1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
1763/2025 EBAZPENA, 2025eko abuztuaren 13koa, Nafarroako Unibertsitate Publikoko errektoreak emana, 2020-2021 eta 2021-2022 ikasturteetako Doktoretzako Aparteko Sarien deialdia onesten duena.
Ikusirik Zerbitzu Juridikoaren txostena.
Ikusirik NADOEko zuzendariaren eta Ikerketako errektoreordearen ebazpen proposamena.
Unibertsitate Sistemari buruzko 2023ko martxoaren 22ko 2/2023 Lege Organikoaren 50. artikuluak eta Nafarroako Unibertsitate Publikoaren Estatutuen 40. artikuluak (estatutuak 2003ko maiatzaren 12ko 110/2003 Foru Dekretuak onetsi zituen, eta Nafarroako Gobernuaren 2011ko martxoaren 21eko erabaki batek aldatu) ematen dizkidaten eskudantziak erabiliz,
EBAZTEN DUT:
Lehenbizikoa.–Onestea 2020-2021 eta 2021-2022 ikasturteetako Doktoretzako Aparteko Sarien deialdia, eranskin gisa doazen oinarriei lotuko zaiena.
Bigarrena.–Ebazpen hau Ikerketako errektoreordeari, Nafarroako Doktoretza Eskolako zuzendariari, Irakaskuntza Zerbitzuko zuzendariari eta Sarbidearen, Beken eta Tituluen Ataleko buruari aditzera ematea.
Hirugarrena.–Ebazpen hau eta eranskinean agertzen diren oinarriak Nafarroako Aldizkari Ofizialean eta Unibertsitatearen iragarki ohol elektronikoan argitara daitezela agintzea.
Laugarrena.–Ebazpen honek administrazio bidea agortzen du, Unibertsitate Sistemari buruzko 2023ko martxoaren 22ko 2/2023 Lege Organikoaren 38.4 artikuluak xedatzen duenaren arabera, eta zilegi da aukerako berraztertzeko errekurtsoa jartzea, errektoreari zuzendua, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzien Epaitegietan, hilabeteko epean lehenbiziko kasuan, eta bi hilabeteko epean bigarrenean, biak ere ebazpena Nafarroako Aldizkari Ofizialean argitaratu eta biharamunetik kontatzen hasita.
Iruñean, 2025eko abuztuaren 13an.–Ramón Gonzalo García, errektorea.
ERANSKINA.–2020-2021 ETA 2021-2022 IKASTURTEETAKO DOKTORETZAKO APARTEKO SARIEN DEIALDIAREN OINARRIAK
Deialdia egin da 2020-2021 eta 2021-2022 ikasturteetako Doktoretzako Aparteko Sariak emateko. Kontuan harturik aldi honetan zenbat tesi irakurri diren, eta zer arlotakoak diren, honako sari hauek emanen dira:
Nekazaritzaren eta Nekazaritzako Elikagaien Zientziak | 3 |
Osasun Zientziak | 2 |
Giza eta Gizarte Zientziak | 1 |
Industriako Zientziak eta Teknologiak | 1 |
Ekonomia, Enpresa eta Zuzenbidea | 1 |
Komunikazioen, Bioingeniaritzaren eta Energia Berriztagarrien Teknologiak | 1 |
Aski izanen da izangai bakarra egotea Batzordeak izangai hark Aparteko Saria merezi ote duen epaitzeko.
Arlo bakoitzean gehien nabarmendu diren tesiei emandako aparteko kalifikazioa edo aitorpena izanen da saria.
Emandako sariak doktorearen espediente akademikoan jasoko dira.
Nafarroako Doktoretza Eskolak Unibertsitateko iragarki ohol elektronikoan argitaratuko du aparteko sariak emateko ebazpena, errektoreak emana. Ebazpen horretan, saritu bakoitzaren izena eta abizenak azalduko dira, bai eta tesiaren izena eta hura zer arlokoa den ere; hala ere, argitalpen horrek ez du eragotziko ebazpena Nafarroako Unibertsitate Publikoaren webgunearen bidez ere zabaltzea.
Hautagaiak.
