2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BARAÑAIN
Alkatetzak bereganatzea Tokiko Gobernu Batzarrari emandako eskumena, Merkataritza etorbideko 2-4 zenbakietan dagoen udal-lokala eguneko zentro gisa egokitzeari dagokiona
Barañaingo Udaleko alkateak, 2025eko abuztuaren 4an, 819 Ebazpena eman du. Hona hemen haren testu osoa:
Ebazpena, Barañaingo Udaleko alkate udalburuak emana, zeinaren bidez bereganatzen baita segurtasun- eta osasun-plana onesteko eskumena, obra-kontratu honetan: eguneko zentro gisa egokitzea Merkataritza etorbideko 2-4 zenbakietan dagoen lokala, Barañaingo Udalaren jabetzakoa.
María Lecumberri Bonilla, Barañaingo Udaleko alkate udalburua.
Tokiko Gobernu Batzarrak 2025eko ekainaren 26an hartutako erabakiaren bidez, Erki SL erakundeari adjudikatu zitzaion, 717.760,25 euroren truke (BEZik gabe), Merkataritza etorbideko 2-4 zenbakietan dagoen lokala (Barañaingo Udalaren jabetzakoa) eguneko zentro gisa egokitzeko obren gauzatzea, zuzentzea, hondakinak kudeatzeko plana egitea eta segurtasuna eta osasuna koordinatzea, obra horiek kontratatzeko espedientean.
Horri dagokionez, eta ikusirik Miguel Larraburu Sorozabal koordinatzaileak 2025eko uztailaren 23an sinatutako osasun- eta segurtasun-plana.
Sektore Publikoko Kontratuei buruzko azaroaren 8ko 9/2017 Legearen bigarren xedapen gehigarrian ezarritakoarekin bat.
Ikusirik Tokiko Gobernu Batzarrak duela hura onesteko eskumena, Alkatetzak 2023ko ekainaren 29ko 790 Ebazpenaren bidez egindako eskuordetzaren arabera.
EBATZI DUT:
Lehena.–Alkatetzak bereganatzea Tokiko Gobernu Batzarrari emandako eskumena egintza zehatz horri dagokionez, arrazoi teknikoak eta premiazkoak direla-eta.
Bigarrena.–Segurtasun- eta osasun-plana onestea, obra-kontratu honetan: eguneko zentro gisa egokitzea Merkataritza etorbideko 2-4 zenbakietan dagoen lokala, Barañaingo Udalaren jabetzakoa.
Hirugarrena.–Ebazpen hau jakinaraztea koordinatzaileari, kontratistari eta zuzendaritza fakultatiboari, behar diren ondorioak izan ditzan.
Laugarrena.–Ebazpen honetan ezarritako bereganatzeak ondorioak izanen ditu sinatzen den egunetik aurrera.
Bosgarrena.–Erabaki hau Hirigintza Arlora igortzea, jakinaren gainean egon dadin eta espedientean sartu dezan.
Seigarrena.–Ebazpen hau Nafarroako Aldizkari Ofizialean argitaratzea.
Zazpigarrena.–Bereganatze hau Tokiko Gobernu Batzarrera eta Udaleko osoko bilkurara igortzea, jakinaren gainean egon daitezen.
Barañainen, 2025eko abuztuaren 5ean.–Alkatea, María Lecumberri Bonilla.
Iragarkiaren kodea: L2510543
