1. NAFARROAKO FORU KOMUNITATEA
1.7. BESTELAKOAK
136/2025 EBAZPENA, ekainaren 26koa, Digitalizazioko eta Hezkuntza Zerbitzuetako Zuzendaritza Nagusiak emana, zeinaren bidez, bi ikastetxeen titularrak eskatuta, batetik iraungitzen baita Zizurreko "CTL Formación" Lanbide Heziketako ikastetxe pribatuaren baimena, jarduera bertan behera uzteagatik, eta bestetik, aldatzen baita "Foro Europeo, Escuela de Negocios" Lanbide Heziketako ikastetxe pribatuaren baimena, irakaskuntzen eskaintza handitzeagatik.
Aztertu da eskabide bat, Athenea Bussines & Education Group SLk aurkeztu duena, zeina "CTL Formación" eta "Foro Europeo, Escuela de Negocios de Navarra" Lanbide Heziketako ikastetxe pribatu baimenduen titularra baita (biak Zizur Txikikoak). Haren bidez eskatzen du "CTL Formación" ikastetxearen baimena iraungitzeko, jarduera bertan behera uzteagatik, eta "Foro Europeo, Escuela de Negocios de Navarra" ikastetxearen baimena aldatzeko, irakaskuntzen eskaintza handitzeagatik.
Ikusirik Lanbide Heziketaren Plangintza eta Integraziorako Zerbitzuaren, Hezkuntzako Azpiegituren Zerbitzuaren eta Hezkuntzako Ikuskapen Zerbitzuaren aldeko txostenak.
Aintzat hartuta Lanbide Heziketaren Plangintza eta Integrazioari buruzko martxoaren 31ko 3/2022 Lege Organikoan eta berau garatzeko xedapenetan ezarritakoa.
Nafarroako Foru Komunitatean araubide orokorreko irakaskuntza ez-unibertsitarioak ematen dituzten ikastetxe pribatuak baimentzeko prozedura ezarri zuen uztailaren 6ko 251/1992 Foru Dekretuaren III. tituluan ezarritako prozedurari jarraikiz.
Hezkuntza Departamentuaren egitura organikoa ezarri zuen azaroaren 15eko 245/2023 Foru Dekretuaren bidez emandako ahalmenak erabiliz,
EBAZTEN DUT:
1. "CTL Formación" ikastetxean, titularrak eskatuta, "Ikus-entzunezkoetarako eta Ikuskizunetarako Soinua" izeneko irakaskuntzak iraungitzea, zeina "Irudia eta Soinua" lanbide-arlokoa baita. 2 unitate ditu, 1. eta 2. ikasmailetarako, modalitate presentzialean eta goizeko txandan. Iraungitzeak 2025-2026 ikasturtearen hasieratik aurrera izanen ditu ondorioak.
2. "CTL Formación" ikastetxean, titularrak eskatuta, "Ikus-entzunezko Proiektu eta Ikuskizunen Errealizazioa" izeneko irakaskuntzak iraungitzea. 2 unitate ditu, 1. eta 2. ikasmailetarako, modalitate presentzialean eta goizeko txandan. Izan ere, titular bereko "Foro Europeo" ikastetxera lekualdatzen dira, 2025-2026 ikasturtearen hasieratik aurrerako ondorioekin.
3. Titularrak eskatuta eta 2025-2026 ikasturtearen hasieratik aurrerako ondorioekin, Zizur Txikiko "CTL Formación" Lanbide Heziketako ikastetxe pribatuaren baimena iraungitzea, jarduera bertan behera uzteagatik. Ikastetxearen kodea: 31014751.
4. 2025-2026 ikasturtearen hasieratik aurrerako ondorioekin, Zizur Txikiko "Foro Europeo, Escuela de Negocios de Navarra" Berariazko Lanbide Heziketako ikastetxe pribatuaren baimena aldatzea, irakaskuntzen eskaintza aldatzeagatik. Izan ere, hasiko da Lanbide Heziketako D graduko goi mailako "Ikus-entzunezko Proiektu eta Ikuskizunen Errealizazioa" eta "Haur Hezkuntza" espezialitateak ematen, eta, beste aldetik, goi mailako "Bidaia Agentziak eta Ekitaldien Kudeaketa" izeneko irakaskuntzak iraungiko dira, zeinak "Ostalaritza eta Turismoa" lanbide-arlokoak baitira. Ikastetxearen kodea: 31008864.
