Iragarkia
148. ALDIZKARIA - 2025eko uztailaren 24a
2. NAFARROAKO TOKI ADMINISTRAZIOA
2.1. OPOSIZIOAK ETA LEHIAKETAK. LAN PUBLIKOAREN ESKAINTZA
ANTSOAINGO, BERRIOBEITIKO, BERRIOZARKO, ITZAKO ETA TXULAPAINGO OINARRIZKO GIZARTE ZERBITZUEN MANKOMUNITATEA
Deialdia, administrari laguntzailearen bi lanpostu, funtzionarioen araubidekoak, oposizio-lehiaketa bidez betetzeko, mankomunitatearen zerbitzura aritzeko
Mankomunitate honetako buruak, 2025eko ekainaren 30eko 70/25 Ebazpenaren bidez, deialdi baten oinarriak onetsi zituen mankomunitate honen zerbitzuko administrari laguntzaile izateko bi lanpostu, funtzionarioen araubidekoak, oposizio-lehiaketa bidez betetzeko.
OINARRIAK
1.–Arau orokorrak.
1.1. Antsoaingo, Berriobeitiko, Berriozarko, Itzako eta Txulapaingo Oinarrizko Gizarte Zerbitzuen Mankomunitatearen zerbitzuko administrari laguntzaile izateko bi lanpostu, D mailakoak eta lanaldi osokoak, oposizio-lehiaketa bidez eta funtzionario gisa betetzea du xede deialdi honek. Hori guztia gaiari buruz honako hauetan xedatutakoa betez gauzatuko da: Nafarroako Administrazio Publikoen zerbitzuko Langileen Estatutuaren testu bategina (abuztuaren 30eko 251/1993 Legegintzako Foru Dekretuak onetsia), hura garatu eta betetzeko Erregelamendua, aplikatzekoak diren gainerako arauak eta deialdiaren oinarrietan xedatutakoa. Lanpostuak 016 eta 024 zenbakiak dituzte plantilla organikoan, 2025. urterako onetsitako lan publikoaren eskaintzaren arabera, eta honako txanda hauetan banatuta daude:
a) –Lanpostu bat, txanda irekian.
b) Lanpostu bat, igoera txandan.
Igoera txandako lanpostua txanda irekikoari gehituko zaio, baldin bete gabe gelditzen bada, izangaiek ez dutelako eskuratu hautaprobak gainditzeko behar den gutxieneko puntuazioa.
Igoera txandako izangaiak, deialdi honetako 2.1.2 oinarrian eskatutako baldintzak betetzen ez badituzte, bertzerik gabe onartuko dira txanda irekian, baldin eta txanda horretan parte hartzeko baldintzak betetzen badituzte eta kontrakorik espresuki adierazten ez bada.
1.2. Administrari laguntzaile lanpostuaren berezko eginkizunak eta kategoria eta maila horretako bertzelako eginkizunak izanen ditu lanpostuak, eta baita berariaz agintzen zaizkionak ere. Bertzeak bertze, aipamen hutsez eta bertzelakoak baztertu gabe, honako hauek: jendeari arreta egitea (aurrez aurre, modu telematikoan eta telefono bidez), sarrerak eta irteerak kudeatzea, dokumentazioa hartzea, kudeatzea, helaraztea eta artxibatzea, informazio estatistikoa erregistratzea, memoriak, ordenagailuak eta programa informatikoak erabiltzea, hitzorduak kudeatzea eta programetan eta Mankomunitatearen administrazio eta antolaketan laguntzea.
Eginkizunok gauzatzeak ibilgailu partikularra eskuarki erabili beharra ekar lezake, Mankomunitatea osatzen duten entitateen herrietara joateko, zerbitzuari lotutako laguntza emateko.
1.3. Lanpostuek D mailako lansariak izanen dituzte, uztailaren 4ko 158/1984 Foru Dekretuaren bidez onetsitako Ordainsariei buruzko Behin-behineko Erregelamenduan eta gainerako xedapen osagarrietan erabakitakoaren arabera; bertzetik, Mankomunitateak une bakoitzean ezarri eta plantilla organikoan jasotzen dituen osagarriak izanen dituzte.
1.4. Lanaldia zerbitzuaren beharretara egokituko da, eta administrazioko organo eskudunek noiznahi aldatzen ahalko dute.
1.5. Hautaprobak gainditu eta deialdi honen xede diren lanpostuetan aritzeko izendatzen diren izangaiak, Antsoaingo, Berriobeitiko, Berriozarko, Itzako eta Txulapaingo Oinarrizko Gizarte Zerbitzuen Mankomunitatean sartu eta funtzionario bilakatzean, Gizarte Segurantzaren araubide orokorrean afiliatuko dira, alta emanen zaie eta aipatu araubidearen babespean geldituko dira.
Deialdi honetako lanpostuetarako izendatu eta lehendik eskubide pasiboen eta osasun eta gizarte laguntzaren araubidean, hots, Nafarroako Administrazio Publikoen zerbitzuko Langileen Estatutuan eta gainerako xedapen osagarrietan aipatzen den hartan, afiliatuta dauden funtzionarioek bertan segitzea aukeratzen ahal dute edo Gizarte Segurantzan afiliatzea.
1.6. Halaber, aldi baterako kontratatuak izateko zerrenda bat osatzea du xede deialdi honek, hautatze prozesuan lanpostua eskuratzen ez duten izangaiekin, deialdiaren 9. oinarrian ezarritakoari jarraikiz.
2.–Baldintzak.
2.1. Oposizio-lehiaketa honetan onartuak izateko, izangaiek baldintza hauek bete beharko dituzte eskabideak aurkezteko epea bukatzen den egunean:
2.1.1. Izangai guztiek bete beharrekoak:
a) Espainiako nazionalitatea edo Europar Batasuneko edozein estatutakoa izatea. Orobat, espainiarren eta Europar Batasuneko bertze estatuetako herritarren ezkontideek hartzen ahal dute parte, zuzenbidez bananduta ez badaude; halaber, haien ondorengoek eta ezkontidearenek, zuzenbidez bananduta ez badaude, 21 urtetik beherakoak badira edo, adin horretatik gorakoak izaki, haien kontura biziz gero. Orobat aplikatuko zaie, Europar Batasunak sinatu eta Espainiak berretsitako nazioarteko itunen arabera, langileen zirkulazio librea onartzen duten herrialdeetako biztanleei.
b) Hamasei urte beteak izatea eta ez gainditzea erretiroa nahitaez hartzeko gehieneko adina.
c) Deialdian parte hartzeko eskaerak aurkezteko epea bukatzen den egunean, izatea eskola-graduatuaren edo DBHko graduatuaren titulua, Lanbide Heziketako lehen mailakoa edo Oinarrizko Lanbide Heziketakoa edo baliokide bat, edo izateko maneran egotea (titulu hori eskuratzeko eskubideak ordaindu izanaren gordekina).
