zerrenda, ingurumen-inpaktuaren ebaluazio arrunta izapidetzeko eta aurretiazko administrazio-baimena eta eraikitzeko administrazio-baimena lortzeko, bai eta instalazioaren onura publikoa zehazki deklaratzea ere.
–Sustatzailea: EDP Renovables España SLU.
–Organo eskuduna: Enpresen Sustapenerako eta Azpiegituretako Zuzendaritza Nagusia.
Espedienteak jendaurrean jarriko dira Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, 31005 Iruña), kontsultak egin ahal izateko. Dokumentazioa esteka honetan ere aztertzen ahalko da:
https://gobiernoabierto.navarra.es/eu/gardentasuna/jendaurreko-informazioaren-tramitea/espedientea-5065-CE
Alegazioak, iradokizunak edo oharrak idatziz aurkeztu beharko dira 30 egun balioduneko epean, iragarki hau Nafarroako Aldizkari Ofizialean argitaratu eta biharamunetik aitzina, edozein erregistro-bulegotan, Nafarroako Gobernuaren erregistro orokor elektronikoan edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan adierazitako beste edozein bide erabiliz. Behar bezala jaso daitezen, Azpiegitura Energetikoen Atalari zuzendu behar zaizkio (Industria Antolamenduaren, Azpiegitura Energetikoen eta Meatzeen Zerbitzua, Industriako eta Enpresen Trantsizio Ekologiko eta Digitalerako Departamentua), espediente-kodea adierazita.
Iruñean, 2025eko urriaren 15ean.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.
"TUDELA II" EGUZKI-INSTALAZIO FOTOVOLTAIKOA ETA HAREN EBAKUAZIO AZPIEGITURAK HANDITZEKO PROIEKTUAK UKITUTAKO ONDASUN ETA ESKUBIDEEN ZERRENDA, HAREN ONURA PUBLIKOA ZEHAZKI DEKLARATZEKO
"Tudela II" eguzki-instalazio fotovoltaikoa handitzeko proiektuaren ukipenak
TITULARRA | KATASTROKO DATUAK | UKIPENAK |
Udalerria | Poligonoa | Lurzatia | Katastroko erreferentzia | Azalera | Azalera okupatua (m²) |
ABLITASKO UDALAREN HERRI-LURRAK CANTILLANA FOTOVOLTAICA SL | ABLITAS | 5 | 1893 | 310000000002231782HI | 396.173 | 96.007,74 |
FONTELLASKO UDALAREN HERRI-LURRAK | FONTELLAS | 6 | 40 | 310000000001195825KB | 193.905 | 2.077,52 |
"Tudela II" eguzki-instalazio fotovoltaikoa handitzeko proiektuko erdi-tentsioko sarearen ukipenak
TITULARRA | KATASTROKO DATUAK | UKIPENAK |
Udalerria | Pol. | Lurzatia | Katastroko erreferentzia | Azalera (m²) | Linearen luzera (m) | Azalera
okupatua (m²) | Lurzatiaren zortasuna | Aldi baterako okupazioa (m²) |
ABLITASKO UDALAREN HERRI-LURRAK CANTILLANA FOTOVOLTAICA SL | ABLITAS | 5 | 1893 | 310000000002231782HI | 396.173 | 9,46 | 3,78 | 7,57 | 47,16 |
ABLITASKO UDALA | ABLITAS | 5 | 92070 | - | 14.631 | 6,58 | 2,63 | 5,27 | 32,88 |
FONTELLASKO UDALAREN HERRI-LURRAK | FONTELLAS | 6 | 40 | 310000000001195825KB | 193.905 | 17,87 | 7,15 | 14,29 | 61,27 |
FONTELLASKO UDALA | FONTELLAS | 6 | 91110 | - | 16.092 | 17,91 | 4,65 | 9,31 | 30,85 |
"Tudela II" eguzki-instalazio fotovoltaikoa handitzeko proiektuko sarbideen ukipenak
TITULARRA | KATASTROKO DATUAK | UKIPENAK |
Udalerria | Poligonoa | Lurzatia | Katastroko erreferentzia | Azalera (m²) | Luzera (m) | Azalera okupatua (m²) |
ABLITASKO UDALAREN HERRI-LURRAK CANTILLANA FOTOVOLTAICA SL | ABLITAS | 5 | 1893 | 310000000002231782HI | 396.173 | 9,58 | 38,31 |
ABLITASKO UDALA | ABLITAS | 5 | 92070 | - | 14.631 | 8,64 | 34,55 |
FONTELLASKO UDALAREN HERRI-LURRAK | FONTELLAS | 6 | 40 | 310000000001195825KB | 193.905 | 16,38 | 65,54 |
FONTELLASKO UDALA | FONTELLAS | 6 | 91110 | - | 16.092 | 9,78 | 39,12 |
Iragarkiaren kodea: F2513363