2020ko urriaren 1etik 2022ko irailaren 30era bitartean Nafarroako Unibertsitate Publikoan doktoretza-tesia defendatu eta bikain cum laude kalifikazioa lortu duten doktore guztiek parte hartzen ahalko dute deialdi honetan, betiere eskaerak aurkezteko epea amaitu baino lehen titulu ofiziala eskatu eta hura tramitatzeko prezio publikoa ordaindu badute.
Hautagaiak aukeratzeko batzordeen osaera.
Nafarroako Doktoretza Eskolak hautaketa-batzorde bat izendatuko du arlo bakoitzeko, eta Eskolako zuzendariak (edo hark NADOEko Zuzendaritza Batzordean eskuordetzen duen pertsonak) eta dagozkien arloetan entzute handia duten bi doktorek osatuko dute horietako bakoitza. Horretarako, batzordeko kide izateko, bi ikerketa-tarte edo gehiago dituen eta beste unibertsitate edo ikerketa zentro batekoak diren bi irakasle proposa ditzan eskatuko zaio Doktoretza Programako Irakaskuntza Batzorde bakoitzari. Proposamenarekin batera, Doktoretza Programetako Irakaskuntza Batzorde bakoitzak irakasle batzordekide bakoitzaren curriculum vitae laburtua aurkeztu beharko du. Hautaketa-epaimahaietan ezin izanen dute parte hartu ez tesien tutoreek, ez zuzendariek, ez sarietara aurkeztu diren tesien epaimahaietako kideek, ezta izangaien tesiak berraztertu dituzten kanpoko aztertzaileek ere.
Nafarroako Doktoretza Eskolak arlo bakoitzean proposatzen diren kideen artetik izendatuko ditu batzordekideak. Doktoretza Programei dagozkien Irakaskuntza Batzordeetatik ez bada nahikoa kiderik proposatzen, Nafarroako Doktoretza Eskolak beste izen batzuk proposatuko ditu hautaketa-batzordeak osatu arte.
Hautatzeko irizpideak.
Tesiak balioetsiko dituzten hautaketa-batzordeek lehentasunezko irizpide hauei jarraituko diete aurkezten diren lanen kalitatea egiaztatzeko:
–Doktoretza-tesian erdietsitako helburu edo ondorio nagusiak.
–Berritasun maila, gaiaren aurreko egoerarekin alderatuta.
–Tesiaren gaiarekin zerikusi zuzena duten argitalpenak (aldizkari indexatuetakoak). Onartuta eta argitaratzeko zain daudenak ere hartuko dira kontuan.
–Argitalpenei buruz edo tesiari berari buruz beste egile batzuek egin dituzten erreferentziak, argitaratu diren iritziak edo kalitatearen beste adierazgarri batzuk.
–Patenteak, edo doktoretza-tesiaren ondorio zuzena diren beste emaitza batzuk.
Hautaketa-batzordeek zilegi dute sariak eman gabe uztea; bestela, Nafarroako Doktoretza Eskolari jakinaraziko dizkiote saria emateko proposamenak. Hautaketa-batzordeetako kideren batek bere zeregina modu telematikoan egin behar izanez gero, hari esleitutako tesi bakoitzaren txosten bat igorri beharko dio epaimahaiari.
Eskaerak aurkezteko epea eta tokia.
Eskaerak aurkezteko epea 15 egun baliodunekoa izanen da deialdi hau Nafarroako Aldizkari Ofizialean argitaratu eta biharamunetik kontatzen hasita; eskaera aurkezteko, Nafarroako Unibertsitate Publikoaren egoitza elektronikoko erregistro elektronikoa erabili beharko da. Eskaera aurkezteak deialdiaren oinarriak onartzea dakar berekin.
Nahitaezkoa izanen da dokumentu hauek aurkeztea:
–Berariazko eskabidea, behar bezala betea, zeina deialdiarekin batera argitaratuko baita Unibertsitatearen iragarki ohol elektronikoan.
–Curriculum vitaea.
–Gehienez hamar orrialde dituen memoria bat (Times New Roman 12 letra-mota, eta tarte bat eta erdiko lerroartea), nahitaez honako puntu hauek izan behar dituena:
- Tesiaren laburpena.
