Iragarkia

146. ALDIZKARIA - 2025eko uztailaren 22a

1. NAFARROAKO FORU KOMUNITATEA

1.5. ESTATUTUAK ETA LAN HITZARMEN KOLEKTIBOAK

108C/2025 EBAZPENA, ekainaren 12koa, Ekonomia Sozialeko eta Laneko zuzendari nagusiak emana, zeinaren bidez erabakitzen baita Ingeteam Power Technology SA enpresaren hitzarmen kolektiboa erregistratu, gordailutu eta Nafarroako Aldizkari Ofizialean argitaratzea.

Aztertu da Ingeteam Power Technology SA enpresak aurkeztutako hitzarmen kolektiboa (kode zenbakia: 31102451012025), erregistro honetan sartu zena 2025eko ekainaren 5ean, eta 2025eko maiatzaren 28an sinatu zutena enpresaren eta sindikatuen ordezkaritzak (ELA).

Bat etorriz Langileen Estatutuaren Legearen testu bategina onesten duen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Hitzarmen kolektiboak, lan-akordio kolektiboak eta berdintasun-planak erregistratu eta gordailutzeari buruzko maiatzaren 28ko 713/2010 Errege Dekretuan ezarritakoarekin,

Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak baliatuz, eta Eskubide Sozialetako, Ekonomia Sozialeko eta Enpleguko Departamentuaren egitura organikoa ezartzen duen azaroaren 15eko 251/2023 Foru Dekretuarekin lotuta, honako hau,

EBAZTEN DUT:

Lehenengoa.–Nafarroako Hitzarmen Kolektiboen, Lan Akordio Kolektiboen eta Berdintasun Planen Erregistroan inskribatzea Ingeteam Power Technology SA enpresak aurkeztutako hitzarmen kolektiboa (kode zenbakia: 31102451012025).

Bigarrena.–Nafarroako Aldizkari Ofizialean argitara dadila xedatzea, orok jakin dezaten.

Iruñean, 2025eko ekainaren 12an.–Ekonomia Sozialeko eta Laneko zuzendari nagusia, Iñaki Mendióroz Casallo.

INGETEAM POWER TECHNOLOGY-REN SARRIGURENGO ZENTROAREN HITZARMEN KOLEKTIBOA

Egilea: Enpresa/Batzordea

Eguna: 2025-05-28

1.–XEDAPEN OROKORRAK

1.1. Eremu funtzionala, lurralde-eremua eta eremu pertsonala

1.2. Hitzarmenaren indarraldia eta hitzarmena salatzea

1.3. Gatazkak konpontzeko prozedura

1.4. Batzorde mistoa

1.5. Hitzarmen kolektiboa ez aplikatzea

2.–LAN-DENBORA

2.1. Lanaldia

2.2. Batera egokitzeko ordutegia eta malgutasuna

2.3. Aparteko orduak

2.4. Urrutiko lana

2.5. Atsedenaldia

2.6. Oporrak

2.7. Bidaia orduak

2.8. Etxetik kanpo emandako egunen konpentsazioa

3.–BAIMENAK ETA ESZEDENTZIAK

3.1. Ordaindu gabeko baimenak

3.2. Baimen ordainduak

3.3. Eszedentziak

4.–ARAUBIDE EKONOMIKOA

4.1. Lanbide sailkapena

4.2. Soldaten taulak eta kontzeptuak

4.3. Antzinatasuna

4.4. Soldaten berrikuspenak

4.4.1. 2025

4.4.2. 2026

4.4.3. 2027

4.4.4. 2028

4.5. Progresioko soldatak, lanbide praktika lortzeko prestakuntza kontratuetarako

4.6. Aparteko haborokinak

4.7. ABEren osagarria

4.8. Aparteko orduak

4.8.1. Aparteko orduen konpentsazioa

4.8.2. Aparteko orduen konpentsazio ratioak

4.9. Urrutitik martxan jartzeko gaueko lanak

4.10. Gaueko lanak

4.11. Noizbehinka txandakako ordutegiak ezartzeagatiko konpentsazioa

4.12. Guardiak

5.–ORDAINSARIEZ BESTELAKO KONTZEPTUAK

5.1. Desplazamenduagatiko konpentsazioa

5.1.1. Gastuen modalitatea

5.1.2. Dieten modalitatea

5.1.2.1. Dieta gaualdirik gabe (dieta erdia)

5.1.2.2. Dieta gaualdiarekin

5.2. Kilometrajea

5.3. Bidaia kondizioak

5.4. Nekagarritasun plusa

6.–APLIKAZIO EREMUTIK KANPOKO KOLEKTIBOA

7.–BERDINTASUN, KONTZILIAZIO ETA DESKONEXIO DIGITALERAKO POLITIKAK

7.1. Berdintasuna

7.2. LGTBI neurriak

7.3. Deskonexio digitala

8.–XEDAPEN GEHIGARRIAK

1.–XEDAPEN OROKORRAK

1.1. Eremu funtzionala, lurralde eremua eta eremu pertsonala.

Hitzarmen hau Ingeteam Power Technology SA (UP Sarriguren) enpresako langile guztiei aplikatuko zaie, Berrikuntza Hiria hiribidea 13, 31621 Sarriguren (Nafarroa) helbidean dagoen lantegian lan egiten dutenei hain zuzen.

Hitzarmen honetan aurreikusita ez dauden kasuetan, Nafarroako Foru Komunitateko industria siderometalurgikoaren Hitzarmen Kolektiboa izanen da aplikagarria (hemendik aurrera, Probintziako Hitzarmena). Era berean, indarrean dagoen edo etorkizunean egonen den hitzarmen horrek hitzarmen honen kondizioak hobetzen dituen edozein alderdi automatikoki aplikatuko da.

1.2. Hitzarmenaren indarraldia eta hitzarmena salatzea.

Hitzarmen honek, ondorio guztietarako, 2025eko urtarrilaren 1ean hartuko du indarra, eta 4 urteko iraupena izanen du, 2028ko abenduaren 31ra arte.

Hitzarmen hau 2028ko azaroaren 1ean joko da automatikoki salatutzat edo amaitutzat.

Itundutako iraupena amaitutakoan, aldeek negoziazioak hasi beharko dituzte 3 hilabeteko epe luzaezinean, hitzarmena berritzeko.

Hitzarmenaren indarraldia amaitzean, beste hitzarmenik ezean, hitzarmen honen arauek segituko dute indarrean aurreraeraginean, harik eta hitzarmen berria izenpetzen den arte.

1.3. Gatazkak konpontzeko prozedura.

Hitzarmen hau sinatzen duten aldeek onartzen dute, hitzarmen hau aplikatzearen eta interpretatzearen ondorioz gatazka kolektiboa sortzen bada, Nafarroako Gobernuko Lan Departamentuko Adiskidetze eta Bitartekaritza Zerbitzuetara edo Nafarroako Lan Auzitegira jotzen ahalko dutela, Nafarroako Foru Komunitateko Lan Gatazkak Konpontzeko Prozedura Estrajudizialei buruzko Akordio Interprofesionalaren arabera (2014ko urtarrilaren 23ko Nafarroako Aldizkari Ofizialean argitaratua), nahitaezko arbitrajea izan ezik, bi aldeak ados daudenean bakarrik joko baita horretara.

1.4. Batzorde Mistoa.

Hitzarmenaren Batzorde Paritario Mistoa eratu da. Alde batetik, Langileen Legezko Ordezkaritzako ordezkariek eta, bestetik, enpresaren legezko ordezkariek osatuko dute. Bere eginkizunak dira hitzarmen honetan jasotako xedapenen jarraipena, interpretazioa edo egokitzapena, bai eta jatorri ezberdineko arauak egotean aplikagarria dena interpretatzea ere.

Horretarako, nahitaezkoa izanen da batzorde mistoaren esku-hartzea eskatzea, edozein prozedura kolektibo Nafarroako Lan Auzitegiari edo dagokion prozedura judizialari eskatu baino lehen, hitzarmenaren interpretazioari edo aplikazioari buruzko edozein gatazka kolektibo dela eta.

Batzordeak bere kideetako bat idazkari izendatuko du, eta haren eginkizunen artean izanen dira bilkuretarako deialdia egitea, gai zerrenda finkatzea, aktak idaztea, erabakiak jakinaraztea eta ziurtatzea, eta, bidezkoa denean, erregistro publikoa sustatzea, batzordeak berariaz ematen dizkion eginkizunez gain.

Bi aldeetako edozeinek Batzordea biltzeko deia eginik, gehienez ere 30 eguneko epean bildu beharko da. Bilerarako deia idatzizko komunikazio baten bidez eginen da, bilera egin baino 7 egun lehenago gutxienez, eta idazkian interpretazioaren edo eztabaidaren xede den gaia planteatuko da.

Batzorde Mistoak erabakiak hartuko ditu, batzordea osatzen duten bi ordezkaritzen gehiengoaren aldeko botoarekin, eta, betiere, hartzen ahal den erabakia edo irizpena emanen du, akordioa aurkeztu eta gehienez ere 30 eguneko epean.

1.5. Hitzarmen kolektiboa ez aplikatzea.

Enpresak ezin izanen du, inolaz ere, bertan itundutako lan baldintzak alde bakarretik ez aplikatzeari ekin, Langileen Estatutuaren 82.3 artikuluak aipatzen duen prozeduraren bidez. Horretarako, beharrezkoa izanen da aldez aurretik Langileen Legezko Legearekin hitz egitea, muga-eguna iritsi aurretik lan baldintzak berriro negoziatzeko aukera aztertzeko, beste bat lortzeko, edo Langileen Estatutuaren 86.1 artikuluak hura berrikusteko aurreikusten duen aukera aztertzeko.

