1. NAFARROAKO FORU KOMUNITATEA
1.1. XEDAPEN OROKORRAK
1.1.3. Foru Aginduak
226E/2025 FORU AGINDUA, ekainaren 30ekoa, Osasuneko kontseilariak emana, zeinaren bidez aldatzen baitira Osasuneko kontseilariaren otsailaren 24ko 21/2016 Foru Agindua, Tuterako Osasun Barrutiko egitura organiko asistentziala eta ez-asistentziala ezartzen dituena, eta Osasuneko kontseilariaren ekainaren 30eko 55/2016 Foru Agindua, Lizarrako Osasun Barrutiko egitura organiko asistentziala eta ez-asistentziala ezartzen dituena.
Osasuneko kontseilariaren otsailaren 24ko 21/2016 Foru Aginduaren bidez (Osasuneko kontseilariaren martxoaren 15eko 108E/2018 Foru Aginduak eta maiatzaren 27ko 160E/2024 Foru Aginduak aldatua), Tuterako Osasun Barrutiko egitura organiko asistentziala eta ez-asistentziala ezartzen dira.
Osasuneko kontseilariaren ekainaren 30eko 55/2016 Foru Aginduaren bidez, berriz (Osasuneko kontseilariaren maiatzaren 27ko 160E/2024 Foru Aginduak aldatua), Lizarrako Osasun Barrutiko egitura organiko asistentziala eta ez-asistentziala ezartzen dira.
Osasunbidea-Nafarroako Osasun Zerbitzuaren Estatutuak onesten dituen irailaren 3ko 171/2015 Foru Dekretuaren 19.2 artikuluak ezartzen du erakunde autonomoko atal eta unitateak Osasun Departamentuko titularrak ezarriko dituela, Osasunbidea-Nafarroako Osasun Zerbitzuko zuzendari kudeatzaileak proposaturik. Alde horretatik, Osasunbidea-Nafarroako Osasun Zerbitzuko Profesionalen zuzendariak eta zuzendari kudeatzaileak proposatzen dute bi foru agindu horiek aldatzea erizaintza unitate batzuen izenari dagokionez, unitate asistentzialek izan duten bilakaerarekin bat etor daitezen; izan ere, bilakaera hori eragin dute, Tuterako Osasun Barrutiaren kasuan, zerbitzu eta prestazio berriak abian jarri izanak eta, Lizarrako Osasun Barrutiaren kasuan, antolaketan gertatu den aldaketak.
Horrenbestez, Osasunbidea-Nafarroako Osasun Zerbitzuaren Estatutuak onesten dituen irailaren 3ko 171/2015 Foru Dekretuan eta Nafarroako Gobernuari eta Lehendakariari buruzko abenduaren 3ko 14/2004 Foru Legean emandako ahalmenez baliatuz,
AGINTZEN DUT:
Lehen artikulua.–Osasuneko kontseilariaren otsailaren 24ko 21/2016 Foru Agindua aldatzea. Foru agindu horren bidez, Tuterako Osasun Barrutiko egitura organiko asistentziala eta ez-asistentziala ezartzen dira.
Aldatzen da Osasuneko kontseilariaren otsailaren 24ko 21/2016 Foru Agindua, Tuterako Osasun Barrutiko egitura organiko asistentziala eta ez-asistentziala ezartzen dituena; 11. artikuluak testu hau izanen du:
"11. artikulua. Osasun Barrutiko Zainketa Asistentzialen Zerbitzuaren egitura.
Osasun Barrutiko Zainketa Asistentzialen Zerbitzuak bere egituran Oinarrizko Osasun Laguntzako Zainketa Asistentzialetarako eta Laguntzaren Jarraitutasunerako Atala eta erizaintza unitate hauek ditu:
a) Irakaskuntzako, Zainketen Garapen eta Berrikuntzako eta Kudeaketarako Laguntzako Erizaintza Unitatea.
b) Ospitalizazio Kirurgikoko Zainketen Erizaintza Unitatea.
c) Eguneko Ospitaletako Zainketen eta Laguntza Terapeutikoaren Erizaintza Unitatea.
d) Ospitalizazio Medikoko eta Etxeko Ospitalizazioko Zainketen Erizaintza Unitatea.
