1. NAFARROAKO FORU KOMUNITATEA
1.7. BESTELAKOAK
157/2025 EBAZPENA, abuztuaren 1ekoa, Digitalizazioko eta Hezkuntza Zerbitzuetako zuzendari nagusiak emana, zeinaren bidez aldatzen baita Mutiloako "Impulsa Centro de Formación" Lanbide Heziketako ikastetxe pribatu baimenduak duen baimena, irakaskuntzen eskaintza handitzeagatik.
JAD FORMACIÓN EN DEPORTE SL entitatea Mutiloako "Impulsa Centro de Formación" Lanbide Heziketako ikastetxe pribatu baimenduaren titularra da. Ikusirik entitateak eskatuta eginiko espedientea, zeinaren bidez eskatzen baita baimena aldatzea irakaskuntzen eskaintza handitzeagatik.
Nafarroako Foru Komunitatean araubide orokorreko irakaskuntza ez-unibertsitarioak ematen dituzten ikastetxe pribatuak baimentzeko prozedura ezarri zuen uztailaren 6ko 251/1992 Foru Dekretuaren III. tituluan ezarritako prozedurari jarraikiz.
Ikusirik Lanbide Heziketaren Plangintza eta Integraziorako Zerbitzuaren, Hezkuntzako Azpiegituren Zerbitzuaren eta Hezkuntzako Ikuskapen Zerbitzuaren aldeko txostenak.
Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz, eta Hezkuntzako Teknologien eta IKT Azpiegituren Zerbitzuak proposaturik,
EBAZTEN DUT:
1. Aldatzea, 2025-2026 ikasturtea hasten denetik, "Impulsa Centro de Formación" Lanbide Heziketako ikastetxe pribatu baimenduak duen baimena, irakaskuntzen eskaintza handitzeagatik.
2. Adieraztea honako hauek izanen direla ikastetxearen erregistroko datuak 2025-2026 ikasturtetik aurrera:
–Ikastetxearen kodea: 31015029.
–Titularra: JAD FORMACIÓN EN DEPORTE SL (IFKa: B71422158).
–Izen generikoa: Lanbide Heziketako irakaskuntzen ikastetxe pribatu baimendua.
–Berariazko izena: Impulsa Centro de Formación.
–Helbidea: bi egoitza, helbide hauetan:
- 1. egoitza: Mutiloabeitiko industrialdea, V kalea 1-3 zenbakia.
- 2. egoitza: El Soto kalea z.g.
–Herria: Mutiloabeiti 31192.
–Udalerria: Aranguren.
–Baimendutako irakaskuntzak eta gehieneko kopuruak:
1.–Lanbide Heziketako D graduen eskaintza.
a) Erdi mailako heziketa zikloak:
–Erizaintzako Zainketa Lagungarriak erdi mailako heziketa zikloa: modalitate presentziala, goizeko txandako bi unitaterekin lehenengo mailarako eta bigarren mailarako, eta arratsaldeko txandako bi unitaterekin lehenengo mailarako eta bigarren mailarako. Gehienez ere 24 postu unitateko.
–Farmazia eta Parafarmaziako Teknikaria erdi mailako heziketa zikloa: modalitate presentziala, arratsaldeko txandan, bi unitaterekin: bat lehen mailakoa eta bestea bigarren mailakoa, eta gehienez 24 postu unitateko.
–Mendekotasuna duten Pertsonei Arreta Egitea erdi mailako heziketa zikloa: modalitate presentziala, goizeko txandan, bi unitaterekin: bat lehen mailakoa eta bestea bigarren mailakoa, eta gehienez 24 postu unitateko.
–Ingurune Naturaleko eta Aisialdiko Gidaria erdi mailako heziketa zikloa: modalitate presentziala, goizeko txandan, bi unitaterekin: bat lehen mailakoa eta bestea bigarren mailakoa, eta gehienez 24 postu unitateko.
b) Goi-mailako heziketa zikloak:
–Gizarte eta Kirol Animazioa eta Irakaskuntza goi mailako heziketa zikloa: modalitate presentziala, goizeko txandan, bi unitaterekin: bat lehen mailakoa eta bestea bigarren mailakoa, eta gehienez 24 postu unitateko.
–Egokitzapen Fisikoa goi mailako heziketa zikloa: modalitate presentziala, goizeko txandan, bi unitaterekin: bat lehen mailakoa eta bestea bigarren mailakoa, eta gehienez 24 postu unitateko.
–Aho-hortzetako Higienea goi mailako heziketa zikloa: modalitate presentziala, goizeko txandako bi unitaterekin lehenengo mailarako eta bigarren mailarako, eta arratsaldeko txandako bi unitaterekin lehenengo mailarako eta bigarren mailarako. Gehienez ere 24 postu unitateko.
–Dietetika goi mailako heziketa zikloa: modalitate presentziala, goizeko txandan, bi unitaterekin: bat lehen mailakoa eta bestea bigarren mailakoa, eta gehienez 24 postu unitateko.
