1. NAFARROAKO FORU KOMUNITATEA
1.7. BESTELAKOAK
225/2026 EBAZPENA, apirilaren 27koa, Hezkuntzako eta Lanbide Heziketako zuzendari nagusiak emana, zeinaren bidez eskola egutegia eta ordutegia prestatzeko jarraibideak onesten baitira 2026-2027 ikasturtean Nafarroako Foru Komunitatean honako ziklo hauek modalitate presentzialean ematen dituzten ikastetxeetarako: Lanbide Heziketako Sistemako D graduetako oinarrizko mailako, erdi mailako eta goi mailako zikloak, eta arte plastikoetako eta diseinuko lanbide irakaskuntzetako erdi mailako eta goi mailako zikloak.
Aztertu da Lanbide Heziketako Plangintza eta Integrazio Zerbitzuko zuzendariak egindako txostena, 2026-2027 ikasturterako Nafarroako Foru Komunitateko Lanbide Heziketaren Sistemako D graduetako oinarrizko mailako, erdi mailako eta goi mailako zikloei, eta arte plastikoetako eta diseinuko lanbide irakaskuntzetako erdi mailako eta goi mailako zikloei dagozkien eskola egutegia eta ordutegia egiteko jarraibideak onartzeko, eta Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuan emandako ahalmenez baliatuz,
EBAZTEN DUT:
1. Eskola egutegia eta ordutegia prestatzeko jarraibideak onestea 2026-2027 ikasturtean Nafarroako Foru Komunitatean honako ziklo hauek modalitate presentzialean ematen dituzten ikastetxeetako: Lanbide Heziketako Sistemako D graduetako oinarrizko mailako, erdi mailako eta goi mailako zikloak, eta arte plastikoetako eta diseinuko lanbide irakaskuntzetako erdi mailako eta goi mailako zikloak.
2. Ebazpen hau eta eranskina Nafarroako Aldizkari Ofizialean argitaratzea.
3. Ebazpen honen eta dagokion eranskinaren aurka gora jotzeko errekurtsoa jartzen ahal da, Hezkuntzako kontseilariari zuzendua, hilabeteko epean, Nafarroako Aldizkari Ofizialean argitaratu eta hurrengo egunetik hasita.
4. Ebazpen hau eta eranskina igortzea, behar diren ondorioak izan ditzaten, Hezkuntzako eta Lanbide Heziketako Zuzendaritza Nagusiari, Langileriaren eta Azpiegituren Zuzendaritza Nagusiari, Hezkuntzako Informazio Sistemen Zerbitzuari, Hezkuntzako Teknologien eta Informazio Sistemen Zerbitzuari, Hezkuntza Zerbitzuen eta Ikasketetarako Laguntzen Zerbitzuari, Hezkuntzako Ikuskapen Zerbitzuari, Inklusio, Berdintasun eta Bizikidetza Zerbitzuari, Antolamenduaren, Prestakuntzaren eta Kalitatearen Zerbitzuari, Ikastetxeetako Informazioa Kudeatzeko Atalari eta Eskolatze Bulegoari.
Iruñean, 2026ko apirilaren 27an.–Hezkuntzako eta Lanbide Heziketako zuzendari nagusia, Gil Sevillano González.
ERANSKINA.–NAFARROAKO FORU KOMUNITATEAN LANBIDE HEZIKETAKO SISTEMAREN D GRADUETAKO OINARRIZKO MAILAKO, ERDI MAILAKO ETA GOI MAILAKO ZIKLOEI, ETA ARTE PLASTIKOETAKO ETA DISEINUKO LANBIDE IRAKASKUNTZETAKO ERDI MAILAKO ETA GOI MAILAKO ZIKLOEI DAGOZKIEN EGUTEGIA ETA ORDUTEGIA PRESTATZEKO JARRAIBIDEAK, 2026-2027 IKASTURTERAKO
Egutegia.