5. Honako hauek izanen dira Nafarroako Ikastetxeen Erregistroko datuak, Zizur Txikiko "Foro Europeo, Escuela de Negocios de Navarra" Berariazko Lanbide Heziketako ikastetxe pribatuari baimendutako irakaskuntzei dagokienez:
Ikastetxearen kodea: 31008864.
Ikastetxearen titularra: Athenea Bussines & Education Group SL, IFKa: B31403520.
Izen orokorra: Lanbide Heziketako ikastetxe pribatua.
Berariazko izena: "Foro Europeo, Escuela de Negocios de Navarra".
Helbidea: Espartza Bidea 5, 31190.
Herria: Zizur Txikia.
Udalerria: Zizur zendea.
Ikasketak eta baimenduriko gehieneko unitateen eta lanpostuen kopurua:
D graduko Lanbide Heziketako irakaskuntzak, araubide presentzialean, ondotik zehazten diren espezialitate eta lanbide-arlokoak, osaera honekin eta baimendutako gehieneko ikaspostu hauekin, bakoitzerako zehazten den bezala:
1.–"Administrazio-kudeaketa" erdi mailako heziketa zikloa, "Administrazioa eta Kudeaketa" lanbide-arlokoa: 2 unitate (bata lehen ikasmailan eta bestea bigarrenean); gehienez ere 48 ikaspostu, barne hartuta ikasle errepikatzaileak eta ikasle berriak, modalitate presentzialean eta goizeko txandan.
2.–"Administrazioa eta Finantzak" goi mailako heziketa zikloa, "Administrazioa eta Kudeaketa" lanbide-arlokoa: 2 unitate (bata lehen ikasmailan eta bestea bigarrenean); gehienez ere 48 ikaspostu, barne hartuta ikasle errepikatzaileak eta ikasle berriak, modalitate presentzialean eta goizeko txandan.
3.–"Zuzendaritzarako Laguntza" goi mailako heziketa zikloa, "Administrazioa eta Kudeaketa" lanbide-arlokoa: 2 unitate (bata lehen ikasmailan eta bestea bigarrenean); gehienez ere 48 ikaspostu, barne hartuta ikasle errepikatzaileak eta ikasle berriak, modalitate presentzialean eta goizeko txandan.
4.–"Marketina eta Publizitatea" goi mailako heziketa zikloa, "Merkataritza eta Marketina" lanbide-arlokoa: 2 unitate (bata lehen ikasmailan eta bestea bigarrenean); gehienez ere 48 ikaspostu, barne hartuta ikasle errepikatzaileak eta ikasle berriak, modalitate presentzialean eta arratsaldeko txandan.
5.–"Nazioarteko Merkataritza" goi mailako heziketa zikloa, "Merkataritza eta Marketina" lanbide-arlokoa: 2 unitate (bata lehen ikasmailan eta bestea bigarrenean); gehienez ere 40 ikaspostu, barne hartuta ikasle errepikatzaileak eta ikasle berriak, modalitate presentzialean eta arratsaldeko txandan.
6.–"Gizarte eta Kirol Animazioa eta Irakaskuntza" goi mailako heziketa zikloa, "Gorputz eta Kirol Jarduerak" lanbide-arlokoa: 2 unitate (bata lehen ikasmailan eta bestea bigarrenean); gehienez ere 48 ikaspostu, barne hartuta ikasle errepikatzaileak eta ikasle berriak, modalitate presentzialean eta goizeko txandan.
7.–"Ikus-entzunezko Proiektu eta Ikuskizunen Errealizazioa" goi mailako heziketa zikloa, "Irudia eta Soinua" lanbide-arlokoa: 2 unitate (bata lehen ikasmailan eta bestea bigarrenean); gehienez ere 44 ikaspostu (22 ikaspostu unitate bakoitzean), barne hartuta ikasle errepikatzaileak eta ikasle berriak, modalitate presentzialean eta goizeko txandan.
