148. ALDIZKARIA - 2025eko uztailaren 24a

2. NAFARROAKO TOKI ADMINISTRAZIOA

2.1. OPOSIZIOAK ETA LEHIAKETAK. LAN PUBLIKOAREN ESKAINTZA

IRUNBERRIKO GIZARTE ZERBITZUEN MANKOMUNITATEA

Deialdia, zaintzaile-gerokultorearen lanpostu huts bat lekualdatze-lehiaketaren bidez betetzeko, aldi baterako enplegua egonkortzeko eta finkatzeko prozesu bereziaren barnean. Izendapena

Bukatu da zaintzaile-gerokultorearen lanpostu huts bat lekualdatze-lehiaketaren bidez betetzeko prozesua, aldi baterako enplegua egonkortzeko eta finkatzeko prozesu bereziaren barnean, abenduaren 28ko 20/2021 Legeari jarraikiz (Enplegu Publikoan dagoen Behin-behinekotasuna Murrizteko Premiazko Neurriei buruzko Legea); hartara, bidezkoa da hurrengo izangaia izendatzea aipatutako lanpostua bete dezan, eta lanpostuaz jabetzera dei egitea. Irunberriko Gizarte Zerbitzuen Mankomunitate buruak, bada, izendatzeko ebazpen bat eman du ekainaren 25ean, bat etorriz kalifikazio-epaimahaiak igorritako izendapen-proposamenarekin, horretarako baliaturik Toki-araubidearen Oinarriak arautzen dituen apirilaren 2ko 7/1985 Legeren 21.1 artikuluan eta deialdiaren 11. oinarrian ezarritako eskumenak. Hona hemen hitzez hitz ebazpen horrek dioena:

1. Martín Indurain Nicuesa izendatzea Irunberriko Gizarte Zerbitzuen Mankomunitateko langile lan-kontratudun finko, zaintzaile-gerokultorearen lanpostua, D mailakoa, bete dezan, lanaldi osoan; horretarako, plantilla organikoan 37 zenbakia duen plaza esleitzen zaio.

2. Izendatutako izangaiak hilabeteko epean jabetu beharko du lanpostuaz, ebazpen hau Nafarroako Aldizkari Ofizialean argitaratzen denetik hasita, jarraikiz uztailaren 1eko 19/2022 Foru Legearen 6.4 artikuluan azaldutakoari (foru lege horren bidez neurri batzuk hartzen dira egonkortze prozesuak gauzatzeko Nafarroako Administrazio Publikoetan, abenduaren 28ko 20/2021 Legearen ondorioz –lege horrek hizpide ditu premiazko neurri batzuk, enplegu publikoan behin-behinekotasuna murrizteko–).

3. Ebazpen hau argitaratzea Irunberriko Udalaren web-orrian eta Nafarroako Aldizkari Ofizialean, eta adieraztea haren aurka honako hauek jar daitezkeela:

a) Berraztertzeko errekurtsoa, egintzaren organo egileari zuzendua, hilabeteko epean, erabaki hau jakinarazi eta biharamunetik hasita.

b) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, jakinarazten denetik hasita.

c) Administrazioarekiko auzi-errekurtsoa, Nafarroako Administrazioarekiko Auzien Jurisdikzioko organo eskudunari zuzendua, bi hilabeteko epean, erabaki hau jakinarazi eta biharamunetik hasita.

Irunberrin, 2025eko ekainaren 25ean.–Mankomunitateko burua, Begoña Gogorcena Marin.

Iragarkiaren kodea: L2509614