Ingeteam Power Technology SA enpresak hitzarmen kolektibo hau ez aplikatzea nahi izanez gero (arrazoi ekonomikoak, teknikoak, antolakuntzakoak, produkziokoak eta legez aurreikusitako gainerako kausak direla-eta), Langileen Estatutuak 82.3 artikuluan aipatzen den kontsultaldia hasi baino gutxienez 30 egun lehenago jakinarazi beharko zaio Batzorde Paritarioari. Kontsultaldian Langileen Legezko Ordezkaritzarekin akordiorik lortzen ez bada, eta aplikatu beharreko lanbide arteko akordioen gatazkak konpontzeko prozedurek desadostasuna ebazten ez badute (arbitrajea bi aldeen berariazko mendekotasunagatik soilik gertatuko da), bi aldeetako edozeinek Hitzarmen Kolektiboen Kontsulta Batzorde Autonomikoaren esku uzten ahalko du desadostasuna, edo, batzorde hori eratuta ez dagoen bitartean, batzorde nazional eskudunaren esku.

2.–LAN-DENBORA

2.1. Lanaldia.

Lanorduak bat etorriko dira Probintziako Hitzarmenean jasotakoekin. Hitzarmen horrek, bere indarraldi osorako (2022-2026), 1.695 orduko erreferentziazko lanaldia ezartzen du urtean.

Lan egutegia urtero zehaztuko da, Langileen Legezko Ordezkaritzari galdetu ondoren, eta intranetean argitaratuko da aurreko urtea amaitu aurretik (azaroaren 15a izanen da helburu data).

Egutegi horretan honako hauek agertuko dira:

–Aplikazio ordutegia.

–Hartu beharko diren opor orduak.

Oro har, bi jardunaldi mota daude:

–Lanaldi zatitua: 8,5 ordu.

–Lanaldi trinkoa (jarraitua): 6 ordu.

"Doikuntza orduak" dira urteko egutegiko lanegunei dagokien eguneko lanaldia aplikatu ondoren Probintziako Hitzarmenak ezartzen duen urteko erreferentziako lanaldia gainditzen duten ordu guztiak.

Doikuntza ordu horiek hartzeko egunak egutegian finkatuko ditu enpresak, Langileen Legezko Ordezkaritzari kontsulta egin ondoren, urteko doikuntza ordu guztien %25, gutxienez, izan ezik. Langileek ezartzen ahalko dituzte egun horiek, betiere zuzeneko arduradunaren aldez aurreko baimenarekin.

Doikuntza ordu horiek arestian aipatutako urteko lanaldia gaindituz gero soilik sortuko dira, eta langileek benetan eskainitako zerbitzuak kontuan hartuta.

Astebete baino gehiagoko desplazamenduetarako, asteko beste atseden erregimen bat duten herrialdeetan (adibidez, lanegunak larunbatetik asteazkenera bitartean dituzten herrialde musulmanetan, osteguna eta ostirala atseden egun gisa hartzen dira), langileak lanean ari diren tokiko atseden egunak hartuko dira kontuan, eta ez larunbata eta igandea, baldin eta bezeroak hala eskatzen badu edo programatutako jarduerek tokiko egutegiari jarraitzen badiote. Aldaketa horrek ez du asteko lanaldi arruntaren ordu kopurua aldatuko desplazamenduaren aurretik zuenarekin alderatuta, eta ez da larunbat eta igandeetan lan egiteagatiko plusik aplikatuko. Horrek guztiak ez du esan nahi antolamendu eta produkzio beharrak direla-eta ohiko lanaldiaz gain lan egin behar ez denik, eta hitzarmen honek arautuko du egoten ahal diren soberakin horiek nola konpentsatu.

Astebete baino gehiagoko desplazamenduetarako, bulegoko egutegiko jaiegun guztiak (larunbata eta igandea izan ezik) jaieguntzat hartuko dira, lan egiten den lekua edozein dela ere, salbu eta langilearekin adostasunik badago jaiegun horiek beste batzuengatik aldatzeko (adibidez, beste autonomia erkidego batzuetan lan egiten duten pertsonen kasuan). Lantokitik kanpo jaiegun batean lan egiten bada desplazamenduak dirauen bitartean, ordu horiek ez dira aparteko ordutzat hartuko, ez ordainsarien ondorioetarako, ez lanaldiaren ondorioetarako.

2.2. Batera egokitzeko ordutegia eta malgutasuna.

Bulegoetan, batera egokitzeko ordutegia ezarri da, eta ordutegi horretan langile guztiek (lanaldi murriztua edo konfigurazio berezia dutenek, oporretan, bajan edo baimenarekin daudenek izan ezik) lanean egon behar dute. Ordutegi hau izanen da:

• Lanaldi zatitua: 09:30 - 13:00 eta 15:00 - 16:00.
• Lanaldi trinkoa: 09:30 - 13:00.

–Malgutasuna:

Lan malgutasuneko neurriak ezartzen dira. Malgutasun horren xedea bizitza pertsonala, familiakoa eta lanekoa uztartzea da, enpresaren antolakuntza edo produkzio beharrekin modu zentzuzko eta proportzionatuan, lanaldi horren autokudeaketa arduratsuaren bidez. Honako hauek dira ezarritako neurriak:

a) Eguneko lanaldia 8,5 ordukoa (lanaldi zatitua bada) edo 6 ordukoa (lanaldi trinkoa bada) ez izatea baimenduko da, betiere batera egokitzeko ordutegia errespetatzen bada. Asteko batez besteko lanorduak 40 dira astean, uztailean eta abuztuan izan ezik, horietan udako lanaldi trinkoa aplikatzen baita, 30 ordukoa.

Ezarritako ordutegia malgutasun hauekin bete beharko da:

• Sartzeko ordutegi malgua: 07:00etatik 9:30era, lanaldi zatituetan eta lanaldi trinkoetan.
• Irteera ordutegi malgua, batera egokitzeko ordutegiaren, sartzeko orduaren eta, lanaldi zatituen kasuan, eguerdian gelditzeko denboraren arabera.

Lanaldi zatituetan, bazkaltzeko ordutegia malgua da 13:00etatik 15:00etara, eta bazkaltzeko gutxienez 30 minutuko atseden geldialdia egin behar da.

Ezin da 10 ordu baino gehiagoko saldoa eduki, positiboak edo negatiboak, segidako bi aste baino gehiagotan, NUko/Sektoreko edo Arlo Operatibo edo Teknologikoko Zuzendaritzarekin itunduko diren aparteko egoeretan izan ezik.

Malgutu beharreko eguneko gehieneko orduak egun horretarako ezarritako lanaldiko 2 ordu izanen dira.

b) Legezko zaintza dela-eta lanaldi murriztua duten langileentzat eta, beraz, aldi horretan ordutegia zehaztuta izanen dutenentzat, +/- 1 orduko malgutasuna ezartzen da sartzeko ordutegian. Horrez gain, egunean gehienez ere ordu bat malgutzen ahalko dute, eta ezin izanen dute 5 ordu positibo edo negatiboko saldo metatua izan, bi astez baino gehiagoz jarraian.

c) Lehenespenez ezarritako lanaldi murriztu irregularrak 6 ordu, 6,5 ordu eta 7 ordukoak dira.

d) Bi aldeek adostu dute langileek lanaldia egokitzeko eskatzen badute Langileen Estatutuaren 34.8 artikuluaren arabera, hemen jasotzen den malgutasuna ez dela aplikagarria izanen, eta langilearen ordutegia kasu bakoitzean adostutako egokitze baldintzetara egokituko dela.

–Malgutasuna aplikatzeko salbuespenak:

Neurri horietatik kanpo geratzen dira konfigurazio bereziko ordutegiak, lanaren antolamenduaren ezaugarri espezifikoengatik: Laguntza Teknikoko Zerbitzua (LTZ), harrera eta laborategia.

Laguntza Teknikoko Zerbitzuko langileentzat egutegi espezifiko bat ezarriko da, eta Langileen Legezko Ordezkaritzari galdetuko zaio.

Harrera posturako ere egutegi berezi bat ezarri da, Sarrigurengo bulegoen irekiera ordutegia betetzeko. Horretarako, goiz eta arratsaldeko txanda jarraituak ezarriko dira normalean. Beraz, jarrera horri ez zaio aplikatzen sarrerako eta irteerako malgutasuna, ez eta eguneko lanaldiaren malgutasuna eta telelana (osoa edo partziala) ere. Helburua posizioan presentzia ziurtatzea da, kanpoko langile eta interes taldeei zerbitzua emateko.

Era berean, laborategiko talde teknikoari ez zaizkio aplikatzen sarrerako eta irteerako malgutasuna, eguneko lanaldiaren malgutasuna eta telelana (osoa edo partziala). Helburua da ziurtatzea laborategia irekita dagoela eta zerbitzua eraginkorra dela erabiltzaileentzat, lanaldi osoan, enpresak unean-unean ezartzen dituen ordutegietan.

Laborategia erabiltzen duenari arreta eta zerbitzu egokia ematen zaizkiola ziurtatzeko, laborategiko arduradunak bidezko ordutegien koadrante bat ezarriko du. Ordutegi horiek malguak izaten ahal dira, baldin eta laborategiaren beharrei behar bezala erantzuten bazaie eta laborategiko teknikarien barne koordinazioa badago. Teknikariek puntu honetan adostasunik lortzen ez badute, enpresak txandakako ordutegiak ezarriko ditu, aplikatu beharreko ordutegiak proportzionalki banatu ahal izateko.

–Malgutasun gehigarria:

Era berean, malgutasun gehigarri bat ezartzeko aukera jartzen da egoera puntualetan edo apartekoetan, baldin eta langileak lanera joan behar badu batera egokitzeko ordutegia bete gabe. Kasu horietan, langileak zuzeneko arduradunari jakinarazi eta baimena eskatu beharko dio, eta adostu beharko du konpentsazio hori noiz eta nola egin.