Eranskin honetan aipatzen diren irakaskuntzen eskola egutegiak baldintza hauek bete beharko ditu:
1. Ikastetxeetan, 2026-2027 ikasturtea 2026ko irailaren 1ean hasiko da, eta 2027ko ekainaren 30ean bukatuko.
2. Ikastetxeek berariazko egutegi proposamen bat prestatu beharko dute, honako baldintza hauek betez:
a) Eguberrietako oporrak: abenduaren 23tik urtarrilaren 10era bitarte, biak barne.
b) Aste Santuko oporrak: martxoaren 25etik apirilaren 4ra bitarte, biak barne.
c) Jaiegunak, Nafarroako lan egutegi arruntaren arabera: urriaren 12a, azaroaren 2a, abenduaren 3a eta abenduaren 8a. Lanbide Heziketaren Plangintza eta Integraziorako Zerbitzuak behar diren jarraibideak emanen ditu erabakitzen bada beste jaiegunen bat ezartzea eta, horrenbestez, eskola egutegia aldatzea.
d) Hezkuntzako zaindariaren jaieguna: urtarrilaren 31 hezkuntza sistemaren lanbide heziketako irakaskuntzetarako, eta urriaren 22a arte plastikoetako eta diseinuko lanbide irakaskuntzetarako. Ikastetxeek zilegi izanen dute ospakizun hori beste egun batera pasatzea.
e) Herriko jaieguna: Nafarroako Foru Komunitateko herrietako jaiegunak zehazten dituen arauan ezarritakoa. Data hori eskola eguna ez den egun batean egokitzen bada, ikastetxeak beste egun bat hautatzen ahalko du.
f) Ikastetxeak erabakitako eskola egunez gainerako egunak, aurreko ataletan jaiegun gisa finkatu ez direnak, eskolarik gabeko lanegunak izanen dira, gehienez ere 5 egun, eskolak hasten direnetik amaitzen diren arte.
g) Ezin izanen dira erabili d), e) eta f) letretan aipatzen diren egunak eguberrietako eta Aste Santuko oporraldiak luzatzeko.
h) Abenduaren 22a eta martxoaren 24a eskola egunak izanen dira, baina goizez bakarrik.
i) Irakaskuntza mota bat baino gehiago ematen duten ikastetxeek egun bakar batean bateratzen ahalko dituzte irakaskuntza mota desberdinei dagozkien zaindarien jaiegunak, baina ez dituzte inolaz ere ezarriko zaindarien jaiegun guztiak ikasle guztientzat.
3. Gainera, egutegiaren proposamen espezifikoak baldintza hauei erantzun beharko die, eskolen hasierari eta bukaerari eta eskola egunei dagokienez:
a) Modalitate presentzialean, eskolen hasiera eta bukaera horrela izanen dira:
–Oinarrizko mailako zikloak: 2026ko irailaren 4an hasiko dira lehen eta bigarren ikasmailako eskolak, eta 2027ko ekainaren 18an amaituko dira.
–Erdi mailako zikloak: lehenengo eta bigarren ikasmailako eskolak 2026ko irailaren 11n hasiko dira (erdi mailako ikaspostu hutsak esleitzeko prozedura bukatu ondoren), eta 2026ko ekainaren 18an bukatuko dira.
–Goi mailako zikloak: lehenengo ikasmailako eskolak 2026ko irailaren 16an hasiko dira (erdi mailako ikaspostu hutsak esleitzeko prozedura bukatu ondoren), eta bigarren ikasmailako eskolak, aldiz, 2026ko irailaren. Bi ikasmailetan 2027ko ekainaren 18an amaituko dira.
–Eskolen hasierari dagokionez, curriculumeko irakaskuntzako eskola jarduerak ingurune naturaletan egitea eskatzen duten heziketa zikloetan, eskolak dagokion mailan hasteko ezarritako eguna baino lehen hasten ahalko dira.
b) Eskola egunak:
–Hezkuntzari buruzko maiatzaren 3ko 2/2006 Lege Organikoaren bosgarren xedapen gehigarrian ezarritakoarekin bat, 175 eskola egun izanen dira, gutxienez, oinarrizko mailako zikloak barne hartzen dituzten derrigorrezko irakaskuntzetarako.
–Hezkuntzari buruzko maiatzaren 3ko 2/2006 Lege Organikoaren bosgarren xedapen gehigarrian ezarritakoarekin bat, 175 eskola egun izanen dira, gutxienez, oinarrizko mailako zikloak barne hartzen dituzten derrigorrezko irakaskuntzetarako.
c) Lanbide Heziketako irakaskuntzak ematen dituzten ikastetxeek egokitu egin beharko dute ikastetxeari dagokion prestakuntza egiten den eskola egunen kopurua, ziklo, talde eta ikasle bakoitza kontuan hartuta, enpresako edo erakunde parekatuko prestakuntza-aldiko prestakuntza planetan xedatutakoaren arabera.
