187. ALDIZKARIA - 2025eko irailaren 19a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

52/2025 EBAZPENA, irailaren 2koa, Enpresen Sustapenerako eta Azpiegituretako zuzendari nagusiak emana, zeinaren bidez izendatzen baitira Enpresen Sustapenerako eta Azpiegituretako Zuzendaritza Nagusiko zerbitzuetako zuzendarien ordezkoak.

Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 16. artikuluko 3. apartatuarekin bat etorriz, zerbitzuetako zuzendari titularren ordezkoak izendatzea hierarkikoki zerbitzu horien gainean dagoen organoari dagokio, salbu eta horri buruzko berariazko arauren bat badago.

Era berean, artikulu horren 7. apartatuak ezartzen duenez, ordezkotza bidez ematen diren ebazpenetan eta egintzetan, inguruabar horren berri eman beharko da, eta zehaztuko da nor den organoaren titularra eta nor den titular horren ordezkotzan diharduen pertsona.

Adierazitakoarekin bat, eta erabiliz Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak,

EBAZTEN DUT:

1. Enpresen Sustapenerako eta Azpiegituretako Zuzendaritza Nagusiko zerbitzuetako zuzendarien aldi baterako ordezkoak izendatzea, haien ordez aritu daitezen kargua hutsik dagoenean, titularra kanpoan edo gaixorik dagoenean, edo ezintasun pertsonalen bat duenean, bai eta abstentzioa edo errekusazioa deklaratzen denean ere. Horrenbestez:

a) Industria Antolamenduaren, Azpiegitura Energetikoen eta Meatzeen Zerbitzuko zuzendariaren ordezkoak honakoak izanen dira:

1.–Industria Segurtasunaren Ataleko burua.

2.–Azpiegitura Energetikoen Ataleko burua.

3.–Meatzeen Ataleko burua.

b) Nazioarteko Proiekzioaren Zerbitzuko zuzendariaren ordezkoak honako hauek izanen dira:

1.–Nazioartekotzeko Laguntzen Ataleko burua.

2.–Kanpo Sustapenaren Ataleko burua.

3.–Europako Programen Ataleko burua.

4.–Europako Funtsen Kontrolerako Ataleko burua.

c) Industria Sustatzeko Zerbitzuko zuzendariaren ordezkoak honakoak izanen dira:

1.–Nekazaritzako Elikagai Industriak Sustatzeko Ataleko burua.

2.–Industria Inbertsioa Sustatzeko Ataleko burua.

3.–Lehiakortasunaren Ataleko burua.

2. Ebazpen hau Nafarroako Aldizkari Ofizialean argitaratzea, orok jakin dezan.

Iruñean, 2025eko irailaren 2an.–Enpresen Sustapenerako eta Azpiegituretako zuzendari nagusia, Iñigo Arruti Torre.

Iragarkiaren kodea: F2511698