1. NAFARROAKO FORU KOMUNITATEA
1.7. BESTELAKOAK
34/2025 EBAZPENA, martxoaren 19koa, Digitalizazioko eta Hezkuntza Zerbitzuetako zuzendari nagusiak emana, zeinaren bidez Iruñeko "Esclavas del Sagrado Corazón" Haur eta Lehen Hezkuntzako ikastetxe pribatuaren baimena aldatzen duena, berariazko izena aldatzeagatik.
Ikusita Iruñeko "Esclavas del Sagrado Corazón" Haur eta Lehen Hezkuntzako ikastetxe pribatuaren titularrak (erregistro-zenbakia: 31004767; helbidea: Atarrabia etorbidea 6, Iruña) aurkeztutako eskabidea, zeinaren bidez baimena aldatzeko eskatzen baita, berariazko izena aldatzeagatik, hemendik aurrera "Santa Rafaela María" izanen baita.
Ikusita erakunde eskatzaileak aurkeztutako dokumentazioa eta Ikastetxeen Finantzaketaren Atalaren txostena.
Nafarroako Foru Komunitatean araubide orokorreko irakaskuntza ez-unibertsitarioa ematen duten ikastetxe pribatuak baimentzeko prozedura ezarri zuen uztailaren 6ko 251/1992 Foru Dekretuak 16. artikuluko a) letran ezarritakoa aplikatuz.
Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz,
EBAZTEN DUT:
1. Aldatzea, 2025-2026 ikasturtearen hasieratik aurrerako ondorioekin, Iruñeko "Esclavas del Sagrado Corazón" Haur eta Lehen Hezkuntzako ikastetxe pribatuaren baimena (erregistro-zenbakia: 31004767; ikastetxearen helbidea: Atarrabia etorbidea 6, Iruña), berariazko izena aldatzeagatik, hemendik aurrera "Santa Rafaela María" izanen baita. Titularra "Fundación Educativa ACI" da (IFKa: G86621927).
2. Berariazko izen berria Nafarroako Ikastetxeen Erregistroan erregistratzea, gainerako erregistro-datuak mantentzea eta idazpen berria Hezkuntzako eta Lanbide Heziketako Ministerioaren Ikastetxeen Estatuko Erregistrora helaraztea.
3. Gogoraraztea ezen titularrak baimena aldatzeko eskatu beharko duela, edo administrazio baimen berria eskatu, baldin aldaketarik bada bi ikastetxe horien erregistroko datuetan, edo instalazioak aldatzen badira, uztailaren 6ko 251/1992 Foru Dekretuaren III. tituluan ezarritakoarekin bat.
4. Ebazpen hau ikastetxearen titularrari jakinaraztea, eta interesdunari jakinaraztea ezen haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hasita hilabeteko epean.
5. Ebazpen hau igortzea Azterlan Ekonomikoen eta Ikastetxeen Finantzaketaren Zerbitzura, Nominen eta Gizarte Aseguruen Zerbitzura, Hezkuntzako Azpiegituren Zerbitzura, Hezkuntzako Ikuskapen Zerbitzura, Hezkuntzako Informazio Sistemen Zerbitzura, Ikasketetarako Laguntzen eta Hezkuntza Zerbitzuen Kudeaketaren Atalera, Aurrekontuen eta Kudeaketa Ekonomikoaren Atalera eta Ikastetxeetako Informazioa Kudeatzeko Atalera.
6. Ebazpen hau Nafarroako Aldizkari Ofizialean argitara dadila agintzea.
Iruñean, 2025eko martxoaren 19an.–Digitalizazioko eta Hezkuntza Zerbitzuetako zuzendari nagusia, Luis Calatayud Yuste.
Iragarkiaren kodea: F2507685