8.–"Haur Hezkuntza" goi mailako heziketa zikloa, "Gizarte eta Kultur eta Komunitatearentzako Zerbitzuak" lanbide-arlokoa: 2 unitate (bata lehen ikasmailan eta bestea bigarrenean); gehienez ere 40 ikaspostu (20 ikaspostu unitate bakoitzean), barne hartuta ikasle errepikatzaileak eta ikasle berriak, modalitate presentzialean eta arratsaldeko txandan.
6. Titularrari adieraztea postu egokiak eta nahikoak daudela bermatu behar duela prestakuntza praktikoaren fasea enpresa edo antzeko organismo batean egiteko. Horretarako, 15 egun naturaleko epean, baimen honen jakinarazpena jasotzen denetik zenbatzen hasita, titularrak eskabide bat zuzendu beharko dio Lanbide Heziketako Plangintza eta Integraziorako Zuzendaritzari. Bertan, enpresen zerrenda bat aurkeztuko du, jasotzen duena eskatutako unitateetako ikasleen prestakuntza praktikoa egiteko lanpostuak zer enpresarekin adostu dituen edo zer enpresarekin aurreikusten duen adostea, baita prestakuntza praktikoa egiteko erabiliko den hitzarmenaren eredua ere. Hitzarmen horretan, berariaz adieraziko da ezin dela inolako ordainketa ekonomikorik, kontraprestaziorik edo dohaintzarik izan, ez ikastetxearen ez ikasleen aldetik, curriculumeko prestakuntza praktikoa egiteagatik. Ohartarazten zaio ezen, frogatzen bada ordainketarik egiten dela kontzeptu horregatik, baimena iraungiko dela.
7. Titularrari gogoraraztea baimendutako Lanbide Heziketako irakaskuntzen nondik norakoa Lanbide Heziketa antolatu eta integratzeari buruzko martxoaren 31ko 3/2022 Lege Organikora egokitu beharko duela, bai eta lege horren ondorioz estatuan nahiz Nafarroako Foru Komunitatean sortutako arauetara ere.
8. Titularrari ohartaraztea ezen, uztailaren 6ko 251/1992 Foru Dekretuaren 22. artikuluan ezarritakoari jarraikiz (foru dekretu horrek ezartzen du Nafarroako Foru Komunitatean araubide orokorreko irakaskuntza ez-unibertsitarioa ematen duten ikastetxe pribatuak baimentzeko prozedura), baimena kentzeko arrazoi izanen dela martxoaren 31ko 3/2022 Lege Organikoaren 55.8 artikuluan ezarritakoa ez betetzea.
9. Ikastetxearen titularrak baimena eskatu beharko dio Hezkuntza Departamentuari baldin eta konfigurazioan aldaketaren bat gertatzen bada, bat etorriz uztailaren 6ko 251/1992 Foru Dekretuaren 16. eta 17. artikuluetan jasotako kasuekin (foru dekretu horren bidez, Nafarroako Foru Komunitatean araubide orokorreko irakaskuntza ez-unibertsitarioak ematen dituzten ikastetxe pribatuak baimentzeko prozedura onetsi zen). Halaber, bi ikastetxeen baimena baliogabetzen ahalko da aipatutako foru dekretuaren laugarren tituluan jasotako kasuetan.
10. Ebazpen hau ikastetxearen titularrari jakinaraztea, eta aditzera ematea haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hasita hilabeteko epean.
11. Ebazpena igortzea Hezkuntzako Ikuskapen Zerbitzuari, Hezkuntzako Azpiegituren Zerbitzuari, Lanbide Heziketaren Plangintza eta Integraziorako Zerbitzuari, Hezkuntzako Informazio Sistemen Zerbitzuari, Hezkuntza Zerbitzuen eta Ikasketetarako Laguntzen Zerbitzuari, Ikastetxeen Finantzaketaren Atalari, Ikastetxeetako Informazioa Kudeatzeko Atalari eta "María Ana Sanz" Lanbide Heziketako ikastetxe bateratuari, ikastetxeari hari atxikita baitago.
12. Ebazpen hau Nafarroako Aldizkari Ofizialean argitaratzea.
Iruñean, 2025eko ekainaren 26an.–Digitalizazioko eta Hezkuntza Zerbitzuetako zuzendari nagusia, Luis Calatayud Yuste.
Iragarkiaren kodea: F2510078
