2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ERROIBAR
2025erako karga-tasak
Erroibarko Udalak, 2024ko abenduaren 17an egin osoko bilkuran, 2025erako karga-tasak onartzea erabaki zuen, Nafarroako Tokiko Ogasunen martxoaren 10eko 2/95 Foru Legeak ezarritakoarekin bat. Hona hemen:
ERABAKIA:
1. Ehuneko 0,25eko karga-tasa jartzea hiri-lurraren gaineko kontribuzioari (landa- eta hiri-kontribuzioa).
2. Trakzio mekanikoko ibilgailuen gaineko zerga: Nafarroako Gobernuak ezarritako tarifak.
3. Eraikuntzen, instalazioen eta obren gaineko udal zergaren (EIOZ) karga-tasa exekuzio materialaren aurrekontuaren % 3an ezartzea (gutxieneko tarifa 30 euro).
4. Hiri-lurren balio igoeraren gaineko zergari dagokionez, 2/1995 Foru Legearen 175. artikuluan ezarritako gehieneko portzentajeak aplikatzea eta karga-tasa %8,6koa izatea.
5. Ekonomia-jardueren gaineko zerga: aurten, 1.000.000,00 eurotik beherako diru-sarrerak dituzten subjektu pasiboek ez dute zerga hori ordaindu beharko. Behartutako subjektuak: 1,10 aplikatzea.
Erabaki honek 2025eko urtarrilaren 1ean hartuko du indarra.
Jende orok jakin dezan eta ondorioak izan ditzan ematen da argitara iragarki-taulan eta Nafarroako Aldizkari Ofizialean.
Erabaki honen aurka, zuzenean, administrazioarekiko auzi-errekurtsoa aurkez dakioke Nafarroako Administrazioarekiko Auzien Jurisdikzioaren organo eskudunari, bi hilabeteko epean, hurrengo egunetik aurrera zenbatzen hasita, edo, bestela, aldez aurretik eta hautazko izaeraz, berraztertze-errekurtsoa aurkez dakioke haren organo gerakinari, hilabeteko epean, hura argitaratzen denetik aurrera zenbatuta, edo, bestela, gora jotzeko errekurtsoa aurkez daiteke zuzenean Nafarroako Administrazio Auzitegian, jakinarazpena jaso eta hilabeteko epean.
Lintzoainen, 2025eko urtarrilaren 7an.–Alkatea, Leire Remiro Esnoz.
Iragarkiaren kodea: L2500169