Atzerrian lorturiko titulua izanez gero, aipatu epea betetzen den egunean, haren homologazioa frogatzen duen agiriaren jabe izatea.
Izangaiek alegatzen badute badituztela eskatutako kategorian aritzea ahalbidetzen dieten ikasketa baliokideak, aipatu beharko dute baliokidetasun hori onartzen duen lege edo erregelamenduzko xedapena, edo, bertzela, aurkeztu beharko dute Hezkuntza Ministerioak emandako ziurtagiria.
d) Bete behar diren eginkizunetan aritzeko behar den gaitasun fisiko eta psikikoa izatea.
e) Ez egotea dagozkion eginkizun publikoak betetzeko desgaiturik edo bazterturik, eta administrazio publikoren bateko zerbitzutik kendua ez izatea.
Espainiako nazionalitatea ez duten izangaiek aurkeztu beharko dute zinpeko deklarazio bat edo hitzemate bat, adierazteko ez dutela diziplina-zehapenik edo kondena penalik, galarazten dienik beren estatuko funtzio publikoan sartzea.
f) B motako gidabaimena indarrean izatea.
2.1.2. Igoera txandako izangaiendako berariazko betebeharrak:
Igoera txandako izangaiek, eskabideak aurkezteko epea bukatzen denerako, aurreko atalean aipatutako baldintzez gain, bertze hauek ere bete beharko dituzte:
a) Nafarroako edozein administrazio publikotako langile finkoa izatea.
b) Deialdiko lanpostu hutsen maila berekoa edo beheragokoa izatea.
c) Deialdian eskatutako titulua edukitzea eta administrazio publikoetan bortz urteko antzinatasun onartua izatea, Nafarroako polizia kidegoetako kideen kasuan izan ezik, horiek frogatu beharko baitute zortzi urtez egin dituztela zerbitzuak kidego horietan.
Bertzalde, c) letran adierazitako baldintzen ordez, administrazio publikoaren zerbitzuan egiazki egindako zortzi urte onartuak froga daitezke.
d) Borondatezko edo nahitaezko eszedentzian ez egotea, salbu eta borondatezko eszedentzian dagoen pertsona zerbitzuak egiten ari baldin bada deialdia egin duen Administrazioko bertze lanpostu finko edo aldi baterako batean.
2.2. Europar Batasunak izenpetu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estatu batekoen kasuan, itunaren frogagiria aurkeztu beharko da.
2.3. Gainditu eta lanpostua eskuratzen duten izangaiek deialdi honen 7. oinarrian ezarritako epean eta moduan frogatu beharko dituzte aipatu beharkizun guztiak, salbu deialdiaren 3. oinarrian xedatua. Bete beharko dituzte eskabideak aurkezteko epearen azken egunean eta hautapen-prozesu osoan, harik eta izendatuak izan eta lanpostuaz jabetzen diren arte.
3.–Eskabideak.
3.1. Deialdian parte hartzeko eskabidea aurkezteko 20 egun naturaleko epea egonen da, deialdi hau Nafarroako Aldizkari Ofizialean argitaratzen den egunaren biharamunetik zenbatzen hasita, eta modu telematikoan aurkeztu behar da nahitaez mankomunitate honen egoitza elektronikoaren erregistroaren bidez (https://sedeelectronica.manserso.org/), dagokion izapidea baliatuta.
Eskabideak aurkezteko epea luzaezina da.
Administrazio Publikoen Administrazio Prozedura Erkideari buruzko urriaren 1eko 39/2015 Legearen 14. artikuluko 3. apartatuan xedatutakoarekin bat: "Administrazioek ezartzen ahalko dute nahitaezkoa dela bitarteko elektronikoen bidez jartzea harremanetan, bai prozedura batzuetarako, bai eta, beren gaitasun ekonomiko edo teknikoagatik, dedikazio profesionalagatik edo egiaztaturiko bertze arrazoiren batengatik, behar diren bitarteko elektronikoez baliatzeko aukera duten pertsona fisikoen zenbait kolektiborendako ere".
Halaber, 2025erako Nafarroako Aurrekontu Orokorrei buruzko abenduaren 26ko 19/2024 Foru Legearen 27. artikuluan (Nafarroako Administrazio Publikoek deitutako hautapen prozesuei buruzko xedapenak), hau ematen da aditzera: "Nafarroako administrazio publikoei ahalmena ematen zaie Administrazioan sartzeko edo bertako lanpostuak betetzeko hautapen-prozesuen deialdietako eskabideak eta gainerako dokumentazioa bitarteko elektronikoen bidez aurkez daitezela eskatzeko".
3.2. Eskabideak deialdi honetan (I. eranskina) argitaratutako ereduaren arabera egin behar dira eta haietan izangaiek adierazi behar dute baldintza guzti-guztiak betetzen dituztela eskabideak aurkezteko epearen azken egunean.
Behar bezala betetako eskabideari dokumentazio hau gehituko zaio:
a) Nortasun agiri nazionalaren kopia, edo izangaiaren nazionalitatea eta nortasuna frogatzen dituen bertze agiri baliokide batena.
b) Deialdiko 2. oinarrian eskatzen diren tituluetako baten kopia, edo titulua lortzeko eskubideak ordaindu dituela frogatzen duen gordekinarena, edo, bidezkoa denean, eskaerak aurkezteko epea bukatu aurretik titulua eskuratzeko moduan zegoela frogatzen duen ziurtagiria.
c) B motako gidabaimen indardunaren kopia.
d) Alegatutako merezimenduak frogatzen dituzten ziurtagiriak, lehiaketaldian baloratzeko, 6. oinarrian ezarritako baremoari jarraikiz.