–Gizarte Integrazioa goi mailako heziketa zikloa: modalitate presentziala, arratsaldeko txandan, bi unitaterekin: bat lehen mailakoa eta bestea bigarren mailakoa, eta gehienez 24 postu unitateko.
–Haur Hezkuntza goi mailako heziketa zikloa: modalitate presentziala, arratsaldeko txandan, bi unitaterekin: bat lehen mailakoa eta bestea bigarren mailakoa, eta gehienez 24 postu unitateko.
–Osasun Dokumentazioa eta Administrazioa goi mailako heziketa zikloa: modalitate presentziala, arratsaldeko txandan, bi unitaterekin: bat lehen mailakoa eta bestea bigarren mailakoa, eta gehienez 24 postu unitateko.
–Anatomia Patologiko eta Zitodiagnostikoa goi mailako heziketa zikloa: modalitate presentziala, arratsaldeko txandan, bi unitaterekin: bat lehen mailakoa eta bestea bigarren mailakoa, eta gehienez 24 postu unitateko.
2.–Kirol-irakaskuntzen eskaintza.
–Kirol-irakaskuntzen erdi mailako heziketa zikloa, Futbola espezialitatean. Modalitate presentziala, goizeko txandan, unitate bakarra hasierako eta amaierako zikloetarako, eta gehienez ere 25 postuko unitateko.
–Kirol-irakaskuntzen goi mailako heziketa zikloa, Futbola espezialitatean. Modalitate presentziala, arratsaldeko txandan, unitate bat ziklo bakarrerako, gehienez 25 postuko ratioarekin.
–Ikastetxearen atxikitzea ondorio administratiboetarako: –Iruñeko San Juan-Donibane ikastetxe bateratua.
3. Titularrari adieraztea ezen, horretarako, 15 egun naturaleko epean, baimenaren jakinarazpena jasotzen denetik zenbatzen hasita, eskaera bat zuzendu beharko diola Lanbide Heziketako Plangintza eta Integraziorako Zuzendaritzari. Bertan, enpresen zerrenda bat aurkeztuko du, jasotzen duena eskatutako unitateetako ikasleen prestakuntza praktikoa egiteko lanpostuak zer enpresarekin adostu dituen edo zer enpresarekin aurreikusten duen adostea, baita prestakuntza praktikoa egiteko erabiliko den hitzarmenaren eredua ere. Hitzarmen horretan, berariaz adieraziko da ezin dela inolako ordainketa ekonomikorik, kontraprestaziorik edo dohaintzarik izan, ez ikastetxearen ez ikasleen aldetik, curriculumeko prestakuntza praktikoa egiteagatik.
4. Titularrari gogoraraztea baimendutako Lanbide Heziketako heziketa zikloen nondik norakoa Lanbide Heziketa antolatu eta integratzeari buruzko martxoaren 31ko 3/2022 Lege Organikora egokitu beharko duela, bai eta lege horren ondorioz estatuan nahiz Nafarroako Foru Komunitatean sortutako arauetara ere.
5. Titularrari ohartaraztea ezen, uztailaren 6ko 251/1992 Foru Dekretuaren 22. artikuluan ezarritakoa garatzeko (foru dekretu horrek ezartzen du Nafarroako Foru Komunitatean araubide orokorreko irakaskuntza ez-unibertsitarioa ematen duten ikastetxe pribatuak baimentzeko prozedura), baimena ezeztatzeko arrazoitzat hartuko dela martxoaren 31ko 3/2022 Lege Organikoaren 55.8 artikuluan ezarritakoa ez betetzea.
6. Adieraztea ikastetxearen titularrak administrazio baimena aldatzeko edo baimen berria egiteko eskatu beharko duela ikastetxearen erregistro datuak aldatzean (ebazpen honen 2. apartatuan daude jasota), edo uztailaren 6ko 251/1992 Foru Dekretuaren III. tituluan ezarritakoaren arabera instalazioak aldatzean. Halaber, adieraztea baimena azkentzen edo baliogabetzen ahalko dela aipatu foru dekretuaren IV. tituluan jasotako kasuren bat gertatuz gero.
7. Ebazpen hau ikastetxearen titularrari jakinaraztea, eta aditzera ematea haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hilabeteko epean.
8. Ebazpena igortzea Hezkuntzako Ikuskapen Zerbitzuari, Hezkuntzako Azpiegituren Zerbitzuari, Lanbide Heziketaren Plangintza eta Integraziorako Zerbitzuari, Hezkuntzako Informazio Sistemen Zerbitzuari, Hezkuntza Zerbitzuen eta Ikasketetarako Laguntzen Zerbitzuari, Ikastetxeen Finantzaketaren Atalari eta Ikastetxeetako Informazioa Kudeatzeko Atalari.
9. Ebazpen hau Nafarroako Aldizkari Ofizialean argitara dadila agintzea.
Iruñean, 2025eko abuztuaren 1ean.–Digitalizazioko eta Hezkuntza Zerbitzuetako zuzendari nagusia, Luis Calatayud Yuste.
Iragarkiaren kodea: F2510542
