2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
GESALATZ
Enkantean jartzea iraungitako Biguriko Kontzejuko herri-lurretako eta lur partikularretako belarren aprobetxamendua
Iraungitako Biguriko Kontzejuko herri-lurretako eta lur partikularretako belarren aprobetxamendua: baldintza-agiria.
1.–Enkantearen xedea: Enkantean jartzen da iraungitako Biguriko Kontzejuko herri-lurretako eta lur partikularretako belarren aprobetxamendua, 8 urterako: 2025eko urriaren 1etik 2033ko irailaren 31ra.
2.–Enkantearen data: Enkantea eginen da 2025eko abuztuaren 14an, Gesalazko udaletxean. Enkantearen ordua: 12:00.
3.–Hasierako prezioa: Hasierako prezioa da:
–Alanbre-hesiz mugatutako eremua: 2.515,97 euro.
–Alanbre-hesiz mugatu gabeko eremua: 1229,96 euro.
Prezioa Nafarroako KPIaren arabera igoko da, erreferentziatzat hartuta, erremateko prezioa zer egunetan ordaindu den, haren aurreko urteko indizea.
4.–Prozedura: Enkantea ahozko posturen bidez eginen da, eta gora jotzeko hainbestekoak 60 eurokoak izanen dira.
Enkantea sesteo delakoari lotuta egonen da.
5.–Behin betiko bermea: Behin betiko bermea 600 eurokoa izanen da, eta Kontratu Publikoei buruzko apirilaren 13ko 2/2018 Foru Legean ezarritako moduetako edozeinetan osatzen ahalko da.
Enkantearen behin betiko adjudikazioa egin eta hurrengo 15 egun baliodunen barnean frogatu beharko da behin betiko bermea osatu dela. Baldintza hori betetzen ez bada adjudikaziodunari egoztekoa zaion arrazoi batengatik, horrek eraginen du kontratua suntsitzea.
6.–Adjudikaziodunaren kargura diren gastuak: Gastu hauek adjudikaziodunak hartu beharko ditu bere gain:
Kontratutik datozen tributuak (estatukoak, udalekoak eta autonomia erkidegokoak).
7.–Adjudikaziodunaren betebeharrak: adjudikazioduna behartuta dago garbi mantentzera saroiaren inguruak.
Adjudikazioduna izanen da erantzulea bere aziendak ondasun partikularretan edo herri-ondasunetan kalteren bat eragiten badu edo bestelako kalteren bat sortzen bada aprobetxamendua dela eta. Kasu horretan, kalteak konpondu beharko ditu, ezarritako moduan eta epearen barnean.
Adjudikazioduna beharturik dago eskorta eta haren elementuak ezin hobeki zaintzera eta, adjudikazioa bukatutakoan, aurkitu zituen bezala itzultzera.
8.–Kontratua betetzea: Aprobetxamendua zer urtetan egiten den, urte horretako uztailaren 31 baino lehen egin beharko da ordainketa. Egun horretatik aurrera, %20 haziko da zenbatekoa, bi hilean behin. Halaber, Udalak aprobetxamenduaren adjudikazioa bertan behera uzten ahalko du, eta adjudikaziodunak, adierazitako egunean ordaintzen ez badu, ez ordaintzeak dakartzan kalteak ordaindu beharko ditu.
Adjudikaziodunak ezin izanen ditu enkantea eta enkantetik datozen eskubideak eskualdatu Udalaren aldez aurreko baimenik gabe.
Adjudikaziodunak ez baditu betetzen ezarritako baldintzak eta epeak, horrek ekarriko du errematea suntsitzea. Halaber, fidantza galduko du, bat etorrita ezarrita dagoenarekin Toki Entitateen Ondasunen Erregelamenduan eta Administrazio Publikoen Kontratuei buruzko Foru Legean.
9.–Fidantza honako kasu hauetan itzuliko da:
–Adjudikazioduna hiltzea.
–Erretiratzea.
–Jardueran aritzeko ezintasuna.
Adjudikazioaren epea bukatu baino lehen eskatzen bada aprobetxamendua deuseztatzeko (aurretik azaldutako kasuetan ez beste guztietan) Udalak fidantzatik kenduko du berriz ere adjudikazioa egin arteko denboran berak pairatzen dituen kalte ekonomikoak berdintzeko dirua; balorazioa osoko bilkuran erabakiko da.
Adjudikaziodunaren kargura izanen dira egiten diren kalte guztiak.
10.–Udalak aprobetxamenduaren adjudikazioa deuseztatzen ahal du baldin ez bada errematea ordaintzen aipatutako datetan, eta behar ez bezala erabiltzen badira putzuak edo askak.
11.–Jurisdikzio eskuduna: Kontratazio-organoak ebatziko ditu kontratuei buruzko interpretazioari, aldaketei, ebazpenei eta ondorioei buruzko gorabeherak. Organo horren ebazpenek administrazio bidea amaituko dute, eta administrazioarekiko jurisdikziorako bidea irekiko; hori guztia, jurisdikzio horri buruzko legean ezarritakoarekin bat.
Muetzen, 2025eko ekainaren 25ean.–Alkatea, Juan Antonio Urra Caro.
Iragarkiaren kodea: L2509183