- Erdietsitako helburu edo ondorio nagusiak.
- Berritasun maila, gaiaren aurreko egoerarekin alderatuta.
- Izangaiaren argitalpenak eta patenteak, tesiaren gaiarekin zerikusi zuzena dutenak. Onartuta eta argitaratzeko zain daudenak ere hartuko dira kontuan.
- Lanaren kalitatea bermatzen duten adierazleak: beste egile batzuen erreferentziak, lanak argitaratu diren aldizkarien oihartzun-indizea, etab.
Curriculum vitaea eta memoria euskarri elektronikoan aurkeztuko dira, egoitza elektronikoaren bidez.
Argitalpena.
Deialdi hau eta bere oinarriak Nafarroako Aldizkari Ofizialean argitaratuko dira. Gainerako jarduerak NUPeko iragarki ohol elektronikoan agertuko dira, eta zilegi izanen da modu osagarri eta ez-ofizialean posta elektronikoaren bidezko abisu bat bidaltzea.
Halaber, Nafarroako Doktoretza Eskolaren webgunean ere emango da horren berri.
Egutegia.
Nafarroako Doktoretza Eskolak jarraian aipatzen diren jardueren egutegia prestatuko du, eta egutegi hori Unibertsitatearen iragarki ohol elektronikoan jarriko da, deialdia Nafarroako Aldizkari Ofizialean argitaratu eta 15 egun balioduneko epean beranduenez:
–Eskaerak aurkezteko azken eguna.
–Doktoretza Programetako Irakaskuntza Batzordeek nolako epea izanen duten hautaketa-batzordeetako kide izanen direnen proposamenak bidaltzeko.
–Hautagaiak aukeratzeko batzordeen izendapena.
–Batzordeek aparteko sarietarako hautagaiak proposatzeko epea.
–Sariak emateko prozedura ebazteko azken eguna.
Ebazpena.
Sariak Nafarroako Unibertsitate Publikoko errektorearen ebazpen baten bidez emanen dira, deialdia Nafarroako Aldizkari Ofizialean argitaratu eta lau hilabeteko epean beranduenez. Epe hori kontatzeko, abuztua ez da kontuan hartuko.
Ebazpena NUPeko iragarki ohol elektronikoan argitaratzea izanen da izangaiei jakinarazpena egiteko egintza formala.
Sariak behin betiko emateko errektoreak emandako ebazpenaren kontra, interesdunek zilegi dute aukerako berraztertzeko errekurtsoa jartzea, errektoreari berari zuzendua, hilabeteko epean, edo, bestela, administrazioarekiko auzi-errekurtsoa maila bereko Nafarroako epaitegietan, bi hilabeteko epean, biak ere ebazpena Unibertsitatearen iragarki ohol elektronikoan argitaratu eta biharamunetik kontatzen hasita.
Datuen babesa.
Datuen tratamendua honako hauei jarraikiz eginen da: Datuak Babesteko Europako Erregelamendua eta Datu Pertsonalak Babesteari eta eskubide digitalak bermatzeari buruzko 2018ko abenduaren 5eko 3/2018 Lege Organikoa.
Tratamenduaren arduraduna Nafarroako Unibertsitate Publikoa (NUP).
Tratamenduaren xedea: Datuen tratamendu hau justifikatzen duen xedea da Doktoretzako Aparteko Sarien emakidan parte hartzea.
Tratamenduaren legitimazioa.
DBEOaren 6. artikulua: a) Interesdunaren baimena.
DBEOaren 6. artikulua: e) Interes publikoan egindako misioa.
Oinarri juridikoa:
http://www.unavarra.es/conocerlauniversidad/araudia?languageId=100001
Datu pertsonalen tratamendua beharrezkoa da interes publikoko misio bat betetzeko, eta honako hauek legitimizatzen dute:
–Datuak Babesteko Erregelamendu Orokorraren 6.1 artikuluaren a) eta e) letrek.