Dokumentazio hori aurkezten ez bada eskabideetarako ezartzen diren epean eta moduan, ez dira baloratuko merezimenduak.
e) Espedientea formalizatzeko eta azterketa eskubideetarako 6,00 euroko tasa ordaindu izanaren ordainagiria (diru-sarrera egiteko kontua: La Caixako ES44 2100 5184 5521 0046 1264), izangaiaren izen-abizenak adierazita eta kontzeptua, hots, "administrari laguntzailea".
f) Desgaitasun aitortua duten izangaiek, ariketak egin ahal izateko denbora edo baliabideetan egokitzapenik behar badute, zilegi izanen dute horiek eskabidean eskatzea eta, hartarako, aparteko orri batean adierazi beharko dute nolako desgaitasuna duten eta zer egokitzapen eskatzen duten. Horrekin batera, legeen arabera desgaitasuna dutela frogatzeko agiria ere aurkeztu beharko dute, organo eskudunak emana.
Aski izanen da dokumentazioaren kopia arruntak aurkeztea, baina aurkeztutako datuak edo agiriak ez-zuzenak edo faltsuak badira, behar diren erantzukizun penal, zibil edo administratiboak eskatuko dira.
g) Deialdiko igoera txandan parte hartzea eskatzen duten izangaiek, baldin eta mankomunitate honetako administrazioa ez den Nafarroako bertze administrazio publiko bateko langile finkoak badira, eskabideari erantsi beharko dizkiote, gainera, deialdi honen 2.1.2. oinarriko baldintzak betetzen dituztela frogatzeko agiriak.
3.3. Azterketa eskubideen tasa ordaintzen ez bada, izangaia baztertu eginen da.
Tasa ez da itzuliko, izangaiak bazterturik gelditzen badira haiei egotz dakizkiekeen arrazoiengatik.
3.4. Aipatutako agiri horiek aurkezten ez dituztenak ez dira onartuko deialdian, eta ordura arteko jarduketa guztiak baliorik gabe geldituko dira, deusetan galarazi gabe legokiekeen erantzukizuna parte hartzeko eskabidea faltsutzeagatik.
3.5. Gainerako betebeharren egiaztagiriak prozesua gainditzen duten izangaiek aurkeztu beharko dituzte, deialdi honen 7. oinarrian ezartzen den epean eta moduan.
4.–Onartuen eta baztertuen zerrenda.
4.1. Eskabideak aurkezteko epea burututakoan, Mankomunitateko buruak ebazpena emanen du onartu eta baztertuen behin-behineko zerrenda onesteko, eta aginduko du Nafarroako Aldizkari Ofizialean eta Mankomunitatearen webgunean argitaratzeko.
Izangai bazterturik ez bada, bertzerik gabe onetsiko da onartuen zerrenda behin betiko gisa.
4.2. Izangai baztertuek hamar egun balioduneko epea izanen dute, behin-behineko zerrenda Nafarroako Aldizkari Ofizialean argitaratzen denetik, erreklamazioak aurkezteko eta, akatsik egin badute, haiek zuzentzeko. Erreklamazioak telematikoki aurkeztu beharko dira beti.
4.3. Erreklamazioetarako epea bukatutakoan eta haiei erantzun ondoren, Mankomunitateko buruak ebazpena emanen du onartu eta baztertuen behin betiko zerrenda onesteko, eta Nafarroako Aldizkari Ofizialean eta webgunean argitaratzeko aginduko du, probak zein toki, egun eta ordutan hasiko diren adierazita.
4.4. Onartuen zerrendan agertzea ez da aski ebazpen honen bitartez abiatzen den prozeduran eskatutako baldintzak betetzen direla onartzeko. Hautapen-prozesua gainditu ondoren, izangaiek aurkeztu beharreko dokumentazioa aztertzen denean, egiaztatzen baldin bada ez dutela baldintzaren bat betetzen, interesdunek galduko dituzte prozedura honetan parte hartzeagatik dituzten eskubide guztiak, galarazi gabe faltsukeria dela-eta dagozkien erantzukizun penal, zibil edo administratiboak.
4.5. Izangai onartu eta baztertuen zerrendak argitaratzearekin, egintzat joko da interesdunei egin beharreko jakinarazpena, urriaren 1eko 39/2015 Legearen 45.b) artikuluan ezarritako ondorioetarako (Administrazio Publikoen Administrazio Prozedura Erkideari buruzko Legea).
5.–Kalifikazio-epaimahaia.
5.1. Kalifikazio epaimahaia izendatuko da behin deialdi hau onetsi ondoren eta izangai onartuen eta baztertuen behin betiko zerrenda onetsi baino lehen. Kide-kopurua bakoitia izanen da, hiru gutxienez, eta horien ordezkoen kopuru bera izendatu beharko da. Izendapen hori webgunean argitaratuko da.
5.2. Epaimahaia hautaprobak baino lehen eratu beharko da, buruak deialdia eginda eta, eratu eta jardun ahal izateko, kideen gehiengo osoak bederen agertu beharko du.
5.3. Epaimahaiak gehiengoz ebatziko ditu deialdiaren oinarriak interpretatzeko eta aplikatzeko moduari buruz sortzen diren gorabehera guztiak.
5.4. Epaimahaiak aholkulari adituen laguntza izan dezake, proba batzuetan nahiz guztietan. Aholkulari horiek beren espezialitate teknikoetan baizik ez dira ariko, eta haietan bakarrik emanen diote laguntza epaimahaiari.
5.5. Kalifikazio epaimahaiko kideek parte hartzeari uko egin beharko diote, eta organo deitzaileari horren berri eman, baldin eta Sektore Publikoaren Araubide Juridikoari buruzko urriaren 1eko 40/2015 Legearen 23. artikuluan abstentziorako aipatzen diren egoeretako batean badaude.
5.6. Izangaiek mahaikideak errekusatzen ahalko dituzte Sektore Publikoaren Araubide Juridikoari buruzko urriaren 2ko 40/2015 Legean ezarritako moduan eta baldintzetan.
6.–Oposizio-lehiaketaren nondik norakoak.
6.1. Oposizio-lehiaketak aldi hauek izanen ditu:
a) Merezimenduen balorazioko fasean, hots, lehiaketaldian, izangaiek alegatu dituzten merezimenduen balorazioa eginen da.
b) Oposizioaldian, proba bat edo gehiago eginen dira, lanpostuaren eginkizunak zuzen eta egoki betetzeko beharrezkoak diren ezagutzei eta gaitasunei buruz.
Deialdi honen faseak hurrenkera honetan eginen dira: lehiaketaldia lehenik eta, hura bukatutakoan, oposizioaldia.
