2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
MÉLIDA
3-151 eta 3-152 lurzatien desafektazioa, biogas instalazioa paratzeko. Hasierako onespena
Melidako Udalak, 2025eko irailaren 19an egindako osoko bilkuran, honako erabaki hau hartu zuen:
ERABAKIA:
Lehenbizikoa.–Hasiera batez onestea jabari publikoko herri-lur izaerako ondasun honen desafektazio espedientea, ondareko ondasun higiezinaren kalifikazioa emateko:
–I Finka:
- Finkaren izena: Las Aneas.
- Tokia: Melidako herri-basoa.
- Azalera: 5,735 ha.
- Mugak: hegoaldean, herri-lurrak. Ekialdean, bidea. Iparraldean, bidea. Mendebaldean, bidea eta herri-lurrak.
- Balorazioa: 11.582,21 euro.
- Katastroko erreferentzia: 310000000001276216GH.
- Izaera: herri-ondasuna.
- Titulartasuna: Udala.
- Titulua: antzina-antzinako jabetza.
- Erregistro inskripzioa: Tuterako Jabetza Erregistroan inskribatua, 988. liburukia, 18. liburua, 68. orria eta 868. finka.
–II Finka:
- Finkaren izena: Las Aneas.
- Tokia: Melidako herri-basoa.
- Azalera: 6,99 ha.
- Mugak: hegoaldean, herri-lurrak. Ekialdean, bidea. Iparraldean, herri-lurrak. Mendebaldean, bidea eta herri-lurrak.
- Balorazioa: 14.135,67 euro.
- Katastroko erreferentzia: 310000000001276217HJ.
- Izaera: herri-ondasuna.
- Titulartasuna: Udala.
- Izenburua: antzina-antzinako jabetza.
- Erregistro inskripzioa: Tuterako Jabetza Erregistroan inskribatua, 988. liburukia, 18. liburua, 68. orria eta 868. finka.
Bigarrena.–Espedientea jendaurrean jartzea hilabeteko epean, iragarkia argitaratuta Nafarroako Aldizkari Ofizialean eta Udalaren iragarki-taulan, interesdunek aurkez ditzaten egokiak iruditzen zaizkien alegazioak.
Hirugarrena.–Alegaziorik aurkezten ez bada behin betiko onetsirik geldituko da herri-ondasunaren desafektazioa, baita ondare-ondasunaren kalifikazio berria ere, Osoko Bilkuraren ondorengo erabaki baten beharrik gabe.
Laugarrena.–Autonomia Erkidegoan eskumena duen organoari igortzea espedientea, behin betiko onets dezan zehazturiko herri-ondasunaren desafektazioa, ondasun ondare kalifikatzeko. Behin betiko erabakia jaso ondoren, desafektatu den herri-ondarearen harrera formala egin beharko da, jarraikiz Toki Entitateen Ondasunen Erregelamenduaren 8.3 artikuluari.
Bosgarrena.–Erabakia behin betikoa denean, Udalaren ondasun inbentarioan zuzentzea aipatu herri-ondarearen desafektazioa, eta zuzentzea, orobat, bere ondare ondasunaren kalifikazioa. Halaber, Jabetzaren Erregistroari jakinaraztea aipatu zuzenketa.
Seigarrena.–Lurra itzultzeko klausula. Desafektazioa egiteko arrazoia desagertzen bada, hots, biogas instalazio baten eraikuntza, lurzatiak zuzenean herri-lur bihurtuko dira berriz.
Zazpigarrena.–Alkateari ahalmena ematea aurreko erabakiak gauzatzeko behar diren agiriak sina ditzan.
Melidan, 2025eko irailaren 22an.–Alkatea, Francisco Javier Sesma Rodrigo.
Iragarkiaren kodea: L2512420
