197. ALDIZKARIA - 2025eko urriaren 2a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

IRUÑERRIKO MANKOMUNITATEA

Deialdia, dirulaguntzak emateko, desgaitasuna duten pertsonei taxi-zerbitzua hobetzeko. Laburpena

Dirulaguntzen Datu Base Nazionala (identifikazioa): 858845.

Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan ezarritakoaren arabera, deialdiaren laburpena argitaratzen da. Horren testu osoa datu base nazionalean aurki daiteke (https://www.infosubvenciones.es/bdnstrans/GE/eu/convocatoria/858845).

Iruñerriko Mankomunitateko lehendakariaren 598/2025 Ebazpena, irailaren 9koa.

Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan eta Iruñerriko Mankomunitatearen taxiaren arloko dirulaguntzen ordenantzaren 15.9 artikuluan (188. zenbakiko Nafarroako Aldizkari Ofiziala, 2017ko irailaren 28koa) jasota dagoenaren arabera, deialdiaren laburpena argitara eman da.

Testu osoa Dirulaguntzen Datu Base Nazionalean kontsultatu daiteke (http://www.pap.minhap.gob.es/bdnstrans/index), egoitza elektronikoan (https://sedeelectronica.mcp.es/) eta bai Iruñerriko Mankomunitatearen gardentasun webgunean ere (http://transparencia.mcp.es).

1.–Xedea.

2. ildo estrategikoa.–Zerbitzua hobetzea desgaitasuna duten pertsonei.

Helburu nagusia da gurpil-aulkian ibiltzen diren erabiltzaileentzat kalitate handiko taxi-zerbitzua ematea.

Jarduteko ildoak Eurotaxi lizentzien (gurpil-aulkian ibiltzen diren erabiltzaileak garraiatzeko egokituta dauden taxi-ibilgailuak) titularrei ordain ekonomikoa emateko mekanismo bat ezartzean ardazten dira, mota honetako bezeroentzat lehentasunezko eta kalitateko zerbitzu bat emateagatik.

2.–Onuradun izateko betekizunak.

Onuradunak izango dira betekizun hauek betetzen dituztenak. Hain zuzen, dirulaguntza justifikatu arte eutsi beharko zaie betekizun hauei:

Iruñerrian taxi-zerbitzua batera emateko lurralde-eremuan aritzeko taxi-lizentzia baten titularra izatea.

Gurpil-aulkian ibiltzen diren erabiltzaileak garraiatzeko egokituta dagoen ibilgailu batekin ematea taxi-zerbitzua.

Dirulaguntzei buruzko Lege Orokorraren 13. artikuluan eta Dirulaguntzen Ordenantzaren 10. artikuluan jasota dauden betekizunak betetzea.

Dirulaguntzei buruzko Lege Orokorraren 14. artikuluan eta Dirulaguntzen Ordenantzaren 11. artikuluan jasota dauden betebehar guztiak eta bakoitza betetzea.

Aurretik erreserbatzeko gailu bat edukitzea edo gurpil-aulkian ibiltzen diren erabiltzaileentzat aurretik eta gutxienez 24 ordurekin zerbitzuak erreserbatzea kudeatzen duen igorgailu edo erakunde bateko kidea izatea.

3.–Eskabideak aurkezteko tokia eta epea:

3.1. Eskabideak aurkezteko tokia.

Deialdian parte hartu ahal izateko eskabideak Iruñerriko Mankomunitatearen Erregistro Telematikoan aurkeztu behar dira, helbide honetan:

https://sedeelectronica.mcp.es/invesiteRE/action/acceso?organismo=ER1&tramite=TRAM_1

3.2. Eskabideak aurkezteko epea.

Eskabideak aurkezteko epea oinarri hauen laburpena Nafarroako Aldizkari Ofizialean kaleratzetik aurrera hasiko da eta 2025eko azaroaren 15ean amaituko da.

Iruñean, 2025eko irailaren 12an.–Lehendakaria, David Campión Ventura.

Iragarkiaren kodea: L2512735