6.2. Lehiaketaldia.
6.2.1. Izangaiek aurkezturiko merezimenduak baloratuko ditu epaimahaiak, ondotik heldu den baremoaren arabera baloratu ere. Merezimendu guztiak agiri bidez frogatu behar dituzte izangaiek, oposizio-lehiaketan parte hartzeko eskabidea aurkeztean. Horrela egin ezean, ez dira kontuan hartuko.
6.2.2. Alegatu eta frogatzen diren merezimenduak honako baremo honen arabera kalifikatu eta puntuatuko dira:
a) Laneko esperientzia (27,50 puntu gehienez).
–Nafarroako edozein toki erakundean, Gizarte Zerbitzuen Alorrari atxikirik, edo Nafarroako oinarrizko gizarte zerbitzuen mankomunitate batean administrari laguntzailearen edo administrari ofizialaren lanpostuan aritzeagatik, urte bakoitzeko: 5 puntu; gehienez, 25 puntu.
–Edozein administrazio publikotan, aurreko atalean aipatuetan izan ezik, administrari laguntzailearen edo administrari ofizialaren lanpostuan aritzeagatik, urte bakoitzeko: 2,50 puntu; gehienez, 12,50 puntu.
Zer administrazio publikotan aritu den, harexek emanen du ziurtagiria bertan egindako zerbitzuak frogatzeko. Honako hauek agertu behar dute, gutxienez: pertsonaren izena, NAN/AIZ zenbakia, administrari laguntzailea edo ofiziala izan den, maila, lanaldia, atxikipen esparrua eta epea.
Lan edo administrazio araubidean, langile finko edo behin-behineko gisa egindako zerbitzuak hartuko dira kontuan, baita bitarteko gisa edo lanpostuaren jabe izaki egindakoak ere. Baina atal batean baino gehiagotan sartutako zerbitzuak denbora berean eginak badira, puntuaziorik handiena dutenak bakarrik baloratuko dira.
Egiaztatutako esperientzia urte kopuru osokoa ez bada, proportzioan dagokiona aterako da. Lanaldi partzialean egindako zerbitzuak berdin baloratuko dira, lanaldia edozein izanik ere.
b) Prestakuntza osagarria.
1.–Euskara.
Bat etorriz 97/2024 Foru Dekretuarekin, euskararen balorazioa %7koa izanen da, merezimenduen baremoaren gainerakoari esleitutako puntuazioari dagokionez (foru dekretu horrek arautzen du nola baloratu merezimenduak Nafarroako administrazio publikoetan sartzeko eta bertako lanpostuak betetzeko).
a) Euskarazko A1 mailari dagokion ziurtagiria edo titulua izateagatik, ofizialki egiaztatutako erakundeek emandakoa, jarraikiz Europako Erreferentzia Esparruari: 0,42 puntu.
b) Euskarazko A2 mailari dagokion ziurtagiria edo titulua izateagatik, ofizialki egiaztatutako erakundeek emandakoa, jarraikiz Europako Erreferentzia Esparruari: 0,84 puntu.
c) Euskarazko B1 mailari dagokion ziurtagiria edo titulua izateagatik, ofizialki egiaztatutako erakundeek emandakoa, jarraikiz Europako Erreferentzia Esparruari: 1,26 puntu.
d) Euskarazko B2 mailari dagokion ziurtagiria edo titulua izateagatik, ofizialki egiaztatutako erakundeek emandakoa, jarraikiz Europako Erreferentzia Esparruari: 1,68 puntu.
e) Euskarazko C1 mailari dagokion ziurtagiria edo titulua izateagatik, ofizialki egiaztatutako erakundeek emandakoa, jarraikiz Europako Erreferentzia Esparruari: 2,10 puntu.
2.–Ingelesa eta/edo frantsesa.
a) Ingeleseko edo frantseseko A1 mailari dagokion ziurtagiria edo titulua izateagatik, ofizialki egiaztatutako erakundeek emandakoa, jarraikiz Europako Erreferentzia Esparruari: 0,25 puntu, hizkuntza bakoitzeko.
b) Ingeleseko edo frantseseko A2 mailari dagokion ziurtagiria edo titulua izateagatik, ofizialki egiaztatutako erakundeek emandakoa, jarraikiz Europako Erreferentzia Esparruari: 0,50 puntu, hizkuntza bakoitzeko.
c) Ingeleseko edo frantseseko B1 mailari dagokion ziurtagiria edo titulua izateagatik, ofizialki egiaztatutako erakundeek emandakoa, jarraikiz Europako Erreferentzia Esparruari: 0,75 puntu, hizkuntza bakoitzeko.
d) Ingeleseko edo frantseseko B2 mailari dagokion ziurtagiria edo titulua izateagatik, ofizialki egiaztatutako erakundeek emandakoa, jarraikiz Europako Erreferentzia Esparruari: 1,00 puntu, hizkuntza bakoitzeko.
e) Ingeleseko edo frantseseko C1 mailari dagokion ziurtagiria edo titulua izateagatik, ofizialki egiaztatutako erakundeek emandakoa, jarraikiz Europako Erreferentzia Esparruari: 1,25 puntu, hizkuntza bakoitzeko.
Titulu edo ziurtagiri bat baino gehiago aurkeztuz gero, epaimahaiak maila gorena duena baizik ez du baloratuko.
Ezar daitezen hizkuntzen jakite maila frogatzen duten titulu eta ziurtagirien arteko baliozkotzeak, aintzat hartuko da Nafarroako Administrazio Publikoaren Institutuko zuzendari kudeatzailearen 210/2010 Ebazpena.
Jatorrizko tituluaren edo haren kopia konpultsatuaren bidez frogatu beharko dira.
Izangaiek alegatutako merezimenduen gaineko azalpenak eta datu osagarriak eskatzen ahal ditu epaimahaiak, noiznahi.
Epaimahaiaren ustez izangai bakoitzak aurreko ataletako bakoitzean dituen merezimenduak baloratuko dira, eta ez dira inoiz kontuan hartuko alegatu gabeko merezimenduak edo agiri bidez frogatu ez direnak.
6.2.3. Lehiaketaldia burututakoan, epaimahaiak argitara emanen du Mankomunitatearen webgunean izangaiek fase horretan lortutako behin-behineko puntuazioen zerrenda.
Behin-behineko kalifikazioak argitaratu eta biharamunetik hasita, izangaiek bortz egun naturaleko epealdia izanen dute alegazioak aurkez ditzaten, eskabide telematikoaren bidez.
