153. ALDIZKARIA - 2025eko abuztuaren 1a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

183E/2025 FORU AGINDUA, ekainaren 24koa, Landa Garapeneko eta Ingurumeneko kontseilariak emana, Nafarroako Animalien Babeserako Aholku Komiteko kideak izendatzen dituena.

Landa Garapeneko eta Ingurumeneko Departamentuaren zeregina da Nafarroako Foru Komunitateko Administrazioari arlo hauetan dagozkion eskumenak betetzea: nekazaritza, abeltzaintza, lagun egiteko animalien babesa eta animalien ongizatea.

Lagun egiteko animaliak Nafarroan babesteari buruzko apirilaren 4ko 19/2019 Foru Legearen 20. artikuluan Animalien Babeserako Aholku Komitea sortzen da, kontsultarako eta aholkularitzarako organo gisa. Haren helburua da animalien edukitza arduratsurako eta lagun egiteko animalien aurkako tratu txarraren eta abandonuaren aurka borrokatzeko ekintza nagusiak aztertu eta proposatzea.

Komitearen osaera eta funtzionamendua urriaren 26ko 94/2022 Foru Dekretuan ezartzen da, haren bidez onesten baita 19/2019 Foru Legea garatzeko erregelamendua.

Foru dekretuaren 83. artikuluan ezartzen denez, Animalien Babeserako Aholku Komiteko burua animalien ongizatearen arloko eskumena duen zuzendaritza nagusiko titularra izanen da, eta buruordea, berriz, animalien ongizatearen arloko eskumena duen departamentua ordezkatzeko izendatzen dena. Horrez gain, beste hamasei kide izanen ditu komiteak, honako hauek:

–Nafarroako Gobernuan animalien ongizatearen, ingurumenaren, osasun publikoaren eta hezkuntzaren arloko eta barne gaietako eskumenak esleituak dituzten departamentuetako bakoitzeko ordezkari bat.

–Foruzaingoko Ingurumena Babesteko Brigadako ordezkari bat.

–Guardia Zibileko Natura Babesteko Zerbitzuko (SEPRONA) ordezkari bat.

–Nafarroako Udal eta Kontzejuen Federazioko hiru ordezkari.

–Nafarroako Albaitarien Elkargoko ordezkari bat.

–Erakunde laguntzaile gisa aitortuta dauden animaliak babesteko eta defendatzeko elkarteetako hiru ordezkari (hiru titular eta hiru ordezko izendatuko dituzte).

–Nafarroako Gobernuaren kasuan kasuko erregistroan inskribatutako ehiztarien elkarte nagusietako bi ordezkari.

–Nafarroako Gobernuaren kasuan kasuko erregistroan inskribatutako hazle eta trebatzaileen elkarteetako ordezkari bat.

Lagun egiteko animaliak Nafarroan babesteari buruzko apirilaren 4ko 19/2019 Foru Legea garatzeko erregelamenduan, urriaren 26ko 94/2022 Foru Dekretuaren bidez onetsitakoan, 83.4 artikuluak xedatzen du komiteko kideak animalien babes eta defentsaren arloko eskumena duen departamentuko titularrak izendatuko dituela lau urterako, betiere komitean ordezkaritza duten erakundeen proposamenak kontuan hartuta.

83. artikuluko 3. apartatuak xedatzen du komiteko idazkaria zuzenbideko lizentziadun bat izanen dela, animalien ongizatearen arloko eskumena duen departamentuko funtzionarioa. Hitza izanen du, baina botorik ez.

Ordezkaritza duten erakundeek beren ordezkarien izendapenak egin ondoren, salbu eta Nafarroako Gobernuaren kasuan kasuko erregistroan inskribatutako hazle eta trebatzaileen elkarteena, ez baitago halakorik, eta urriaren 26ko 94/2022 Foru Dekretuaren 83.4 artikuluan xedatutakoarekin bat.

Nafarroako Gobernuari eta Lehendakariari buruzko abenduaren 3ko 14/2004 Foru Legearen 41.1 artikuluaren bidez esleitu dizkidaten ahalmenak erabiliz,

AGINTZEN DUT:

1. Urriaren 26ko 94/2022 Foru Dekretuaren 83.1.a) artikuluan xedatutakoarekin bat, Nafarroako Animalien Babeserako Aholku Komiteko burua animalien ongizatearen arloko eskumena duen zuzendari nagusia izanen da.

