1. NAFARROAKO FORU KOMUNITATEA
1.1. XEDAPEN OROKORRAK
1.1.3. Foru Aginduak
84/2025 FORU AGINDUA, abenduaren 11koa, Barneko, Funtzio Publikoko eta Justiziako kontseilariak emana, berrikusi eta egokitzen duena Nafarroako Foru Komunitaterako Doako Laguntza Juridikoaren Erregelamendua onesten duen abenduaren 1eko 104/2021 Foru Dekretuaren III. eranskina.
Justizia Zerbitzu Publikoaren efizientzia-neurriei buruzko urtarrilaren 2ko 1/2025 Lege Organikoak, I. kapituluan, beste neurri batzuen artean, gehitzen ditu gatazkak bide ez-jurisdikzionalean, edo jurisdikzionalean, konpontzeko beste bitarteko egoki batzuk, judizializatuta dauden aferen deribazio judizialaren bidez.
Lege organiko horren zioen azalpenean adierazten denez, neurri horiek areagotzen dute lanbide juridikoen protagonismoa, bereziki abokatutzaren zeregin negoziatzaileagatik, zeina bermatuta baitago beti.
Aurrerago, lege organikoaren zioen azalpenak dio ezen, auzien kopuruak gora egin duenez nabarmen, egokia dela abokatutzaren jokaera hori sustatzea, eta aurreikusten du negoziazio jarduera hori behar bezala ordaintzea, ofizioko txandan izendapenez esku hartzen denean ere, eta negoziazio lagundurako mekanismoen katalogo bat sartzea; negoziazio hori irekita egonen litzateke beste edozein metodo eraginkor ere gehitzeko, abokatuek bete ohi duten zuzeneko negoziazio jardueraren subsidiarioa dena.
Aurreikuspen hori betetzeko, lege organikoak Doako Laguntza Juridikoari buruzko Legearen 6. artikulua aldatzen du, 11. apartatua gehituta, non ezartzen baita abokatutzako profesionalen ordainsariak doakoak izanen direla abokatu horiek aldeei lagundu badiete, gatazkak konpontzeko bitarteko egoki horietarako jotzea demanda onartzeko aurrebaldintza prozesala denean, epaitegietako titularrek edo auzitegiak erabaki duten deribazio judizialaren ondorio denean, edo aldeek prozedura judizialaren edozein unetan eskatzen dutenean, alde horiek, betiere, aski diru-sarrerarik edo ondasunik ez badute Doako Laguntza Juridikoari buruzko Legean ezarritako baldintzetan auzitan jarduteko.
1/2025 Lege Organikoaren 5. artikuluak ezartzen du nahitaezkoa dela bitarteko horietara jotzea, bide jurisdikzionalera jo aurretiko prozedura baldintza den aldetik, Prozedura Zibilari buruzko Legearen II. liburuko deklarazio prozesu guztietan eta IV. liburuko berezietan, artikulu horretan ere aipatzen diren salbuespenekin; bazter gelditzen dira zigor arloko jurisdikzioa, konkurtsoen arlokoa, administrazioarekiko auziena eta lan arlokoa, azken horrek bere prozedura berekia duela.
Azkenik, Lege Organikoaren 14. artikuluak jasotzen ditu gatazkak konpontzeko metodo alternatiboak, numerus clausus ez direnak, besteak beste honakoak:
–Aldeen arteko zuzeneko negoziazioa.
–Abokatutzako profesionalen bidezko negoziazioa.
–Aldez aurreko bitartekaritza.
–Adiskidetze publikoa.
–Adiskidetze pribatua.
–Aditu independentea.
–Elkarlaneko zuzenbideko prozesua.
Metodo horietatik, Nafarroako Foru Komunitaterako Doako Laguntza Juridikoaren Erregelamendua onesten duen abenduaren 1eko 104/2021 Foru Dekretuaren III. eranskinean batzuk nahitaez aurreikusi behar dira, hain zuzen ere gatazkak konpontzeko bitarteko alternatiboan abokatutzako profesional batek esku-hartzen duenean; profesional horri hirugarren pertsona adituaren izena ematen ahal zaio (bitartekaria, adiskidetze-egile pribatua, hirugarren pertsona neutrala, etab.).
