1. NAFARROAKO FORU KOMUNITATEA
1.7. BESTELAKOAK
213/2025 EBAZPENA, urriaren 6koa, Digitalizazioko eta Hezkuntza Zerbitzuetako zuzendari nagusiak emana, zeinaren bidez aldatzen baita Tuterako "Compañía de María" Haur Hezkuntzako, Lehen Hezkuntzako eta Bigarren Hezkuntzako ikastetxe pribatuaren baimena, unitate kopurua handitu delako.
Aztertu da Tuterako "Compañía de María" Haur Hezkuntzako, Lehen Hezkuntzako eta Bigarren Hezkuntzako ikastetxe pribatuaren titularrak egindako eskaera, xede duena ikastetxearen administrazio baimena aldatzea, unitateen eta ikaspostuen kopurua handitu delako.
Nafarroako Foru Komunitatean araubide orokorreko irakaskuntza ez-unibertsitarioak ematen dituzten ikastetxe pribatuak baimentzeko prozedura ezarri zuen uztailaren 6ko 251/1992 Foru Dekretuaren III. tituluan xedatutakoari jarraikiz.
Hezkuntzako Azpiegituren Zerbitzuak eta Hezkuntzako Ikuskapen Zerbitzuak emandako aldeko txostenak ikusirik.
Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz, eta Hezkuntzako Teknologien eta IKT Azpiegituren Zerbitzuak proposaturik,
EBAZTEN DUT:
1. Aldatzea Tuterako "Compañía de María" Haur Hezkuntzako, Lehen Hezkuntzako eta Bigarren Hezkuntzako ikastetxe pribatuaren baimena, unitateen eta ikaspostuen kopurua handitu delako.
2. Adieraztea hauek direla ikastetxearen erregistro datuak:
–Ikastetxearen kodea: 31005772.
–Titularra: Mariaren Lagundia erlijio kongregazioa (CIF: R3100145F).
–Izen generikoa: Haur eta Lehen Hezkuntzako ikastetxe pribatua.
–Berariazko izena: "Compañía de María".
–Helbidea: Gayarre kalea 10.
–Herria: Tutera.
–Udalerria: Tutera, 31500 P.kd.
–Baimendutako irakaskuntzak: Haur Hezkuntzako bigarren zikloa eta Lehen Hezkuntza.
–Baimendutako gehieneko edukiera:
a) Haur Hezkuntzako bigarren zikloko 12 unitate, maila bakoitzerako arauz ezarritako ikasgelako gehieneko ikaspostu kopuruarekin.
b) Lehen Hezkuntzako 24 unitate, 600 ikaspostu gehienez.
3. Gogoratu behar zaio ikastetxearen titularrari ezen baimenaren aldaketa edo administrazio baimen berria eskatu beharko duela, baldin ikastetxearen erregistroko datuak, ebazpen honen 2. atalean jasotakoak, aldatzen badira edo instalazioak aldatzen badira, uztailaren 6ko 251/1992 Foru Dekretuaren III. tituluan ezartzen den moduan.
4. Ebazpen hau ikastetxearen titularrari jakinaraztea, eta aditzera ematea haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hilabeteko epean.
5. Ebazpen hau igortzea Hezkuntzako Ikuskapen Zerbitzura, Hezkuntzako Azpiegituren Zerbitzura, Azterlan Ekonomikoen eta Ikastetxeen Finantzaketaren Zerbitzura, Hezkuntzako Informazio Sistemen Zerbitzura, Ikastetxeen Finantzaketaren Atalera eta Ikastetxeetako Informazioa Kudeatzeko Atalera.
6. Ebazpen hau Nafarroako Aldizkari Ofizialean argitaratzea.
Iruñean, 2025eko urriaren 6an.–Digitalizazioko eta Hezkuntza Zerbitzuetako zuzendari nagusia, Luis Calatayud Yuste.
Iragarkiaren kodea: F2513110