6.2.4. Alegazioak ebatzi ondoren, horrelakorik baldin badago, epaimahaiak jendaurrean jarriko du, Mankomunitatearen webgunean, izangaiek lehiaketaldiko atal bakoitzean lortutako behin betiko kalifikazioen zerrenda. Oposizioaldia hasi baino berrogeita zortzi ordu lehenago, gutxienez, iragarriko da.
6.3. Oposizioaldia.
Oposizioaldia 2025eko azarotik aurrera hasiko da.
6.3.1. Proba bakoitzerako deialdi bakarra eginen da. Izangaiek nortasun agiri nazionala, pasaportea edo gidabaimena aldean dutela agertu beharko dute eta, eskatzen bazaie, erakutsi egin beharko dute, bertzela kanporatu eta baztertuko baitira, salbu eta zuzenbidean onarturiko bertze moduren batean nor diren egiaztatzen badute egintza horretan berean. Probetan oharretatik kopiatzeak nahiz bertze edozein iruzur egiteak berehalako kanporatzea ekarriko du, jarduketa penalak deusetan galarazi gabe, hala behar bada.
Era berean, prozesutik baztertuko dira iragarritako egunetan, orduetan eta tokietan agertzen ez diren izangaiak eta aipatu diren agirien bidez beren burua identifikatzen ez dutenak.
Hautaprobak egiteko, desgaitasuna duten izangaiek hala eskatuz gero, denborak eta baliabideak ahal bezala moldatuko dira, haien eskabidean adierazi dutenaren arabera.
Gai guztiak eskatuko dira deialdi hau Nafarroako Aldizkari Ofizialean argitaratzen den egunean indarrean den araudiaren arabera.
Proba egiteko ez da inolako testurik edo dokumentaziorik erabiltzen ahalko, ezta gailu elektronikorik edo bertzelako materialik ere, boligrafo urdina edo beltza izan ezik.
6.3.2. Oposizioak hiru proba izanen ditu:
a) Lehen proba.
Idatziz erantzun beharrekoa, epaimahaiak hasi aurretik erabakiko duen denboran. Zenbait erantzuneko galderak izanen dira, test modukoak, hizkuntzaren, zenbakien eta bulego-antolaketaren alorreko gaitasunari buruz, pertzepzioko trebetasunari buruz eta ortografiari buruz. Haietatik bat bakarra izanen da zuzena. Proba hasi baino lehen, zehaztuko dira proba baloratzeko irizpidea eta erantzun okerren penalizazioa, zenbait erantzun-aukera dituzten galderetarako. Gehienez ere 20 puntu emanen dira. Bazterturik geldituko dira gutxienez 10 puntu lortzen ez dituzten izangaiak.
b) Bigarren proba.
Idatziz erantzun beharrekoa, epaimahaiak hasi aurretik erabakiko duen denboran. Aukeran zenbait erantzun dituzten galderak izanen dira, test modukoak, II. eranskineko gai-zerrendari buruzkoak. Erantzunetatik bat bakarra izanen da zuzena. Proba hasi baino lehen, zehaztuko dira proba baloratzeko irizpidea eta erantzun okerren penalizazioa, zenbait erantzun-aukera dituzten galderetarako. Gehienez ere 60 puntu emanen dira. Bazterturik geldituko dira gutxienez 30 puntu lortzen ez dituzten izangaiak.
c) Hirugarren proba.
Proba ez-baztertzailea; hartan, aurreko proba gainditu eta baztertuta gelditu ez diren izangaiek zenbait proba psikotekniko egin beharko dituzte, deialdiaren xedeko lanpostua eskuratu gogo dutenak haren eskakizun profesiografikoari zenbateraino egokitzen zaizkion neurtzeko. Proba hauek Nafarroako Administrazio Publikoaren Institutuko Psikologia Zerbitzuak prestatuko ditu. Gehienez ere 12 puntu emanen dira.
Antolaketa-kontuak direla eta, probak egiteko deia egun eta ordu ezberdinetan egiten ahalko da, izangaien kopurua kontuan hartuta. Hala, Mankomunitatearen webgunean argitaratuko da beharrezkoa den informazioa, gutxienez berrogeita zortzi ordu aurretik argitaratuta.
6.3.3. Gutun-azal itxien sistema erabiliko da. Lehen nahiz bigarren probak zuzendutakoan, epaimahaiak argitara emanen du kalifikazioen zerrenda eta gutun-azal itxiak jendaurrean irekitzeko eguna eta ordua, Mankomunitatearen webgunean.
6.3.4. Proba bakoitzaren kalifikazioa bukatu ondoren, epaimahaiak mankomunitate honetako webgunean argitaratuko ditu izangaiek lortutako behin-behineko puntuazioak, eta bortz egun balioduneko epea ezarriko du interesdunek eskubidekotzat jotzen duten guztia alega dezaten modu telematikoan.
7.–Probak gainditu dituzten izangaien zerrenda, izendapen proposamena eta agirien aurkezpena.
7.1. Probak bukatuta, epaimahaiak Mankomunitatearen webgunean argitaratuko du gainditu dituztenen zerrenda, puntuazio handienetik txikienera ordenatua, eta horretarako, izangai bakoitzaren lehiaketaldiko eta oposizioaldiko puntuazioak batuko ditu.
Bi izangairen edo gehiagoren artean berdinketa gertatuz gero, bigarren proban puntuazio handiena dutenen alde erabakiko da, eta berdinketak jarraitzen badu, deialdiaren 6. oinarriko lehen probako puntuazioetara joko da, hirugarrenera eta merezimenduetara, ordena horretan. Berdinketak badirau, zozketa publikoa eginen da.
7.2. Epaimahaiak Mankomunitatearen webgunean probak gainditu dituztenen zerrenda argitaratu ondoren, lortutako azken puntuazioaren hurrenkeran, izangaiek lehiaketaldian eta oposizioaldian lortutako puntuazioak batuz, Mankomunitateko buruari igorriko dio, espediente osoarekin batera, izangaiak izendatzeko proposamena. Proposamenean egonen dira, puntuazio handiena izateagatik, eskainitako lanpostu kopuruan sartzen diren izangaiak. Proposamen hori Mankomunitatearen webgunean eta Nafarroako Aldizkari Ofizialean argitaratuko da.