2. Honako hauek Nafarroako Animalien Babeserako Aholku Komiteko kide izendatzea lau urterako:

–Nafarroako Gobernuko departamentuak ordezkatuz:

  • César Fernández Salinas, Landa Garapeneko eta Ingurumeneko Departamentuko Abeltzaintza Zerbitzuko zuzendaria. Komiteko buruordea izanen da.
  • Fernando Mutilva González, Landa Garapeneko eta Ingurumeneko Departamentuko Lagun egiteko eta Esperimentaziorako Animalien Ataleko burua.
  • Gloria Giralda Carrera, Landa Garapeneko eta Ingurumeneko Departamentuko Ingurumen Hezkuntzaren, Kalitatearen eta Zaintzaren Zerbitzuko zuzendaria.
  • María Luisa Sola Labarga, Nafarroako Osasun Publikoaren eta Lan Osasunaren Institutuko Elikagaien Segurtasunaren Ataleko osasun publikoko ikuskatzailea.
  • Pablo Arriazu Amat, Hezkuntza Departamentuko Antolamendu, Prestakuntza eta Kalitate Zerbitzuko zuzendaria.
  • Eduardo Sainz de Murieta García de Galdeano, Nafarroako Gobernuko Barneko, Funtzio Publikoko eta Justiziako Departamentuko ordezkaria.
  • Pablo Cosín Baztán, Foruzaingoko ingurumena babesteko brigadako ordezkaria.

–Nafarroako Udal eta Kontzejuen Federazioko ordezkariak:

  • Xabier Alcuaz Andueza jauna, Tafallako alkatea eta Nafarroako Udal eta Kontzejuen Federazioko lehendakaria.
  • Antonio Angel Moleón Segura jauna, Arroizko alkatea.
  • David Anaut Peña jauna, Leitzako alkatea.

–Nafarroako Albaitarien Elkargoko ordezkaria:

  • Pablo Mañú Lafuente jauna, albaitaria eta Nafarroako Albaitarien Elkargoko Zuzendaritza Batzordeko kidea.

–Erakunde laguntzaile gisa aitortuta dauden animaliak babesteko eta defendatzeko elkarteen ordezkariak:

  • Titularrak:
    • Ana Ruth Simón Muro andrea, Refugio Muskaria elkartearen ordezkaria.
    • Rosario Buñuel Pérez andrea, Refugio Aranzadi Katuak elkartearen ordezkaria.
    • Eneko Erce García jauna, Egapelud@S elkartearen ordezkaria.
  • Ordezkoak.
    • Eduardo Alvarez Hidalgo jauna, Gaticos Felices elkartearen ordezkaria.
    • Michel Fernández Manrique jauna, Katuñain elkarte animalistaren ordezkaria.
    • Isabel María Zozaya Costa andrea, Zangozaldeko Comarcats katuei laguntzeko elkartearen ordezkaria.

–Ehiztarien elkarte nagusietako ordezkariak:

  • Jose María Ferrer de Cabo jauna, Nafarroako Ehiza Federazioaren ordezkaria.
  • Juan José García Estevez jauna, Adecana elkartearen ordezkaria.

–Guardia Zibileko Natura Babesteko Brigadako (SEPRONA) ordezkaria Palmira Abadín Pérez andrea izanen da.

3. Nafarroako Animalien Babeserako Aholku Komiteko idazkari izendatzea Teresa Nagore Ferrer andrea, Landa Garapeneko eta Ingurumeneko Departamentuko administrazio publikoko teknikaria (arlo juridikoa).

4. Foru agindu hau igortzea Idazkaritza Tekniko Nagusira, Lagun egiteko Animalien Atalera eta izendatutako guztiei.

5. Foru agindu hau Nafarroako Aldizkari Ofizialean argitaratzea.

6. Foru agindu honen aurka gora jotzeko errekurtsoa jartzen ahal da, Nafarroako Gobernuari zuzendua, argitaratu eta biharamunetik hilabeteko epean. Administrazio publikoek zilegi dute administrazioarekiko auzi-errekurtsoa jartzea foru agindu honen aurka, Nafarroako Justizia Auzitegi Nagusiko Administrazioarekiko Auzien Salari zuzendua, jakinarazi eta bi hilabeteko epean. Horrek ez du galarazten aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

Iruñean, 2025eko ekainaren 24an.–Landa Garapeneko eta Ingurumeneko kontseilaria, José María Aierdi Fernández de Barrena.

Iragarkiaren kodea: F2509076