2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BAZTAN
Kirol-jarduerak garatzeko dirulaguntzak - 2025. Laburpena
DDBN (Identif.): 854119.
Dirulaguntza orokorrei buruzko azaroaren 17ko 38/2003 Legearen 17.3.b eta 20.8.a artikuluetan ezarritakoaren arabera, deialdiaren laburpena argitaratzen da. Horren testu osoa datu base nazionalean aurki daiteke. Dirulaguntzak (https://www.infosubvenciones.es/bdnstrans/GE/eu/convocatoria/854119).
Baztango Udalak, 2025eko abuztuaren 29ko 2025/536 Ebazpen zenbakian, onetsi zituen 2025ean Baztango kirol-klubek ohiko kirol-jarduerak garatzeko dirulaguntzak eskatzeko deialdi publikoa arautzen duten oinarriak.
Lehendabizikoa.–Onuradunak.
Baztanen egoitza soziala duten kirol-klubek hartzen ahal dituzte oinarri hauen xede diren dirulaguntzak.
Bigarrena.–Xedea.
Oinarri hauen helburua da Baztanen egoitza soziala duten kirol-klubek ohiko kirol-jarduerak garatzera zuzendutako dirulaguntzak norgehiagoka emateko araubidea jartzea.
Hirugarrena.–Oinarri arautzaileak.
http://www.baztan.eus.
Laugarrena.–Eskabideak aurkezteko epea.
Eskaerak egiteko epea deialdi hau Nafarroako Aldizkari Ofizialean argitaratu eta hurrengo egunetik kontatzen hasita, 30 egun naturalen barnean. Eskabideak aurkezteko epea luzaezina izanen da. Eskabideak ezarritako epez kanpo aurkezteak onartuak ez izatea ekarriko du.
Dirulaguntzaren eskaerak eta agiriak Baztango Udaleko Erregistroan aurkeztuko dira erregistro elektroniko bidez.
Elizondon, 2025eko abuztuaren 29an.–Jarduneko alkatea, Mariano Iribarren Irigoyen.
Iragarkiaren kodea: L2511520