1. NAFARROAKO FORU KOMUNITATEA
1.7. BESTELAKOAK
121/2025 EBAZPENA, abuztuaren 11koa, Industria Antolamenduaren, Azpiegitura Energetikoen eta Meatzeen Zerbitzuko zuzendariak emana, zeinaren bidez Azkoiengo udal-mugartean goi-tentsioko instalazio elektriko bat jartzeko aurretiazko administrazio-baimena eta eraikitzeko administrazio-baimena ematen baitira, eta instalazio horrek onura publikoa duela zehazki deklaratzen baita. Espedientearen kodea: SAT11562.
Bat etorriz Sektore Elektrikoari buruzko abenduaren 26ko 24/2013 Legean ezarritakoarekin, 2024ko irailaren 26an, Eduardo Ryan Murúak, I-DE Redes Eléctricas Inteligentes SAU ordezkatuz, aurretiazko administrazio-baimena eta eraikitzeko administrazio-baimena eskatu zituen, bai eta onura publikoa zehazki deklaratzea ere, proiektu honetarako: zirkuitu bikoitzeko 66kV-eko linea berria, "Tafalla" transformazio-azpiestazioaren barneko "Tutera 1" linea izenekoa, "Azkoien" transformazio- eta banaketa-azpiestazioaren eta 62. euskarriaren artean, Azkoiengo udal-mugartean.
Sustatzaileak 2024ko irailean aurkeztutako dokumentazio teknikoaren arabera, linea berri bat proiektatu da, tarte batzuetan egungo trazadurarekiko paraleloan edo pixka bat desbideratuta joanen dena, eta beste tarte batzuetan lehengo trazaduratik bertatik, ingurumen-inpaktua murrizteko. Linearen lehen tartea lurpetik doa, garatzeke dagoen eremu urbanizagarri bat saihesteko, proiektuan jasotako dokumentazio grafikoaren arabera.
Proiektua eta ukitutako ondasun eta eskubideen zerrenda jendaurrean jarri ziren hogeita hamar egun balioduneko epean, iragarkia Nafarroako Aldizkari Ofizialean (2024ko 224. Nafarroako Aldizkari Ofiziala, azaroaren 5ekoa) eta Diario de Navarra egunkarian (2024ko azaroaren 6koa) argitaratuta, eta dokumentazioa Nafarroako Gobernu Irekiaren webgunean argitaratu zen. Hori guztia, betetzeko Sektore Elektrikoari buruzko abenduaren 26ko 24/2013 Legearen 55. artikuluan ezarritakoa, bai eta Energia elektrikoko instalazioen garraioko, banaketako, merkaturatzeko eta hornidurako jarduerak eta baimentze-prozedurak arautzen dituen abenduaren 1eko 1955/2000 Errege Dekretuaren 125. eta 144. artikuluetan xedatutakoa ere. Halaber, informazioa Azkoiengo Udalari igorri zitzaion, epe berean jendaurrean jar zezan. Egintza hori egiaztatzen duen eginbidea espedientean jaso da.
Ez zen alegaziorik jaso.
Abenduaren 1eko 1955/2000 Errege Dekretuaren 127., 131. eta 146. artikuluetan xedatutakoa aplikatuz, kontsulta egin zitzaien ukitutako erakundeei, eta honako txosten hauek jaso ziren taulan adierazitako datetan:
ERAKUNDEA | TXOSTENA | DATA |
Azkoiengo Udala | - | - |
Nafarroako Ubidea SA | 1 | 2024-11-06 |
Ebroko Konfederazio Hidrografikoa (CHE) | - | - |
Zainketa Zerbitzua (Herri-lanen eta Azpiegituren Zuzendaritza Nagusia) | - | - |
Herri-lurren Atala (Nekazaritza eta Abeltzaintzako Zuzendaritza Nagusiko Nekazaritzako Azpiegituren Zerbitzua) | 4 | 2024-12-19 |
Ureztalurren Atala (Nekazaritza eta Abeltzaintzako Zuzendaritza Nagusiko Nekazaritzako Azpiegituren Zerbitzua) | - | - |
Aguas de Navarra SA | 3 | 2024-11-15 |
Nedgia SA | 2 | 2024-11-08 |
Abenduaren 1eko 1955/2000 Errege Dekretuaren 126., 127., 131., 145. eta 147. artikuluei jarraikiz, aipatutako txostenak sustatzaileari igorri zitzaizkion, eta hark adierazi zuen txosten horiekin ados zegoela.
