1. NAFARROAKO FORU KOMUNITATEA
1.1. XEDAPEN OROKORRAK
1.1.3. Foru Aginduak
64/2025 FORU AGINDUA, irailaren 24koa, Eskubide Sozialetako, Ekonomia Sozialeko eta Enpleguko kontseilariak emana, aldatzen duena Eskubide Sozialetako, Ekonomia Sozialeko eta Enpleguko kontseilariak otsailaren 14an emandako 24/2024 Foru Agindua, zeinaren bidez garatu baitzen Nafar Lansare-Nafarroako Enplegu Zerbitzuaren egitura, bulegoen eta ataletik beheragoko unitateen mailan.
ATARIKOA
Eskubide Sozialetako, Ekonomia Sozialeko eta Enpleguko kontseilariaren otsailaren 14ko 24/2024 Foru Aginduaren bidez, Nafar Lansare-Nafarroako Enplegu Zerbitzuaren egitura garatzen da bulegoen eta ataletik beheragoko unitateen mailan.
2025-2028 aldirako Enplegu Planak, zeina otsailean onetsi baitzen, 6.5 esku-hartze arloan barne hartzen du Enplegu Politika Aktiboen Plana. Horrek eskatzen du, bada, erakundearen egitura organikoa egokitzea plan horretan adierazitako helburu estrategikoetara. Helburu nagusia da hobetzea bai enplegu zerbitzuetako lan eskatzaileen enplegagarritasuna, landunena nahiz langabeena, bai erakundearen garapen estrategikoa.
Nafar Lansare-Nafarroako Enplegu Zerbitzua erakunde autonomoaren Estatutuak onesten dituen otsailaren 7ko 13/2024 Foru Dekretuaren 41. artikuluan Eskubide Sozialetako, Ekonomia Sozialeko eta Enpleguko kontseilariari esleitzen zaizkio erakunde horretako bulegoak eta ataletik beheragoko unitateak sortu, aldatu eta kentzeko eginkizunak.
Horrenbestez, Nafar Lansare-Nafarroako Enplegu Zerbitzuaren estatutuek emandako ahalmenak erabiliz,
AGINTZEN DUT:
1.1. artikulua. 2., 4., 5., 11., 12. eta 16. artikuluak aldatzen dira eta 18 bis artikulua gehitzen da Eskubide Sozialetako kontseilariaren otsailaren 14ko 24/220 Foru Aginduan, zeinaren bidez garatu baitzen Nafar Lansare-Nafarroako Enplegu Zerbitzuaren egitura, bulegoen eta ataletik beheragoko unitateen mailan. Artikulu horiek testu hau izanen dute:
Lehena.–2. artikulua aldatzen da, eta testu hau izanen du:
"2. artikulua. Nafar Lansare-Nafarroako Enplegu Zerbitzuaren egitura, bulegoen eta ataletik beheragoko unitateen mailan.
Nafar Lansare-Nafarroako Enplegu Zerbitzuak bulego hauek ditu bere egituran:
–Kudeaketako Zuzendaritzaren mende:
- Laguntza Estrategikoaren Bulegoa.
–Laguntza eta Kudeaketa Administratiboaren Zerbitzuaren mende:
- Prozesuak Koordinatzeko Bulegoa.
- Komunikazio Bulegoa.
- Ebaluazio eta Kontrol Bulegoa.
- Administrazio Berrikuspenerako Bulegoa.
- Langileria Bulegoa.
–Lanbide Gaitasunak Garatzeko Zerbitzuaren mende:
- Profilen Garapena Bultzatu eta Sustatzeko Bulegoa.
- Lanbide Gaitasunak Garatzeko Programen Bulegoa.
- Neurriak Hedatzeko Bulegoa.
–Enplegua Sustatzeko eta Enpresentzako Zerbitzuetarako Zerbitzuaren mende:
- Kontratuen eta Enplegu Eskaintzen Bulegoa.
–Lan Aktibaziorako eta Lurralde Koordinaziorako Zerbitzuaren mende:
- Politika Aktiboen Programetarako Orientazio eta Lerrokatze Bulegoa.
- Nazioarteko Programen Bulegoa.
- Mantentze-lanen Bulegoa.
- Enplegu Bulegoa.
- Programazio Propioaren Bulegoa.