Bestalde, kontuan hartu behar da lege organikoak aurreikusten duela, halaber, bitarteko alternatibo horietara jotzen dutenek defentsa juridikoaren laguntza izan dezaketela, eta horren ordaina jasotzen ahalko dela doako justiziaren moduluarekin, baldin eta ordezkatzen den pertsona doako justiziaren onuraduna bada.
Foru dekretu horren lehen azken xedapenak bigarren paragrafoan ezartzen duenez, III. eta IV. eranskinean jasotako diru-kopuruak hiru urtean behin berrikusten ahalko dira, lanbide elkargoek eskatuta, eta hala egin zuten, eskaera hori zuzendaritza nagusi honetan aurkeztuta.
Foru dekretu horren beraren bigarren azken xedapenak ahalmena ematen dio justiziaren arloko eskumena duen kontseilariari foru dekretuaren bidez onetsitako Erregelamenduaren III. eranskinean ezartzen den baremoa legeria prozesalean zehazten diren eta eranskin horretan aipatzen ez diren prozeduretara egokitzeko.
Nafarroako Foru Komunitaterako Doako Laguntza Juridikoaren Erregelamendua onesten duen abenduaren 1eko 104/2021 Foru Dekretuaren lehen azken xedapeneko 1. apartatuan eta bigarren xedapenean xedatutakoaz baliatuta,
AGINTZEN DUT:
Artikulu bakarra. Nafarroako Foru Komunitaterako Doako Laguntza Juridikoaren Erregelamendua onesten duen abenduaren 1eko 104/2021 Foru Dekretuaren III. eranskina berrikustea eta egokitzea.
Nafarroako Foru Komunitaterako Doako Laguntza Juridikoaren Erregelamendua onesten duen abenduaren 1eko 104/2021 Foru Dekretuaren III. eranskina berrikusi eta egokitzen da, konpentsazio ekonomikorako modulu eta oinarriak gaurkotzeko eta baremoak egokitzeko. Honela geldituko da:
III. ERANSKINA.–KONPENTSAZIO EKONOMIKORAKO MODULUAK ETA OINARRIAK
ABOKATUAK | TARIFA |
Zigor arloko jurisdikzioa |
Zigor arloko prozedura bereziki konplexua | 1.800 |
Zinpekoen epaimahai bidezko prozedura | 700 |
Prozedura sumarioa | 550 |
Zigor arloko prozedura Entzutegian | 450 |
Ikustaldiko hirugarren egunetik aurrera, egun bakoitzeko | 60 |
Auziari buruzko mila orritik gora, eta milako bakoitzeko | 40 |
Babes agindurako agerraldia | 100 |
Prozedura Kriminalaren Legearen 505. artikuluaren araberako agerraldia | 150 |
Habeas Corpus | 100 |
Barnahus aurrez eratutako probarako laguntza | 100 |
Zigor arloko prozedura Epaitegian | 350 |
Adingabeak: erreforma espedientea | 300 |
Adingabeak: neurriak bateratzea | 300 |
Adingabeak: barneratzeko neurrirako agerraldia | 100 |
Adingabeak: kautelazko neurriak | 100 |
Espetxeratuen zaintzako espedientea, izendapen judizialarekin | 120 |
Espetxe arloko kexa espedienteak | 90 |
Delitu arinak epaitzeko prozedura | 200 |
Epaia berraztertzea | 50 |
Delituen epaitze azkarreko prozedura | 300 |
Delitu arinen epaitze azkarreko prozedura | 135 |
Bisitak Nafarroatik kanpoko espetxeetara | 100 |
Espetxeratzeko eta kanporatzeko baimena. Guardiako Epaitegiak | 145 |