Txosten horien edukia eta azterketa laburbiltzen dira ebazpen honen I. eranskinean.
2025eko otsailaren 13an, sustatzaileak jakinarazi zuen zenbait aldaketa egin zirela proiektuan eta ukitutako ondasun eta eskubideen zerrendan.
Aldaketa horren helburu nagusia da lurpeko trazadura aldatzea Azkoiengo 3. poligonoko 703., 898. eta 784. lurzati urbanizagarrietan, eta horrekin erantzun nahi zaio partikular batek 126. euskarriaren kokalekua aldatzeko egin duen eskariari. Partikular horrek eskatu du 126. euskarriaren kokalekua aldatzeko, eta 17. poligonoko 1048. lurzatitik (laborantzakoa) belarki eta zuhaixken eremu mugakide batera eramateko.
Horiek horrela, aldatutako proiektuaren eranskina jendaurrean jarri zen, iragarkia paratuz 2025eko 75. Nafarroako Aldizkari Ofizialean, apirilaren 15ean, eta 2025eko apirilaren 16ko Diario de Navarra egunkarian. Halaber, informazioa Azkoiengo Udalari igorri zitzaion, epe berean jendaurrean jar zezan. Egintza hori egiaztatzen duen eginbidea espedientean jaso da.
Ez zen alegaziorik jaso.
Abenduaren 1eko 1955/2000 Errege Dekretuaren 127., 131. eta 146. artikuluetan xedatutakoa aplikatuz, kontsulta egin zitzaien ukitutako erakundeei, eta honako txosten hauek jaso ziren taulan adierazitako datetan:
ERAKUNDEA | TXOSTENA | DATA |
Azkoiengo Udala | - | - |
Nafarroako Ubidea SA | 7 | 2025-04-22 |
Ebroko Konfederazio Hidrografikoa (CHE) | 8 | 2025-04-25 |
Zainketa Zerbitzua (Herri-lanen eta Azpiegituren Zuzendaritza Nagusia) | 5 | 2025-03-20 |
Nafarroako Ubidearen eremu ureztagarriaren sozietate emakidaduna (Aguacanal) | 6 | 2025-04-15 |
Abenduaren 1eko 1955/2000 Errege Dekretuaren 126., 127., 131., 145. eta 147. artikuluei jarraikiz, aipatutako txostenak sustatzaileari igorri zitzaizkion, eta hark adierazi zuen txosten horiekin ados zegoela.
Txosten horien edukia eta azterketa laburbiltzen dira ebazpen honen I. eranskinean.
Ingurumen Ebaluaziorako Atalak, 2025eko apirilaren 4ko txostenean, adierazten du ezen proposatutako aldaketak aztertu dituela eta, ingurumen-ebaluazioaren ikuspuntutik, ez dutela aldaketa nabarmenik eragiten ingurumen-inpaktuaren txostenean ebaluatutako eta informatutako edukian, eta, beraz, ez dela beste ebazpenik eman behar, aipatu baimen horretan adierazitako baldintzak indarrean daudelako. Ingurumen-inpaktuaren txosten hori formulatu zen Ingurumeneko zuzendari nagusiaren apirilaren 3ko 261E/2024 Ebazpenaren bidez.
Lurralde Antolamenduko zuzendari nagusiaren uztailaren 4ko 324E/2025 Ebazpenaren bidez, proiekturako lurzoru urbanizaezineko jarduerak eta erabilerak baimendu ziren, eta hirigintza-ebazpenean bertan jasotako determinazioak bete beharko direla adierazi zen.
