148. ALDIZKARIA - 2025eko uztailaren 24a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

GORA JOTZEKO ERREKURTSOA, Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren abenduaren 15eko 249/2024 Ebazpenaren bidez onetsitako hautapen prozeduraren oposizioalditik baztertu izanaren aurka. Ebazpen horren bidez, onesten dira Bigarren Hezkuntzako irakasleen kidegora, Hizkuntza Eskola Ofizialetako irakasleen kidegora eta Lanbide Heziketako sektore berezietako irakasle espezialisten kidegora sartu eta igotzeko hautapen prozedurak, Nafarroako Foru Komunitateko Administrazioaren kudeaketa esparru barruan, eta aipatu irakaskuntza kidegoetan espezialitate berriak eskuratzeko prozedura.

Iragarki honen bidez aditzera ematen da Andres Bartolome Lealek, Bigarren Hezkuntzako irakasleen kidegoko Ingelesa (gaztelaniaz) espezialitateko izangaiak, gora jotzeko errekurtsoa jarri duela hautapen prozedura hauen oposizioalditik baztertu izanaren aurka: Bigarren Hezkuntzako irakasleen kidegora, Hizkuntza Eskola Ofizialetako irakasleen kidegora eta Lanbide Heziketako sektore berezietako irakasle espezialisten kidegora sartu eta igotzeko hautapen prozedurak, Nafarroako Foru Komunitateko Administrazioaren kudeaketa esparru barruan, eta aipatu irakaskuntza kidegoetan espezialitate berriak eskuratzeko prozedura, guztiak ere Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren abenduaren 15eko 249/2024 Ebazpenaren bidez onetsiak.

Hori horrela, eta jarraikiz urriaren 1eko 39/2015 Legearen 45. eta 118. artikuluei (lege horrek hizpide du Administrazio Publikoen Administrazio Prozedura Erkidea), interesdun diren guztiak epatzen dira, izan dezaten alegazioak egiteko aukera, hamar egun balioduneko gehieneko epean, iragarki hau Nafarroako Aldizkari Ofizialean argitaratu eta biharamunetik. Alegazioak aurkeztu beharko dira Hezkuntza Departamentuaren Erregistroan (Iruñeko San Domingo aldapa z.g.), edo, bestela, urriaren 1eko 39/2015 Legean ezarritako bideetatik edozein erabiliz (lege horrek hizpide du Administrazio Publikoen Administrazio Prozedura Erkidea).

Jarritako errekurtsoen kopia bat lortzeko, interesdunek eskatzen ahalko dute bidal dakien aurkeztu den gora jotzeko errekurtsoa, eta, horretarako, eskabide bat aurkeztu beharko dute, aurreko paragrafoan adierazitako erregistroen bidez, zeina zuzendu beharko baitzaio Hezkuntza Departamentuko Idazkaritza Tekniko Nagusiari. Eskabidean adierazi beharko dute helbide elektroniko bat, errekurtsoa hara bidaltzeko.

Nolanahi ere, Hezkuntza Departamentuari atxikitako langileek erabili beharko dute Nafarroako Gobernuaren egoitza elektronikoa, alegazioak aurkezteko, edo eskatzeko gora jotzeko errekurtsoa bidal dakien.

Iruñean, 2025eko ekainaren 30ean.–Hezkuntza Departamentuko idazkari tekniko nagusia, Beatriz Ayerra Gamboa.

Iragarkiaren kodea: F2509321