2.3. Aparteko orduak.

Aparteko ordutzat hartuko da dokumentu honen 4.8 apartatuan zehaztutako baldintzen arabera, baldin eta NUko/Sektoreko edo Arlo Operatibo edo Teknologikoko Zuzendaritzak eskatzen baditu. Ezin izanen da aparteko ordurik sortu langileak 0 ordutik beherako saldoa duen bitartean.

2.4. Urrutiko lana.

Lan presentzialaren eta urrutiko lanaren eredu mistoa ezartzea erabaki da.

–Denborazko irismena:

Astean, gehienez ere, egun bat eta arratsalde bat egonen dira urrutiko lanean, eta asteko lanaldiaren %30 izanen da, gehienez ere.

Egun eta erdi hori aldizka ezarri behar da, modu ezagun eta sistematikoan, langileak zehaztu ditzan, arduradunarekin aldez aurretik adostuta, eta egonkor iraun dezaten denboran zehar.

Sail edo departamentu jakin batean telelan egunen onuradunak bat baino gehiago badira, egun horien banaketa orekatua izanen da astean zehar, eta egun horietan langileen telelan kontzentrazio handia izatea saihestuko da.

–Salbuespenak:

• Bisiten harrera eta kudeaketari lotutako funtzioak, oro har.
• Zuzeneko eskulan edo baliokide gisa katalogatutako funtzioak, beren eginkizunen izaera dela-eta urrutiko lan modalitate horretatik kanpo geratzen direnak (laborategia, logistika, Bezeroarentzako Laguntza Teknikoko Zerbitzuko teknikariak, mantentze lanak).
• Halaber, arestian aipatutakoez bestelako lan-kolektiborik egonez gero, eta haien eginkizunen ezaugarriak direla-eta urrutiko lanaren modalitatearekin bateragarriak ez badira, hitzarmena negoziatzen duten aldeek batzorde paritarioaren esku uzten ahalko dute auzia, hala badagokio, urrutiko lanaren modalitate horretatik berariaz baztertuko direla zehazteko.

Era berean, gerta daiteke telelanaren xede izaten ahal diren beste funtzio batzuk ere egotea, eragiketen eta bezeroarentzako arretaren jarduerei edo arloei lotuak, baina gutxieneko aurrez aurreko zerbitzu maila izatea eskatzen eta bermatzen ahal dutenak. Kasu horretan, gutxieneko presentzialtasun maila horiek NUko/Sektoreko edo Arlo Operatibo edo Teknologikoko Zuzendaritzarekin adostuko dira.

Telelana aktibatzean eta egitean, erantzukizunaren eta elkarrenganako konfiantzaren printzipioan oinarritu behar da, arduradunaren/enpresaren eta laguntzailearen artean. Hori dela eta, enpresak (bere arduradunen bidez) telelana egitea baztertzeko edo baldintzatzeko eskubidea du, baldin eta aurrekari edo zantzu nahikoak badaude, telelana eskatzen duen pertsonaren arduradunaren iritziz erantzukizun eta konfiantza printzipio horiek betetzen ote diren zalantzan jartzeko.

Urrutiko lanaren izaera berezia dela-eta, enpresak ekoizpen jarduera kontrolatzeko eta zaintzeko mekanismo egokiak ezartzen ahalko ditu, eta mekanismo horiek langilearen intimitatea errespetatuko dute beti. IKT tresnen erabilera osoa enpresak monitorizatzen ahalko du, lan kontratutik eratorritako betebeharrak betetzen direla egiaztatzeko, betiere Langileen Estatutuan eta aplikatu beharreko gainerako lan araudian, Datuak Babesteko Erregelamendu Orokorrean eta Datu Pertsonalak Babesteko eta Eskubide Digitalak Bermatzeko Lege Organikoan horri buruz ezarritako mugak eta baldintzak errespetatuz.

Langileak IKT tresnak gaizki erabiltzen dituela agerian utziz gero, edo langileak gainerako lan betebeharrak betetzen ez dituela egiaztatuz gero, hala nola fitxaketak ez betetzea edo aldatzea, errendimendua gutxitzea, edo justifikaziorik gabe bileretara ez joatea, birtualak edo presentzialak, hala eskatzen denean, edo egiten ahal den beste edozein, urrutiko lana berehala lehengoratuko da, eta langileak bere zerbitzuak presentzialtasunean eman beharko ditu, jokabide horien ondorioz langileak izaten ahal dituen zigorrei kalterik eragin gabe, enpresan aplikatzekoa den diziplina araubidearen arabera.

–Urrutiko lanegunaren tratamendua:

Urrutiko lanegunek presentzialak izanez gero aplikatuko luketen ordutegi bera izan beharko dute; hau da, ez dira ordutegi malguko egunak izanen, dokumentu honetan ordutegia malgutzeari buruz jasotako akordioen osagarri.

Urrutiko lanaldian ezin da aparteko ordurik sortu, oro har.

Urrutiko lanegunak ezin dira metatu, baldin eta lan arrazoiengatik horiek erabiltzerik ez badago, hau da, lan bidaia batean badago langilea edo bulegora joan behar badu, behar bezala justifikatuta, urrutiko lanerako planifikatutako egun batean, egun horiek ez dira metatzen beste uneren batean garatzeko, eta dagokion arduradunak baliozkotu ondoren soilik baloratzen ahalko da aste bereko beste egun batera eramatea. Era berean, langileak ezin badu telelana egin arrazoi pertsonalengatik, lizentziak erabiltzeagatik, gaixotasunagatiko bajagatik, oporrengatik eta abarrengatik, ez lirateke metatuko.

Era berean, langileak konpromisoa hartzen du lantokira aurrez aurre joan behar duten eta arduradunak aurrez eskatuta justifikatzen diren premiei erantzuteko. Era berean, urrutiko lanaren alde ezarritako akordioek ezin izanen dute, inola ere, ohiko lantokitik kanpoko aurrez aurreko bidaia edo bilerarik baldintzatu, hala eskatzen bazaie.

2.5. Atsedenaldia.

Langileak 15 minutuko atsedenaldia izanen du egunero, eta urteko ordu saldoan zenbatuko da lanalditzat.

2.6. Oporrak.

Orduka kontabilizatuko dira, egunka beharrean, gure lan ordutegiaren errealitatera egokitzeko. Urteko oporren ordu kopurua lan egutegian zehaztuko da.

Oporretako orduak hartzeko, aldez aurretik eskatu behar zaizkio arduradunari, eta hark onartu egin behar ditu. Era berean, beharrezkoa izanen da eskatzaileak dagokion sisteman erregistratzea.

Gutxienez 60 opor ordu hartu beharko dira udan, ekainaren 15etik irailaren 15era, arduradunarekin adostuta.

Langileen Estatutuan adierazten den bezala, sortzapeneko urte natural bakoitzean 30 egun natural hartu behar dira, hurrengo urteko urtarrilaren 15a baino lehen.

Zilegi izanen da hurrengo urtean gehienez ere 35 ordu transferitzea, betiere arestian aipatutako baldintza betetzen bada.

Hurrengo urtean sartutako ordu horiek ezin izanen dira berriro hurrengo urtera transferitu, eta ez dira kontuan hartuko aipatutako 30 egun naturalak zenbatzeko.

Hitzarmen honen 2.1 apartatuan aurreikusitako urteko lanaldia baino lanaldi laburragoak dituzten egutegietan, Probintziako Hitzarmenean aurreikusitakoari dagokionez, dagokion zati proportzionala transferituko da, lanaldi osoetarako aplikatzen den irizpide bera aplikatu ondoren.

2.7. Bidaia orduak.

Enpresa ez dagoen beste herri batera bidaiak edo desplazamenduak egin behar direnean, eta guztira 8,5 ordu baino gehiago egiten badira lanaldi zatituan, 6 ordu lanaldi jarraian edo 8 ordu baino gehiago egiten badira Laguntza Teknikoko Zerbitzuko langileen kasuan, hau aplikatuko da:

– Bidaiako lehen 8 orduak %100ean benetako lantzat hartuko dira.

–9. ordutik aurrera, prestasun denbora bat hartuko da kontuan; ez da inola ere benetako lan-denbora izanen, eta %50 atsedenaldiarekin konpentsatuko da.

Larunbat, igande eta jaiegunetan egiten diren bidaietan, atsedenaldiko konpentsazio ratioa %125ekoa izanen da lehenengo zortzi orduetarako.

Bidaia orduei buruz:

Bidaia-denboratzat hartuko da langilearen ohiko lantokitik (edo hoteletik, desplazamenduren bat izanez gero) obra lekuraino (edo alderantziz). Bazkaltzeko denbora tarte horretan gelditzen bada, bidaia osoan erabilitako denbora deskontatuko da.

Langileak aukeratzen badu ostatua, eta bizigarritasuna duen beste aukera hurbilago bat badago, enpresak eskainitako bizigarritasuna duen aukerarik hurbilenetik kontatuko da bidaia-denbora.

Atseden hartzen hasteko edo gaua igarotzeko ordutzat hotelera iristeko ordua hartuko da, eta hurrengo goizean hoteletik irteten den ordura arte luzatuko da.

Bidaia asteburuan edo jaiegunean hasi edo amaitzen bada, erreferentzia lekua langilearen bizilekua izanen da.

Bidaia luzeetako (ordu eremua aldatzea) bidaia-denbora zenbatzeko, bidaia hasten den herrialdeko ordutegia hartuko da erreferentziatzat.

Ahal den neurrian, bidaiak lanegunak ez diren egunetan egitea saihestuko du enpresak (jaiegunak, larunbatak eta igandeak). Bidaia jaiegunean egin behar izanez gero, langileak bere borondatez onartuko du bidaia jaiegunean egitea.