Adierazitakoarekin eta espedientean dagoen dokumentazioarekin bat, eta Enpresen Sustapenerako eta Azpiegituretako zuzendari nagusiak, uztailaren 30ean emandako 29/2025 Ebazpenaren bidez, eskuordetu dizkidan eskumenak erabiliz (2025eko 155. Nafarroako Aldizkari Ofiziala, abuztuaren 5ekoa), Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. eta 11. artikuluetan ezarritakoa betetzeko,
EBAZTEN DUT:
1. I-DE Redes Eléctricas Inteligentes SAUri aurretiazko administrazio-baimena eta eraikitzeko administrazio-baimena ematea aipatutako goi-tentsioko instalazio elektrikoa jartzeko, aurkeztutako proiektua onestea eta hogeita hamasei hilabeteko epea ematea lanak egiteko.
2. Baimen hau emanda ere, instalazioaren eskatzaileak lortu beharko ditu instalazioa gauzatzeko beharrezkoak diren kontzesio, lizentzia eta baimen guztiak, publikoak nahiz pribatuak, bat etorrita aplikatzekoak diren beste xedapen batzuekin.
3. Instalazioak egin beharko dira aurkeztutako proiektuari jarraikiz, eta bat etorri beharko dute honako arau hauetan xedatutakoarekin: Goi-tentsioko instalazio elektrikoetako baldintza teknikoei eta segurtasun-bermeei buruzko erregelamendua eta haien jarraibide tekniko osagarriak (ITC-RAT 01-23) onesten dituen maiatzaren 9ko 337/2014 Errege Dekretua eta Goi-tentsioko linea elektrikoen baldintza teknikoei eta segurtasun-bermeei buruzko erregelamendua eta haien jarraibide tekniko osagarriak (ITC-LAT 01-09) onesten dituen otsailaren 15eko 223/2008 Errege Dekretua.
4. Behin proiektua gauzaturik, eskatzaileak eskatu beharko du zerbitzuan jartzearen akta. Eskaera horri obra-bukaerako ziurtagiria erantsi beharko zaio, teknikari fakultatibo eskudunak izenpetua, bai eta aplikatzekoa den araudian ezarritako gainerako dokumentazioa ere.
5. Instalazioaren onura publikoa zehazki deklaratzea, bat etorrita Sektore Elektrikoari buruzko abenduaren 26ko 24/2013 Legearen 54., 55. eta 56. artikuluetan, eta abenduaren 1eko 1955/2000 Errege Dekretuaren 148. eta 149. artikuluetan ezarritakoarekin; hori horrela, enpresa eskatzailea onuraduna izanen da desjabetze-espedientean. Ukitutako ondasun eta eskubideen zerrenda ez zen aldatu jendaurreko aldia igaro ondoren; ebazpen honen II. eranskinean ageri da.
6. Ebazpen hau igortzea Industria Antolamenduaren, Azpiegitura Energetikoen eta Meatzeen Zerbitzura, Herri-lanen eta Azpiegituren Zuzendaritza Nagusiko Zainketa Zerbitzura, Ureztalurren Atalera eta Herri-lurren Atalera, behar diren ondorioak izan ditzan.
7. Ebazpen hau Nafarroako Aldizkari Ofizialean argitaratzea, orok jakin dezan.
8. Ebazpen hau honako hauei jakinaraztea: I-DE Redes Eléctricas Inteligentes SAU, Nafarroako Ubidea SA, Nafarroako ubidearen eremu ureztagarriaren sozietate emakidaduna (Aguacanal), Aguas de Navarra SA eta ukitutako ondasun eta eskubideen titularrak. Aldi berean, ohartaraziko zaie ezen ebazpen honek ez duela administrazio-bidea agortzen eta haren aurka gora jotzeko errekurtsoa aurkezten ahal dutela, Industriako eta Enpresen Trantsizio Ekologiko eta Digitalerako kontseilariari zuzendua, hilabeteko epean, ebazpen hau jakinarazi eta biharamunetik hasita. Errekurtsoan espedientearen kodea adierazi beharko dute.
9. Ebazpen hau jakinaraztea Azkoiengo Udalari eta Ebroko Konfederazio Hidrografikoari, eta ohartaraztea honen kontra administrazioarekiko auzi-errekurtsoa jartzen ahal dela, eskumena duen ordena jurisdikzionalari zuzendua, argitaratu eta biharamunetik hasita bi hilabeteko epean, galarazi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
Iruñean, 2025eko abuztuaren 11n.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.