7.3. Proposatutako izangaiek hamar egun balioduneko epea izanen dute, proposamena Nafarroako Aldizkari Ofizialean argitaratzen denetik aitzina, deialdian eskatutako baldintzak eta beharkizunak betetzen dituztela egiaztatzen duten agiriak Mankomunitatearen Erregistro Orokorrean aurkezteko, hau da:
a) Nortasun-agiri nazionalaren kopia, edo izangaiaren nazionalitatea eta identitatea frogatzen dituen bertze agiri baliokideren batena.
b) 2. oinarrian eskatzen den tituluaren kopia autentikoa, edo hura lortzeko eskubideak ordaindu izanaren gordekinarena edo, hala bada, eskabideak aurkezteko epean titulua eskuratzeko moduan egonen dela frogatzen duen ziurtagiria.
c) Indarrean dagoen B motako gidabaimenaren kopia autentikoa.
d) Osasun ziurtagiri ofiziala, interesdunak karguan aritzea eragotziko liokeen eritasun edo akats fisikorik ez duela frogatzeko. Aipatu txostena Mankomunitateak zehazten duen osasun zentroak emanen du.
Desgaitasunen bat alegatu duten izangaiek, gainera, aurkeztu beharko dute desgaitasuna deialdiko lanpostuarekin bateragarria dela dioen frogagiria, balorazio eta orientazio talde eskudunek emana.
e) Zinpeko aitorpena, eginkizun publikoetan aritzeko desgaitua edo gabetua ez dagoela eta inongo administrazio publikoren zerbitzutik baztertua izan ez dela dioena.
Izangaiek Espainiako nazionalitatea ez badute, zinpeko deklarazio bat aurkeztu beharko dute, adierazteko ez dutela diziplina-zehapenik edo zigor penalik, eragozten dienik sartzea beren estatuko Funtzio Publikoan.
f) Zina edo hitzematea, adierazten duena Nafarroako Foru Araubidea errespetatuko duela, Konstituzioari eta legeei men eginen diela, eta karguari dagozkion eginkizunak zuzen beteko dituela.
g) Nafarroako administrazio publikoetako langile finko diren izangaiek, aurrekoaz gainera, aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria, hots, sarrerari, antzinatasunari, mailari, egoera administratiboari eta abarrei buruzkoa, eta Mankomunitateak eskatzen dien gainerako dokumentazioa.
7.4. Aipatu epearen barrenean, eta aski arrazoituriko ezinbertzeko kasuak izan ezik, arestiko agiriak aurkezten ez dituena ezin izanen da izendatu, eta, beraz, egintza guztiak deuseztaturik geldituko dira; betiere, deialdian parte hartzeko eskabidean faltsukeria egiteagatik legokiokeen erantzun beharra galarazi gabe.
7.5. Aurreko apartatuan jasotako kasuan, 7.1 apartatuan aipatzen den gainditutakoen zerrendan ondo-ondotik heldu den izangaiarekin beteko da baja, eta harekin ere aurreko apartatuetan adierazitako prozedura bera erabiliko da.
8.–Izendapena eta jabetza hartzea.
8.1. Hautapen prozesua bukatu eta aurreko oinarrian aipatu dokumentuak aurkeztuta, Mankomunitateko buruak ebazpen bidez izendatuko ditu Mankomunitatearen zerbitzuko administrari laguntzaile, 016 eta 024 zenbakidun lanpostuetan, funtzionarioen araubidean. Ebazpen hori Nafarroako Aldizkari Ofizialean argitaratuko da.
8.2. Izendapenak Nafarroako Aldizkari Ofizialean argitaratuko dira, kontuan izanik argitalpen horrek izanen dituela jakinarazpenaren ondorio berberak, hala ezartzen baitu 45. artikuluan urriaren 1eko 39/2015 Legeak (Administrazio Publikoen Administrazio Prozedura Erkideari buruzkoa).
8.3. Izendatzen diren izangaiek izendapenaren ebazpenean zehazten den egunean jabetu beharko dute lanpostuaz. Ezinbertzeko kasuak salbu, epea bukatuta jabetza hartzen ez badute, funtzionario araubidean Mankomunitatearen zerbitzuko administrari laguntzaile izateko eskubideak galduko dituzte. Kasu horretan, aurreko oinarrian ezarritakoari jarraituko zaio.
8.4. Izangai bat funtzionario bihurtu eta lanpostuan batere aritu gabe zuzenean eta berak eskatuta borondatezko eszedentzia ematen bazaio jabetza hartzearen egunetik bertatik, data horretan bertze Administrazio Publiko batean ari delako, kasuko lanpostu hutsa ere deialdiaren 7.4 apartatuak agintzen duen moduan beteko da.
8.5. Izangaietatik inork ez badu gainditzen oposizio-lehiaketa, organo eskudunak ebazpen bat emanen du adierazteko oposizio-lehiaketako lanpostuak bete gabe utzi direla. Ebazpen hori Nafarroako Aldizkari Ofizialean argitaratuko da.
9.–Aldi baterako kontratuetarako izangaien zerrenda.
9.1. Nafarroako Administrazio Publikoetan sartzeko Erregelamendua onesten duen ekainaren 5eko 113/1985 Foru Dekretuaren 42.2 artikuluan ezarritakoari jarraituz, honako zerrenda hauek eginen dira eta Mankomunitatea haietaz baliatuko da aldi baterako langileak kontratatzeko ordezkapenetan edo zerbitzuaren beharrak daudenean:
a) Probak gainditu arren plaza lortu ez duten izangaien zerrenda: deialdi honetako hautaproba guztiak gainditu, baina azken puntuazioaren arabera lanposturik eskuratzen ez duten izangaiek osatua.
b) Aurreko apartatuan sartu ez baina deialdiaren lehen proba gainditu duten izangaien zerrenda. Zerrenda honek a) apartatukoaren ordez eta haren mende funtzionatuko du.
Berdinketarik dagoenean nor nagusitzen den erabakitzeko, deialdi honetan ezarritako irizpideak hartuko dira kontuan, eta jarraitzen badu, zozketa bidez.
Mankomunitateko buruaren ebazpen baten bidez, aldi baterako kontratazioetarako zerrendak onetsiko dira, eta Mankomunitatearen webgunean argitaratuko dira.
Kontrataziorako deitzen diren izangaiek frogatu beharko dute, kontratua sinatzeko unean, betetzen dituztela deialdian eskatzen diren baldintzak, horiek frogatzen duten agiriak aurkeztuz.
Mankomunitateak ezarrita ditu, interesdunendako eskuragarri, ordezkapenetarako zerrendak kudeatzeko irizpideak, zeinak aldatzen ahalko baitira Burutzaren ebazpen bidez.