2.8. Etxetik kanpo emandako egunen konpentsazioa.

Atzerriko iraupen luzeko desplazamenduetarako, 1,33 atseden eguneko konpentsazioa aplikatuko da etxetik kanpo egindako 30 egun jarraitu bakoitzeko, itzultzean hartzeko metagarria dena. Desplazamendua hiru hilabetetik gorakoa bada, aurreko neurri horren ordez, jatorrizko etxean lau laneguneko baimen ordaindua hartzeko eskubidea izanen da.

Horrez gain, urte naturalaren barruan etxetik kanpo egindako 30 egun bakoitzeko, atseden egun bat hartzen ahalko da.

Edozein kasutan, obran desplazatutako pertsonek etxera bidaiatzeko eskubidea izanen dute Gabonetan, abenduaren 24ko gauean, abenduaren 25ean eta 31n eta urtarrilaren 1ean etxean egotea bermatuz.

Apartatu honetatik kanpo geratzen dira atzerrira egiten diren iraupen luzeko desplazamenduak, normalean urtebetetik gorakoak. Ingeteam-en nazioarteko mugikortasun politikan jasotzen dira desplazamenduetarako baldintzak, eta politika horren arabera negoziatzen dira banaka.

3.–BAIMENAK ETA ESZEDENTZIAK

3.1. Ordaindu gabeko baimenak.

Ordaindu gabeko baimenei dagokienez, Probintziako Hitzarmenean indarrean dagoen idazketa hartuko da kontuan.

Horrez gain, ordaindu gabeko baimen hau adostu dute aldeek:

–Zentro ofizialetako prestakuntza azterketetara joateko denbora baimen berreskuragarria.

Ziurtagiria: prestakuntza zentroak emandakoa.

3.2. Baimen ordainduak.

Baimen ordainduetarako, aldeek Langileen Estatutuan eta Probintziako Hitzarmenean unean-unean indarra duen idazketara jotzen dute.

Apartatu honetan ezarritakoa gorabehera, gaur egun Langileen Estatutuan ezarritako baimen egunak aldatzen badira, arau konbentzional honetan aurreikusitako egunak aldaketa horietara egokituko dira.

Horrez gain, aldeek adosten dute:

–Langilearen seme-alaba naturalak edo adoptatuak familiako medikuari edo Osasun Zerbitzu Publikoko espezialistari laguntzeko baimena, hamalau urte betetzen dituzten egunera arte, urtean 6 orduko mugaraino, familiako medikuari edo Osasun Zerbitzu Publikoko espezialistari lehen mailako odolkidetasuneko aurrekoei laguntzeko erabiltzen ahalko da, beren kabuz moldatu ezin direnean.

–Argitu egiten da jaio aurreko azterketak eta erditzea prestatzeko teknikak egiteko, nahitaezko informazio eta prestakuntza saioetara joateko eta egokitasun adierazpenaren aurretik nahitaez egin beharreko txosten psikologiko eta sozialak egiteko behar den denborarako baimenak, lanaldiaren barruan egin behar badira, haurdunari bakarrik eragiten diola. Haurdun ez dagoen gurasoak probetara joateko behar duen ordutegi malgua erraztuko zaio, eta horretarako emandako denbora berreskuratu beharko du.

–Edoskitze metatua izanez gero, langileak bi aukera hauen artean aukeratzen ahalko du:

1. Baimena 12 lanegunekoa izanen da, baldin eta legeak jasotzen dituen 9 hilabeteetan eskatzen bada eta eszedentziarik eskatzen ez bada eta/edo hartu ondoren borondatezko bajarik eragiten ez bada.

2. Baimenak ordubeteko iraupena izanen du, ordubeteko benetako lanegun bakoitzeko, baimena baliatzen hasten denetik bularreko haurrak 9 hilabete bete arte, betiere eszedentziarik eskatzen ez bada eta/edo enpresan borondatezko baja hartzen ez bada atsedenaldia hartu ondoren.

Aurreko bi aukeretako edozeinetan, baimen hau baliatzeko, bularreko haurrak 9 hilabete bete arte eman behar ditu zerbitzuak, baldin eta, baimen hori hartu ondoren, langileak zerbitzuak ematen baditu metatutako baimen egunak kalkulatzeko erreferentziatzat hartu zen egun kopurua baino gutxiagoan (kontuan hartuz baimena baliatzen hasi denetik bularreko haurrak 9 hilabete bete arteko aldia), nominan erregularizatuko da.

–Ezinbesteko kasuetarako baimenerako, senideekin edo bizikideekin zerikusia duten presako familia arrazoiengatik beharrezkoa denean, eta gaixotasun edo istripu baten ondorioz berehala bertan egotea ezinbestekoa denean, honako hauek jotzen dira justifikatutako kasutzat:

• Senideei edo bizikideei larrialdietara laguntzea.
• Haur eskoletatik, ikastetxeetatik, institutuetatik edo bestelako prestakuntza zentroetatik egindako deiak.
• Adinekoen zentroetatik, aniztasun funtzionala duten pertsonentzako zentroetatik edo tutoretzapeko etxebizitzetatik egindako deiak.

–Lizentzia hau onartzeko, ahaidetasun edo bizikidetasun loturaz gain, deskribatutako egoerak egiaztatu beharko dira, kasu bakoitzaren arabera, honako egiaztagiri hauekin:

• Larrialdietara joan izanaren egiaztagiria.
• Haur eskolaren edo kasuan kasuko ikasketa eta prestakuntza zentroaren egiaztagiria.
• Dagokion zaintza zentroaren egiaztagiria.

Gainera, ezinbesteko kasutzat hartuko da langilea ezin bada bere lanpostura joan odol ahaidetasuneko eta ezkontza ahaidetasuneko bigarren mailara arteko senideak edo bizikideak zaindu behar dituelako, lan txanda hasi baino lehentxeago izandako gaixotasun edo istripuaren ondorioz, edo justifikatzen ahal den istripu edo gaixotasun egoera batek ustekabean okerrera egin duelako. Gertakari hori justifikatu egin beharko da, enpresari lehenbailehen jakinarazita, arrazoiak azalduz eta dagokion osasun egiaztagiria edo egiztagiri medikoa aurkeztuta, bai eta haur eskolara edo ikasketa eta prestakuntza zentrora joan ez izana ere. Kasu bakoitzean hartu beharreko ordu kopurua bat etorriko da asistentzia eraginkorra bermatzeko beharrezko diren orduekin, baina urtean lau eguni dagozkien orduak baino ez dira ordainduko.

–Osaba-izeba eta iloba odolkideen heriotza: egun natural bat, gertaera eragilearen datatik kontatzen hasita, lehenengo lanegunetik zenbatzen hasita. Non eta lizentzia ez den hartzen gertaera eragilearen egun beretik hasita, lizentzia kontatzen hasiko da gertaera eragilea gertatu eta hurrengo lanegunean.

3.3. Eszedentziak.

Hitzarmen honen eraginpean dauden langileek, enpresan gutxienez 5 urteko antzinatasuna badute, bi hilabeteko borondatezko eszedentzia eskatzeko eskubidea izanen dute. Eszedentzia hori ezin da beste eszedentzia mota batzuekin metatu, ezta Langileen Estatutuaren 48 bis artikuluari dagokion guraso baimena eskatzeko ere. Eskaera gutxienez aste osoko epeetan egin behar da. Horrek esan nahi du ezin dela eskatu eszedentzia hau egun solteengatik edo aste zatiengatik.

Eszedentziak irauten duen bitartean, enpresak ez du ez ordainsaririk ez kotizaziorik ordaindu beharrik izanen. Eskubide horretaz berriro baliatzen ahal da langile bera, aurreko eszedentzia amaitu eta bost urte igaro eta gero.

Langileak eszedentzia hartzeko eskaera gutxienez eszedentzia hasi baino bi hilabete lehenago egin beharko du.

Hemen jasotzen den eszedentzia hartuz gero, enpresak konpromisoa hartzen du antzinatasuna mantentzeko eta langilearen lanpostua gordetzeko eszedentziak irauten duen denborarako.

Enpresak eskabidea ukatzen ahalko du, behar bezala justifikatutako antolaketa edo produkzio arrazoiengatik. Gainera, eszedentzia hori ez zaio emanen aldi berean talde/arlo bereko langileen %20ri baino gehiagori.

Eszedentzia hau ezin izanen da eskatu urte berean, urte horretan bertan beste edozein motatako eszedentzia gozatu bada.

4.–ARAUBIDE EKONOMIKOA

4.1. Lanbide sailkapena.

Une bakoitzean indarrean dagoen Probintziako Hitzarmenean ezarritako lanbide sailkapena aplikatuko zaio enpresari.

4.2. Soldata taulak eta kontzeptuak.

Une bakoitzean indarrean dagoen Probintziako Hitzarmenean jasotzen diren kontzeptuak eta soldaten taulak aplikatuko dira, apartatu honetan ezarritakoekin batera.

4.3. Antzinatasuna.

Hitzarmen kolektibo honen alde negoziatzaileek, langileen zerbitzu prestazioan duten lotura aitortzeko, antzinatasuneko osagarri ekonomikoaren arloan araubide progresibo bat ezartzea erabaki dute, orain arte aplikatu den Probintziako Hitzarmenaren aurreikuspenak hobetuz.

Araubide progresibo hori aplikatuz, Probintziako Hitzarmenaren indarraldiko urte bakoitzerako eta 2029ra arte (hura barne), langileek sortutako hirurtekoen urteko zenbatekoak aplikatuko dira, apartatu honetako tauletan adierazten direnak.

Paragrafo honetan jasotako arauketak 2025eko urtarrilaren 1etik aurrera izanen ditu ondorioak, eta kasuan kasuko zenbatekoak erregularizatu eginen dira, adierazitako datatik aurrerako ondorioekin, baldin eta hitzarmen kolektiboa sinatu eta argitaratu ondoren egiten bada. Inola ere ez da ordainduko aurreko urteei dagokien zenbatekorik, eta tauletan adierazitako zenbatekoak 2025eko urtarrilaren 1etik aurrera baino ez dira sortuko.