I. ERANSKINA.–JASOTAKO TXOSTENAK
1. Jendaurreko informazioa.
Jarraian, jasotako txostenen laburpena eta azterketa azalduko dira:
1. txostena. Nafarroako Ubidea SA.
2024ko azaroaren 6ko txostenaren bidez, Nafarroako Ubidea SAk adierazi zuen bere eskumenetik kanpo dagoela Nafarroako Ubideko eremu ureztagarriko Arga 4-XXII. sektoreko sarearekiko gurutzaketa.
2. txostena. Nedgia SA.
2024ko azaroaren 8ko txostenaren bidez, Nedgia SAk adierazi zuen ados zegoela baldintza jakin batzuekin, bete dadin uztailaren 28ko 919/2006 Errege Dekretua, zeinaren bidez onesten baita gas-erregaien banaketa eta erabilerarako erregelamendu teknikoa eta haren ICG 01 jarraibide teknikoa.
3. txostena. Aguas de Navarra SA.
2024ko azaroaren 15eko txostenaren bidez, Aguas de Navarra SAk proiektua gauzatzeko zenbait baldintza ezarri zituen.
4. txostena. Herri-lurren Atala (Nekazaritza eta Abeltzaintzako Zuzendaritza Nagusiko Nekazaritzako Azpiegituren Zerbitzua).
2024ko abenduaren 19ko txostenaren bidez, Herri-lurren Atalak (Nekazaritza eta Abeltzaintzako Zuzendaritza Nagusiko Nekazaritzako Azpiegituren Zerbitzua) adierazi zuen ezen, gurutzaketen kasurako, aldeko irizpidea ezarri zuela, baina jakinarazi zuen kontuan hartu behar direla zenbait baldintza, abelbidearen gaineko ukipenak minimizatzeko.
2. Jendaurreko informazioa.
Jarraian, jasotako txostenen laburpena eta azterketa azalduko dira:
5. txostena. Zainketa Zerbitzua (Herri-lanen eta Azpiegituren Zuzendaritza Nagusia).
2025eko martxoaren 20ko txostenaren bidez, Zainketa Zerbitzuak proiektua gauzatzeko zenbait baldintza adierazi zituen.
6. txostena. Nafarroako Ubidearen eremu ureztagarriaren sozietate emakidaduna (Aguacanal).
Apirilaren 15eko idazki baten bidez, Aguacanalek adierazi zuen baldintza teknikoak eskatu behar zitzaizkiela, obrek ahalik eta eragin txikiena izan dezaten eremu ureztagarriko azpiegituretan.
7. txostena. Nafarroako Ubidea SA.
2025eko apirilaren 22ko txostenaren bidez, Nafarroako Ubidea SAk adierazi zuen baduela eragina Nafarroako Ubidean.
Eremu ureztagarriari eragiten dio, sektore hauetan: Aguacanalen eskumeneko IV.5 sektorea (Caparroso) eta Nafarroako uren eskumeneko "Arga 4" sektorea. Harremanetan jarri beharko dira Nafarroako Ubidearen eremu ureztagarriko enpresa emakidadunekin.
8. txostena. Ebroko Konfederazio Hidrografikoa (CHE).
Ebroko Konfederazio Hidrografikoak (CHE), apirilaren 25eko txostenean, aditzera eman zuen ezen, jabari publiko hidraulikoari eta korronteen araubideari dagokienez, proposatutako obrak baimendu daitezkeela, betiere espedientean jasotako dokumentazioari jarraituz eta lege-arauak errespetatuz. Gainera, adierazi zuen I-DE Redes Eléctricas Inteligentes SAUk, obrak hasi aurretik, erakunde horren nahitaezko administrazio-baimena lortu beharko duela.
