1. NAFARROAKO FORU KOMUNITATEA
1.7. BESTELAKOAK
JENDAURREKO INFORMAZIOA: "Helios Donapea" (5599-CE) eguzki-instalazio fotovoltaikoaren eta haren ebakuazio azpiegituren aurreproiektua, Sociedad de Explotación Fotovoltaica Amsterdam SLk sustatua, Galarko udal mugartean.
2025eko urriaren 9an, Sociedad de Explotación Fotovoltaica Amsterdam SLk aurretiazko administrazio baimena eskatu du "Helios Donapea" eguzki-instalazio fotovoltaikorako (4 MW-eko potentzia instalatua) eta hari lotutako eraldaketa- eta ebakuazio-azpiegituretarako, zeinak Galarko udal mugartean kokatuko baitira.
Sektore Elektrikoari buruzko abenduaren 26ko 24/2013 Legearen 53. artikuluan eta abenduaren 1eko 1955/2000 Errege Dekretuaren 125. artikuluan ezarritakoaren ondorioetarako (errege dekretu horren bidez arautzen baitira energia elektrikoaren garraio, banaketa, merkaturatze eta hornidura jarduerak eta energia elektrikoaren instalazioak baimentzeko prozedurak), jendaurrean jartzen da honako espediente hau:
–Azalpena: "Helios Donapea" eguzki-instalazio fotovoltaikoa (5064-CE), 6,84MW-eko potentzia instalatua duena, eta hari loturiko eraldaketa- eta ebakuazio azpiegiturak, Galarko udal mugartean.
–Xedea: aurreproiektua jendaurrean jartzea, aurretiazko administrazio baimena lortzeko.
–Sustatzailea: Sociedad de Explotación Fotovoltaica Amsterdam SL.
–Organo eskuduna: Enpresen Sustapenerako eta Azpiegituretako Zuzendaritza Nagusia.
Ingurumen Ebaluazioari buruzko abenduaren 9ko 21/2013 Legearen 45. artikuluan ezarritakoaren arabera, sustatzaileak ingurumen inpaktuaren ebaluazio sinplifikatua eskatu du proiekturako.
Espedienteak jendaurrean jarriko dira Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, 31005 Iruña), kontsultak egin ahal izateko. Dokumentazioa esteka honetan ere aztertzen ahalko da:
https://gobiernoabierto.navarra.es/eu/gardentasuna/jendaurreko-informazioaren-tramitea/espedientea-5599-CE
Alegazioak, iradokizunak edo oharrak idatziz aurkeztu beharko dira 30 egun balioduneko epean, iragarki hau Nafarroako Aldizkari Ofizialean argitaratu eta biharamunetik aitzina, edozein erregistro-bulegotan, Nafarroako Gobernuaren erregistro orokor elektronikoan edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan adierazitako beste edozein bide erabiliz. Behar bezala jaso daitezen, Azpiegitura Energetikoen Atalari zuzendu behar zaizkio (Industria Antolamenduaren, Azpiegitura Energetikoen eta Meatzeen Zerbitzua, Industriako eta Enpresen Trantsizio Ekologiko eta Digitalerako Departamentua), espediente-kodea adierazita.
Iruñean, 2025eko urriaren 13an.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.
Iragarkiaren kodea: F2513300