Era berean, ataletik beheragoko mailan, administrazio unitate hauek ditu egituran:
–Tafallako, Lizarrako, Altsasuko, Lodosako, Doneztebeko eta Agoizko enplegu agentziak."
Bigarrena.–4. artikulua aldatzen da, eta testu hau izanen du:
"4. artikulua. Prozesuak Koordinatzeko Bulegoa.
Prozesuak Koordinatzeko Bulegoa Programen Jarraipenerako Atalari atxikita dago, eta eginkizun hauek izanen ditu:
a) Berrikuntzako eta zerbitzuak hobetzeko plan edo jarduketak prestatzea eta haien jarraipena egitea, erakundeko administrazio unitate guztiekin koordinatuta.
b) Erakundeko langileentzako parte-hartze eredu bat kudeatzea, kanpoko zein barreneko zerbitzuak hobetzeko plan edo jarduketak prestatzeko.
c) Erakundearen aginte-koadroak koordinatzea eta haien jarraipena egitea.
d) Erakundeko prozesu eta prozedurak koordinatzea eta haien jarraipena egitea.
e) Erakundeari egindako kanpo ebaluazioko prozesuak koordinatzea eta haien jarraipena egitea, Ebaluazio eta Kontrol Bulegoarekin lankidetzan.
f) Beste edozein eginkizun, bere jarduketaren esparruan agintzen zaiona."
Hirugarrena.–5. artikulua aldatzen da, eta testu hau izanen du:
"5. artikulua. Komunikazio Bulegoa.
Komunikazio Bulegoa Laguntza eta Kudeaketa Administratiboaren Zerbitzuari atxikita dago eta eginkizun hauek izanen ditu:
a) Enplegu politika aktiboak hedatzeko eta sustatzeko jarduketak diseinatzea eta ezartzea.
b) Erakundearen programen eta zerbitzuen publizitate-kanpainak, komunikazio-neurriak, argitalpenak eta zabalkundea diseinatzea, planifikatzea eta gauzatzea, arlo horretako eskumena duen departamentuarekin koordinatuta.
c) Erakundearen sare sozialen koordinazioa eta jarraipena.
d) Erakundeak egiten dituen herritarrentzako eta enpresentzako arretarako eginkizunetan laguntzea, aurrez aurre, telefonoz edo bitarteko telematikoen bidez.
e) Beste edozein eginkizun, bere jarduketaren esparruan agintzen zaiona."
Laugarrena.–11. artikulua aldatzen da, eta testu hau izanen du:
"11. artikulua. Neurriak Hedatzeko Bulegoa.
Neurriak Hedatzeko Bulegoa Programen Diseinurako, Adjudikaziorako eta Kontrol Ekonomikorako Atalari atxikita dago eta honako eginkizun hauek izanen ditu:
a) Lanbide gaitasunak garatzeko neurrietan bildutako laguntzak, kontratuak eta dirulaguntzak arautzeko oinarri teknikoak prestatzeko eta proposatzeko lanen gidaritza.
b) Lanbide gaitasunak garatzeko neurriak hedatzeko programak prestatzea eta proposatzea.
c) Laneko prestakuntza programetarako, enpresa planetarako eta langileen lanbide gaitasunak garatzeko beste neurri batzuetarako laguntzen eta dirulaguntzen espedienteak kudeatu, kontrolatu eta tramitatzea.
d) Lantokiko prestakuntza ekintzetan parte hartzen dutenentzako beka eta laguntzen espedienteak kudeatzea, kontrolatzea eta tramitatzea.
e) Lanbide gaitasunen garapeneko eta ikas-ekinezko prestakuntzako neurriak hedatu, kudeatu, kontrolatu eta tramitatzeko behar diren kudeaketa tresna informatikoen premiei antzematea.
f) Entitate onuradunei aholku eta laguntza ematea deialdien oinarriei eta espedienteen kudeaketarako behar diren tresna informatikoei dagokienez.
g) Beste edozein eginkizun, bere jarduketaren esparruan agintzen zaiona."
Bosgarrena.–12. artikulua aldatzen da, eta testu hau izanen du:
"12. artikulua. Lanbide Gaitasunak Garatzeko Programen Bulegoa.