Antzinatasuna hirurtekoa betetzen den egunean sortuko da, eta urteko hamalau ordainsarietan, hamabi arruntetan eta aparteko bietan, hainbanatuta ordainduko da.

Antzinatasun hori zehazteko, enpresan lanean emandako urteak hartuko dira kontuan, hirunaka kalkulatuta.

Eszedentziek, ordaindu gabeko lizentziek edo antzeko arrazoiek antzinatasunaren urteko muga-eguna atzeratuko dute, egoera horiek dirauten denboran.

Hirurtekoetarako, urteko zenbateko hauek ezarri dira hitzarmen kolektibo honen indarraldirako:

Ordainketa hainbanatuaren sistema aplikatuz, adierazitako urteko gutxieneko balioak hamalau zati berdinetan banatuta ordainduko dira. Hamabi zati sortzapenaren ondoko hamabi hilabeteetako bakoitzaren soldata likidazioen barrenean ordainduko dira, eta beste biak ekaineko eta abenduko aparteko haborokinekin batera.

Halaber, tauletan adierazitako zenbatekoek xurgatu eta konpentsatu eginen dute aipatutako antzinatasun kontzeptuari Probintziako Hitzarmenaren arabera aplikatu beharreko gehikuntza oro.

4.4. Soldaten berrikuspenak.

Soldata berrikuspenak ondoren adierazten direnak izanen dira indarraldiko urte bakoitzerako, Probintziako Hitzarmenean urte bakoitzerako xedatutakoaren arabera dagokion berrikuspena handiagoa denean izan ezik; kasu horretan, azken hori aplikatuko da. Hau da, ez dira inolaz ere bi igoerak metatuko (enpresa hitzarmenean xedatutakoa eta une bakoitzean aplikatu beharreko indarreko Probintziako Hitzarmenean aurreikusitakoa). Igoera handiagoaren ondoriozko soldata baino ez da ordainduko.

Hala, Probintziako Hitzarmenean adostutako igoerak enpresak egindakoak baino handiagoak badira, enpresak taulak eguneratuko ditu eta dagozkion atzerapenak ordainduko ditu, enpresak egindako igoera guztiak deskontatuta.

Halaber, Probintziako Hitzarmenean adostutako igoerak enpresak egindakoak baino txikiagoak badira, enpresak egindako igoerak mantenduko ditu, eta Probintziako Hitzarmenean izaten ahal diren soldata berrikuspenak enpresak aplikatutako igoera horrek xurgatu eta konpentsatuko ditu.

4.4.1. 2025. urtea.

2025. urterako, adostu da 2024ko Estatuko KPIaren gehikuntza aplikatzea bermatutako soldataren eta 2024ko abenduaren 31n jasotako borondatezko plusaren baturari.

Gainera, 2024ko Estatuko KPIaren igoera aplikatuko zaie jarraian jasotzen diren soldata kontzeptu guztiei, 2024ko abenduaren 31n jasotako zenbatekoen gainean:

–Txandakako ordutegiak ezartzeko plusa.

–Ordutegiz kanpoko lanaren plusa.

–Nekagarritasun plusa.

–24 orduko guardia lanegunean.

–24 orduko guardia laneguna ez den egunean.

–8 orduko guardia laneguna ez den egunean.

–Estatuko egonaldi luzearen plusa.

–Nazioarteko egonaldi luzearen plusa.

Igoera honela aplikatuko da:

–2024. urteko Estatuko KPIari dagokion gehikuntza aplikatuko zaio bermatutako soldataren eta 2024ko abenduaren 31n jasotako borondatezko plusaren baturari.

–Nolanahi ere, nominan bermatutako soldatak 2025erako dagokion zenbatekoa jasoko du, Probintziako Hitzarmeneko taulen arabera, taulak argitaratu ondoren.

–Hala badagokio, bermatutako soldata taulen zenbatekoa (bermatutako soldataren eta 2024ko abenduaren 31n jasotako borondatezko plusaren baturari KPI gehituta) gainditzen duen zenbatekoa borondatezko plusean txertatuko da.

Baldin eta, Probintziako Hitzarmen bidez eguneratu ondoren, 2025erako dagokion zenbatekoa bermatutako soldata taulen zenbatekoa handiagoa bada Estatuko 2024ko KPIari dagokion soldata igoera baino, bermatutako soldata handitu eginen da, harik eta 2025erako Probintziako Hitzarmeneko tauletan adierazitako zenbatekora iritsi arte, eta borondatezko plusari dagokion zenbatekoa murriztuko da.

Azkenean Probintziako Hitzarmenean adostutako igoerak hitzarmen honetan proposatutakoak baino handiagoak badira, taulak eguneratuko dira eta dagozkion atzerapenak ordainduko dira, enpresak jada egindako igoera guztiak deskontatuta.

4.4.2. 2026. urtea.

2026rako, Estatuko 2025eko KPIaren araberako soldata igoera adosten da, bermatutako soldataren eta 2025eko abenduaren 31n jasotako borondatezko plusaren batura:

Gainera, 2025eko Estatuko KPIaren igoera aplikatuko zaie jarraian aipatzen diren soldata kontzeptu guztiei, 2025eko abenduaren 31n jasotako zenbatekoen gainean:

–Txandakako ordutegiak ezartzeko plusa.

–Ordutegiz kanpoko lanaren plusa.

–Nekagarritasun plusa.

–24 orduko guardia lanegunean.

–24 orduko guardia laneguna ez den egunean.

–8 orduko guardia laneguna ez den egunean.

–Estatuko egonaldi luzearen plusa.

–Nazioarteko egonaldi luzearen plusa.

Igoera honela aplikatuko da:

–2025. urteko Estatuko KPIari dagokion igoera aplikatuko zaio bermatutako soldataren eta 2025eko abenduaren 31n jasotako borondatezko plusaren baturari.

–Nolanahi ere, nominan bermatutako soldatak Probintziako Hitzarmeneko taulen arabera 2026rako dagokion zenbatekoa jasoko du, taula horiek argitaratu ondoren.

–Hala badagokio, bermatutako soldata taulen zenbatekoa (bermatutako soldataren eta 2025eko abenduaren 31n jasotako borondatezko plusaren baturari KPI gehituta) gainditzen duen zenbatekoa borondatezko plusean txertatuko da.

Baldin eta Probintziako Hitzarmenaren bidez eguneratu ondoren 2026rako dagokion zenbatekoa bermatutako soldata taulen zenbatekoa handiagoa bada Estatuko 2025eko KPIaren araberako soldata igoera baino, bermatutako soldata igo eginen da 2026rako Probintziako Hitzarmenaren tauletan adierazitako zenbatekora iritsi arte, eta dagokion zenbatekoa murriztu eginen da borondatezko plusean.

Azkenean Probintziako Hitzarmenean adostutako igoerak hitzarmen honetan proposatutakoak baino handiagoak badira, taulak eguneratuko dira eta dagozkion atzerapenak ordainduko dira, enpresak jada egindako igoera guztiak deskontatuta.

4.4.3. 2027. urtea.

2027. urterako, Estatuko 2026ko KPIaren araberako soldata igoera adosten da, bermatutako soldataren eta 2026ko abenduaren 31n jasotako borondatezko plusaren batura.

Gainera, 2026ko Estatuko KPIaren igoera aplikatuko zaie jarraian jasotzen diren soldata kontzeptu guztiei, 2026ko abenduaren 31n jasotako zenbatekoen gainean:

–Txandakako ordutegiak ezartzeko plusa.

–Ordutegiz kanpoko lanaren plusa.

–Nekagarritasun plusa.

–24 orduko guardia lanegunean.

–24 orduko guardia laneguna ez den egunean.

–8 orduko guardia laneguna ez den egunean.

–Estatuko egonaldi luzearen plusa.

–Nazioarteko egonaldi luzearen plusa.

Igoera honela aplikatuko da:

–2026ko Estatuko KPIari dagokion igoera aplikatuko zaio bermatutako soldataren eta 2026ko abenduaren 31n jasotako borondatezko plusaren baturari.

–Nolanahi ere, nominan bermatutako soldatak Probintziako Hitzarmeneko taulen arabera 2027rako dagokion zenbatekoa jasoko du, taula horiek argitaratu ondoren.

–KPIaren bidez bermatutako soldataren taulen zenbatekoa gehi 2026ko abenduaren 31n jasotako borondatezko plusaren batura igo ondoren bermatutako soldata taulen zenbatekoa gainditzen duen zenbatekoa borondatezko plusean txertatuko da.

Baldin eta, Probintziako Hitzarmen bidez eguneratu ondoren, 2027rako dagokion zenbatekoa bermatutako soldata taulen zenbatekoa handiagoa bada Estatuko 2026ko KPIari dagokion soldata igoera baino, bermatutako soldata handitu eginen da, harik eta 2027rako Probintziako Hitzarmeneko tauletan adierazitako zenbatekora iritsi arte, eta borondatezko plusari dagokion zenbatekoa murriztuko da.

Azkenean Probintziako Hitzarmenean adostutako igoerak hitzarmen honetan proposatutakoak baino handiagoak badira, taulak eguneratuko dira eta dagozkion atzerapenak ordainduko dira, enpresak jada egindako igoera guztiak deskontatuta.

4.4.4. 2028. urtea.

2028rako, Estatuko 2027ko KPIaren araberako soldata igoera adosten da, bermatutako soldataren eta 2027ko abenduaren 31n jasotako borondatezko plusaren batura.

Gainera, 2027ko Estatuko KPIaren igoera aplikatuko zaie jarraian jasotzen diren soldata kontzeptu guztiei, 2027ko abenduaren 31n jasotako zenbatekoen gainean:

–Txandakako ordutegiak ezartzeko plusa.

–Ordutegiz kanpoko lanaren plusa.

–Nekagarritasun plusa.