e) Emakume, Nerabe eta Haurren Zainketen Erizaintza Unitatea.
f) Kontsultetako Zainketen eta Diagnostikorako Laguntzaren Erizaintza Unitatea.
g) Urgentziazko Prozesuetako Zainketen Erizaintza Unitatea.
h) Osasun Mentalaren eta Zeladoreen Erizaintza Unitatea.
i) Bloke Kirurgikoko eta Esterilizazioko Zainketen Erizaintza Unitatea.
j) Zainketa Kritikoen, Sostengu Prozesuen eta Baliabide Materialen Erizaintza Unitatea.
k) Errehabilitazioko Zainketen Unitatea".
Bigarren artikulua.–Osasuneko kontseilariaren otsailaren 24ko 21/2016 Foru Agindua aldatzea. Foru agindu horren bidez, Tuterako Osasun Barrutiko egitura organiko asistentziala eta ez-asistentziala ezartzen dira.
Aldatzen da Osasuneko kontseilariaren ekainaren 30eko 55/2016 Foru Agindua, Lizarrako Osasun Barrutiko egitura organiko asistentziala eta ez-asistentziala ezartzen dituena; 9. artikuluak testu hau izanen du:
"9. artikulua. Osasun Barrutiko Zainketa Asistentzialen Zerbitzuaren egitura.
Osasun Barrutiko Zainketa Asistentzialen Zerbitzuak bere egituran Oinarrizko Osasun Laguntzako Zainketa Asistentzialetarako eta Laguntzaren Jarraitutasunerako Atala eta erizaintza unitate hauek ditu:
a) Larrialdietako, ZIU mugikorreko eta EZBUko Erizaintza Unitatea.
b) Operazio Geletako eta Esterilizazioko Erizaintza Unitatea.
c) Analisien Laborategiko, Errehabilitazioko eta Farmaziako Erizaintza Unitatea.
d) Ospitalizazio Medikoko eta Etxeko Ospitalizazioko Erizaintza Unitatea.
e) Ospitalizazio Kirurgikoko, KHAko eta Eguneko Ospitaleko Erizaintza Unitatea.
f) Erradiodiagnostikorako eta Kanpo Kontsultetarako Erizaintza Unitatea.
g) Ama-haurren, Zeladoreen eta Irakaskuntzaren Erizaintza Unitatea".
Xedapen gehigarri bakarra.–Egun dauden izendapenak.
1. Izena aldatu ez duten unitateen izendapenak berresten dira, sortu ziren baldintza beretan.
2. Honako izendapen hauek berresten dira, egin ziren baldintza berberetan:
–Laguntza Diagnostiko eta Terapeutikorako Zainketen Erizaintza Unitateko burutza, Eguneko Ospitaletako Zainketen eta Laguntza Terapeutikoaren Erizaintza Unitateko burutza bihurtuta.
–Kontsultetako Zainketen eta Eguneko Ospitale Medikoko eta Onkohematologikoko Erizaintza Unitateko burutza, Kontsultetako Zainketen eta Diagnostikorako Laguntzaren Erizaintza Unitateko burutza bihurtuta.
–Lehen Solairuko eta Etxeko Ospitalizazioko Erizaintza Unitateko burutza, Ospitalizazio Medikoko eta Etxeko Ospitalizazioko Erizaintza Unitateko burutza bihurtuta.
–Bigarren Solairuko, KHAko eta Eguneko Ospitaleko Erizaintza Unitateko burutza, Ospitalizazio Kirurgikoko, KHAko eta Eguneko Ospitaleko Erizaintza Unitateko burutza bihurtuta.
Xedapen indargabetzaile bakarra.–Indargabetutako arauak.
Indargabetzen dira foru agindu honen aurkakoak diren maila bereko edo beheragoko arau guztiak.
Azken xedapen bakarra.–Indarra hartzea.
Foru agindu honek Nafarroako Aldizkari Ofizialean argitaratu eta biharamunean hartuko du indarra.
Iruñean, 2025eko ekainaren 30ean.–Osasuneko kontseilaria, Fernando Domínguez Cunchillos.
Iragarkiaren kodea: F2509311
