1. NAFARROAKO FORU KOMUNITATEA
1.7. BESTELAKOAK
JENDAURREKO INFORMAZIOA: "Hermanos Pinzón 6" (5464-CE), "Cabo Leeuwin 13" (5465-CE) eta "La Pinta 9" (5467-CE) eguzki-instalazio fotovoltaikoak, Oteitzako eta Villatuertako udal mugarteetan.
Energia elektrikoa garraiatu, banatu, merkaturatu eta haren horniketa egiteko jarduerak eta halako instalazioetarako baimen prozedurak arautzen dituen abenduaren 1eko 1955/2000 Errege Dekretuaren 125. artikuluan eta Ingurumen Ebaluazioari buruzko abenduaren 9ko 21/2013 Legearen 36. artikuluan xedatutakoa betez, jendaurrean jartzen dira honako espediente hauek:
Xedea: Jendaurrean jartzea aurreproiektuak eta ingurumen inpaktuaren azterketak, honako helburu hauekin: ingurumen inpaktuaren ebaluazio arrunta tramitatzea eta aurretiazko administrazio baimenak lortzea.
Deskribapena: "Hermanos Pinzón 6" (5464-CE), "Cabo Leeuwin 13" (5465-CE) eta "La Pinta 9" (5467-CE) eguzki-instalazio fotovoltaikoak, Oteitzako eta Villatuertako udal mugarteetan, 4,54 MW-eko potentzia instalatukoa bakoitza, lurrean jarrita, eta haien eraldaketa- eta ebakuazio-azpiegiturak, Oteitzako eta Villatuertako udal mugarteetan.
Eskatzaileak: Enigma Green Power 12 SLU ("PSFV Cabo Leeuwin 13"), Enigma Green Power 13 SLU ("PSFV Hermanos Pinzón 6"), eta Enigma Green Power 24 SLU ("PSFV La Pinta 9").
Proiektuak baimentzeko eskumena duen organoa: Enpresen Sustapenerako eta Azpiegituretako Zuzendaritza Nagusia.
Espedienteak jendaurrean jarriko dira Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, 31005 Iruña), kontsultak egin ahal izateko.
Dokumentazioa esteka hauetan ere aztertzen ahalko da:
https://gobiernoabierto.navarra.es/eu/gardentasuna/jendaurreko-informazioaren-tramitea/espediente-estella3-5464-5465-5467
Alegazioak, iradokizunak edo oharrak idatziz aurkeztu beharko dira 30 egun balioduneko epean, iragarki hau Nafarroako Aldizkari Ofizialean argitaratu eta biharamunetik aitzina, edozein erregistro-bulegotan, Nafarroako Gobernuaren erregistro orokor elektronikoan edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan adierazitako beste edozein bide erabiliz. Behar bezala jaso daitezen, Azpiegitura Energetikoen Atalari zuzendu behar zaizkio (Industria Antolamenduaren, Azpiegitura Energetikoen eta Meatzeen Zerbitzua, Industriako eta Enpresen Trantsizio Ekologiko eta Digitalerako Departamentua), espediente-kodea adierazita.
Iruñean, 2025eko irailaren 19an.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.
Iragarkiaren kodea: F2512423
