1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
313E/2025 FORU AGINDUA, abuztuaren 29koa, Osasuneko kontseilariak emana, Eduardo Senosiain Lisarri jauna Osasunbidea-Nafarroako Osasun Zerbitzuko Administrazio Elektronikoaren, Segurtasunaren eta Prozesuak Kudeatzeko Zerbitzuko buru izendatzen duena bitarte baterako.
Osasunbidea-Nafarroako Osasun Zerbitzuaren Estatutuek, zeinak irailaren 3ko 171/2015 Foru Dekretuaren bidez onetsi eta gerora zenbaitetan aldatu baitira, 20.1 artikuluan ezartzen dute Osasun Departamentuko titularraren foru aginduz izendatu eta kargutik kenduko direla organo zentraletako zuzendariak, kudeatzaileak, zuzendariordeak, organo periferikoetako zuzendariak eta zerbitzuetako buruak, Osasunbidea-Nafarroako Osasun Zerbitzuko zuzendari kudeatzaileak proposatuta.
Ikusirik Osasunbidea-Nafarroako Osasun Zerbitzuko zuzendari kudeatzaileak aurkeztu duen proposamena,
AGINTZEN DUT:
1. Eduardo Senosiain Lisarri jauna Osasunbidea-Nafarroako Osasun Zerbitzuko Administrazio Elektronikoaren, Segurtasunaren eta Prozesuak Kudeaketako Zerbitzuko buru izendatzea bitarte baterako, 2025eko irailaren 2tik aurrerako ondorioekin.
2. Foru agindu hau interesdunari jakinaraztea, eta igortzea Funtzio Publikoko Zuzendaritza Nagusira, Osasunbidea-Nafarroako Osasun Zerbitzuko zuzendari kudeatzaileari, Profesionalen Zuzendaritzara, Ordainsari eta Prestazioen Zerbitzura, Langileriaren Prozesu eta Ebaluazio Zerbitzura eta Langileen Antolamendu eta Araubidearen Atalera, behar diren ondorioak izan ditzan.
3. Foru agindu hau Nafarroako Aldizkari Ofizialean argitaratzea.
Iruñean, 2025eko abuztuaren 29an.–Landa Garapeneko eta Ingurumeneko kontseilaria, José María Aierdi Fernández de Barrena. (Ordezpen bidez sinatua, Nafarroako Foru Komunitateko Lehendakariaren abuztuaren 19ko 15/2025 Foru Dekretuari jarraikiz).
Iragarkiaren kodea: F2511509
