2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BARAÑAIN
2025eko aurrekontua. Behin betiko onespena
Barañaingo Udalak, 2025eko ekainaren 19an egindako ohiko osoko bilkuran, hasiera batez onetsi zuen Udalaren 2025erako aurrekontu orokor eta bakarra, bai eta hura betearazteko oinarriak ere. Aurrekontu horretan biltzen dira Udalarena berarena, Luis Morondo musika eskolarena eta Lagunak udal zerbitzuarena.
Hasierako onespena 2025eko 140. Nafarroako Aldizkari Ofizialean argitaratu zen, uztailaren 15ean, bai eta Udalaren iragarki-taulan eta egoitza elektronikoan ere. Jendaurrean egon den bitartean erreklamaziorik jarri ez denez, behin betiko onetsitzat jotzen dira Udalaren aurrekontu orokor eta bakarra eta hura betearazteko oinarriak, eta Nafarroako Aldizkari Ofizialean argitara daitezela agintzen da, kapituluka laburturik; hori guztia, bat etorriz Nafarroako Toki Ogasunei buruzko martxoaren 10eko 2/1995 Foru Legearen 202.1 artikuluan ezarritakoarekin.
GASTUAK | ZENBATEKOA (eurotan) |
1. kapitulua.–Langileria-gastuak | 11.495.389,00 |
2. kapitulua.–Ondasun arruntetako eta zerbitzuetako gastuak | 7.422.469,00 |
3. kapitulua.–Finantza-gastuak | 500,00 |
4. kapitulua.–Transferentzia arruntak | 1.345.557,00 |
6. kapitulua.–Inbertsio errealak | 472.350,00 |
7. kapitulua.–Kapital-transferentziak | 0,00 |
9. kapitulua.–Finantza-pasiboak | 0,00 |
Gastuak, guztira | 20.736.265,00 |
DIRU-SARRERAK | ZENBATEKOA (eurotan) |
1. kapitulua.–Zuzeneko zergak | 4.361.348,00 |
2. kapitulua.–Zeharkako zergak | 839.872,00 |
3. kapitulua.–Tasak, prezio publikoak eta bertzelako diru-sarrerak | 4.537.284,00 |
4. kapitulua.–Transferentzia arruntak | 10.521.236,00 |
5. kapitulua.–Ondareko diru-sarrerak eta herri-lurretako aprobetxamenduak | 402.525,00 |
6. kapitulua.–Inbertsioak bertzerentzea | 0,00 |
7. kapitulua.–Kapital-transferentziak | 74.000,00 |
9. kapitulua.–Finantza-pasiboak | 0,00 |
Diru-sarrerak, guztira | 20.736.265,00 |
Hori guztia aditzera ematen da, eta ohartarazten da ezen honako errekurtso hauek jar daitezkeela behin betiko onetsitako aurrekontuaren aurka:
a) Zuzenean administrazioarekiko auzi-errekurtsoa, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, iragarki hau Nafarroako Aldizkari Ofizialean argitaratu eta biharamunetik hasita.
b) Eta, hautara, gora jotzeko errekurtsoa, zuzenean Nafarroako Administrazio Auzitegiari zuzendua, hilabeteko epean, erabaki hau Nafarroako Aldizkari Ofizialean argitaratzen denetik hasita.
Barañainen, 2025eko abuztuaren 8an.–Alkate udalburua, María Lecumberri Bonilla.
Iragarkiaren kodea: L2510688