–24 orduko guardia lanegunean.

–24 orduko guardia laneguna ez den egunean.

–8 orduko guardia laneguna ez den egunean.

–Estatuko egonaldi luzearen plusa.

–Nazioarteko egonaldi luzearen plusa.

Igoera honela aplikatuko da:

–2027. urteko Estatuko KPIari dagokion igoera aplikatuko zaio bermatutako soldataren eta 2027ko abenduaren 31n jasotako borondatezko plusaren baturari.

–Nolanahi ere, nominan bermatutako soldatak probintziako hitzarmeneko taulen bidez jasoko du 2028rako dagokion zenbatekoa, taulak argitaratu ondoren.

–Hala badagokio, bermatutako soldata taulen zenbatekoa (bermatutako soldataren eta 2027ko abenduaren 31n jasotako borondatezko plusaren baturari KPI gehituta) gainditzen duen zenbatekoa borondatezko plusean txertatuko da.

Baldin eta Probintziako Hitzarmenaren bidez eguneratu ondoren bermatutako soldata taulen zenbatekoa handiagoa bada 2028rako Estatuko 2027ko KPIaren araberako soldata igoera baino, bermatutako soldata handitu eginen da, harik eta 2028rako Probintziako Hitzarmenaren tauletan adierazitako zenbatekora iritsi arte, eta borondatezko plusari dagokion zenbatekoa murriztu eginen da.

Azkenean Probintziako Hitzarmenean adostutako igoerak hitzarmen honetan proposatutakoak baino handiagoak badira, taulak eguneratuko dira eta dagozkion atzerapenak ordainduko dira, enpresak jada egindako igoera guztiak deskontatuta.

4.5. Progresioko soldatak, lanbide praktika lortzeko prestakuntza kontratuetarako.

Lanbide Praktika Lortzeko Heziketa Kontratu batekin kontratatzen diren pertsonen kasuan, hasierako soldata Probintziako Hitzarmeneko taulen arabera dagokion lanbide taldeko soldata izanen da.

Kontratu mugagabe bihurtzen diren kasuetan bakarrik, hurrengo urteetako ordainsaria honela ezartzen da:

–Antzinatasunaren lehenengo urtea betetzen den egunean, Seigarren Xedapen Gehigarrian jasotako lanbide taldearen soldata jasoko da. –2025-2028 aldiko progresioko soldatak, dagokion 1. urterako. Hitzarmen honen indarraldiko urte bakoitzean egin beharreko legezko edo hitzarmenezko edozein igoera xurgatu eta konpentsatuko du dagokion soldata igoerak, eta ez du inola ere izanen atzeraeraginezko ondorio ekonomikorik hitzarmen hau indarrean jarri aurretik.

–Antzinatasuneko bigarren urtea betetzen den egunean, Seigarren Xedapen Gehigarrian jasotako lanbide taldearen soldata jasoko da. –Progresioko soldatak 2025-2028 aldirako, dagokion 2. urterako. Hitzarmen honen indarraldiko urte bakoitzean egin beharreko legezko edo hitzarmenezko edozein igoera xurgatu eta konpentsatuko du dagokion soldata igoerak, eta ez du inola ere izanen atzeraeraginezko ondorio ekonomikorik hitzarmen hau indarrean jarri aurretik.

Enpresak bermatuko du enpresan urtebete eta bi urte baino gehiagoko antzinatasuna duten eta kontratu mugagabea duten langileek, hasierako kontratu mota edozein dela ere, ez dutela jasoko, hitzarmen hau indarrean dagoen urte bakoitzeko soldata bermatua gehi borondatezko plusari dagokionez, Seigarren Xedapen Gehigarrian [Progresioko soldatak 2025-2028 (1. zutabea aplikatuko da urtebeteko antzinatasunerako, eta 2. zutabea 2 urteko antzinatasunerako)] dagokion lanbide taldearen soldata baino baxuagoa. Kolektibo horrentzat, hitzarmen hau indarrean dagoen urte bakoitzeko urtarrilean aplikatuko dira balizko igoerak, honela:

1. 4.4 apartatuan aipatzen den lansarien berrikuspena aplikatuko da.

2. Bermatutako soldataren eta ondoriozko borondatezko plusaren batura txikiagoa bada dagokion lanbide taldearen soldata baino [Seigarren Xedapen Gehigarria – Progresioko soldatak 2025-2028 (1. urteko zutabea aplikatuko da urte bateko antzinatasunerako, eta 2. zutabea 2 urteko edo gehiagoko antzinatasunerako], erregularizatu eginen da. Erregularizazio horrek ez du, inola ere, hitzarmen hau aplikatu aurreko atzeraeraginezko ondorio ekonomikorik izanen.

Hitzarmen honen indarraldiko urte bakoitzean egin beharreko legezko edo hitzarmenezko edozein igoera xurgatu eta konpentsatuko du soldaten igoerak, atzerako ondorio ekonomikorik izan gabe. Borondatezko plusak ezin izanen du antzinatasunaren igoerarik xurgatu.

Seigarren xedapen gehigarrian progresioan jasotako urte bakoitzeko 0 urterako aurreikusitako soldatak (2025-2028 progresioko soldatak) hitzarmen hau indarrean dagoen urteetan eguneratuko dira, Probintziako Hitzarmenaren arabera dagozkien igoerekin.

Probintziako hitzarmenak 2027. eta 2028. urteetarako argitaratutako taulak ez baditu erregularizazioaren datan, argitaratutako azken taula hartuko da erreferentziatzat. 2027. eta 2028. urteetarako taulak argitaratu ondoren, haien arabera erregularizatuko dira zenbatekoak, atzeraeraginezko izaerarekin.

4.6. Aparteko haborokinak.

Enpresako hitzarmen honen eraginpean dauden langileek aparteko bi haborokin sortuko dituzte urtero. Lehenengoa ekaineko nomina ordaintzean jasoko dute, eta bigarrena abenduan, Gabonak baino lehen. Bi haborokinek hileroko bat jasoko dute.

Lan egindako denboraren proportzioan emanen dira haborokin horiek, sortzen diren urtearen seihileko naturalen arabera hainbanatuta.

4.7. Aldi baterako ezintasun egoeraren osagarria.

Enpresak kontingentzia arrunten zein kontingentzia profesionalen ondoriozko aldi baterako ezintasun egoeran dauden langileen prestazioa osatuko du, 14 ordainsariren arteko urteko soldata gordinarekin kalkulatutako soldataren %100era arte.

Osagarri hori lan harremana indarrean dagoen bitartean soilik ordainduko da, eta, nolanahi ere, langilearen aldi baterako ezintasun egoera hasi eta gehienez ere 18 hilabeteko epean.

Halaber, aldi baterako ezintasun egoeran dagoen langileak ez badu Gizarte Segurantzaren prestazioa jasotzeko eskubiderik, legez ezarritako gutxieneko gabealdi baldintzak ez betetzeagatik, osagarria ordainduko zaio, prestazio horren zenbatekoaren arabera, eta zenbateko horren eta langilearen benetako soldataren arteko aldea bakarrik ordainduko da.

4.8. Aparteko orduak.

Oro har, enpresak ez du aurreikusten langileek ohiko lanalditik kanpo lan egin beharko dutenik.

Aparteko orduak egiteko, NUko/Sektoreko edo Arlo Operatibo edo Teknologikoko Zuzendaritzak eskatu behar du aldez aurretik, edo hark baimendu, ezustean lan batek ohiko lanaldia gainditzea eskatzen duenean eta langileak bere arduradunari hala adierazten dionean.

4.8.1. Aparteko orduen konpentsazioa.

Ordu horiek, ahal dela, egin eta hurrengo lau hilabeteetan hartuko dira, atsedenaldian. Antolaketa dela eta, ordu horiek ezin badira denboraz konpentsatu, urtean gehienez 80 ordu ordainduko dira beti, denbora konpentsazioaren ratio berean.

4.8.2. Aparteko orduen konpentsazio ratioak.

–Laguntza teknikoko lanak hirugarrenen instalazioetan.

Laguntza teknikotzat jotzen dira soilik espezialista teknikoek ekipoaren edo makinen muntaketa, abiaraztea, mantentze lana eta gorabehera teknikoak konpontzeko egiten dituzten lan teknikoak, bai kanpoan, bai bezeroaren instalazioetan egiten direnak, ekipoen ziurtagiri eta proba teknikoak direnean, bai eta hornitzailearen instalazioetan ere, baldin eta ekipamenduok erosi aurretik egiten diren proba teknikoak badira.

Lan taldeek egin ohi dituzten jarduerak dira:

• Laguntza Teknikoko Zerbitzua.
• I+G.
• Ingeniaritzako teknikariak.
• Industrializazioko teknikariak.

Beste lan-eremu batzuetan espezializatuak diren arren aurreko definizioan sartzen ez diren lanak alde batera uzten dira beti; beraz, ez dira sartzen prestakuntza jarduerak, auditoriak, arrisku ebaluazioak, bisita komertzialak, nahiz eta teknikariek eginak izan edo bezeroen eremuan edo instalazioetan eginak izan.

Hirugarrenen instalazioetan laguntza teknikoa emateko lanen aparteko orduak ratio hauekin konpentsatuko dira:

a) Ordu arruntaren %125, lehenengo bi aparteko orduetan.

b) Ordu arruntaren %150, eguneko hirugarren aparteko ordutik aurrera (22:00ak arte).

c) Ordu arruntaren %175, larunbatetan.

d) Ordu arruntaren %200, igande, jaiegun eta gaueko ordutegian (22:00etatik 06:00etara).

–Laguntza teknikoko lanak instalazio propioetan.

Instalazio propioetan egiten diren laguntza teknikoko lanak eginkizun hauek baizik ez dira:

• Prototipoen muntaketa eta proba, bai langile teknikoentzat, bai muntaketaren arduradunentzat.
• Zerbitzarietako gorabeherak edo IKTetako gorabeherak konpontzea.
• Ekipoetan konponketak egitea.