II. ERANSKINA.–ONURA PUBLIKOA ZEHAZKI DEKLARATZEAK UKITZEN DITUEN ONDASUN ETA ESKUBIDEEN ZERRENDA ZEHATZA ETA BANAKAKOA
Ukitutako ondasun eta eskubideen zerrenda, proiektu honi dagokiona: zirkuitu bikoitzeko 66kV-eko linea berria, "Tafalla" transformazio-azpiestazioaren barneko "Tutera 1" linea izenekoa, "Azkoien" transformazio- eta banaketa-azpiestazioaren eta 62. euskarriaren artean, Azkoiengo udal-mugartean. Azkoiengo Udalak eskatu du, zehazki haren onura publikoa deklaratu dadin
TITULARRA | KATASTROKO DATUAK | UKIPENAK |
Udalerria | Poligonoa | Lurzatia | (Katastroko erreferentzia) | (Lur mota / Laborea) | Kutxatila kop. | Zangaren luzera (m) | Zangaren zabalera (m) | Euskarriaren zk. | Euskarriaren okupazioa (m²) | Lurgaineko azalera (m²) |
Francisco Javier Echarte Cosio M.ª José Ana Echarte Cosio M.ª Cristina Petra Echarte Cosio | Azkoien | 3 | 703 | 310000000002368247PM | Urbanizagarria | | 7 | 2 | 1 | 18,49 | 456,54 |
Edytef SL | Azkoien | 3 | 898 | 310000000002368686EH | Urbanizagarria | | | | | | 117,11 |
Francisco Javier Echarte Cosio M.ª José Ana Echarte Cosio M.ª Cristina Petra Echarte Cosio | Azkoien | 3 | 784 | 310000000002368248AQ | Basoa - Larreak | 1 | 48 | 2 | 2 157 155 154 | 22,75 22,75 2,73 2,89 | 13.325,19 |
Francisco Javier Echarte Cosio M.ª Cristina Petra Echarte Cosio M.ª José Ana Echarte Cosio | Azkoien | 3 | 699 | 310000000001322094WZ | Basoa - Larreak | | | | | | 723,27 |
Azkoiengo Udalaren herri-lurra | Azkoien | 3 | 760 | 310000000001322134OT | Basoa - Larreak | | | | 153 152 151 | 2,56 2,89 3,06 | 6.653,48 |
Azkoiengo Udalaren herri-lurra | Azkoien | 3 | 766 | 310000000001322138DO | Basoa - Larreak | | | | | | 368,82 |
Azkoiengo Udalaren herri-lurra | Azkoien | 3 | 5119 | 310000000001322156WZ | Lehorreko lurra | | | | 150 | 2,73 | 3.550,24 |
Azkoiengo Udalaren herri-lurra | Azkoien | 16 | 95 | 310000000001325196QB | Larreak | | | | 149 | 14,67 | 1.287,01 |
Azkoiengo Udalaren herri-lurra | Azkoien | 16 | 96 | 310000000001325197WZ | Larreak | | | | | | 232,74 |
Azkoiengo Udalaren herri-lurra | Azkoien | 17 | 5040 | 310000000001325997EX | Belardia | | | | 148 | 18,49 | 312,79 |
Azkoiengo Udalaren herri-lurra | Azkoien | 17 | 5038 | 310000000001325995QB | Ureztalurra | | | | 147 | 3,06 | 1.434,35 |
Azkoiengo Udalaren herri-lurra | Azkoien | 17 | 1131 | 310000000002408554MX | Ureztalurra | | | | 146 145 | 3,06 18,49 | 5.040,06 |
Azkoiengo Udalaren herri-lurra | Azkoien | 17 | 1134 | 310000000002408555QM | Zuhaitzak eta larreak | | | | | | 877,07 |
Ebroko Konfederazio Hidrografikoa | Azkoien | 17 | 876 | 310000000001325907OT | Ibaia | | | | | | 1.645,06 |
Azkoiengo Udalaren herri-lurra | Azkoien | 17 | 1135 | 310000000002408360BL | Zuhaitzak eta larreak | | | | | | 115,42 |
Ingurumen-integrazioko herri-lurrak, XXII. sektorea (Arga 4) | Azkoien | 17 | 1158 | 310000000002407972EW | Larreak | | | | 144 | 3,06 | 113,11 |
