1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
78/2025 FORU AGINDUA, irailaren 8koa, Ekonomia eta Ogasuneko kontseilariak emana, Javier Miqueleiz Garayoa jauna Nafarroako Foru Auzitegi Ekonomiko-Administratiboko kide izendatzen duena.
Tributuei buruzko abenduaren 14ko 13/2000 Foru Lege Orokorra, egintzak administrazio bidean berrikusteari dagokionez, garatzeko Erregelamenduak (urriaren 17ko 85/2018 Foru Dekretuaren bidez onetsiak), 19.4 artikuluan, xedatzen du ezen Nafarroako Foru Auzitegi Ekonomiko-Administratiboko kideak Ogasunaren arloan eskumena duen departamentuko titularrak izendatuko dituela, auzitegiko buruak proposaturik, ogasuneko teknikarien kidegoko funtzionarioen artean eta, ondorio guztietarako, Foru Komunitateko Administrazioko atalburutzen pareko izanen direla.
Nafarroako Foru Auzitegi Ekonomiko-Administratiboko buruak proposatu du Javier Miqueleiz Garayoa jauna Nafarroako Foru Auzitegi Ekonomiko-Administratiboko kide izendatzea. Javier Miqueleiz Garayoa jauna funtzionarioa da eta ogasuneko teknikariaren lanpostuan aritzen da, Ekonomia eta Ogasun Departamentuko Idazkaritza Tekniko Nagusiari atxikita.
Horrenbestez,
AGINTZEN DUT:
1. Javier Miqueleiz Garayoa jauna, ogasuneko teknikarien kidegoko funtzionarioa, Nafarroako Foru Auzitegi Ekonomiko-Administratiboko kide izendatzea, 2025eko irailaren 9tik aurrerako ondorioekin. Egun hori izanen du burutzan aritzeko lehena.
2. Foru agindu hau interesdunari jakinaraztea, eta igortzea Nafarroako Foru Auzitegi Ekonomiko-Administratiboko Idazkaritzara, Funtzio Publikoko Zuzendaritza Nagusira eta Ekonomia eta Ogasun Departamentuko Idazkaritza Tekniko Nagusira igortzea, behar diren ondorioak sor ditzan.
3. Foru agindu hau Nafarroako Aldizkari Ofizialean argitaratzea, orok jakin dezan.
Iruñean, 2025eko irailaren 8an.–Ekonomia eta Ogasuneko kontseilaria, José Luis Arasti Pérez.
Iragarkiaren kodea: F2511761