Kontuan hartu beharko da enpresako edo erakunde parekatuko prestakuntza-aldiaren bukaera, oro har, 2027ko maiatzaren 21a izanen dela, ikastetxean prestakuntzaren azken sekuentzia bat egon dadin, non, beste jarduera batzuen artean, ikaskuntzak enpresa edo erakunde parekatuetan partekatuko diren, ikasle guztien ikaskuntza orokorra errazteko.
4. Azken ebaluazio partzialari eta azken ebaluazioari buruzko alderdiak:
–Ebaluazio partzialeko azken saioko proben datak egokituko dira, ziklo, talde eta ikasle bakoitzerako, taldearen prestakuntza planetan xedatutakora, Lanbide Heziketako irakaskuntzen kasuan, bai eta enpresa, estudio edo lantegietako prestakuntza-fasea egiteko eta bukaerako obraren modulua eta proiektu integratuaren modulua antolatzeko hitzarmenetan xedatutakora ere. Bi kasuetan, aldi hori antolatzeko orduan, bete beharko da Hezkuntzaren eta Lanbide Heziketaren zuzendari nagusiak ezartzen duena hezkuntza sistemaren lanbide heziketako irakaskuntzak eta arte plastikoetako eta diseinuko lanbide irakaskuntzak ematen dituzten ikastetxeen antolaketa eta funtzionamendurako jarraibideak onesteko ebazpenean.
–Bukaerako ebaluazioari dagozkion ebaluazio probatzat hartzen diren prestakuntza jarduerak, oro har, 2027ko ekainaren 4tik aurrera eginen dira, kontuan izanda 2027ko ekainaren 18a azken eguna dela ikasleei bukaerako ebaluazio deialdiari dagozkion kalifikazioak emateko.
–Salbuespen bat dago adierazitako datetan: Lanbide Heziketako goi mailako zikloetako bigarren ikasmailako ikasleentzat, prestakuntza enpresa batean edo erakunde parekatu batean egin edo jaso badute, eta Arte Plastikoetako eta Diseinuko goi mailako zikloetako bigarren ikasmailako ikasleentzat, enpresa, estudio edo tailerretako praktika-fasea egin badute eta unibertsitatera sartzeko proba egin nahi badute. Ikasle horien kasuan, moduluen eta zikloaren azken kalifikazioa egin beharko da halako eran non posible izanen baita Nafarroako Unibertsitate Publikoari jakinaraztea eta igortzea, hark zehazten duen prozeduraren bidez, ikasleen zikloko azken kalifikazioa, baldin eta kasua bada unibertsitatera sartzeko proban izena eman dutela eta deialdi arruntean egina dutela. Betiere, izan beharko da unibertsitatera sartzeko probaren behin betiko emaitzak argitaratu baino lehen eta kalifikazio-txartela deskargatu baino lehen. Data zehatzak Lanbide Heziketaren Plangintza eta Integraziorako Zerbitzuko zuzendariaren jarraibideen bidez finkatuko dira.
Aldi horiek ikasturtearen hasiera-dataren eta eskolak hasi aurreko egunaren artean eta eskolak bukatu eta hurrengo egunaren eta ikasturtearen bukaera-dataren artean daude.
5. Irailaren 1etik eskolak hasi bitarteko egunetan, ikasturtearen antolaketarekin zerikusia duten jarduerak eginen dituzte irakasleek.
6. Eskolak bukatu eta ekainaren 30era arte, lan hauek eginen dira: ikasturtearen berrikusketa eta ebaluazio lan berariazkoak, modulu bakoitzaren memoria didaktikoak, departamentuen memoriak, azken memoria, orientazioa, erreklamazioak, ikasleak, familiak eta legezko ordezkariak hartzea eta beharrezkoak diren egintza akademiko eta administratibo guztiak, baita hurrengo ikasturtea antolatzearekin lotutako jarduerak ere.
Eskola egunak.
7. Oro har, eskola egunak prestakuntza jarduerak egiteko erabiliko dira, besteak beste, ebaluazioko prestakuntza jarduerak egiteko.
8. Eskola egunetan eskolak eteten ahalko dira Hezkuntzako eta Lanbide Heziketako Zuzendaritza Nagusiak lehentasunezkotzat jotzen dituen jarduerak egiteko.