Azkoiengo Udalaren herri-lurra | Azkoien | 17 | 1148 | 310000000002408363MX | Ureztalurra | | | | 143 142 | 3,06 3,06 | 3.282,82 |
María Casas Jericó | Azkoien | 17 | 1147 | 310000000002408558RE | Ureztalurra | | | | 141 | 2,73 | 3.850,53 |
Rosa Amatriain Burgos Antonio Villafranca Zudaire | Azkoien | 17 | 1146 | 310000000002408168XZ | Ureztalurra | | | | | | 404,05 |
Juan Antonio Asín Guindulain María Ángeles Sánchez Inchusta | Azkoien | 17 | 1140 | 310000000002408166BL | Ureztalurra | | | | 139 | 3,24 | 2.141,20 |
M.ª Nieves Jericó Bermejo | Azkoien | 17 | 1141 | 310000000002408556WQ | Ureztalurra | | | | | | 1.248,12 |
Francisco Javier Orduña Castillejo | Azkoien | 17 | 1142 | 310000000002407968WQ | Ureztalurra | | | | | | 5,12 |
Juan Jesús Irisarri Moreno | Azkoien | 17 | 1160 | 310000000002408560EW | Ureztalurra | | | | 136 | 2,73 | 8.290,06 |
Juan José Bermejo Baquer M.ª Pilar Osés Ostívar | Azkoien | 17 | 1056 | 310000000002408148IU | Ureztalurra | | | | 134 401 | 14,67 2,10 | 2.431,28 |
Juan Antonio Orduña Cabezas M.ª Carmen Díaz Gómara | Azkoien | 17 | 1058 | 310000000002408341UY | Ureztalurra | | | | 132 | 2,73 | 4.376,03 |
Guillermo José Asín Sánchez | Azkoien | 17 | 1059 | 310000000002407948AP | Ureztalurra | | | | 130 | 2,89 | 498,24 |
Azkoiengo Udalaren herri-lurra | Azkoien | 17 | 1052 | 310000000002407947PO | Ureztalurra | | | | | | 1.753,21 |
Francisco Javier Chueca Guindulain | Azkoien | 17 | 1050 | 310000000002408146YT | Ureztalurra | | | | 128 | 2,73 | 2.500,78 |
Guillermo José Asín Sánchez | Azkoien | 17 | 1048 | 310000000002408339IU | Ureztalurra | | | | | | 2.142,81 |
Olga Losada Gurrea | Azkoien | 17 | 1047 | 310000000002408145TR | Ureztalurra | | | | | | 40,52 |
Francisco Javier Pascual Orduña | Azkoien | 17 | 958 | 310000000002228702GZ | Ureztalurra | | | | | | 1.426,42 |
Nafarroako Foru Komunitatea (Herri Lan, G. eta K. Dep.) | Azkoien | 17 | 1193 | 310000000002392804OE | Errepidea | | | | | | 448,83 |
M.ª Aranzazu Hernández Novas Pablo Javier Iribarren Iriso | Azkoien | 14 | 200 | 310000000002228662IF | Ureztalurra | | | | 124 | 22,75 | 5.157,16 |
Nafarroako Foru Komunitatea (altxonbideak) | Azkoien | 14 | 202 | 310000000002228664PH | Altxonbidea | | | | | | 804,60 |
Francisco Javier Chueca Guindulain Ana Carmen Ezpeleta Bermejo Guillermo José Asín Sánchez | Azkoien | 14 | 198 | 310000000002228660YS | Ureztalurra | | | | | | 826,82 |
Azkoiengo Udalaren herri-lurra | Azkoien | 14 | 203 | 310000000002228665AJ | Ureztalurretako mahastia | | | | 122 120 119 | 2,73 2,56 2,56 | 5.831,28 |
Azkoiengo Udalaren herri-lurra | Azkoien | 14 | 204 | 310000000002228666SK | Ureztalurra | | | | 117 | 2,89 | 5.414,66 |
Azkoiengo Udalaren herri-lurra | Azkoien | 14 | 205 | 310000000002228667DL | Lehorreko lurra | | | | 115 114 112 110 109 | 2,73 2,89 2,89 2,56 2,89 | 15.798,48 |
Azkoiengo Udalaren herri-lurra | Azkoien | 14 | 277 | 310000000002228584ZR | Larreak | | | | | | 109,23 |
Iragarkiaren kodea: F2510840