Etxean sartu eta erregistroa egitea | 100 |
Zigorrak bateratzea | 200 |
Epaia betearaztea |
Zigor arloko betearazpena | 225 |
Jurisdikzio zibila |
Epaiketa arrunta | 450 |
Hitzezko epaiketa | 350 |
Familia arloko auzibideko-prozesuak | 475 |
Familia arloko betearazpenak | 200 |
Familia arloko betearazpenak aurkaritzarekin | 275 |
Behin-behineko neurriak | 190 |
Familia arloko prozesuak bi aldeen adostasunarekin | 400 |
Borondatezko jurisdikzioko espedientea | 190 |
Borondatezko jurisdikzioko espedientea aurkaritzarekin | 275 |
Epaiketa monitorioa, ondorengo auzirik gabe | 187 |
Epaiketa monitorioa, ondorengo auziarekin | 100 |
Kautelazko neurriak/Atariko eginbideak | 125 |
Jarduketak, defendatzaile judizial gisa, errekerimendu judizialarekin | 450 |
Filiazioa, aitatasuna, amatasuna, gaitasuna | 400 |
Beste prozedura zibil batzuk | 320 |
Konkurtsoa, pertsona fisikoarekin | 425 |
Titulu judizialen betearazpena | 320 |
Administrazioarekiko auzien jurisdikzioa |
Laburtua | 275 |
Administrazioarekiko auzi-errekurtsoa | 350 |
Atzerritartasunaren Legearen inguruko prozedura, administrazio bidean ezetsia | 120 |
Atzerritartasunaren Legearen inguruko prozedura (auzibidean) | 350 |
Auzibidera jo aurreko erreklamazioa, uzia onetsi eta prozedurari amaiera ematen diona | 140 |
Lan arloko jurisdikzioa |
Prozedura osoa | 275 |
Adiskidetze ekitaldia akordioarekin | %75 |
Adiskidetze ekitaldia akordiorik gabe | 100+ Prozedura |
Aurretiazko erreklamazioa | 140 |
Betearazpen soziala | 225 |
Jurisdikzio militarra |
Prozedura militarra | 200 |
Errekurtsoak |
Apelazioko errekurtsoa. Delituak | 210 |
Apelazioko errekurtsoa. Arlo zibila | 210 |
Apelazioko errekurtsoa. Delitu arinak | 150 |
Apelazio errekurtsoa. Auzibidea | 210 |
Erregutze errekurtsoa | 192 |
Kasazio errekurtsoa | 355 |
Babes errekurtsoa | 355 |
Apelazio errekurtsoa Justizia Auzitegi Nagusian | 300 |
Bitartekotza prozesuak, gehienez 3 saio |
Saio bat | 66 |
2 saio. | 132 |
3 saio. | 198 |
Joan-etorriak |
0-25 Km | 20 |
26-50 Km | 30 |
51-75 Km | 40 |
+ 75 Km | 50 |
Prozesutik kanpoko jarduketak |
Epaitegietatik kanpoko transakzioak | Prozeduraren zenbatekoaren %75 |
Eskaera defendaezina dela dioen txosten arrazoitua | 90 |
Gatazkak konpontzeko bitarteko alternatiboak |
Hirugarren pertsona neutrala: |
• 1 saio | 66 |
• 2 saio. | 132 |
• 3 saio. | 198 |
Abokatutzako profesionala |
Prozesu judizialaren aurretiko esku-hartzea: |
• Akordioarekin | %75 |
• Akordiorik gabe | 100+ prozedura |
Prozesu judizialaren barruko esku-hartzea: |
• 1 saio | 66 |
• 2 saio | 132 |
• 3 saio | 198 |
Guardiako zerbitzua Iruñean |
Atxilotuentzako guardia | 320 |
Atxilotuentzako guardia indartzea | 220 |
Epaiketa azkarretarako guardia | 200 |
Adingabeentzako guardia | 230 |
Barnahus guardia | 250 |
Guardia ELZan Iruña-Agoitz | 320 |