Zerrenda horiek 2027ko abenduaren 31 arte izanen dute indarra, eta Mankomunitatearen burutzak ebazpen bidez luzatzen ahalko du indarraldia.
Zerrenda horiek indarra hartuz gero, lehendik aplikatzen diren guztiak balio gabe geldituko dira.
10.–Jarduketen publikotasuna.
Deusetan galarazi gabe Nafarroako Aldizkari Ofizialaren bidez ofizialki argitaratu beharreko izapideak, Mankomunitatearen webgunean argitaratuko dira proben deialdiei eta kalifikazioei buruz epaimahaiak ematen dituen ebazpenen informazioa eta haren jarduketaren gaineko informazioa, baita interesdunendako jakingarri den guztia ere. Mankomunitatearen helbide honetan argitaratuko dira: (www.manserso.org/eu/empleo-publico/).
11.–Datuen babesa.
Tratamenduaren arduraduna: Antsoaingo, Berriobeitiko, Berriozarko, Itzako eta Txulapaingo Oinarrizko Gizarte Zerbitzuen Mankomunitatea.
Datuak babesteko ordezkaria: dpd@manserso.org.
Helburua: langileak hautatzea eta deialdiko lanpostua betetzea.
Oinarri juridikoa: Datuen Babeserako Erregelamendu Orokorraren 6.1.c) artikulua. Tratamendua beharrezkoa da, tratamenduaren arduradunari aplikagarria zaion lege-betebeharra betetzeko: 251/1993 Legegintzako Foru Dekretua, abuztuaren 30ekoa, onesten duena Nafarroako Administrazio Publikoen zerbitzuko Langileen Estatutuaren testu bategina.
Datuak gordeko diren denbora: datuak aipatutako helburua betetzeko behar den denboran gordeko dira, eta biltegiraturik edukiko dira harik eta Mankomunitateak haien tratamenduaren ondoriozko erantzukizuna izateari utzi arte. Halaber, Artxiboei eta Dokumentuei buruzko apirilaren 4ko 12/2007 Foru Legean ezarritako kontserbazio arauak bete beharko dira.
Datuen hartzaileak: datuak epaileei nahiz auzitegiei lagatzen ahalko zaizkie, indarreko legeria betez, eta deialdian adierazi bezala emanen dira argitara.
Eskubideak: interesdunek eskubideak erabil ditzakete Mankomunitatearen egoitzara zuzenduta eta datuak babesteko ordezkariaren helbidearen bidez (dpd@manserso.org).
Halaber, interesdunek erreklamazioa aurkezten ahal dute Datuak Babesteko Espainiako Bulegoan, eskaera-idazki bat bidaliz haren helbidera (Jorge Juan kalea 6, 28001 Madril), edo egoitza elektroniko honetara: www.agpd.es.
12.–Errekurtsoak.
Deialdi honen, deialdiaren oinarrien eta aplikatzeko egintzen aurka, honako errekurtso hauetako bat aurkezten ahalko da, hautara:
a) Berraztertzeko errekurtsoa, egintza gauzatu duen organoari zuzendua, hilabeteko epean, ebazpen hau jakinarazi edo argitaratu eta biharamunetik aitzina.
b) Administrazioarekiko auzi-errekurtsoa, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, errekurtsoaren xedeko egintza edo erabakia jakinarazi edo argitaratu eta biharamunetik hasita.
c) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, errekurtsoaren xedeko egintza edo erabakia argitaratu edo jakinarazten denetik hasita.
Kalifikazio-epaimahaiaren egintzen aurka gora jotzeko errekurtsoa aurkez daiteke, deialdia egin duen udal organoari zuzendua, hilabeteko epean, errekurtsoaren xedeko egintza edo erabakia jakinarazten edo argitaratzen denetik hasita.
Berriozarren, 2025eko ekainaren 30ean.–Mankomunitateko burua, Elena Ugarte Páez.
I. ERANSKINA.–HAUTAPEN PROZESUAN ONARTUA IZATEKO ESKABIDEA
DEIALDIAREN DATUAK.
Lanpostua | ADMINISTRARI LAGUNTZAILEA | |||
Honako zenbakia daraman Nafarroako Aldizkari Ofizialean argitaratu zen | egun honetan | |||
DATU PERTSONALAK.
Izen-abizenak | ||||||||||
NANa/AIZa | Nazionalitatea | Jaioteguna | ||||||||
Helbidea (kalea, zk., ataria, etab.) | ||||||||||
Herria | Probintzia | Posta kodea | ||||||||
Telefono mugikorra | ||||||||||
Helbide elektronikoa: | ||||||||||
AZALTZEN DUT:
–Eskatzen dudala onartua izatea Antsoaingo, Berriobeitiko, Berriozarko, Itzako eta Txulapaingo Gizarte Zerbitzuen Mankomunitatearen zerbitzuan administrari laguntzaile izateko bi lanpostu, funtzionarioen araubidekoak, oposizio-lehiaketa bidez betetzeko deialdian.
–Ez dudala eritasunik edo akats fisikorik nahiz psikikorik, eragozten didanik karguan aritzea.
–Ez dudala indarra duten xedapenetan ezarritako ezintasunik.
–Ez naizela diziplina espediente bidez inongo administrazio publikoren zerbitzutik kendua izan eta ez nagoela desgaitua eginkizun publikoak betetzeko.
–Baldintza guzti-guztiak betetzen ditudala eskabideak aurkezteko epea bukatzen den egunean.
Aurkeztutako dokumentazioa (x batez adierazi, hala behar denean).
–NANaren edo nazionalitatea eta nortasuna ziurtatzen duen bertze agiri baten kopia | |
Deialdi honen 2. oinarrian eskatutako tituluen kopia | |
B motako gidabaimen indardunaren kopia | |
6,00 euroko tasa ordaindu izanaren frogagiria. Espedientea formalizatzeko eta azterketa eskubideetarako da diru kopuru hori | |
Lehiaketarako merezimenduak frogatzeko agiriak | |
2.1.2 oinarriko betebehar berariazkoak betetzen ditudala frogatzen duten ziurtagiriak (igoera txandako izangaien kasuan) |
Desgaitasunaren egiaztapena (x batez adierazi, hala behar denean).
