2. NAFARROAKO TOKI ADMINISTRAZIOA
2.1. OPOSIZIOAK ETA LEHIAKETAK. LAN PUBLIKOAREN ESKAINTZA
ZIZUR NAGUSIA
Deialdia, administrari-ofizialaren 3 lanpostu oposizio-lehiaketa bidez betetzeko. Izendapen proposamen osagarria
1710. Ebazpena eman zuen, 2025eko irailaren 9an, Lehendakaritzako, Funtzio Publikoko eta Herritarren Segurtasuneko zinegotzi ordezkariak. Hona hemen:
Hautapen-prozesua burutu da Tokiko Gobernu Batzarrak 2024ko irailaren 20an onetsitako honako deialdi honetan: deialdia, oposizio-lehiaketa bidez betetzeko administrari-ofizialaren 3 lanpostu, euskarako nahitaezko B2 hizkuntza eskakizuna dutenak (2024ko 216. Nafarroako Aldizkari Ofizialean argitaratua, urriaren 24an). Hala, zinegotzi ordezkari honek 2025eko abuztuaren 13ko 1478. Ebazpenaren bidez onetsi zuen Jon Garai Vales, Edurne Villanueva Jiménez eta Ana Isabel Calanda López izendatzeko proposamena.
Edurne Villanueva Jimenezek aurkeztu du Idazkaritza Nagusiaren Alorreko administrari-ofizialaren plazari uko egitea (34001 zenbakiduna). Hala bada, eta aintzat hartuz aipatu deialdiaren 9.5. oinarrian ezarritakoa, bidezkoa da Adolfo García Garaikoetxea izendatzeko proposamena egitea.
Deialdiaren 9.2 eta 9.3 oinarrietan ezarritakoa betez, proposatutako izangaiak 30 egun naturaleko epea izanen du, proposamen hau Nafarroako Aldizkari Ofizialean argitaratu eta biharamunetik hasita, aipatu oinarrian eskatzen diren agiriak aurkezteko Zizur Nagusiko Udalaren erregistro elektronikoaren bidez.
Baliatuz Alkatetzaren uztailaren 5eko 753/2023 Ebazpenak langileen arloan ematen dizkidan eskumenak,
EBAZTEN DUT:
1. Adolfo García Garaikoetxea izendatzeko proposamena egitea 34001 zenbakidun administrari-ofizialaren plaza betetzeko.
2. Proposaturiko izangaiak deialdiaren 9.2 eta 9.3 oinarrietan aipaturiko agiriak aurkeztu beharko ditu 30 egun naturaleko epean, ebazpen hau Nafarroako Aldizkari Ofizialean argitaratzen denetik zenbatzen hasita. Agiri horiek aurkezten ez badira, salbu eta behar bezala justifikaturiko ezinbertzeko kasuetan, izangaiak ezin izanen dira izendatu, eta haien jarduketa guztiak deuseztatu eginen dira; hori, ezertan eragotzi gabe erantzukizuna eskatzeko aukera, eskabidean faltsukeria egiteagatik.
3. Ebazpen hau igortzea, behar diren ondorioak izan ditzan, Langileriaren Alorrera, argitaratzea Udalaren egoitza elektronikoko iragarki-taulan, eta jakinaraztea interesdunei, eta ohartaraztea ebazpen honen aurka errekurtso hauetako bat aurkez daitekeela, hautara:
a) Berraztertzeko errekurtsoa, egintza eman duen organoari zuzendua, hilabeteko epean, ebazpen hau jakinarazi eta biharamunetik hasita.
b) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, ebazpena jakinarazten denetik hasita.
c) Administrazioarekiko auzi-errekurtsoa, zeina zuzendu behar baitzaio Nafarroan administrazioarekiko auzietan eskumena duen organoari, bi hilabeteko epean, ebazpen hau jakinarazi eta biharamunetik hasita.
Zizur Nagusian, 2025eko irailaren 9an.–Lehendakaritzako, Funtzio Publikoko eta Herritarren Segurtasuneko zinegotzi ordezkaria, Andoni Serrano Zabalza.
Iragarkiaren kodea: L2511924