Guardia Agoitzen | 160 |
Guardia: atzerritarrak | 160 |
Guardia: espetxea | 190 |
Guardiako zerbitzua Tuteran |
Atxilotuentzako eta epaiketa azkarretarako guardia | 260 |
Guardia indartzea | 135 |
Guardia ELZan | 175 |
Guardiako zerbitzua Lizarran |
Atxilotuentzako eta epaiketa azkarretarako guardia | 230 |
Guardia ELZan | 150 |
Guardiako zerbitzua Tafallan |
Atxilotuentzako eta epaiketa azkarretarako guardia | 220 |
Guardia ELZan | 140 |
Elkargoaren funtzionamendu eta kudeaketa gastuak |
Izapidetutako espediente nagusi bakoitzeko | 38 |
Izapidetutako espediente lotu bakoitzeko | 22 |
PROKURADOREAK | TARIFA |
Zigor arloko jurisdikzioa |
Zigor arloa | 50 |
Zigor arlokoa, bereziki konplexua | 202 |
Jurisdikzio zibila |
Epaiketa arrunta | 50 |
Hitzezko epaiketa (prokuradorearen esku-hartzea beharrezkoa den kasuetan) | 41 |
Hitzezko epaiketa, demanda 901,52 eurotik beherakoa denean eta Prozedura Zibilari buruzko Legearen 250. artikuluko 1. apartatuan aipatzen diren gaiak ukitzen ez dituenean (kasu horretan, epaile-ebazpena beharrezkoa da abokatuaren laguntza jasotzeko premiari buruz) | 35 |
Behin-behineko neurriak | 31 |
Auzibideko neurrien aldaketa | 45 |
Familia, bi aldeen adostasuna | 35 |
Familia arloko prozedura osoa (ezkontza deuseztatzea barne) | 50 |
Administrazioarekiko auzien jurisdikzioa |
Laburtua | 35 |
Administrazioarekiko auzi-errekurtsoa | 49 |
Errekurtsoak | |
Apelazioak eta beste errekurtso batzuk | 35 |
Epaia betearaztea |
Zigor arloko betearazpena | 35 |
Familia arloko betearazpena | 30 |
Prozesutik kanpoko jarduketak | |
Epaitegietatik kanpoko transakzioak | Prozeduraren zenbatekoaren %75 |
Uzi onartezina, prokuradore batek esku hartu duenean | 25 |
Beste prozedura batzuk | |
Beste prozedura batzuk | 31 |
Elkargoaren funtzionamendu eta kudeaketa gastuak | |
Izapidetutako espediente nagusi bakoitzeko | 8 |
Izapidetutako espediente lotu bakoitzeko | 6 |
Xedapen gehigarri bakarra.–Guardiako txanda, sexu indarkeriaren biktima diren adingabeei eta nerabeei arreta emateko (Barnahus).
Iruñeko Abokatuen Elkargoko guardia/prestasun txanda bat sortzen da, astean 8 ordukoa, sexu indarkeriaren biktima diren adingabeei eta nerabeei arreta emateko (Barnahus).
Xedapen iragankor bakarra.–Ondorio ekonomikoak.
Foru agindu honen ondorio ekonomikoak 2025eko apirilaren 3ra atzera eramanen dira, gatazkak konpontzeko bitarteko alternatiboei dagokienez, eta konpentsazio ekonomikorako modulu eta oinarriak berrikusi eta gaurkotzearen ondorio ekonomikoak 2026ko urtarrilaren 1era atzeratuko dira.
Azken xedapen bakarra.–Indarrean jartzea.
Foru agindu honek Nafarroako Aldizkari Ofizialean argitaratu eta biharamunean hartuko du indarra.
Iruñean, 2025eko abenduaren 11n.–Barneko, Funtzio Publikoko eta Justiziako kontseilaria, Amparo López Antelo.
Iragarkiaren kodea: F2516340