9. Oro har, ebaluazio bilerak eta klaustroak ezin izanen dira eskola orduetan egin.
Prestakuntza-aldi praktikoa enpresetan, estudioetan edo lantegietan Obra bukaerako modulua, proiektu integratuaren modulua.
10. Arte Plastikoetako eta Diseinuko zikloetan, enpresa, estudio eta tailerretako praktika-fasea, bigarren ikasmailako hirugarren hiruhilekoan egiten denean, fase hori egin aurretik ikastetxean egindako moduluen ebaluazio partzialaren ondoren hasiko da, Arte Plastikoetako eta Diseinuko zikloetan izan ezik, beste tenporalizazio bat baimendu bada ziklo horietarako.
11. Arte Plastikoetako eta Diseinuko erdi eta goi mailako heziketa zikloetako obra bukaerako prestakuntza modulua eta proiektu integratuaren prestakuntza modulua, modulu horiek asteko eskola saiorik ez duten zikloetan, oro har, fase hori egin aurretik Arte eta Goi Mailako Eskolan egindako moduluen ebaluazio partziala egin ondoren hasiko dira egiten.
12. Enpresa, estudio eta tailerretako praktiken fasea antolatzeko, eta erdi mailako zikloetan obra bukaerako modulua egiteko, eta goi mailako zikloetan proiektu integratuaren modulua egiteko, kontuan hartzen ahalko da horiek elkarren segidan egitea (hasiera ematen ahalko zaio, enpresa, estudio eta tailerretako praktiken fasearekin, baita obra bukaerako moduluarekin edo proiektu integratuaren moduluarekin ere), edo aldi berean egitea.
Ordutegi orokorra.
Eranskin honetan aipatzen diren irakaskuntzen eskola ordutegiak baldintza hauek bete beharko ditu:
13. Eskolak, oro har, goizez eta/edo arratsaldez emanen dira, astelehenetik ostiralera.
–Astean 30 eskola saio emanen dira. Goiz edo arratsalde erdian, hogeita hamar minutuko atsedenaldia izanen da. Nolanahi ere, ikasle talde batek edo irakasleek goiz eta arratsaldeko saioak badituzte, orokorrean, gutxienez ordu eta erdiko atsedenaldia utzi beharko bi eskolaldien artean.
–Irakasjarduna, hala dagokionean eta enpresan edo erakunde parekatuan prestakuntza egitearen eraginpean dagoenean, dagozkion prestakuntza planetan xedatutakora egokituko da.
–Ikasteko metodologia berriak aplikatzen dituzten ziklo eta moduluetan, eskola saioak metatzen ahalko dira, edo saio laburragoetan zatitu, proiektu metodologikoak ezartzen duena modu koherentean egokitzeko ikasketen inguru berrira, eta irizpide pedagogikoak oinarri hartuta.
14. Oro har, eskola saioak 55 minutukoak izanen dira.
15. Ikastetxeek eskola ordutegia luzatzeko eskatzen ahalko dute, zenbatean luzatu nahi duten proposatuta, ordubete gehienez ere egunean. Luzapen horrek ez du inola ere ekarriko ituna handitzea ikastetxe pribatu itunduetan, ez eta plantilla ere ikastetxe publikoetan, eta ez die inolako kosturik eraginen ikasleen familiei eta legezko ordezkariei. Hezkuntzako Ikuskapen Zerbitzuak onetsi edo ukatuko du, bideragarritasunaren arabera.
16. Eskola garraio bera partekatzen duten ikastetxe guztiek, nahitaez, zerbitzu horren ordutegiarekin bateragarriak diren egutegia eta ordutegia aurkeztu beharko dituzte.
17. Lanbide Heziketa, Arte Plastikoetako eta Diseinuko lanbide irakaskuntzak, Batxilergoa eta Derrigorrezko Bigarren Hezkuntza ematen duten ikastetxeak herrigune berean edo eskola garraioaren ibilbide berean baldin badaude, eta guraso elkarteen eta Nafarroako Gobernuaren artean partekaturiko garraioaz baliatu ohi badira, beren artean koordinatuko dituzte sarrera-irteerako ordutegiak.
Gainera, eskola garraioaren zerbitzu horrekin bateragarria den egutegi eta ordutegi bat aurkeztu beharko dute nahitaez.
Izapidetzea.