Instalazio propioetan laguntza teknikoko lanei dagozkien aparteko orduak ratio hauekin konpentsatuko dira:

Astelehenetik ostiralera:

• Ordu arruntaren %100, 4. ordura arte.
• Ordu arruntaren %200, 5. ordutik aurrera.
• Ordu arruntaren %125, gaueko orduetan.

Asteburu eta jaiegunetan:

• Ordu arruntaren %150, edozein ordutegitan.

–Laguntza teknikoko urrutiko lanak.

Urrutiko laguntza teknikotzat joko dira soilik ekipoaren edo makinen muntaketa, abiaraztea, mantentze lanak eta gorabehera teknikoak konpontzeko espezialista teknikoek telematikoki eta urrutitik egindako lan teknikoak.

Urrutiko laguntza teknikoko lanei dagozkien aparteko orduak ratio hauekin konpentsatuko dira:

Astelehenetik ostiralera:

• Ordu arruntaren %100.
• Ordu arruntaren %125 gauez (22:00etatik 06:00etara).

Asteburu eta jaiegunetan:

• Ordu arruntaren %125.
• Ordu arruntaren %150 gauez (22:00etatik 06:00etara).

Kasu horietatik kanpo gelditzen diren aparteko orduak, eskatu eta onetsitakoak, ordu arruntaren %100eko ratioarekin konpentsatuko dira.

4.9. Urrutitik martxan jartzeko gaueko lanak.

Lanpostua dela-eta martxan jartzeko lanak urrutitik egin behar dituen langileak, 22:00ak eta 06:00ak bitartean lan egin behar badu, "ordutegitik kanpoko lanagatiko plusa" ordainduko zaio bere ohiko ordutegitik kanpo lan egindako ordu bakoitzeko, lehenengo xedapenean (aparteko orduak eta beste soldata kontzeptu batzuk konpentsatzea) adierazitakoari jarraituz.

Arrazoi horregatik 22:00etatik 06:00etara lan egindako denbora lanaldi arrunt gisa hartuko da, eta lanaldi horretatik deskontatuko da; beraz, ezin izanen da aparteko ordutzat hartu.

Gaueko lanaren plusa aplikatuko da, apartatu honetan zehaztutako zenbatekoaz gain.

Kontzeptu horretatik kanpo geratzen dira langileak bere erabakiz lan egindako orduak, ezarritako ordutegi malgutasuneko neurrien arabera, edo kontziliazio neurrien bidez eskatutako ordutegi aldaketa baten arabera.

4.10. Gaueko lana.

Gaueko lantzat hartzen da, enpresaren aparteko beharrengatik, langileak honako ordutegi honetan egin behar dituenean lanak: 22:00etatik 06:00etara.

Ordutegi horren barruan lan egiten duen langileak gaueko orduaren plusa jasoko du, lehen xedapenean (aparteko orduen konpentsazioa eta beste soldata kontzeptu batzuk) ezarritako zenbatekoaren arabera. Plus hori ordutegi horretan benetan lan egindako orduekiko proportzioan aplikatuko da.

4.11. Noizbehinka txandakako ordutegiak ezartzeagatiko konpentsazioa.

Prototipoen frogak direla eta, I+Gko edo Laguntza Teknikoko Zerbitzuko langile teknikoek ohiko lanaldiaren banaketa aldatu behar dutenean, gainerako taldekideekin txandakatuz, probak irauten duen bitartean presentzia jarraitua bermatzeko, eguneko konpentsazio bat aplikatuko da, Lehen xedapenean (aparteko orduen konpentsazioa eta beste soldata kontzeptu batzuk) ezarritako zenbatekoaren arabera, ordutegien errotazioan lan egiten duen egunengatik eta aldaketa horrek ohiko ordutegiaren aldaketa dakarrenean eta enpresak negozio beharrengatik eskatu duenean bakarrik.

4.12. Guardiak.

Guardiak salbuespenezko kasuetan eginen dira, espresuki izendatutako langileentzat. Guardiak lehen xedapenean (aparteko orduen konpentsazioa eta beste soldata kontzeptu batzuk) ezarritako zenbatekoaren arabera konpentsatuko dira.

Lanean arituz gero, lanaldien arteko atsedenaldia errespetatuko da eta ratio hauen arabera konpentsatuko da:

a) Ordu arruntaren %125, zerbitzuak benetan ematen diren lehen bi ordu gehigarrietan.

b) Ohiko orduaren %150, eguneko zerbitzu osagarriak benetan ematen diren hirugarren ordutik aurrera (22:00ak arte).

c) Benetan lan egindako ordu arruntaren %175, larunbatetan.

d) Igande, jaiegun eta gaueko ordutegian (22:00etatik 06:00etara) benetan lan egindako ordu arruntaren %200.

5.–ORDAINSARIEZ BESTELAKO KONTZEPTUAK

5.1. Desplazamenduagatiko konpentsazioa.

Bi modalitate ezarri dira lana dela-eta egiten diren desplazamenduak konpentsatzeko.

–Gastuen modalitatea.

–Dieten modalitatea.

5.1.1. Gastuen modalitatea.

Lana dela-eta desplazamenduak egiten dituenari, besterik adierazi ezean, gastuen modalitatea aplikatuko zaio.

Gastuen modalitatean, langileak bere Estatuko eta nazioarteko bidaietan egindako gastuak justifikatzen ditu, horretarako emandako txartel korporatiboarekin ordaintzen da edo, bestela, enpresak ondoren ordainduko dizkio. Gastuen aurreikuspena dagoenean, eskudiruaren aurrerapena eskatzen ahal da. Edonola ere, beharrezkoa izanen da tiketak gordetzea eta horien kopia original edo eskaneatu bat enpresari ematea.

Egonaldia etxetik kanpoko 4 gaualdi baino gehiagokoa bada, bosgarren gaualditik aurrera (hori barne), atzerrian egindako gau luzeagatik osagarria jasoko da (atzerriko egonaldi luzearen plusa) edo Estatuko gau luzeagatik osagarria (Estatuko egonaldi luzearen plusa).

5.1.2. Dieten modalitatea.

Modalitate honetara biltzen ahalko dira, hala nahi izanez gero, honako kasu hauetan dauden langileak:

–Martxan jartzeko lanak eta laguntza teknikoa landan.

–Zeregin teknikoak kanpoko laborategietan.

–Laguntza teknikoa eta saiakuntza bankua, Panelesko (Sesma) ekoizpen instalazioan, Zamudioko Laborategian eta Beasaingo Laborategian; horiek denak Estatuan.

–Helmugako herrialdeari dagozkion arrazoi espezifikoengatik egindako gastuak egiaztatzen dituzten ziurtagiriak jasotzea bereziki zaila den desplazamenduetan.

5.1.2.1. Dieta gaualdirik gabe (dieta erdia).

Gaualdirik gabeko dieta edo dieta erdia lantokitik kanpoko herrietara egiten diren desplazamenduetan aplikatzen da, betiere bazkaria edo afaria ohiko lekutik kanpo egiten bada, eta bigarren xedapen gehigarrian (dieten tarifa) ezarritako zenbatekoaren arabera konpentsatzen da.

Langileak kanpoan egin behar baditu bi otordu nagusiak (bazkaria eta afaria), gaualdirik gabe, dieta osoa ordainduko zaio, bigarren xedapen gehigarrian (dieten tarifa) ezarritako zenbatekoaren arabera.

Dieta erdiaren kontzeptua ez zaie aplikatuko Sarriguren eta Aretako zentroen arteko desplazamenduei.

Dieta erdia ordaintzeko, baldintza hauek bete behar dira:

–Erregistroan "denbora ez efektiboa" adierazi behar da, otordua egin dela adierazteko.

–Etxetik kanpo eta ohiko lantokitik kanpo jan da.

–Ingeteamek ez du ordaindu langilearen janaria.

5.1.2.2. Dieta gaualdiarekin.

Lan arrazoiengatik etxetik kanpo gaua igarotzen denean aplikatzen da.

Hotel gastuak (ostatua eta gosaria) Ingeteamek kontratatu eta ordaintzen ditu.

Sortzen ahal diren gainerako gastuak konpentsatzeko, bigarren xedapen gehigarrian (dieten tarifa) jasotako dieta jasoko da.

5.2. Kilometrajea.

Laneko desplazamenduetan norberaren ibilgailua erabiliz gero, egindako kilometroak gastuen orrian idatzi behar dira.

Ingeteameko hurrengo instalazioen arteko gehienezko distantziak ezartzen dira, laugarren xedapen gehigarrian (ohiko helmugetarako kilometroak) jasotakoaren arabera.

Benetako abiapuntuak lehen aipatutakoak baino distantzia txikiagoa sortzen badu, distantziarik txikiena hartuko da kilometrajea ordaintzeko.

Kilometrajea lehenengo xedapen gehigarrian (aparteko orduen konpentsazioa) eta beste soldata kontzeptu batzuetan ezarritakoaren arabera konpentsatuko da.

Ibilgailu elektrikoen kasuan, txartel pertsonal eta besterenezina emanen zaie lanaldian ibilgailua kargatu nahi duten ibilgailu elektrikoen erabiltzaileei. Araudia une bakoitzean indarrean dagoen konpainiaren barne politikaren mende egonen da.

5.3. Bidaia kondizioak.

Atzerrira desplazatutako langile guztiei telefono mugikor bat emanen zaie. Urruneko eremu bat izateagatik hartzaileak estaldurarik izanen ez duela jakiten edo aurreikusten denean, telefonoak satelite bidezko konexioa izateko aukera izanen du.

Atzerrira bidaiatzen duen langile orori enpresaren kreditu txartel bat emanen zaio.

