2. NAFARROAKO TOKI ADMINISTRAZIOA
2.1. OPOSIZIOAK ETA LEHIAKETAK. LAN PUBLIKOAREN ESKAINTZA
AZKOIEN
Lan publikoaren eskaintza 2025erako
2025eko uztailaren 15ean, honako ebazpen hau eman zen:
Udalak, 2024ko azaroaren 20ko osoko bilkuran, onetsi zuen 2025. urterako udal aurrekontua, baita 2025eko plantilla organikoa ere, eta horien behin betiko onespenak argitaratu ziren 2025eko urtarrilaren 20an eta 2025eko urtarrilaren 27an, hurrenez hurren.
Plantilla organiko horretan badira zenbait plaza huts, aurrekontu-zuzkidura dutenak. Beharrezkotzat jotzen da plaza horiek ekitaldi honetan betetzea, udal-zerbitzuek behar bezala funtziona dezaten.
Langileen Departamentuak txosten bat egin du, eta hartan kalkulatu da zein den ordezte-tasa eta zer plaza huts eskaintzen ahal diren lan publikoaren eskaintzan.
Ikusirik Kontu-hartzailetzak aldeko txostena eman zuela, non egiaztatzen baita betetzen direla legeak eta aplikatzekoak diren arauak.
Azterturik erantsi zaion dokumentazioa, eta jarraikiz apirilaren 2ko 7/1985 Legeari, zehazki, 21.1.g artikuluari (lege horrek arautzen ditu toki araubidearen oinarriak), eta eskumen hori Tokiko Gobernu Batzarraren esku utzirik 2025eko otsailaren 12ko 2025-0117 Dekretuaren bidez,
EBAZTEN DUT:
Lehenbizikoa.–2025-0117 Dekretuaren bidez Tokiko Gobernu Batzarraren esku utzitako eskumena berreskuratzea.
Bigarrena.–Onestea udal honen 2025. urterako lan publikoaren eskaintza, ordezte-tasari dagokiona. Hona hemen lanpostuak:
Lan-kontratudunak
PLAZA | ALORRA | IZENA | ARAUBIDEA | PLAZA HUTSEN KOPURUA | SARBIDEA |
6-03 | OBRAK ETA ZERBITZUAK | Obrak eta zerbitzuak | Lan-kontratuduna | 1 | Oposizio-lehiaketa |
Hirugarrena.–Onestea udal honen 2025. urterako lan publikoaren eskaintza, tasa berariazkoari dagokiona. Hona hemen lanpostuak:
Funtzionarioak
PLAZA | MAILA | ALORRA | IZENA | ARAUBIDEA | PLAZA HUTSEN KOPURUA | SARBIDEA |
1-02 | C | ADMINISTRAZIO OROKORRA | Administrari-ofiziala. Gizarte Arloa | Funtzionarioa | 0,75 | Oposizio-lehiaketa |
6-20 | D | OBRAK ETA ZERBITZUAK | Udal eraikinetako etxezaina | Funtzionarioa | 1 | Oposizio-lehiaketa |
Lan-kontratudunak
PLAZA | ALORRA | IZENA | ARAUBIDEA | PLAZA HUTSEN KOPURUA | SARBIDEA |
3-07 | KIROLA ETA GAZTERIA | Mantentze-lanetako langilea | Lan-kontratuduna | 1 | Oposizio-lehiaketa |
3-08 | KIROLA ETA GAZTERIA | Mantentze-lanetako langilea | Lan-kontratuduna | 1 | Oposizio-lehiaketa |
Laugarrena.–Lan publikoaren eskaintza argitaratzea iragarki-taulan, Udalaren egoitza elektronikoan (http://peralta.sedelectronica.es) eta Nafarroako Aldizkari Ofizialean.
Bosgarrena.–Lan publikoaren eskaintza hau gauzatze aldera, eskainitako plazetarako deialdia egitea hiru urteko epe luzaezinaren barnean, argitaratzen denetik zenbatzen hasita.
Aditzera ematen da, orok jakin dezan, eta ohartarazten da ezen, administrazio-bideari amaiera ematen dion ebazpen honen aurka, honako errekurtso hauek jar daitezkeela:
1.–Aukerako berraztertzeko errekurtsoa, organo honi zuzendua, hilabeteko epean, iragarki hau argitaratu eta biharamunetik hasita, jarraikiz urriaren 1eko 39/2015 Legearen 123. eta 124. artikuluei (lege horrek hizpide du administrazio publikoen administrazio prozedura erkidea).
2.–Aukerako gora jotzeko errekurtsoa, Nafarroako Administrazio Auzitegiari zuzendua, iragarki hau argitaratu eta hilabeteko epean, jarraikiz urriaren 18ko 279/1990 Foru Dekretuari (foru dekretu horren bidez partez garatu zen, Nafarroako toki-erakundeen egintza eta erabakiak aurkaratzeari dagokion arloan, uztailaren 2ko 6/1990 Foru Legea, Nafarroako Toki Administrazioari buruzkoa).
3.–Edo zuzenean administrazioarekiko auzi-errekurtsoa, zeina zuzenduko baitzaio Nafarroako Administrazioarekiko Auzien Epaitegiari, bi hilabeteko epean, iragarki hau argitaratu eta biharamunetik hasita, jarraikiz uztailaren 13ko 29/1998 Legearen 46. artikuluari (Administrazioarekiko Auzien Jurisdikzioaren Legea).
Azkoienen, 2025eko uztailaren 15ean.–Alkatea, Juan Carlos Castillo Ezpeleta.
Iragarkiaren kodea: L2509683