Tramitazioa egiteko, honela jokatuko da:
18. Zuzendariek egutegi eta ordutegi proposamenak igorriko dituzte Hezkuntzako Ikuskapen Zerbitzura, EDUCA kudeaketa programaren bidez, Eskola Kontseiluak onetsi ondoren. Horretarako azkeneko eguna 2026ko ekainaren 12a izanen da. Adierazitako egunetarako eskola kontseilurik ez duten ikastetxe bateratuen kasuan, zuzendariek, irakasleen klaustroak zehaztutako eta entzundako prozeduraren bidez, egutegiaren eta ordutegiaren proposamenak bidaliko dizkiote Hezkuntzako Ikuskapen Zerbitzuari, 2026ko ekainaren 12an gehienez ere, eta, horretarako, EDUCA kudeaketa programa erabiliko dute.
19. Hezkuntzako Ikuskapen Zerbitzuak egutegiak eta ordutegiak onetsi edo ukatuko ditu, haiek aztertu ondoren. "EDUCA" kudeaketa programak ematen duen informatikako euskarriaren bidez iritsiko zaie ikastetxeei Hezkuntzako Ikuskapen Zerbitzuaren jakinarazpena. 2026ko ekainaren 22rako inolako jakinarazpenik jaso ez duten ikastetxeetako egutegiak eta ordutegiak onetsitzat joko dira.
20. Ikastetxeren batek bere egutegiaren proposamena aipatu epean bidaltzen ez badu, Hezkuntzako Ikuskapen Zerbitzuak ofizioz esleituko dio eranskin honen 1. atalean (Egutegia) ezarritako baldintzak betetzen dituen egutegi bat.
21. Egutegia eta ordutegi orokorra, onetsi ondoren, Nafarroako Foru Komunitateko ikastetxe publiko eta pribatu itundu guztiek nahitaez bete beharko dituzte. Ikastetxeko zuzendariaren erantzukizuna izanen da horiek betearaztea, eta haien aplikazioa gainbegiratzea eta kontrolatzea, aldiz, Hezkuntzako Ikuskapen Zerbitzuaren gain egonen da.
22. Ikastetxe bakoitzaren eskola egutegia eta ordutegia ikastetxeko iragarki taulan eta web-orrian jarri beharko dira, eta ez dira inola ere aldatzen ahalko Hezkuntzako Ikuskapen Zerbitzuaren baimenik gabe.
Salbuespenak. Aldaketak.
23. Eranskin honetan xedatutakoaren edozein salbuespen egiteko, ikastetxeak eskatu beharko dio, arrazoituta eta eskola kontseiluak onetsi ondoren, Hezkuntzako Ikuskapen Zerbitzuari, azter dezan eta, hala badagokio, onar dezan. Eskola kontseilurik ez duten ikastetxe integratuen kasuan, zuzendariek, irakasleen klaustroak zehaztutako eta entzundako prozeduraren bidez, eranskin honetan xedatutakoaren edozein salbuespen eskatu beharko diote Hezkuntzako Ikuskapen Zerbitzuari arrazoituta, aztertu eta, hala badagokio, onar dezan.
24. Prestakuntza egiten den enpresaren prestasunean eta tipologian izandako aldaketen ondorioz, prestakuntza hori enpresan edo erakunde parekatuan hasieran aurreikusitakoaz bestelako modu batean egin behar denean gerora sortutako egoeren ondorioz, eta eskola egutegia eta ordutegia aldatu behar denean, eskola egutegiaren eta ordutegiaren proposamen berri bat igorriko diote Hezkuntzako Ikuskapen Zerbitzuari, dagozkion aldaketak gehituta. Hezkuntzako Ikuskapen Zerbitzuak, proposatutako aldaketak aztertu ondoren, aldeko txostena emanen du, edo, bestela, onartzeko behar diren oharrak eginen ditu.
25. Egutegia onartu eta gero ikastetxeren batean onartzen bada metodologia aktiboko proiektuak erabiltzea, zuzendariek egutegiaren eta ordutegiaren beste proposamen bat bidaliko dute Hezkuntzako Ikuskapen Zerbitzura, non jasoko baitira garatu beharreko proiektu metodologikoaren ondoriozko aldaketak. Hezkuntzako Ikuskapen Zerbitzuak, proposatutako aldaketak aztertu ondoren, aldeko txostena emanen du, edo, bestela, onartzeko behar diren oharrak eginen ditu.
Iragarkiaren kodea: F2606404