Desgaitasuna dudala eta eskabidearekin batera frogatzen dudala. | |
Desgaitasuna dudala eta, horrenbertzez, azaltzen dudan egokitzapena eskatzen dudala, adierazitako arrazoiengatik (bertze orri batean, desgaitasunaren arrazoiak eta eskatutako egokitzapenak azalduko dira) |
Eskaera honi erantsitako orri kopurua |
ESKATZEN DUT:
Eskabide hau onartzeko eskatzen dut eta, beraz, onartua izatea Antsoaingo, Berriobeitiko, Berriozarko, Itzako eta Txulapaingo Udalen Oinarrizko Gizarte Zerbitzuen Mankomunitatearen zerbitzuko administrari laguntzaile izateko bi lanpostu oposizio-lehiaketa bidez betetzeko deialdian.
Tokia eta data | Sinadura |
DATUEN BABESA: datuak babesteko araudia betez, aditzera ematen zaizu Antsoaingo, Berriobeitiko, Berriozarko, Itzako eta Txulapaingo Oinarrizko Gizarte Zerbitzuen Mankomunitatea dela datu pertsonalen tratamenduaren arduraduna. Langileak hautatzeko xedez erabiliko dira datu horiek, legezko eginbehar bat betez. Deialdian xedaturikoarekin bat argitaratuko dira datuak. Eskubideak erabil ditzakezu Mankomunitatearen egoitzara zuzenduta edo datuak babesteko ordezkariaren helbidearen bidez (dpd@manserso.org). Informazio gehiago www.manserso.org webguneko pribatutasun-politikaren atalean
ANTSOAINGO, BERRIOBEITIKO, BERRIOZARKO, ITZAKO ETA TXULAPAINGO OINARRIZKO GIZARTE ZERBITZUEN MANKOMUNITATEKO BURUA
II. ERANSKINA.–GAI-ZERRENDA
1.–Mankomunitatearen estatutuak (2008ko 8. Nafarroako Aldizkari Ofiziala, urtarrilaren 18koa). Mankomunitate honen etxeko laguntza zerbitzuaren prezio publikoak ezartzen dituen araudia (2015eko 125. Nafarroako Aldizkari Ofiziala, ekainaren 30ekoa) eta Dirulaguntza zuzenak larrialdi sozialean dauden pertsonei eta/edo familiei banakako ebaluazio araubidean emateko Mankomunitatearen 2025eko oinarriak (2025eko 15. Nafarroako Aldizkari Ofiziala, urtarrilaren 23koa).
2.–Gizarte Zerbitzuei buruzko abenduaren 14ko 15/2006 Foru Legea. 48/2020 Foru Dekretua, uztailaren 15ekoa, zeinaren bidez arautzen baitira oinarrizko gizarte-zerbitzuen oinarrizko programak eta finantzaketa sistema.
3.–15/2016 Foru Legea, azaroaren 11koa, gizarteratzeko eta errenta bermaturako eskubideak arautzen dituena. 3/2018 Lege Organikoa, abenduaren 5ekoa, Datu Pertsonalak Babestekoa eta Eskubide Digitalak Bermatzekoa: I.tik V. titulura bitartean, biak barne.
4.–39/2015 Legea, urriaren 1ekoa, Administrazio Publikoen Administrazio Prozedura Erkideari buruzkoa.
5.–40/2015 Legea, urriaren 1ekoa, Sektore Publikoaren Araubide Juridikoari buruzkoa. Atariko titulua: xedapen orokorrak, jarduteko printzipioak eta sektore publikoaren funtzionamendua. III. titulua. Administrazioarteko harremanak. I. kapitulua: administrazioen arteko harremanen printzipio orokorrak. II. kapitulua: elkarlanean aritu beharra. IV. kapitulua: administrazioen arteko harreman elektronikoak.
6.–6/1990 Foru Legea, uztailaren 2koa, Nafarroako Toki Administrazioari buruzkoa: I., III., VI., VII., VIII. eta IX. tituluak.
7.–Nafarroako Toki Ogasunei buruzko martxoaren 10eko 2/1995 Foru Legea. Tasa eta prezio publikoen aipamen berezia. Aurrekontua eta gastu publikoa.
8.–251/1993 Legegintzako Foru Dekretua, abuztuaren 30ekoa, Nafarroako Administrazio Publikoen zerbitzuko Langileen Estatutuaren Testu Bategina onesten duena.
9.–2/2015 Legegintzako Errege Dekretua, urriaren 23koa, onesten duena Langileen Estatutuari buruzko Legearen testu bategina. Norbanakoaren lan-harremanak: I. kapitulua: xedapen orokorrak. II. kapitulua: lan kontratuaren edukia.
10.–2/2018 Foru Legea, apirilaren 13koa, Kontratu Publikoei buruzkoa: kontratuen tipologia eta araubide juridikoa. Publizitate arauak eta adjudikazio prozedurak.
11.–11/2005 Foru Legea, azaroaren 9koa, Dirulaguntzei buruzkoa: xedapen orokorrak eta emateko eta kontrolatzeko prozedura.
12.–Emakumeen eta Gizonen arteko Berdintasunari buruzko apirilaren 4ko 17/2019 Foru Legea.
13.–Windows 10i buruzko oinarrizko kontzeptuak. Mahaigaina eta haren elementuak; atazen administratzailea; fitxategien arakatzailea; kontrol-panela; gailuak eta inprimagailuak; "hasi" botoia; ataza-barra; "exekutatu" komandoa; laguntza; sarean lan egitea; erabiltzaile-kontuak.
14.–Word 2021 testu-prozesadorea: lan eremua; eragiketak dokumentuekin; testuarekin lan egitea; formatua; orrialdearen diseinua; taulak; irudiak; estiloak; estekak txertatzea; goiburuak eta orri-oinak lantzea; edukien aurkibidea; ilustrazioak lantzea; korrespondentzia konbinatzea; eremuekin lan egitea; inprimaketaren konfigurazioa.
15.–Excel 2021 kalkulu-orria: lan eremua; eragiketak liburu eta orriekin; formatuak; eragiketak gelatxoekin eta gelatxo multzoekin; formulak; oinarrizko funtzioak eta funtzio aurreratuak; grafikoak; datuekin lan egitea Excel-en; txantiloiak erabili eta sortzea; taula dinamikoak; inprimaketaren konfigurazioa.
16.–Access 2021 datu basea: oinarrizko elementuak; taulak; kontsultak; inprimakiak; txostenak; kanpoko datuak inportatzea, esportatzea eta estekatzea.
Oharra: zein egunetan argitaratzen den deialdia Nafarroako Aldizkari Ofizialean, egun horretan indarrean den legeriaren arabera eskatuko dira gai guztiak.
Iragarkiaren kodea: L2509264
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50
