1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
81/2025 EBAZPENA, uztailaren 29koa, Trantsizio Energetiko eta Digitaleko, Enpresa I+G+Bko eta Ekintzailetzako zuzendari nagusiak emana, zeinaren bidez izendatzen baitira Trantsizio Energetiko eta Digitaleko, Enpresa I+G+Bko eta Ekintzailetzako Zuzendaritza Nagusiko zerbitzuetako zuzendarien ordezkoak.
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 16. artikuluko 3. apartatuarekin bat etorriz, zerbitzuetako zuzendari titularren ordezkoak izendatzea hierarkikoki zerbitzu horien gainean dagoen organoari dagokio, salbu eta horri buruzko berariazko arauren bat badago.
Era berean, artikulu horren 7. apartatuak ezartzen duenez, ordezkotza bidez ematen diren ebazpenetan eta egintzetan, inguruabar horren berri eman beharko da, eta zehaztuko da nor den organoaren titularra eta nor den titular horren ordezkotzan diharduen pertsona.
Adierazitakoarekin bat, eta erabiliz Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak,
EBAZTEN DUT:
1. Energia, Enpresa I+G+b eta Ekintzailetza Zuzendaritza Nagusiko zerbitzuetako zuzendarien aldi baterako ordezkoak izendatzea, haien ordez aritu daitezen kargua hutsik dagoenean, titularra kanpoan edo gaixorik dagoenean edo ezintasun pertsonalen bat duenean, bai eta abstentzioa edo errekusazioa deklaratzen denean ere. Horrenbestez:
a) Plangintza, Digitalizazio eta Enpresa I+G+B Zerbitzuko zuzendariaren ordezkoak honako hauek izanen dira:
1.–Enpresa I+G+B Ataleko burua.
2.–Plangintzaren, Behatokiaren eta Leihatila Bakarraren Ataleko burua.
3.–Digitalizazio eta Ekintzailetza Ataleko burua.
b) Trantsizio Energetikoaren Zerbitzuko zuzendariaren ordezkoak honako hauek izanen dira:
1.–Trantsizio Energetikorako Laguntzen Ataleko burua.
2.–Plan Energetikoaren Ataleko burua.
3.–Administrazio Jasangarriaren Ataleko burua.
2. Ebazpen hau Nafarroako Aldizkari Ofizialean argitaratzea, orok jakin dezan.
Iruñean, 2025eko uztailaren 29an.–Trantsizio Energetiko eta Digitaleko, Enpresa I+G+Bko eta Ekintzailetzako zuzendari nagusia, Garbiñe Basterra Oloriz.
Iragarkiaren kodea: F2511697