2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BERA
"Berako bizikleta bidearen hasierako azpifasea eraikitzea (I. fasea: Bidasoren ondoko pasealekua)" izenburuko proiektua eta ukitutako ondasun eta eskubideen zerrenda. Behin betiko onespena
2025eko apirilaren 15ean, Berako Udalaren osoko bilkurak erabaki zuen "Berako bizikleta bidearen hasierako azpifasea eraikitzea (I. fasea: Bidasoren ondoko pasealekua)"izenburuko obra proiektua onartzea, eta hasierako onarpena ematea proiektu horrek ukitutako ondasun eta eskubideen zerrendari, eta jendaurrean jartzea hamabost egunez. Iragarkia 2025eko apirilaren 25eko Nafarroako Aldizkari Ofizialean argitaratu zen (81. zenbakia).
Epe horretan, alegazioak aurkeztu zituzten Ibaialde 4-6 komunitateko jabekideek eta M. Begoña, M. Elena eta Ana M. Iraizoz Fagoaga ahizpek.
Berako Udalak, 2025eko ekainaren 17an egin osoko bilkuran,
Erabaki hau hartu zuen:
Lehenengoa.–Behin betiko onartzea "Berako bizikleta bidearen hasierako azpifasea eraikitzea (I. fasea: Bidasoren ondoko pasealekua)" izenburuko obra proiektua, bai eta ukitutako ondasun eta eskubideen zerrenda ere. Onespen horrek inplizituki dakar herri onurako deklaratzea eta okupatu beharra, Nahitaezko Desjabetzeari buruzko Legearen 10. artikuluan eta Nafarroako Toki Administrazioari buruzko 6/1990 Foru Legearen 215.2 artikuluan ezarritakoaren arabera. Ezetsi egiten dira aurkeztutako alegazioak erabaki honen azalpen zatian adierazitako eta aipatutako txosten juridikoan garatutako arrazoiengatik, eta horren oinarri juridikoak transkribatutzat eta onartutzat ematen dira.
Bigarrena.–Nafarroako Gobernuari eskatzea, horretarako organo eskuduna den aldetik, presakotzat jo dezala ukitutako ondasun eta eskubideak okupatzea, Nahitaezko Desjabetzeari buruzko Legearen 52. artikuluan eta hurrengoetan aurreikusitako ondorioetarako; izan ere, bizikleta mugikortasuna sustatu behar da (mugikortasun jasangarria lurraldearen barruan), Berako hirigunearen eta Bidasoko Bide Berdearen arteko oinezkoen konexioa hobetu behar da, eta Baztan-Bidasoko Helmugako Jasangarritasun Turistikoko Planaren mugarriak eta helburuak bete behar dira. Plan hori Turismo Ministerioak finantzatzen du, Next Generation-EU Suspertze, Eraldatze eta Erresilientzia Planaren 14. osagaiaren 1. inbertsioaren esparruan.
Hirugarrena.–Adieraztea proiektuak ukitutako ondasun eta eskubideen balio justua ordaintzeko aurrekontu partida dagoela (1-1340-60900 partida).
Laugarrena.–Erabaki hau argitaratzea Nafarroako Aldizkari Ofizialean, laburpen bat argitaratzea Foru Komunitateko egunkari batean, eta Berako Udaleko iragarki-taulan jartzea.
Bosgarrena.–Erabaki hau jakinaraztea ukitutako pertsonei, txosten juridikoaren kopiarekin batera, dagozkion ondorioetarako.
Beran, 2025eko ekainaren 19an.–Alkatea, Aitor Elexpuru Egaña.
ERANSKINA.–UKITUTAKO ONDASUN ETA ESKUBIDEEN ZERRENDA
FINKAREN KODEA | TITULARRAK | AFEKZIOAK | KATASTROA |
Behin betiko okupazioa m² | Behin-behineko okupazioa m² | Poligonoa | Lurzatia | Deskribapena |
Berako udal-mugartea |
BER-01 | Ana M. Iraizoz Fagoaga | 807,86 | 186,58 | 9 | 192 | Lurzoru urbanizagarria |
M. Begoña Iraizoz Fagoaga |
M. Elena Iraizoz Fagoaga |
BER-02 | Ibaialde 4-6 komunitateko jabekideak | 136,27 | 26,81 | 9 | 357 | Lurzoru urbanizagarria |
M. Milagrosa Goya Michelena |
M. Teresa Michelena Tellechea |
Juan M. Altuna Arocena |
Olatz Ansola Erquicia |
Garbikunde Sein Echeveste |
Ainhoa Ruiz Galarza |
Andoni Lasaga Arburua |
Santos García Antón |
M. Jesús Masa García |
José Luis Arribillaga Barrios |
Francisco Javier Urchegui Egozkue |
José M. Ugalde Ibarburu |
Ainhoa Berasategui Artieda |
José M. Elizondo Segurola |
M. Esther Elizondo Segurola |
José Carlos Picavea Echeveste |
Estela Verónica Aguilar Guadalupe |
Marco Javier Suasnavas Vallejo |
Roberto Arnaiz Moreno |
Ana M. Pizzio Picabea |
Valentina Rodríguez Vázquez |
Ignacio Ayuso Trejo |
M. Carmen Iglesias Vázquez |
Pedro Manuel Andrés Maqueda |
M. Adoración Rico Merino |
Juan Cruz Lizardi Errandonea |
Banco Bilbao Vizcaya Argentaria SA |
Kutxabank SA |
Banco Santander SA |
CaixaBank SA |
Laboral Kutxa |
BER-03 | José Antonio Múgica Martiarena | 14,15 | 44,27 | 9 | 187 | Hiri-lurzorua |
BER-04 | José Antonio Múgica Martiarena | 93,89 | - | 9 | 95 | Lurzoru urbanizagarria |
Iragarkiaren kodea: L2508830