1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
36/2025 FORU AGINDUA, ekainaren 30ekoa, Lehendakaritza eta Berdintasuneko kontseilariak emana, Irisgarritasun Unibertsala eta Pertsona Ororentzako Aukera-berdintasuna Sustatzeko Kontseiluko kide batzuen izendapena aldatzen duena.
Lehendakaritza eta Berdintasuneko kontseilariak azaroaren 8an emandako 135/2023 Foru Aginduaren bidez, Irisgarritasun Unibertsala eta Pertsona Ororentzako Aukera-berdintasuna Sustatzeko Kontseiluko kideak izendatu ziren.
Nafarroako Gobernuko zuzendaritza nagusi batzuetan izandako aldaketak direla eta, bidezkoa da Kontseiluko kide batzuen izendapena aldatzea. Zehazki, bidezkoa da pertsona hauen izendapena aldatzea:
–Elga Molina Roig andrea, Etxebizitzako zuzendari nagusia, Etxebizitzako, Gazteriako eta Migrazio Politiketako Departamentuaren ordezkari gisa, Maite Arrondo Segovia andrearen ordez.
–José Antonio Vizcay Urrutia jauna, Telekomunikazioetako eta Digitalizazioko zuzendari nagusia, Unibertsitateko, Berrikuntzako eta Eraldaketa Digitaleko Departamentuaren ordezkari gisa, José María Aguinaga Pérez jaunaren ordez.
Horiek horrela, Nafarroako Gobernuari eta Lehendakariari buruzko abenduaren 3ko 14/2004 Foru Legeak ematen dizkidan ahalmenak erabiliz,
AGINTZEN DUT:
1. Irisgarritasun Unibertsala eta Pertsona Ororentzako Aukera-berdintasuna Sustatzeko Kontseiluko kide batzuen izendapena aldatzea. Zehazki, honako hauek izendatzen dira:
–Elga Molina Roig andrea, Etxebizitzako zuzendari nagusia, Etxebizitzako, Gazteriako eta Migrazio Politiketako Departamentuaren ordezkari gisa.
–José Antonio Vizcay Urrutia jauna, Telekomunikazioetako eta Digitalizazioko zuzendari nagusia, Unibertsitateko, Berrikuntzako eta Eraldaketa Digitaleko Departamentuaren ordezkari gisa.
2. Foru agindu hau izendatutako pertsonei jakinaraztea.
3. Foru agindu hau Nafarroako Aldizkari Ofizialean argitaratzea.
Iruñean, 2025eko ekainaren 30ean.–Lehendakaritza eta Berdintasuneko kontseilaria, Félix Taberna Monzón.
Iragarkiaren kodea: F2509283