Lanbide Gaitasunak Garatzeko Programen Bulegoa Programen Kudeaketa Akademikorako eta Akonpainamendurako Atalari atxikita dago, eta eginkizun hauek izanen ditu:
a) Lanbide gaitasunak garatzeko programen eta ikas-ekinezko prestakuntza programa publiko mistoen laguntza eta dirulaguntzen bidez hedatutako prestakuntzari dagokionez, gauzatzearen jarraipen teknikoa, akonpainamendua, trazabilitatea eta, orobat, garapenaren, gauzatzearen eta izandako inpaktuaren kontrola egitea.
b) Hedatutako programei buruzko adierazleak eta estatistikak diseinatu eta betetzea, eta lankidetzan aritzea lanbide gaitasunak garatzeko programen eta ikas-ekinezko prestakuntza programa publiko mistoen laguntza eta dirulaguntzen deialdien azterketa kualitatiboa eta hobekuntza proposamenak egiteko lanetan.
c) Neurrien jarraipena eta ebaluazioa egiteko behar diren tresna informatikoen premiei antzematea.
d) Hedatutako programen jarraipenean eta erabili beharreko tresna informatikoetan aholku eta laguntza ematea entitate laguntzaileei.
e) Ebaluazio eta Kontrol Bulegoarekin lankidetzan aritzea prestakuntza programen ebaluazioetan.
f) Beste edozein eginkizun, bere jarduketaren esparruan agintzen zaiona."
Seigarrena.–16. artikulua aldatzen da, eta testu hau izanen du:
"16. artikulua. Nazioarteko Programen Bulegoa.
Nazioarteko Programen Bulegoa Lan Aktibaziorako Atalari atxikita dago, eta eginkizun hauek izanen ditu:
a) EURES sarearen lan eskaintzak kudeatzea eta sareak Nafarroan dituen beste eginkizun batzuk.
b) Europako Esparru Ekonomikoko herrialdeetako enplegu bilaketari eta bizimodu eta lan baldintzei buruzko orientabideak.
c) EURES jarduera planak prestatu eta haien jarraipena egitea.
d) EURES jarduerak Nafarroako Foru Komunitatean hedatu eta sustatzea.
e) Atzerriko enplegu eskaintzak kudeatzea.
f) Beste edozein eginkizun, bere jarduketaren esparruan agintzen zaiona."
Zazpigarrena.–18 bis artikulua gehitzen da, eta testu hau izanen du:
"18 bis artikulua. Politika Aktiboen Programetarako Orientazio eta Lerrokatze Bulegoa.
Politika Aktiboen Programetarako Orientazio eta Lerrokatze Bulegoa Lanbide Orientazioa Planifikatzeko, Koordinatzeko eta Aztertzeko Atalari atxikita dago eta eginkizun hauek izanen ditu:
a) Askotariko enplegu politika aktiboak konbinatzen dituzten programak diseinatu, garatu eta gauzatzea.
b) Koordinatzea erakundeak garatutako orientazio programak eta gizarte zerbitzuen arloko eskumena duen departamentuak bultzatutako beste ekintza batzuk.
c) Hobekuntza prozesuak diseinatzea eta ezartzea orientazioaren arloan.
d) Berrikuntzaren eta Proiektu Esperimentalen Atalak garatutako proiektuak aztertzea eta, hala badagokio, ezartzea.
e) Beste edozein eginkizun, bere jarduketaren esparruan agintzen zaiona."
2. artikulua. Kentzen dira Programazioa Diseinatzeko Bulegoa, Prestakuntza eta Enpleguko Programa Mistoen Bulegoa eta Tafallako eta Altsasuko enplegu arloak.
Xedapen gehigarri bakarra.–Izendapenak.
Berretsi egiten da, egin zen baldintza berberetan, Digitalizazio Bulegoko buruaren izendapena, baina aurrerantzean Komunikazio Bulegoko burutza beteko du.
Xedapen indargabetzaile bakarra.–Arauak indargabetzea.
Indarrik gabe uzten dira foru agindu honetan ezarritakoari aurka egiten dioten maila bereko edo apalagoko xedapen guztiak.
Azken xedapen bakarra.–Indarra hartzea.
Foru dekretu honek 2025eko azaroaren 3tik aurrera hartuko du indarra.
2. Foru agindu hau Nafarroako Aldizkari Ofizialean argitaratzea, behar diren ondorioak izan ditzan.
Iruñean, 2025eko irailaren 24an.–Eskubide Sozialetako, Ekonomia Sozialeko eta Enpleguko kontseilaria, M.ª Carmen Maeztu Villafranca.
Iragarkiaren kodea: F2512638