Atzerrira joan aurretik, helmugako lekuan dagoen arriskua kontsultatu beharko da. Horretarako, International SOSek (edo enpresak zehazten duen erakundeak) argitaratzen duen ebaluazioa berrikusiko da, bai eta Kanpo Arazoetako Ministerioak gomendatzen ez dituen destinoen zerrenda ere.

5.4. Nekagarritasun plusa.

Desplazatutako langileek konpentsazio bat jasoko dute, lehen xedapenean (aparteko orduen konpentsazioa) eta beste soldata kontzeptu batzuetan jasotakoaren arabera, nekagarritasunagatiko plusaren kontzeptuan, desplazamenduaren baldintzek gutxienez alde hauetako bat dutenean:

–Arrisku mediko handia edo goi mailakoa.

–Segurtasun arrisku handia edo goi mailakoa.

–Lanaldian, -10 ºC baino gutxiagoko edo 40 ºC baino gehiagoko giro tenperaturan egotea. Laneko Segurtasun eta Osasun batzordeak tenperatura, hezetasuna eta sentsazio termikoa neurtzeko bitartekoak finkatuko ditu, hitzarmen hau argitaratu eta gehienez ere 6 hilabeteko epean.

–Oinarrizko bizigarritasunaren azpiko bizitokiak:

• Barrakoiak, albergeak.
• Gela partekatua.
• Banakako erabilerako gela, bainugela osorik gabe, banaka erabiltzekoa eta/edo ur berorik gabe.

Eguneko 30,00 eurotik beherako kostua duten ostatuak hartuko dira erreferentziatzat.

Gutxieneko bizigarritasun irizpideak betetzen ote diren zalantza izanez gero, enpresak eta Langileen Legezko Ordezkaritzak kasuan kasuko egoera aztertu beharko dute.

–Jendea bizi den lekuetatik urrun dauden ostatuak, 60 km edo ordubete baino gehiagoko bidaian, edo hotel instalazioetatik kanpo irteteko aukerarik ez dutenak.

6.–APLIKAZIO EREMUTIK KANPOKO KOLEKTIBOA

Apartatu honetan sartzen dira, beren lanpostuaren izaera eta hari lotutako erantzukizuna direla eta, helburuen arabera lan egiten duten eta autonomia eta erabakitzeko gaitasun handiagoa duten langileak. Zehazki langileak izaten dira:

–Negozioen, Arlo Operatiboen eta Arlo Funtzionalen Zuzendaritza Batzordeko zuzendaritza postuetan daudenak, bai eta lehen adierazitako posizioen mende dauden eta manager titulua duten kudeaketa posizioetan daudenak ere.

–Eta urteko ordainsari aldakorra %5ekoa edo handiagoa denean.

Kolektibo honi atxikitzea borondatezkoa izanen da eta banakako itun bidez eginen da.

Kolektibo honi ez zaio aplikatuko hitzarmen honen apartatuetan honako hauei buruz jasotako araudia:

–Egutegia / ordutegia eta lanaldia, sarrera-irteera malgutasunari eta eguneroko malgutasunari buruzko apartatuetan, baina apartatu horietan ezarritako mugak ez zaizkie aplikatuko.

–Dokumentu honen 4.8 apartatuko aparteko orduak arautzea.

–Desplazamenduengatiko konpentsazioa, dieten modalitateari dagokionez.

–Bidaia orduak.

7.–BERDINTASUN, KONTZILIAZIO ETA DESKONEXIO DIGITALERAKO POLITIKAK

7.1. Berdintasuna.

Bi aldeek konpromisoa hartu dute gizonen eta emakumeen arteko aukera berdintasuna lortzeko lan ingurunean. Horretarako:

–Sexu jazarpenaren eta sexuagatiko jazarpenaren aurkako protokoloa aplikatuko da, Ingeteam Power Technology enpresaren berdintasunerako batzordean negoziatu eta adostu dena, eta guztiz aplikatzekoa izanen da.

–Ingeteam Power Technology enpresako Berdintasun Batzordeak negoziatu eta adostutako Berdintasun Planera eta bertan jasotako neurrietara igortzen dira.

7.2. LGTBI neurriak.

Bi aldeek trans pertsonen berdintasun erreal eta eraginkorrerako eta LGTBI pertsonen eskubideak bermatzeko konpromisoa erakusten dute, horretarako:

• LGTBI pertsonen aurkako jazarpenari eta indarkeriari aurre egiteko Langileen Legezko Ordezkaritzaren eta konpainiaren artean negoziatzen den jarduera protokoloari atxikiko zaizkiola adostu da.
• Jarraian, enpresetan LGTBI pertsonen berdintasunerako eta diskriminaziorik eza bermatzeko neurrien multzo planifikatua garatzen duen urriaren 8ko 1026/2024 Errege Dekretuaren 8.3 artikuluaren arabera planifikatutako neurriak biltzen dira.

–Lehen neurria. Tratu berdintasunaren eta diskriminaziorik ezaren klausulak.

Bi aldeek konpromisoa adierazten dute tratu berdintasuna eta diskriminaziorik eza bermatzeko behar diren neurriak ezartzeko, aniztasunaren aldeko testuingurua sortzeko eta LGTBI pertsonen diskriminazioa desagerrarazteko bidean aurrera egiteko, ez bakarrik sexu orientazioari eta identitateari dagokionez, baita genero adierazpenari edo sexu ezaugarriei dagokienez ere.

–Bigarren neurria. Enplegua lortzea.

LGTBI pertsonek enplegua lortzean izaten ahal dituzten estereotipoak desagerraraztea ziurtatuko duten beharrezko neurriak ezarriko dira, bereziki, hautaketa prozesuetan parte hartzen duten pertsonen prestakuntza egokiaren bidez eta hautaketa eta kontratazio prozesu egokia bermatuko duten irizpide argi eta zehatzak ezarriz, betiere pertsonak lanposturako duen prestakuntza edo egokitasuna lehenetsiko dutenak, kontuan hartu gabe pertsona horien sexu orientazioa eta identitatea edo genero adierazpena, arreta berezia jarriz trans pertsonei, kolektibo bereziki zaurgarria den aldetik.

–Hirugarren neurria. Lanbide sailkapena eta sustapena.

Sailkapenerako, lanbide sustapenerako eta maila igoeretarako irizpideak arautuko dira, LGTBI pertsonentzat diskriminazio zuzenik edo zeharkakorik eragin ez dezaten, eta haien karrera profesionala baldintza berdinetan garatzea bermatuko da.

–Laugarren neurria. Prestakuntza, sentsibilizazioa eta hizkera.

Prestakuntza planetan, LGTBI pertsonek lan eremuan dituzten eskubideei buruzko berariazko moduluak txertatuko dira, arreta berezia jarriz tratu eta aukera berdintasunean eta diskriminaziorik ezean. Prestakuntza langile guztientzat izanen da, barnean hartuta erdi mailako kargudunak, zuzendaritzako postuak eta Langileen eta Giza Baliabideen Zuzendaritzako langileak.

–Bosgarren neurria. Askotariko lan ingurune seguru eta inklusiboak.

Plantillen heterogeneotasuna sustatuko da, askotariko lan ingurune inklusiboak eta seguruak lortzeko. Horretarako, portaera LGTBIfobikoen aurkako babesa bermatuko da, bereziki, laneko jazarpenaren eta indarkeriaren aurkako protokoloen bitartez.

–Seigarren neurria. Baimenak eta onura sozialak.

Askotariko familien, ezkontideen eta LGTBI izatezko bikotekideen errealitateari arreta ematea bermatzen da, baimenak, gizarte onurak eta eskubideak izatea bermatuz, sexu orientazio, identitate eta genero adierazpenagatiko diskriminaziorik gabe, eta kontsulta medikoetara edo lege izapideetara joateko ezarritako baimenak berdintasun baldintzetan hartzea ziurtatuz, arreta berezia jarriz pertsona transei.

–Zazpigarren neurria. Diziplina araubidea.

Diziplina araubidean eta haren aplikazioan, langileen sexu askatasunaren, sexu orientazio eta identitatearen eta genero adierazpenaren aurkako portaerak hartuko dira kontuan.

7.3. Deskonexio digitala.

Deskonexio digitalaren eta tresna teknologikoen arrazoizko erabilerari buruzko sentsibilizazioaren eredura jo dute aldeek. Deskonexio digitalaren printzipioak eta jardunbide egokien gida bat jaso dira eredu horretan.

8.–XEDAPEN GEHIGARRIAK

Lehen xedapen gehigarria.–Aparteko orduen konpentsazioa eta soldataren bestelako kontzeptuak.

–2025eko tarifa:

Bigarren xedapen gehigarria.–Dieten tarifak.

–2025eko tarifa:

• Dieta gaualdirik gabe (dieta erdia): 30 euro.
• Dieta osoa gaualdirik gabe: 60 euro.
• Dieta, gaualdiarekin Estatuan: 80 euro.
• Dieta, gaualdiarekin nazioartean: 132,5 euro.

Hirugarren xedapen gehigarria.–Kilometraje tarifak.

–Km-engatiko tarifa: 0,49 euro.

Laugarren xedapen gehigarria.–Ohiko helmugetarako kilometroak.

Bosgarren xedapen gehigarria.–Guardien tarifak.

–2025eko tarifa:

• 24 ordu, lanegunetan: 27,00 euro.
• 24 ordu, laneguna ez den egun batean: 54,00 euro.
• 8 ordu, laneguna ez den egun batean: 32,00 euro.

Seigarren xedapen gehigarria.–Progresioko soldatak 2025/2028.

TX–202Y: tauletako soldata X. talderako (1, 2, 3 edo 4) Probintziako Hitzarmenaren arabera 202Y. urtean (2025, 2026, 2027 edo 2028).

Erreferentzia gisa, hauek dira Probintziako Hitzarmenaren araberako 2025eko tauletako soldatak:

Iragarkiaren kodea: F2508555