–Datu Pertsonalak Babesteari eta eskubide digitalak bermatzeari buruzko 2018ko abenduaren 5eko 3/2018 Lege Organikoaren 6. eta 8. artikuluek.
Interesdunen eskubideak:
DBEOaren 12-22. artikuluak eta Datu Pertsonalak Babesteko Lege Organikoaren 12-18. artikuluak: Datuak eskuratu, zuzendu eta ezabatzeko eskubidea duzu, baita beste eskubide batzuk ere, informazio gehigarrian adierazten den bezala.
Interesdun izaera:
DBEOaren 1. eta 5. artikuluek: Parte hartzen duten doktoregaiak, haien datuak tratatzen baitira sariak emateko.
Datu pertsonalen tratamenduari buruzko informazio gehigarria:
Datuen tratamenduaren arduraduna.
Nafarroako Unibertsitate Publikoa, nortasun juridiko propioa duen instituzioa den aldetik.
IFKa: Q3150012G 0035 kodea Unibertsitateen, Ikastegien eta Tituluen Erregistroan.
Egoitza: Arrosadiko campusa z.g., 31006 Iruñea.
Jabari elektronikoa: http://www.unavarra.es/?languageId=100001.
Datuen Babeserako delegatua. Delegatuarekin harremanetan jartzeko:
delegado.protecciondatos@unavarra.es.
Tratamenduaren ardurakideak.
Ez dagokio tratamendu honi.
Nork tratatuko dituen datuak.
Ez dagokio tratamendu honi.
Datu pertsonalen tratamenduaren xedea.
Datuen tratamendu hau justifikatzen duen xedea da doktoregaiek Doktoretzako Aparteko Sarien emakidan parte hartzea.
Datuak tratatzeko legitimazioa.
Aurreikusitako tratamenduaren oinarri juridikoa misioaren interes publikoa eta interesdunaren baimena dira.
Doktoregaiak legezko interesdun dira beren datuen tratamenduan.
Datuak gordetzeko epeak eta irizpideak.
Unibertsitateak betiko gordetzen ahalko ditu zure datuak, jasota gera dadin doktoretza egin eta gainditu duzula.
Erabaki automatizatuak, profilak eta logika aplikatua.
Zure datuak ez dira erabiliko ez erabaki automatizatuetarako, ez profilak egiteko.
Interesdunen eskubideak datuen tratamenduari dagokionez.
Zuri buruz tratatzen ditugun datu pertsonaletara sarbidea eskatzeko.
Datuak zuzentzea edo kentzea eskatzeko.
Datuen tratamendua mugatzea eskatzeko. Haien tratamenduari uko egiteko.
Datuen portabilitatea egiteko.
Eskubide horiek tratamenduaren arduradunari eskatuta gauzatu daitezke, eta posiblea den neurrian, baita ardurakideari eta tratamenduaren egileari eskatuta ere.
Informazioa jasotzeko, helbide elektroniko honetara idatzi behar da: delegado.protecciondatos@unavarra.es.
Datuak babesteko politika hemen egonen da ikusgai: http://www.unavarra.es/?languageId=100001
Halaber, jakinarazten dizugu ezen, eskubide horiek erabiltzeko eskaera aurkezten baduzu eta zure iritzian gure erakundeak ez badizu behar bezalako arreta eman, Datuak Babesteko Espainiar Agentziaren aurrean erreklamazioa aurkezteko aukera duzula:
https://sedeaepd.gob.es/sede-electronica-web/vistas/infoSede/tramitesCiudadanoReclamaciones.jsf
Nola lortu ditugu zure datuak?
Tratatu beharreko datu pertsonalak sarien deialdian parte hartzeko formularioan eman dizkiguzunak dira.
Tratatzen ditugun datuen kategoriak.
a) Identifikatzeko datuak:
–Ikaslea identifikatzeko datuak: IFZ/NANa, izena eta deiturak, telefonoa, sinadura, helbide elektronikoa.
–Tesiaren zuzendaria eta zuzendarikidea identifikatzeko datuak: Izen-deiturak.
b) Beste datu mota batzuk:
–Akademikoak eta profesionalak: curriculum vitaea.
Iragarkiaren kodea: F2511050